一豚豬手專門店 (永德大廈) (Closed)

曾經偶爾見到有foodie介紹過呢間店舖，話有個脆脆豬肉卷嘅產品好食，所以今日襯著屋企人生日，經過銅鑼灣嘅時候去睇下。一去到就見到門口既哩個卷，望落好靚仔，好吸引。門口阿姐好順勢咁sale我買，第一次試唔敢買太多，所以就要咗半條，最後喺$73。夜晚食嘅時候，個面頭嘅皮有d脆有d唔脆嚕，不過佢既肥瘦適中，調味冇過鹹（我唔鐘意有d燒味店整到d燒肉底個層好鹹，好難食），屋企人都讚話好好食，如果即刻食一定好好味。推介俾大家。

由一豚銅鑼灣店開張開始已經幫襯過好多次，介紹左好多朋友仔食佢既韓式豬手; 不過基本上除左豬手好食外，試過好多其他韓式泰式小食都麻麻地。7月7號晚買左雞脾同豆腐返屋企，打開包裝想食時發現舊豆腐上面有兩條毛髮，真係好嘔心，即刻無晒胃口。本身只係諗住買雞脾, 但俾錢時有位員工係廚房拎住盆豆腐出黎, 大大聲話係新鮮出, 所以臨時先買多一舊豆腐。如果真係如果位員工所講新鮮出黎, 咁快就有兩條毛係上面...真係好令人質疑工場或店內衛生情況。事後亦已whatsapp俾一豚投訴, 佢地已道歉亦都Offer返免費一隻雞脾俾我下次去領取, 但真係無下次。

每次經過都俾呢間嘢啲香味吸引咗，啲豬手真係超級香。之前其實己經食過一次豬手，店家會幫手切好一片片，豬手厚肉而不肥膩，食落又嫩又入味，真係好好食😋。不過今次試吓其他嘢，見到雞髀咁大隻，好似就嚟賣晒，於是我哋就買嚟try try佢。🍗 韓汁嫩雞髀 $28呢隻雞髀真係超級大隻，拎上手好有份量，睇落色澤好靚。啖啖肉🍖咬落去真係幾滿足，食肉獸一定會覺得爽。面頭嘅皮好入味，連平日唔多鍾意食雞皮嘅我都接受到。成隻雞髀啲肉都係滑捋捋，連入面嘅肉都唔會鞋。但問題就係隻雞髀太厚肉，入面少少嘅肉係無咩味。同埋可能係最後一直擺得耐，所以隻雞髀無咁熱，食落凍凍地，應該熱辣辣♨️會更好食，整體嚟講都係比較推介豬手！👅評分：6.5/10

女友行過一豚，見到店鋪入面D燒排骨好正好吸引，影咗D相發俾我，問我意見.望一望價錢，最平都要五十蚊，頗貴，反而D五花腩外相更吸引，於是買咗一件，燒雞一隻，韓式滷水牛筋一份.優點：1, 店鋪齊整乾淨2, 選擇不少，有D眼花繚亂.3, 五花腩豬肉部份唔鞋口，肉質鬆軟.缺點：1, 燒雞肉質鞋口，失望.2, 牛筋有兩個口感，唔夠諗又有，諗嘅又有，即使諗果幾件，都炆得唔夠諗，可能"韓式滷水"就係咁，總之唔啱我胃口.3, 想話買半隻雞，唔得，要買就買全隻，中伏囉！4, 價錢唔算平.其實D預制件都預咗唔會特別正，性價比低，俾唔落好評, 俾ok係服務態度良好攞翻唔少分.

放工咁啱經過鵝頸橋聞到好香嘅味道又有人排隊，所以就比次機會試下。同朋友一人一隻韓式滷水豬手，各自喺隔離街市買左生菜，再加埋泡菜，諗住會超級韓式～點知好失望。1. 味道唔三唔四： 同韓式完成無關係，唔知啲師傅食過韓式未。但亦都無咩滷水味，真心Fusion熟食嘅豬手好食過佢多多聲🥲 韓式仲要貴過黑椒味。2. 口感似硬膠：好硬，唔系正常熟食豬手軟淋淋嘅口感，好幾舊咬極都分唔開，放棄咗。原本以為自己果舊有事，點知朋友成家人都系比劣評， 晒咗quota勁失望，就算放咗買$100平$50 coupon都唔會再encore。哪怕佢淋少少我都唔會比咁負嘅負評。唉。