三姐松記糖水 (Closed)

今天同友人途經深水埗，見前面有間糖水舖，可以容許我們停下來歇腳之餘，又可以歎下甜品。打開menu，看見店主特別注明全部甜品現場製作確保新鮮，給食客安心保證。店舖環境寬敞。芒果腸粉 （凍）$35外身滑溜溜，爽口，皮薄，包着原條芒果。在芒果腸粉上加上芝麻，令視覺上看起來不會太單調。另加芒果汁，柔滑甜心，美味可口。榴櫣處處 （凍）$58D24 榴槤紫米露欣賞店主大膽嘗試選用榴槤配搭於紫米露上，混合出來味道不會很奇怪又不會難於入口，是一個新嘗試設計。Baileys 朱古力心太軟配益力多雪糕 (凍) $58雖然這間甜品店於舊區深水埗，但店主製作朱古力心太軟不比其他甜品店遜色。用上出名Baileys朱古力為材料，濃滑美味。另外可品嚐啖啖益多味的雪糕，感覺新穎。

今日去開深水埗, 經過三姐松記糖水鋪,而又想食甜品, 於是就入去試試。這間糖水鋪有傳統糖水芝麻糊,蛋白燉奶杏仁皇和特色的新穎品如芒果腸粉, 很多款口味,選擇算多。 比利時朱古力心太軟配益力多雪糕 $48 賣相誘人, 朱古力心太軟非常流心。雪糕平時通常是抹茶或是雲呢嗱。這間店鋪改配益力多味的雪糕,很新穎。 芒果腸粉$35 腸粉精瑩通透,口感滑嫩如絲。腸粉面灑上芝麻。腸粉包住甜甜的芒果,很好吃。 榴槤處處 $58這個榴槤處處有D24榴槤紫米露,一件D24榴槤班戟和榴槤雪糕 榴槤紫米露:裡面有榴槤肉, 估不到紫米露和榴槤都可以配搭得宜。 榴槤班戟:很香的榴槤味, 已被它深深吸引著了, 因為我非常喜愛吃榴槤。 榴槤雪糕:榴槤雪糕我都是第一次吃。非常香滑,令人回味。

深水埗糖水店不二之選，勝在款底夠多，價錢又抵食 ! 你可能真的會覺得，比松記更好吃 !!MENU設計精緻，每款糖水甜品都有圖片供以參考輔助芝麻糊 + 芝麻湯圓 - 整碗糖水都非常芝麻 ! 芝麻味道極香濃，不會有太粉狀的口感，可說是香濃細滑 !芝麻湯圓大大粒，令整個口感再進一步被黑芝麻侵占 ~ 其實客人都可以選擇湯圓的味道的，例如花生味等等鴛鴦班戟 (凍) - 若果有同枱朋友，一個只喜歡芒果味的班戟，一個只喜歡榴槤味的班戟，可以怎辦呢，坊間又確實不多甜品店有提供兩者集於一身的款式，但今天開始，這個問題就可以解決了 ! 這間甜品店就大膽地將兩者放於一起，做成鴛鴦班戟 ! 而榴槤為例，整體質感飽滿，當中亦不只得CREAM在內，包含大量榴槤肉，而餐廳更標榜是 D24 榴槤來的 ! 所以榴槤肉的口感都特別香，肉質極豐富，是一個很不錯的選擇 特盛宇治芋圓仙草凍 (凍) - 整體份量多，賣相亦相當吸引相當豐富的配料，例如包括牛乳，紅豆，仙草凍等等 ; 當然重點之一的就是芋圓，雖然芋圓的份量不算是很多，不過其口感就非常好，很煙韌且不硬，配合所有配料一起吃，感覺很滿足 !

今日晏晝成30度 又焗又熱 真係唔想再喺條街度停留 食番碗透心涼嘅糖水就最好不過啦門口張貼多款透心涼甜品嘅照片 見到已經心心眼上網睇過 位於深水埗嘅三姐松記糖水口碑幾好 除咗賣相得之外 食材都選用新鮮的 而且選擇多不勝數 喜歡傳統的或是喜歡新穎的 都能在這裏找到牆上掛著一些風景的照片和小小的盆栽裝飾 帶點溫馨嘅感覺 既簡約又簡潔甘露配雪糕$34鮮黃色嘅楊枝甘露不但有芒果濃厚的香味 而且有熟透嘅芒果肉 味道一點也不酸而且每一啖都有煙煙韌韌嘅西米 伴著雪糕一齊食 涼快嘅感覺從心頭湧上榴槤處處$58榴槤紫米露+榴槤班戟+榴槤雪糕喜歡吃榴槤嘅朋友一定要試下呢個榴槤處處有真真正正嘅榴槤肉 味道香濃真實 有三種不同食法 一次過可以滿足三種唔同嘅願望本人最為喜歡榴槤班戟 班戟皮非常薄 包著厚厚嘅忌廉 中間係榴槤肉 又香又滑又軟熟炎炎夏日又點少得一杯消暑嘅飲品呢香芋椰皇冰$33淡淡嘅夢幻香芋紫色 女生最愛密密麻麻嘅細碎冰 非常冰凍 有清新消暑嘅椰皇水味 味道不會太甜臨走仲外賣咗榴槤班戟返屋企同屋企人分享

晚飯過後，最岩就係食糖水，係深水埗就緊係要食三姐，牆上有部分openrice推介既甜品裝修簡約先黎個綿綿冰先，一睇就覺得好入味，皆因佢好提子色，側邊仲有d椰果、啫喱、芒果伴碟，食落真係有好濃好濃既巨峰提子味，冇花冇假，鍾意食落味既話一定岩哂呢碟就真係好多芒果，有芒果雪糕、芒果同芒果布甸，一次過就滿足哂芒果迷既要求呢個就椰汁味重d，皆因有好多椰漿係面，仲有d椰果、啫喱和涼粉墊底食完d凍野，緊係要食返d熱野中和返，呢個甜品個面就好似一塊鏡咁滑，上面係杏仁糊，下面就係燉奶，一次過可以食到兩種甜品，食落杏仁味又唔會蓋過燉奶既香味，兩樣一齊食都幾夾不得不讚呢個椰皇，可以話係我食過最好食既椰皇，雖然size一般但面層好滑食落好重椰味食完有重好健康既感覺心太軟等既時間需要15分鐘中間好流心呀

難得放假食完飯同家姐去屋企附近食個糖水食左個皇牌推介 雪山榴連正 份量足之外 榴連肉好香好濃好滑 西米露配合白珍珠 口感一點也不單調清新的底再配濃味的榴連 好夾呀之後我仲唔夠喉 叫埋榴連pancake 我成個口都係榴槤味呀 爽啊！個皮好薄 有份量好足嘅榴槤肉再配啲都唔留的cream 推介我係一個榴連控 之後我家姐叫咗一個甘露配雪糕初初好奇怪諗緊乜嘢係甘露原來係楊枝甘露再加雪糕 幾特別個名雪糕我揀咗雲呢拿味 幾清新個楊枝甘露好味 芒果好甜又多 䄂子肉不酸好甜

講開去松記食糖水，好多人都係諗起連鎖開果間，但如果講好食，我一定會簡呢一間三姐松記。一坐底就見到<<OPENRICE>> 熱評如潮 必吃 呢幾個字，就知道要試試啦最後由益力多綿綿冰、蜂蜜牛乳綿綿冰、D24榴槤綿綿冰、巨峰提子綿綿冰入面，就簡左巨峰提子綿綿冰巨峰提子綿綿冰 --- 巨峰提子味極濃，唔會似一D 舖頭嘅綿綿冰味道過淡。椰皇蛋白燉奶 --- 新鮮出爐熱辣辣，口感軟滑而且唔會太甜，好味。蛋白燉奶杏仁皇 --- 開頭以為係杏仁奶燉椰皇，黎到先知原來係杏仁糊加蛋白燉奶 芒果大滿載 --- 芒果好甜，呢個時候仲食到D 咁甜嘅芒果好難得，鐘意食芒果嘅朋友必點心太軟配益力多雪糕 --- 食完個益力多雪糕有D心動想食埋個益力多綿綿冰BINGO附上餐牌

中學時曾在深水埗讀書，重遊舊地，與友人到甜品店品嚐甜品。室內寛敞，場地大而光亮，適合大班朋友聚會。有食客一邊吃糖水，一邊看書。友人喜愛榴槤，點了一個榴槤處處($58)。內有D24榴槤班戟、D24榴槤紫米露及榴槤雪糕。上桌時榴槤香撲鼻，班戟內帶點榴槤肉粒，是三款中最好吃。紫米露的紫米味重，不會太甜，唯不見有榴槤。榴槤雪榚同樣帶濃榴槤味。我則喜愛芒果，點了芒果出奇蛋($48)，內有芒果班戟、楊枝甘露和芒果雪糕。芒果班戟上半部份是忌廉，下半部份是芒果肉粒，芒果粒新鮮，班戟皮煙靭，是最好吃的甜品。楊枝甘露內有大量西米，面層鋪上大量甜西柚粒。在其它店吃過很酸的西柚粒，幸好這裡的西柚粒是甜的。兩個甜品不夠，我們多點一個特盛宇治芋圓仙草凍($35)，原來可選雪糕，就依餐單上展示點了綠茶雪糕。綠茶雪糕綠茶味濃，蕃薯味芋圓比較甜，紫薯圓芋圓較香，紅豆又甜又腍，涼粉爽、滑、凍，眾多配料中最愛紫薯圓。餐單甜品很多種類，芒果系列和芋圓都是我較喜歡的甜品。

After finishing an appointment with one of my clients, it was already around 3pm plus and we were feeling abit hungry. Since both of us still have some spare time, we decided to have desserts nearby. We went to 三姐松記糖水 for desserts. It was located at Un Chau Street, around 6 minutes walk from Cheung Sha Wan MTR.They served traditional and western desserts, as well as light snacks etc. Since it was at Sham Shui Po district, their pricing was very affordable. Papaya soup with snow fungus - This des

今日出開深水步買瀘水器，貨比三家下，買完都個多小時，當然又要找個地方坐低食下野。記得之前食過三姐幾抵食，味道也不差，就近近地去三姐食碗糖水。＊＊＊＊＊＊＊＊＊三姐是一間港式甜品店，無論港式甜品、西式甜品或中式糖水都有提供，而且大部份都是二十多至三十多元，比起現在動軏一個甜品都五六十元的新式甜品店便宜得多。榴槤處處($58)榴槤處處包括三個迷你甜品，由左至右分別是榴槤雪糕、榴槤班戟和榴槤紫米露和，店家標榜榴槤都是D24榴槤。榴槤雪糕不特別幼滑，估計是店家自家製，榴槤味還可以。榴槤班戟皮夠薄，忌廉中間有榴槤肉，榴槤味都算突出。榴槤紫米露中間也有榴槤肉，不過榴槤被紫米遮蓋了不少。桂花圓肉燉雪梨($29)天氣乾燥，食個燉雪梨就最適合不過，潤喉又潤肺。燉盅內放滿雪梨和龍眼肉，非常足料，甜度也適中。薑茶湯丸($15)薑茶湯丸$15有五粒，絕對是抵食之選。薑茶薑味超濃，冬天食最啱，食完寒意全消。湯丸皮不算得別薄，但也可接受，餡料可選芝麻或花生。總結，個人認為中式糖水比西式甜品做得出色，味道雖然不算有驚喜，但勝在價錢平，想坐低食個甜品最啱。

今天逛旺角，剛好朋友在深水埗，故約好去吃糖水。雖然晚餐已經吃得飽飽的，但是對甜品總是有另一個胃。此店枱與枱之間不算很擠迫，而且雖然我們吃了好一陣子，亦沒有催趕。點了特濃朱古力心太軟，外脆內軟，而且朱古力漿流出來，令人垂涎欲滴。另外點了法式脆糖燉蛋配檸檬青檸雪葩，燉蛋面是焦糖，很脆，而燉蛋很滑。雪葩有青檸味，味道清新，淡淡的。還點個中式甜品，芋圓丸，但除了芋圓，還有芋泥、地瓜圓、芝麻湯圓、明珠及薏米。材料十分豐富，很柔韌，但和台式的有點不同。今天吃了一餐又一餐，最後以甜品結束美好的一天。

店面感覺乾淨清新，裝修簡潔明亮，有空間感。甜品款式好多，菜單加入了新元素去迎合年輕人口味。比利時心太軟配益力多雪糕即叫即焗，下單後等十分鐘就到。心太軟微暖，一切開有8成都係流心！朱古力好漿口又濃郁，帶苦味不太甜，岩哂我口味！外層鬆化，一百分。益力多雪糕唔好食，唔係好似益力多，只係小小酸味既雪巴。椰皇凍細細個既椰重有薄薄一層椰子肉，好輕易就刮到落黎，可以配合果凍一齊食。椰子水清甜，加入魚膠粉製成凍。要挑剔嘅係魚膠粉太多，有啲實。花奶都幾多，食左幾啖就好飽。芒果腸粉身為一個芒果控就一定要食呢個。一層椰汁糕包住整整一舊芒果，比例係1分椰汁皮9分鮮芒果，正！

我吾知多吾多熟客知道三姐轉左手，啲野差左勁多，心太軟，皮林既，入面朱古力都未溶，雪糕有怪味既，我另名叫個個紫米跟個個榴連雪糕，入未勁多冰塊，無榴連既，兩個甜品埋單成舊水，差到呢

餐廳店面明亮寬敞，墻身掛左好多唔同地方嘅風景照，有希臘亦都有日本嘅櫻花，睇住真系覺得好舒服令人心境平靜放松。可能時間尚早，未見到有好多客人，但系一路食已經有人不斷入嚟買外賣，生意好似都唔錯。

喺深水埗食完飯，當然要去附近嘅甜品鋪頭試吓啲糖水啦，經過一間叫做《三姐松記糖水》，門口擺放嘅甜品圖片非常吸引，急不及待入去坐低食。因為我朋友比較鍾意食心太軟，所以一早已經叫定左，大約等15分鐘已經有得食啦。最後我哋揀咗「Baileys朱古力心太軟」，比起特濃心太軟貴＄10，賣相吸引之餘，仲有雲呢拿雪糕伴隨，兩者一齊食可以中和味道，心太軟外皮香脆，朱古力醬非常濃郁。我就叫咗「法式焦糖燉蛋伴青檸雪芭」，焦糖燉蛋表面香脆鮮甜，配以底下好滑嘅燉蛋一齊食，非常滑溜嘅口感。除此之外，好少食到青檸味道嘅雪糕，食落去味道淡淡地好清新。最後叫咗一set「芒果出奇蛋」，入面分別有三款甜品，分別係芒果班戟一件、楊枝甘露同埋鮮芒果雪糕，對於芒果迷嘅我們當然感到驚喜，最重要食落去芒果完全唔酸，非常新鮮。最後食咗三款甜品埋單都只係＄150有找，每人平均消費都係＄75，而且價錢合理，難怪全場滿座。