Video
Above information is for reference only. Please check details with the restaurant.
228 views
10幾年冇行山，今日揀左一條BB班的行山路線，就從係獅子教育中心出發行去三星海灘。行左一個鐘就去到三星海灘，今日天氣有啲熱，但是海灘沒有太多人，環境非常舒適！最重要這裡有一間小食店可以坐低唞一唞，沒有其望過小食店的質素，只是醫飽個肚就已經心滿意足。小食店有三張膠枱櫈供客人使用，望著前面無敵的海景簡直一流！小食店有熱食供應，有即沖杯麵又有即製即食麵，另外又有熱狗、燒賣、魚蛋等香港小食。這間小食店獨家經營，附近沒有任何食店提供食物，所以價錢上任人魚肉，但係都係冇辦法。【出前一丁餐肉麵 $42】如果係出前一丁，茶餐廳都會把包麻油另外呈上，但係這裡沒有，而且食落去都冇出前一丁獨有的麻油香味，唔知究竟這真是出前一丁，還是忘記放入麻油呢？沒有期望就沒有失望，在這裡有個地方坐低，望著茫茫大海，已經足夠｡
continue reading