上海上海

Open Now

Now Closed

我個人不嬲都唔係太鍾意食澱粉質，反而鍾意試啲唔同嘅小食，感覺可以食到多啲唔同嘅嘢，今日喺呢間餐廳食咗幾樣嘢，都覺得真係幾好食。首先就係個蒜泥白肉，肉本身唔會太嚡，而且蒜泥切得好細，一啖咁樣食好正！紅油抄手每一粒都好大粒，而且辣度剛剛好，外皮都好滑！我最愛嘅就係個老上海臭豆腐，感覺有d類同長沙臭豆腐，外脆內入軟。超香口！而梅菜煎餅都係我第一次食，煎得酥脆，好香梅菜味，最緊要就係食到最尾一塊 ，佢都完全冇變淋！

難得今日入到粉嶺做嘢，晏晝又要自己一個人食，上網睇吓見到呢間餐廳好似都幾吸引，於是就入嚟食，雖然自己一個食，但係都食得幾開心，因為真係幾好食！我叫左老壇酸菜魚，酸菜味剛剛好，好啱我口味，亦都唔會太鹹，魚嘅份量都好多，而且每一塊仲要好厚身！重點係啲酸菜都唔少，可以一啖酸菜一啖魚咁樣食，覺得好豐富！另外都配埋酸辣湯同上海菜飯。上海菜飯個口感都幾好，酸辣湯亦都夠濃郁，係我鍾意嘅，入面又有好多豆乾絲，一流！

之前去粉嶺名都初遇食過台灣料理，果日經過見到呢間 "上海上海"，覺得都唔錯，因為好耐都未食過上海菜，所以今日就入去品嚐一下～上海粗炒過往去食上海菜我必點上海粗炒，亦係餐廳招牌菜之一。炒得乾身帶濃郁醬汁，麵條爽滑，帶有淡淡麵粉香，仲有肉絲、香菇、蔥等等，鑊氣十足，炒得好惹味，唔會過鹹，而且價錢仲好實惠。小籠包小籠包亦係我最喜愛嘅上海菜之一，每次都必食。小籠包蒸得剛剛好，咬入去非常多湯汁，而且仲熱辣辣，鮮肉餡料嫩滑鮮味，湯汁清甜，沾上醋汁更好吃。今日同好友食，下次要叫埋屋企人一齊食。

上海上海｜粉嶺
——————————————————
My FAV✨
🫶🏻 干煸四季豆南京清湯牛肉麵
新鮮嘅四季豆口感外脆內嫩，搭配香辣調味，好食！牛肉麵的湯底清澈卻鮮美，牛肉軟嫩，麵條Q彈。
🫶🏻 奶黃流心南瓜丸南瓜丸每一口都能感受到濃郁的奶黃流心，整體，口感柔滑。
——————————————————

📍粉嶺粉嶺車站路18號粉嶺名都商場2樓53&57號舖

—————————-—————————-
Overall 💗💗💗💗

#上海上海#粉嶺


昨晚加班收工後醫肚，9:20左右到此店，門口寫關店時間為10:30. 首先無人帶位，唔緊要，自己找了近門口枱坐低，然後侍應默默遞來餐牌，侍應把點菜紙放回我張枱時叫我埋左單先，當時落單時間為9:31！ 我話咩都無得食，水又無，然後你叫我埋單？那位女侍應聽後轉身離去. 幾分鐘後，第一碟餸一上枱，另一位戴眼鏡男經理立即由收銀位行來叫我埋單，我同佢講：未食就要埋單，如果系趕截單，至少在俾餐牌我時講聲幾點截數要埋單或者直接唔好做呢枱客.然後他回我：好呀！結果我在飯餐中出收銀度俾錢，但成個感覺好差😡應該唔會再去第三次！

講真粉嶺真係無咩好食，尤其係無上海野食！好彩最近開咗間「上海上海」，又坐得舒服，太好啦，又多個地方選擇！我最鍾意食濃味野，佢嘅濃油赤醬菜式就岩晒我！除此之外，佢啲菜飯都好吸引呀，所以今次試吓菜飯！《梅菜扣肉菜飯》 男人的浪漫！扣肉好白軟入味，脂肪同肉相間，唔會成舊都係肥膏，梅菜又香，撈飯一流！ 菜飯都好唔錯，菜多又有油香～ 《麻婆豆腐菜飯》呢個辣辣哋幾開胃，豆腐同肉碎都係撈飯好正！ 下次試吓佢嘅濃油赤醬菜式先！

新開張阿媽話想試，咪試下食完唔會再去，要食上海菜去粉嶺中心湘川滬落單後即上菜，超快小籠包質素，同公仔點心一樣，唔係自家整，肉無鮮味鍋貼，只是煎餃，仲要勁細隻，肉無鮮味酸辣湯有怪味

#上海上海今次講嘅係位於粉嶺食滬菜嘅上海上海💕原來呢間舖頭係新開嘅 店員服務態度都好好☺️Menu種類都幾多✨雪菜肉絲拉麵 $62💰（7.5/10）呢個雪菜肉絲拉麵大大碗份量十足🤤食晒一個絕對會飽🤤雪菜份量好多 好香 而肉絲都唔會好乾😋配埋拉麵呢個配搭幾岀色‼️鎮江排骨餐 $63💰 （7.5/10）送到上枱面覺得好香🤩排骨份量都幾多✨而且佈滿醬汁 食落去唔會好乾☺️呢個套餐係會配一份主食 小編揀佐蘇式拉麵🍜拉麵大大碗而且一啲都唔淡反而幾濃味咸道適中 配埋麵食會幾夾‼️‼️睇到呢度 快啲約埋朋友一齊去‼️‼️推薦指數🌟 7.5 / 10 🌟📍#巨B覓食粉嶺上海上海 (粉嶺)⚜️粉嶺粉嶺車站路18號粉嶺名都商場2樓53&57號舖

上海嘢其實幾啱我胃口😃所以今日見完客同同事係附近食左間上海嘢，又幾唔錯，價錢公道，食物都幾好👍🏻食物款式種類都幾多，基本嘢例如小籠包、酸辣湯、擔擔面、鎮江骨、雲吞等都有，我同同事就叫咗套餐嚟食😎上海排骨菜飯+回鍋肉+生煎包🙈估唔到個回鍋肉咁出色麵，而且回鍋肉鋪滿成碗麵，辣得來勁惹味，越食越上癮😚跟住個上海排骨菜飯都唔錯，排骨啖啖肉，點埋醋汁食真係一流❤️生煎包一咬就爆汁好Juicy，入邊豬肉調味都好正🙈如果有朋友經過都可以一試😘

最近試左間新開張嘅上海餐廳。點嘅幾道菜都唔錯，有賣相之餘，味道都唔錯，而且價錢超抵，大部份唔洗$50就食到份主食。無去過上海唔肯定算唔算正宗，但味道幾啱我口味。一行4人，每人都叫左款主食，有清淡有濃味嘅，每樣都試啲。值得一提嘅係，尼間嘅排骨粗炒同其他上海餐廳有少少唔同，之前食開都係無乜肉，尼間好多肉，仲要都幾大塊，亦唔會太油。仲有江南菜飯套餐系列，有個前菜或者湯，仲有杯飲品。叫左款推介嘅鎮江排骨配酸辣湯，微酸都幾開胃。

途經粉嶺見到新開左間上海餐廳🙈見到啲嘢食都幾吸引，價錢又好優惠，於是入去一試👍🏻有幾唔錯，性價比好高！環境都幾好，坐得幾舒服，餐牌上都有好多選擇🤩最後決定食上海排骨蔥油菜飯😋豬扒大大嚿，調味相當唔錯，最鍾意配埋啲蔥油一齊食😳菜飯都唔錯食吓食吓又想食酸辣湯，於是就叫多個酸辣湯雲吞食🥴入邊嘅配料都幾多，木耳，筍絲，冬菇片、豆腐絲，真材實料，酸辣味好好味🤤雲吞又足料，個餡好紮實，食得好飽😎

咁啱撞正喺粉嶺做嘢，同同事誤打誤撞搵到呢間上海菜，門面睇落幾有特色，就試吓佢啦～🌟蟹粉蟹肉豆腐煲蟹粉蟹肉豆腐煲‼️估唔到呢個份量咁多，真係嚇親，味道同埋調味剛剛好，唔會過鹹。入面嘅豆腐都好滑嫩，撈飯食真係一流！每啖都會食到蟹粉蟹肉，幾正喎！🌟手拍青瓜‼️午餐嘅配菜揀咗手拍青瓜，味道好清爽，作為開胃小菜真係一流！🌟梅菜扣肉菜飯‼️同事叫個梅菜扣肉飯賣相都好吸引，而且份量足，扣肉煮到好軟腍，都唔錯喎！

上海上海 (粉嶺)粉嶺粉嶺車站路18號粉嶺名都商場2樓53&57號舖粉嶺新開嘅上海嘢格局有啲似上海婆婆、上海姥姥但應該唔係連鎖嘢，不過個名必定有上海兩隻字，叫做上海上海，嘢食份量都唔錯，set lunch都多嘢揀午餐set lunch 有回鍋肉、咕嚕肉、水煮牛肉配埋飯同埋一碟青瓜，一人份量盤上，飯同送分開，所以可以share另外甜品仲有奶黃流心南瓜丸，唔會好油侍應非常有禮貌，餐廳新開乾淨企理，經過可以一試

上海上海地址：粉嶺粉嶺車站路18號粉嶺名都商場2樓53&57號舖首先係「嫰雞煨麵」，啖啖滑嫩嘅嫰雞肉配上彈牙的麵條，湯汁濃郁鮮甜，一碗食落去真係好過癮！🍜😋接著係「生煎鍋貼」，外脆內軟嘅鍋貼，一口咬落去，肉汁四溢，香脆多汁，真係停唔到口！🥟🔥最後係「擔擔麵」，辣味濃郁，麵條Q彈爽滑，加上香氣撲鼻嘅麻辣醬，一碗下肚，嘴唇都會感受到火辣的刺激！🌶🍜

Last week I visited a friend in Fanling and had a quick lunch together at Shanghai Shanghai.Tried some of the Shanghai cuisine staples from their lunch menu including Pan-fried Beef Buns, Shanghai Pork Chop and Twice Cooked Pork. Guests could choose from plain rice, vegetable rice, and various kinds of noodles to go with the set. I especially liked the pan-fried buns which were crunchy on the outside and soft and tender inside.Also ordered Sichuan Boiled Beef and Sweet and Sour Pork to share. Th