三蘇記

Open Now

Now Closed

這一間小店是做街頭生意，沒排隊，沒遊客，生意一般。 小雲吞麵有四粒，三十八元；大雲吞麵有六粒，五十六元，我對雲吞麵卻有些失望，主打餛飩的雲吞的小店沒有好吃的雲吞： 胡椒粉太多，蝦子不夠新鮮，比起超市買的還差，真是失敗！可能是我吃過最差的一問間！！ 我比較喜歡吃豬手面，南乳豬手麵42元，豬手面啲豬手夠淋身也入味，雖欠些缺層次，但比起大多數香港的小店是煮得好。 地面油油，環境一般，服務是零，隨便吃下是可以的。

我喺腸藏愛好者,甚麼牛腸、豬腸、雞腸通通啱哂我胃口,越多脂肪越鐘意。一向幫襯開蘭香麵家,佢地雞腸同麵嘅份量適中,見以下人兄嚟到三蘇記叫嗰碗雞腸腩河啲雞腸份量都幾多,自己又叫咗碗雞腸麵,雞腸連住脂肪爽滑油香,但可惜分量幼少,麵條完全無彈牙感,浸到想稔哂。另外本來想要碟酥炸鲮魚球,可惜店鋪今日無貨,食完仍然肚餓,於是繼續出去覓食。

雞腸極之軟滑彈牙，油香滿溢，加埋辣豉油，一绝，而家隔幾日就心思思要食，配麵或河粉加腩汁，食不.停口，麵亦進步了，爽口彈牙，十分好。其豬手亦入味軟淋，不過同區康記更好，衰在用即棄，堂食不舒適

味道得，麵唔得，豬手唔得麵有梘水味但奇在一D都唔彈，仲好實豬手炆到皮淋爛，但D肉相反就好鞋硬，以為咬倒骨汁就夠厚身濃烈，如果撈飯應該唔錯見佢有雞腸都想試試，不過麵就免啦仲有鲮魚球last time visited this place was over 5 years ago. due to lack of choice in the area, I came back again yesterday, was super hungry so I ordered what I had in mind before looking through the menu in detail. seems like they added a few more rare items that entices a revisit despite the type of noodles they use is not particularly my cup of tea.

位於西環西寶城對開一個清靜的街角，一向人煙稀少，而三蘇記亦已開了幾年，每次經過不知是疫情關係？還是位置問題？入坐率總是偏低？早前經過石塘咀一帶，想找一個地方食點東西，一邊行一邊找，行到三蘇記，看看門上玻璃的價錢牌，原來是食雲吞麵等，價錢合理，而且清靜，於是便入內坐低。不久有一位男士過來，我隨口便問：這裡有什麼出名的？男士介紹了幾款食物，於是我便叫了一個雲吞麵、炸魚皮和他們自製的伍花茶。伍花茶一向伍花茶是深色的，而他們的自製伍花茶色澤比較淺，還有淡淡的清香菊花味。清熱解毒頗有功效。炸魚皮以前如果在其他食店叫炸魚皮，多數是一碟上的，但三蘇記是用膠袋封好，可保存炸魚皮的脆口和質素。且份量亦不少，放湯食口感味道一流！雲吞麵雲吞內以半隻手指尾部大的爽口蝦仁，配合一小口豬肉碎，好味得來與別不同！另外，麵方面，亦與其他店舖的比較幼，鹼水味不明顯，容易咀嚼。整體來說三蘇記其實用心經營，只是位置偏僻，希望他日多些人，多些生意啦！😉

這間嘅雞腸，我覺得真係全香港數一數二，中環街市旁麵檔的雞腸不能媲美佢哋用新鮮雞腸，洗得很乾淨又保留到肥，沒有古靈精怪，沒有異味，食味不同冰鮮鵝腸或用化學品處理過的雞腸的只有口感沒有靈魂這小店有新鮮雞腸生料可以外賣，現在一斤只賣$58, 真的是小店用心製作，滄海遺珠👍👍就連他們的辣椒油亦加入了蝦米自己製作今日去點了一碗牛腩雞腸麵，上枱時發現竟然都加入了小蝦皮調味小店來說的招呼不能太過苛刻，食物質素非常抵食

搬咗嚟西環幾個月☺️好感恩附近都有好多美食😋三蘇記都算係我較常幫襯嘅小店🥢 每次例牌都一定會叫佢嘅自家製韭菜餃，炸錦鹵雲吞同埋柱侯牛腩， 而餐牌上嘅其他有部分都食過，但係我就覺得一般般啦😅普普通通，但係佢嘅生麪就真係幾好食😋 今日假期瞓晏咗 😜所以就同女朋友落街 嚟個快食🍜兩個人點咗：牛腩湯伊麵 ,雲吞魚片麵 ,淨韮菜餃 ，同炸錦鹵雲吞👍 每樣嘢嘅份量都適中 ，味道真心覺得唔差喎 🤔有興趣嘅你哋都可以嚟試下 😊我就食飽趕住去玩啦 再見😂😂

如果你想試試什麼叫做鹼水麵，鹼水重到會焗住個鼻，可以一試，難食到我要變河粉，非常難食，我很少會這樣批評一間餐廳，但真的完全沒有水準，沒有心去做任何食品，難怪我星期日中午十二點入店，餐廳一個人都無。

返完一日工好攰好肚餓 最近好鍾意食雲吞麵 又係附近所以試下三蘇記我喺用app叫定去外賣自取 我真係好肚餓所以叫大蓉我叫嘅係大蓉粗麵佢畀咗六粒雲吞幼面麵既份量好少...食其他麵店細蓉係五粒雲吞 大蓉至少有八粒都是但喇...番到去一打開個盒勁臭鹼水味🤢 食落有陣化學物料味要落晒成盒辣椒油先蓋過陣味都算啦啲雲吞煮得太冧啲皮散開晒食完個口都係怪怪地...咁就40幾蚊唔怪得知食飯時間入面都係得兩個客喺度食緊麵早知行多一條街食榮記😑😑😑😑😑😑😑😑😑

可以做得更好，只因每樣都差少少！一向都喜歡支持小店，因為連鎖式餐廳的倒模形式實在令人厭倦，路過這間麵店，便入去吃碗麵，但吃完後的感覺就是每樣都好似差咁啲嘢！南乳豬手麵 $36 - 其實碗麵的外貌真的不錯，但湯底較鹹，麵淋咗少少，不夠爽，豬手則味道不錯，炆得入味又夠淋。細蓉 $33 - 這碗細蓉就出事了，同樣湯底較鹹，麵不夠爽口，但最大問題是雲吞的豬肉餡料未熟透，加上皮不夠薄 ，就是每樣差少少，就足以令整碗麵扣分。最後，希望他們日後有改善，我也不希望小店買少見少，原本想給一個☹️，但有改善和進步空間，做多少少就不會每樣都差少少，今次就給他一個ok 啦！

凈雲吞……湯無味、雲吞爽口亦不惹味，沒有鮮味，可以不吃。豬手麵……豬手有2件，都有毛，換了後，1隻有毛，放棄了，$7O找數。可以行多少少路去找另一間，或者改叫其他食物，可能會好D吧！

西環地區麵家，我叫了云吞麵（忘記拍照）及水餃麵，雲吞及水餃大大粒，內有新鮮及大粒鮮蝦，肉碎就比較少d，特別是在湯上加了小蝦仔，非常有心，好好味呀！舖內環境清潔，坐位舒服，下次要再試下其他食物！

同老婆食完。兩個都腸胃炎。😡😡😡。......其實已經唔係第一次食完出事............上一次食完個胃都好唔舒服.......點知今次仲腸胃炎埋......野食係幾抵食 唔錯 但d 腩汁感覺唔乾淨囉！

一直以來我都很喜歡食韮菜餃，咁岩上星期在網上見到一位主持人拍片介紹三蘇記，並對他們的韮菜餃讚不絕口，因此今天決定一試 店舖干淨簡潔一坐下看到檯上的餐牌韮菜餃可以外賣 $32/半打我點了：柱侯牛筋麵$35湯底很濃（個人覺得偏鹹） 牛筋份量多，而且很「林」很入味韮菜餃撈麵 $35韮菜餃好大粒，好足料，簡得上皮薄料靚👍🏻但撈麵底和湯偏鹹腐乳通菜 $12

一個星期裡面，最忙碌是星期五，因要上班，游泳及上興趣班，這晚下班後在堅尼地城游完水，接著便是上興趣班，雖然時間緊迫，但也要吃些東西打底，以免餓壞肚皮。走進卑路乍街，以前曾來過的茶餐廳已倒閉，偌大的舖位拉上大閘，令人唏噓。環顧四周，看見對面有這家麵家，正合我想吃些少東西的念頭，在門外看了餐牌，甫入內便順道下了單「一碗韭菜餃麵，唔該！」麵很快送來，大概有四、五隻餃，包得很飽滿，漲漲的，討人歡喜，湯裏還有看顏色已知新鮮的韭黃，韭菜餃頗大隻，咬一口，餃皮薄，餡料豐富，豬肉餡和韭菜有汁，非常甜美，麵條也爽口，無鹼水味，韭黃的香味令碗麵生色不少，底湯有濃濃的大地魚味和古月粉味，賣$32，非常抵！能夠成為我近期最喜愛的麵家是吃後不口渴，舌頭告訴我無味精！很期待下星期五的來臨！