上泰

Open Now

Now Closed

嗱，老實講一句啦。今日來到朋友介紹的隱藏小店：上泰泰國菜海南雞是必嚐美食：上泰·泰式海南雞在醃料和調味方面更為豐富，口感更為豐富。泰式海南雞的醃料包括辣椒、大蒜、薑、檸檬草、魚露。醃料醃製雞肉後，再經過慢火煮熟，令到雞肉更加入味，口感更加鮮嫩多汁。上泰·馬拉盞通菜：通菜和馬拉盞醬汁的組合，口感鮮辣味美，上泰的馬拉盞醬汁不得了，簡直是靈魂所在靈魂，由辣椒、蒜頭、薑、椰漿、香料調味料混合而成。馬拉盞醬味辣味香，口感濃郁，味道鮮美辣辣的，能夠滿足愛辣的人的味蕾，又健康又好味！我地不禁Encore多一個馬拉盞炒菜！！！皆因泰·好味啦！！！！上泰·燒豬頸肉：首先，上泰的豬頸肉肉質非常優秀，肌肉纖維較為細嫩，有豐富的油脂，肉質鮮嫩多汁，口感十分柔軟。其次，燒豬頸肉的調味非常到位，豬頸肉醬料還會帶有一點微辣的口感，讓人回味無窮。陣陣炭香，簡直一流！

一直都成日幫襯依間泰國餐廳，還景唔算好好，但我覺得食物質素好唔錯，依個豬手飯係無骨，而且味道好夠，肉質仲好林，每啖溝少少酸菜同埋辣汁，層次更不同，又有酸同辣味道👅每個餐都配一杯飲品，價錢大約$70左右價錢不算便宜，但味道是不錯👍🏻

最近公司搬咗去青衣，所以都多咗時間喺青衣呢區揾食，突然間好想食泰國嘢，但以我所知好似得長發有一間泰國嘢之外，其他地方就好似冇，好彩有個住喺青衣嘅同事話我知原來仲有其他地方有。餐廳位於涌美村附近，唔係青衣打滾多幾年，真係唔知有啲咁神秘嘅泰國餐廳，餐廳用手機落單非常方便，叫咗沙律、串燒、多士、馬拉盞炒通菜、泰式金邊粉。朋友推介雞腎串燒果然冇介紹錯，燒得唔乾身之餘仲勁有咬口，配埋佢個自家製醬汁超級正。🤤其他食物都比預期中好味，而且份量都幾多。😋

公司午餐，同事想食泰國野，附近有間泰國野，⬆️泰。平時夏天真係唔會黎，因為要行一條山路，太熱。餐廳午餐時間都唔多人，店面好企理，作為一間鄉村入面的餐廳，算係幾美輪美奐。牆壁上面掛左個泰國的貴族，我對泰國民化唔係太熟，所以唔知佢係邊個，我相信應該係一個皇佬。個午餐menu唔係好多選擇,價錢響附近黎講都算係普遍貴10蚊。我揀左個泰式炒公仔麵，d麵好乾，無乜油，食落口出奇地淡，味道唔算突出，反而係有一點失望的。我揀係配牛肉，d牛肉感覺幾新鮮，不過咬口好奀，估計係無用泡打粉處理過。整體10分滿分的話，只有3-4分，唔係太好食。下次可以試下個菠蘿炒飯，同事反而話不錯飲品我揀左凍奶茶，既然係響隔離茶餐廳拎過黎，估計係同一個老細，杯奶茶好普通，所以無影低。叫左少甜但都係甜到爆。整體食物和飲品的質素屬於中下。

同朋友食飯, 因為有帶埋狗狗, 所以要搵有室外位嘅餐廳食。朋友搵到涌美村有間有室外位嘅泰菜餐廳, 於是我哋就由長發村搭的士去涌美村, 大約$30 就到啦! 大約7 點去到, 冇乜人, 室外位坐咗一枱客都係有狗, 於是我哋揀咗後面張枱坐, 4 隻狗玩得好開心。店員見到狗狗們玩緊, 都會小心地避開佢哋而上菜。等狗狗們溝通完, 我哋就坐低點菜。餐廳食物選擇都多。泰式生菜包店員話唔夠生菜嘅話, 可以加。幾好喎! 不過呢, 我覺得肉碎味淡咗D, 唔夠酸同辣。生菜都爽脆。馬拉盞炒椰菜苗我最鍾意食嘅椰菜苗, 炒到唔油又有口感。味道適中, 不錯。泰式炸蝦餅炸得好香脆, 唔會太乾, 朋友們都讚不絕口。串燒茄子茄子面用咗蒜容包嘅蒜蓉醬嚟燒, 食落好似食緊淋咗嘅蒜蓉包咁。燒茄子真係點燒都好食, 一絲一絲咁MIT 落嚟食, 正! 泰式炒金邊粉呢個有D 失望, 味較淡, 而且D 蝦食落係爽而無味。金邊粉質感可以, 不過味道一般。泰式明爐倉魚呢排都避食淡水魚, 於是我哋揀咗倉魚。煮住食都幾得意, 因為條魚未熱, 我哋試住個湯先, 有D 酸, 不過我鍾意。有個朋友就嫌太酸了。明爐倉魚勁多配菜, 好好食!魚都算大條,

今次遠遠咁去到青衣做野咁更係又比個機會自己搵好西食🥴青衣啲美食大多集中係長發近地鐵站個邊但今次偏偏係相反地段😕😕咁啱就搵左間家庭式經營既泰菜佢個款勁似三層式單位既地下拎左黎開餐廳廚師係泰國人 味道都好泰國隔離枱個個都叫海南雞飯但我就叫左個香葉肉碎炒飯一上碟就勁香勁吸引 除左隻蛋。。。隻蛋雖然外貌差咗少少但切開佢一樣係流心😏作為脆辣雞腿包都覺得辣嘅人呢個飯就有少少辣不過真係勁香口勁有泰國風味但我諗正常人就會覺得啱啱好甚至唔辣而且佢啲炒飯係一粒還一粒味道唔會太鹹一路食都見倒佢一路接着外賣單完全無停過 lunch$5x算係正常價有機會去附近可以一試👍🏻

涌美呢間泰國菜真心覺得唔錯！想當年每年都返泰國食玩揼。依家已經唔記得有幾耐無嘆過4 part 瘋狂按摩。唯有食下泰國嘢懷念美好時光😭泰國豬手飯係我其中一樣最最最懷念嘅食物。可惜係香港好食嘅豬手飯真係少之又少。誰不知近近地係青衣已經搵到間滿意嘅豬手飯😍香到我求其影完相就嗱嗱聲起筷🥢豬手入味，豬皮嫩滑不在話下，連肉都係好鬆化。重點係嗰醬，同我係泰國食嘅有9成似。超級感動，食落肚嘅係幸福啊🥲另外叫左明爐烏頭。魚肉新鮮，湯頭有大量香料肉碎，非常鮮甜。條魚好大條，絕對係性價比之選，兩個人幾乎食唔曬。傾下食下卒之用左一個鐘先KO條魚。推介呢間小店，唔好睇佢鋪仔細細，好多人幫襯，外賣單源源不絕。街坊價錢，泰國質素，解鄉愁一流👍🏻

食物不過不失，但兩次外賣都可以等成個鐘，13:35叫，14:10打去催，最後14:26先到，唔餓都等到餓，心情好都等到躁，幾好食都假啦，所以想食嘅堂食就算，外賣真係唔好諗

我叫既食物有6款，送錯左一半，想打電話比間店，電話又打吾通，完全聯絡唔到！店舖到底有冇檢查過食物先岀單？完全係我唔想食既食物，到底電話點樣先會有人聽？食物送錯一大半，真係接受唔到，以後唔會再叫！

之前來過這間上泰，但發現原來人多吃泰國菜的才是王道，因為兩個人，如果點四個又太多又不好意頭，三個已經太過飽，兩個又太寡，但是兩個人點三個菜，其實都不便宜。如果有7、8個人，點8個還是10個都不會太多，而且夾錢還可能比較划算。 青木瓜沙律，味道還算挺辣，後來大家都吃到有點兒面紅耳赤的樣子。我發現較辣的，還是生菜包，不知為什麼，原來在香港，吃其他泰國菜式都不覺得太辣，反而，生菜包都是最辣的，可能因為肉說的處理方法多數都偏向多香料或是辣椒。皮蛋蝦餅，平時比較少吃，蝦餅還算夠香，但不算太脆，可能還是外賣的緣故吧。炒飯味道挺香的，也不算太過肥膩。海南雞反而算肥膩，但味道較香雞也滑，也算不錯吧。想不到，原來咖哩都可以拿走，以為看到咖喱那外賣比較杰身，用麵包點咖喱，還以為吃完可能會肚痛，這兒的厚切蒜蓉包，呈長方形的麵包條，用來點咖喱味道還不錯；另外，友人以為咖喱下面都沒有什麼其他配料，但原來，經過打撈之後，下面還發現有不少豬頸肉其實挺划算的。

(又俾人話優惠文,下次要影收據)放棄平日最愛泰式豬手飯，改食泰式炒金邊粉，好吃雖較酸，但我係在泰國酒店食過差不多口味，只不過少了半粒青檸,而那泰國酒店那半粒青檸我覺得有點多餘。混了花生碎真係超正! 絕對是跟足泰國口味。叫了黃咖啡肉片，黃咖喱真係好香，汁很多，點了蒜蓉包，上碟時好像給了你半磚麵包，都係法包，但不是得幾片蒜蓉包，而係幾磚, 性價比超高。而且外脆內軟，很多牛油及蒜蓉，好正!仲有好重椰汁的西米糕$38 ，有關芋頭粒及粟米，口感更豐富及味道更好。芒果糯米飯都好正哋，可以在香港食到平平地的正宗泰菜，真好。另外食過一次冬蔭功雞煲，雞煲沒有特別，後加冬蔭功湯變成冬蔭功雞煲，來的湯是熱的，飲了幾口，真的沒有平時的肉味，會覺得不夠好喝。雞煲有乾水時，幸好可以加冬蔭功湯，但是凍的，自己煲熱, 後來了附送的生菜，泡在滿是油的湯裡，又想起打邊爐唔好最後落菜的道理，但冬蔭功係正的。可惜這裡的泰式雞煲不是我口味。總結：必食泰菜。區區食玩遊-青衣

最鐘意精益求精的精神，這是青衣好吃的泰國菜，絕對有泰國風味，而且比泰國精緻，廚房都係泰國人。豬手飯份量好多，仲會配鹵蛋酸菜，豬手無骨啖啖肉同軟冧冧的皮，成碟都好吃，泰國地道有咁的質素，冇咁的份量，當然香港食貴少少，但質素很六星級。成煲冬蔭功，3隻開邊大蝦，味道好好，材料十足，勁多香料, 雖然食到啖啖湯都有湯渣，但係有滿足感，唔係泰國的味精味。好多秀珍菇，但如果係草菇仲正。成煲只係$68(睇單)唔知係咪做特價。最驚喜係芒果糯米飯，以前食開已是黑白糯米，淋上好多椰汁，一點不吝嗇椰汁的泰國食法，今次仲加埋炸過的椰絲，不是粉碎的椰絲，粉碎的椰絲不喜歡，但這炸過的椰絲不油膩，非常香，非常落本，非常有心機，非常豐富，必食。而家更欣賞佢精益求精。其他咖哩，沙律，泰式魚，炸物，菠蘿炒飯都好正的。可惜小家庭兩大一小，叫三樣已經足夠，人多吃多幾款一定吃得滿意。

心血來潮，非常想食泰國餐，看見食評不俗，而且環境好似不錯，故特意前來試食，一到店，已經有點失望，很普通，像家庭式經營的餐廳，沒有招呼，自己搵張抬坐，可能自己生意，侍應態度真的麻麻，求其點左幾度菜，已經沒有抱很大期望，結果還是。。。。冬陰公湯- 咸到一個點，應該話系成碗辣水蝦餅- 一食就已經知道系雪過黎，好大雪味海南雞飯- 飯都可以，但雞就。。。仲有其他食物，一般般，沒有驚喜，只是價錢合理。總括而言，沒有下次！！

第一次光顧這間街坊泰國菜館，環境地踎但勝在抵食（免加一）。午餐有很多選擇：幾經掙扎最後選了泰式雞肉炒粉絲（$49，加$2有熱飲），夠鑊氣而且有多種蔬菜，豐富好味！奶茶也不錯，可惜沒有泰式奶茶......還有很多款午餐都想試試，絕對有下次附近的車仔麵很旺場，上泰相對較靜，午餐時間不想排隊的話可以考慮！

青衣少有的泰國菜 唔係上OpenRice搜尋都唔知呢到有間食泰國野既鋪頭🙆‍♀️🙆‍♀️我地一行3⃣️個人黎食晚飯 大概七點幾嚟到都已經坐🈵️晒人 只可以坐喺出邊 但出邊超凍食晒風 一路坐一路打冷震之後見到對面有台客走 就同侍應講可唔可以調過去 因為嗰邊有個暖爐喺度冇咁凍 個侍應都好好人幫我哋執好張枱清潔好之後就幫我調過去啦 終於唔洗震住食飯講番野食先 我地叫左6樣野：首先先黎個前菜 酸辣鳯爪 海南雞 肉質都幾嫩滑 冬陰公 酸酸辣辣 飲完全身暖番曬普普通通一個炒菜 冇特別炸蝦餅 炸到好香脆 入口好彈牙 點埋個酸甜汁食1⃣️流蒜蓉包 焗得都幾香脆 但🉑️能天氣真係太凍關係 蒜蓉包好快就凍曬