上海美華菜館 (Closed)

📍土瓜灣 《上海美華菜館》小籠包 $𝟑𝟎.小籠包係即叫即整，雖然皮唔算特別薄，但都有肉汁🤩 最緊要係熱辣辣同鮮甜，呢個價錢食小籠包，絕對對得住個價錢咸豆漿 $𝟏𝟔.第一次食鹹豆漿，覺得幾有趣🤣 因為同甜豆漿兩回事，豆漿內有蝦米，油炸鬼，味道鹹鹹地，好似飲湯，好飽肚，但唔係好食得慣個味道菜肉包 $𝟗.個包好巨型，新鮮出爐，熱到拎唔到上手🤣 味道都正正常常有機會再食應該要試埋佢個招牌粢飯，上海早餐最經典既食物☺️味道：𝟕/𝟏𝟎性價比： 𝟖/𝟏𝟎

又係特登黎系列～果然上海菜還是老的好🤣🤣🤣呢度完全沒有特別裝修就是一間感覺好多年歷史的老店員工都是上年紀的但有一種人情味只收現金 係會有點不方便不過完全可以理解😂😂特別黎食呢度既早餐平靚正栥飯同小籠包唔記得影相就食左⋯⋯淨係記得影個咸豆漿😅入面好足料 有好多蝦米 油炸鬼咸咸地好似湯 第一次食香港既咸豆漿感覺跟上海食到既真係一樣地道～小籠包雖然唔花巧正正經經豬肉餡料但入面好多湯皮唔厚要做的都完美做到了而且重點係好平😂😂😂栥飯有好多肉鬆咸菜油炸鬼味道恰到好處下次要再黎試擔擔麵！😄

終於俾我搵到啦！食過好多間粢飯，呢間真係合我口胃，首先糯米粒粒分明，煙韌有口感，唔會淋patpat。最正係油炸鬼香口脆卜卜，肉鬆鹹菜唔太咸，飯與餡料配合得天衣無縫。第一次食鹹豆漿，覺得好得意，因為同甜豆漿完全有兩個十分大的對比，豆漿內有蝦米，油炸鬼，味道鹹鹹的，好似飲湯，十分飽肚。

好很耐以前食過無咩特別 去開附近就試多次啦紅日夜晚7點幾唔洗等位 但2人去要坐大枱搭枱 自疫情都唔太想搭枱 但話要3-4人先可以坐卡位 d卡位到食完都無人坐…一入去就事先表明 紅日無點心得小菜 明買明賣 OK 但心諗咩係小菜咩係點心 再問佢小籠包有冇 話無 睇完menu都啱食既 就坐啦頂你個癮 隔離有枱7-8人又有既喂 落單時再問個哥哥又話比4隻我啦～（但漏單 然後都飽，就沒然後了）例牌推開晒d薑蓉 d鱔條都粗身同彈牙 數量都唔小 齋啪無其他野送都唔會太咸 唔錯雞絲海蜇 雞絲幼身偏鞋 但好彩海哲份量多 粗身 彈牙 幾好味 落左小量麻油調味 另外跟左成碗蔴醬 唔洗錢咁 我就無撈落去 可以食下原味 又可以點下蔴醬擔擔面ok 但無咩特別 覺得偏咸左 仲要有d咸菜係面

上海老店早餐 早餐成日只食餐腸蛋或麵好悶？上海中式早餐特別了吧～香港的傳統上海老店愈見愈少了，這家在土瓜灣的街坊店，早上小吃款式一定有款啱你🤤🤤🤤呢日收工特登坐車過來嘆個正早餐。因為真好掛住豆漿粢飯。咸豆漿，好好料，雖然有點邪惡😆但咁耐先食一次唔怕啦，好好味👍🏻 原來都有好多人未飲過咸豆漿粢飯好大舊，即叫即做！第一次食裡面條油炸鬼仲係脆卜卜的🥶 係咪呢D先叫正宗🤓 不過飯就略嫌硬咗D小籠包 雖然皮不是最薄，但個肉汁好正🤩一啖放入口咬開D湯爆出來果個飽滿感真係到依家都仲記得～ 好鮮甜好幸福呀🥰除咗呢幾樣，仲有鍋貼生煎包蔥油餅

朋友係YouT睇到介紹，話要去試鱔糊、鍋貼同上海粗炒。去到先知晚市無鍋貼，所以叫左份小籠包、砂鍋雲吞雞同上海粗炒，個「姐姐」好驚我地食唔哂咁，話份砂鍋雲吞雞好大份，叮囑唔洗再叫喇，夠食㗎喇，但我話仲想叫份鱔糊喎，叫完份鱔糊，個「姐姐」再表示好夠食，唔夠先再嗌。第一碟來既係鱔糊（7/10分滿分）色、香都好，味唔差第二碟上海粗炒（2/10分滿分）香有，但麵硬。味一般。而且份量好細份，仲話好夠食，我地兩個已經擔心食唔飽。第三係小籠包（1/10分）皮非常厚，以致摺位只能摺十餘下，肉多有湯汁，皮厚已令小籠包唔好食，個1分係俾有湯汁在內。最後，砂鍋雲吞雞 (3/10分滿分）半隻雞，5,6粒小雲吞，約半個半斤菜，有少量金華火腿。湯味不鮮。雞有雞味，肉稔，尚可。雲吞量少，細小，味差。菜入味，還好。結論：不推薦

-{土瓜灣老店粢飯🍚}之前朋友介紹過好好味嘅上海小店☺️又有粢飯食😍🤤粢飯🤤 ($23)糯米夠煙韌軟糯☺️😋肉鬆同榨菜都好多 夠紮實 餡料唔會太重味😛唯獨是個油炸鬼有點老好硬 其他質素唔錯🤓👖褲評: 7.8/10🤤鍋貼🤤 ($30)一咬落爆曬汁 主要都係豬肉餡 鍋貼知道個皮脆好香口！又唔會太燶嗰種👍好大嚿😋👖褲評: 8/10🤤小籠包🤤 ($30)小籠包個皮薄湯汁多 湯嘅味道清淡啲但個皮同餡嘅比例剛剛好🥰豬肉油香亦有👖褲評: 8.5/10早餐埋單93蚊 姐姐服務好好知我哋食小籠包又特登拎碗俾我哋 裝修格局真係好似返咗上海咁😂性價比: 9/10服務: 9/10環境: 7/10🚩 上海美華菜館 🚩地址: 土瓜灣美善同里13號#fuudjai #fuudjai中式 #fuudjai土瓜灣

🛤 土瓜灣終於開通左地鐵啦! 以後黎呢邊捐窿捐罅搵美食就唔洗攀山涉水啦......! 👍🏻今次帶大家黎到呢間小編既兒時回憶既老字號小店，主要都係出品傳統口味既老上海味道!🍽 上海美華菜館🍙咸甜粢飯($23)粢飯既飯粒分明而且軟硬適中，入面餡料絕對唔孤寒，包括有自家調味既榨菜、脆卜卜油炸鬼同埋好味既肉鬆，足料又又飽肚，係一種懷念既味道，怪唔之得係呢道既招牌啦!🥛咸豆漿($16)豆味濃郁又香，碗內仲有蔥花、油炸鬼、蘿蔔乾、蝦皮。豆花味道好綿密，配以其他配料一齊食，有鮮味既蝦皮及浸泡左豆漿的軟油條，反而有一種越吃會越順口的奇妙感，在味道及層次上都豐富，咸香味十足! 💡小知識: 咸豆漿看似平平無奇，其實當中用既材料豐富，以蔥花、菜脯、蝦皮、油炸鬼放碗底，再沖入豆漿並加上醋及醬油調味，豆味芬香撲鼻，綿密口感，會讓人一試難忘!😋🕰 留意返早餐供應既時間只係7點-11點，過左時間就冇得試嫁啦!🍽 上海美華菜館🏡 土瓜灣美善同里13號推介指數：👫🏼👫🏼👫🏼👫🏼餵食指數： 🤤🤤🤤🤤Encore指數：⭐️⭐️⭐️⭐️

上海菜館絕對講關係，如果你係上海人或者老顧客絕對待遇不同，如果你唔係上海人、懂上海話的話我建議你唔好好似我咁買完即刻開上車食，因為佢哋態度不是友善粢飯的糯米事先浸泡，冬天浸久點，夏天就短一點，浸完再蒸，包入肉鬆及上海人包粢飯專用的慢炸油條，糯米煙韌軟糯，油條焦脆，飯及料的比例剛好，即刻買完即刻跳上車食絕對不二之選鹹豆漿放了蝦皮，自行再加點辣椒油真的是一大享受😎

呢個星期凍冰冰暖啱食熱辣辣既咸豆漿同粢飯其實土瓜灣呢個地方對我來講真係好唔就腳，但係食過坊間太多難食嘅粢飯，寧願嘥啲腳骨力都唔想再中伏。之前幾次假日嚟都要大排長龍，今次閒日嚟店舖入面好少人，唔使等位！爽！坐低即刻叫咗鹹豆漿同粢飯，第一次飲鹹豆漿係喺上海，係香港飲過幾次都係爭啲咁，不過都不過不失（其實佢個甜豆漿都十分唔錯）因為主角係佢個粢飯！平時出邊啲粢飯會焗到入邊條油炸鬼林晒，美華啲油炸鬼薄脆係入面焗幾耐都係脆卜卜！仲要由第一啖食到最尾嗰啖都會有餡！唔會得一啖糯米乜都無。之後見唔夠飽叫多咗碟鍋貼！雖然塊皮有啲厚但入面湯汁多又濃郁，我第一啖咬已經噴咗啲湯汁係枱其實佢哋啲小籠包我都食過，不過個人比較喜歡鍋貼，因為佢哋啲小籠包都有少少厚皮，我就鍾意皮薄嘅小籠包！最可惜食唔到佢哋啲蔥油餅，淨係食過一次，之後成日都太遲去到賣晒，下次一定要早啲一個人早餐食咗$69，但飽到夜晚晏就都唔洗食

呢幾日凍到得返六，七度又落住毛毛雨，真係凍到震難得兩公婆都放假睇電視介紹上海舖瞓醒即刻出發店舖位置比較偏僻冇車嘅話可能要行一段路我哋去到已經10點幾嗱嗱聲睇吓有咩食早餐到11點所以我哋去到嘅時候部份嘢已經冇晒我哋嗌左幾樣嘢鹹豆漿裏面應該有榨菜，油炸鬼食落其實似鹹湯未到舊之餘又唔會太鹹，幾好食油豆腐粉絲湯呢個個味就比較得鹹味不過不失冇乜特別鹹甜粢飯裏面嘅油炸鬼仲係脆卜卜呢個真係好好食小籠包落單佢先至會幫你蒸要等比較耐蒸出嚟熱辣辣，冒晒煙小籠包入面湯汁勁好食我哋食到最後已經過咗11點到午市本身想試吓午餐想試吓比較少有嘅鳳尾魚問咗話冇可能要等疫情過去先再嚟試過啦食物都幾好食，幾特別值得一試👍🏻

.《上海美華菜館》多年黎終於爭取到舊區有鐵路站嚕，我唔係指西灣河呀！係土瓜灣呀哈哈！平時真係好少黎呢啲舊區，感覺都係啲舊工廈無咩好嘢食，直至最近睇YouTube 見到巴士男話好好味，所以經過就走去試下…担担麵 $40花生味勁濃郁有花生碎，濃到可以掛湯，麵質偏爽身，幾好，不過湯底有小小偏咸，要間唔中飲下豆漿中和下…鮮肉小籠包 $56一共有八粒，即叫即蒸，外型偏大粒，應有嘅摺紋都會有，手工野。小籠包尖尖位有小小厚，但都唔影響佢出色吧表現，一咬開啲湯汁喺嘴角流出嚟，好清甜嘅肉味，唔過咸亦唔膩，因為湯入邊嘅油份唔多，食完亦唔頸渴，所以可以一粒接一粒咁食哂佢，肉餡用唔同嘅肉混埋一齊，食落去有唔同嘅口感又爽又軟淋…總括嚟講以呢個價錢食到呢個味道係冇得再挑剔，因為如果食開上海野大家都知道，出邊好多連鎖嘅上海餐廳，四粒小籠包已經要成五十幾蚊，而麵食都起碼至少六七十蚊，仲要未知係咪高質，而上海美華菜館出品大件夾抵食，而家仲有鐵路沿線所以真係一試無妨。對於勁鍾意食小籠包嘅我，係會再去食…

我本身已經有兩個屋企人到左先，佢哋坐低咗食緊野。我一去到因為太口渴，又唔想飲豆漿住，就問佢拎一杯水，佢話$3杯. 我話吓，水喉水都要收錢？佢話我哋呢度係俾人飲豆漿食粢飯嘅……. 唔知係咪即係話唔飲豆漿嘅就唔好嚟？跟住我想叫蔥油餅，佢問我要薄定要厚，我話價錢有咩分別，佢指住我後邊牆叫我自己睇，我話不如你話俾我聽，佢堅持要我自己睇，最後我就冇叫到蔥油餅.本人覺得呢間店待客之道認真麻麻，唔知係咪因為土瓜灣地鐵開通咗，唔憂做，所以冇必要好面色對客人，我直頭感覺到，佢認為佢比我喺度食嘢係益左我.奉勸各位：如果受唔到氣，就千祈唔好嚟呢度.

補充:原來11點前堂食係不提供早餐，只限外賣這樣都合乎情理，但當我食完碟肉絲炒年糕時(超飽)，隔離枱竞然有位女客同個伙記講叫粢飯，還大聲說老闆娘話有架，咁之前落唔到單的客就好奇怪，那個女客還大聲說，咁唔俾我買咗外賣入嚟食呀！原來可以咁嘅！大家下次坐底叫咗午餐後可行出去買早餐外賣入去食……咁得意

最近愛懷舊、想揾間好食的粢飯，今天終探食到這間，但去到坐底就失望因早餐時間係11am前，粢飯、葱油餅、窩貼之類係無提供，我約中午十二時到在館內只聽到客人叫菜，伙記不停講無呀、無呀、無呀所以想食早餐、切記時間，最後叫了杯熱豆漿(有燶味)，肉絲炒年糕味道Ok、唔錯