不吃不可 (Closed)

行經附近，又攰又餓，見到舖頭名"不吃不可"，就即管試下，但一行入舖頭，已覺得地方污糟... 但係拿渣麵舖，污糟一啲都可接受吧...😳落單啲阿姐，都係拿渣麵一般嘅服務態度，都係可以接受啦...🤢配角唔好唔緊要，最緊要係主角，只要碗車仔麵好食就得啦... 但係... 就係連碗車仔麵都唔好食～🤦🏻‍♀️😓全碗車仔麵，只得雞翼尖有少少味，但都唔係好味，魚蛋唔係陳皮魚蛋，其他蘿蔔、豬皮，豬紅、就連湯底... 都好淡味，近乎清水煮～除咗個招牌係不吃不可之外，應該都無乜係不吃不可～

今日到屯門醫院探病，睇OpenRice 到屯門食車仔麵，見下午茶餐14:00開始$30送餐品，入去時間13:55就點餸叫麵，我地4個人都點咗3-4分鐘，個侍應就快快手收埋張單，點知麵嚟到想加嘢飲個侍應話要正價，我話我落單嗰陣時個鐘到差唔到1分鐘，最後都收咗正價，想賺多10幾蚊

下午茶時間 見佢唔多人就入去坐低左啦 冇記錯既話下午茶好似係$25一麵兩餸相當抵食👍🏼👍🏼👍🏼個人覺得食車仔麵一定要食油麵 再揀左要大腸同埋雞翼尖 湯底可以兩溝 揀左腩汁同咖喱汁好快就黎到啦 湯底好濃郁啊！再配合埋油麵 正！大腸好乾淨 雞翼尖份量都幾各位下次經過可以試下喔

屯門新墟有一間食車仔麵的小小店舖，名為「不吃不可」，店舖分有室內和室外。未食過就不會知道這間車仔麵的吸引力😂當你一試後、必定會愛上😜先來介紹一下先～～一坐下、店員便會交給你一支筆和一塊落單表你只需按照自己的喜好來選擇便可以了。（以上是我的個人選擇😆）這一份承為$32，抵吧🤣（有麵食有野飲😝）1）油麵：食車仔麵要食油麵是常識吧😜2）辣魚蛋：這款魚蛋是硬硬地的、相當有咬口，所以嚟親必食😋另有唔辣的。我最怕就是食淋淋地果款。3）魚肉：就是大家平常食開的魚肉翅裡面的魚肉，但這款較彈牙，亦是必食的😋4）豬腸：（本人至愛，亦是必食喔！）豬腸洗得好乾淨，沒有肥膏，所以可放心享用😌）這碗就是本人每次必選的

這間店是我年輕時代的回憶， 自細喜歡吃車仔麵，但又怕吃車仔麵的環境比較骯髒， 直至遇上「不吃不可」， 覺得環境乾淨， 而且因為有方枱，坐起來較為有個人空間感， 跟朋友邊吃邊聊天也自在得多。坐下便可以自行在餐單上選餸菜我多數會一人一碗車仔麵， 額外再加一碗生菜魚肉值得一提的是， 熱咖啡是即磨的，超級正我根本是為了魚肉而來，喜歡彈牙、有咬口的魚肉，這店的魚肉完全合心意。 魚肉湯除了可以配生菜，還可以配紫菜，任君選擇， 我就多數配生菜這是只要我想吃車仔麵便會想到這間的車仔麵店， 如同這店名一樣，不吃不可

叫左早餐，幼麵，腩汁牛腩羅白入味魚蛋好食，有入味(咖哩味)自己住屯門十多年不是常食下次試下油面+咖哩湯底不過『不可不食』名太串。我比85/100，因為魚蛋唔可以分開上。

要搵一家好吃的車仔麵，從來都唔容易。浪子食過咁多間車仔麵，覺得真係好吃的是在觀塘宜安街街市(名字忘了)。款式多，又平。但有時候車仔麵癮起，就去到邊都得找一家來試試。還好，在香港要找一家車仔麵還不算太難。合記(不吃不可)算是屯門的老鋪，有多少歷史不知，但聽友人說在該位置至少已經幫襯了十多年。除了那個$38的九餸車仔麵外，自選的玩法如下:麵底$10起標，餸由$5-$7不等。每碗至少要剔$20元其實要達標不難，一個麵，兩個最平的餸已達標。叫了一個四款餸，幼麵底魚蛋和墨魚丸都是尋常貨色。反而是雞中翼較有驚喜，入味而且有肉質，不是煲得溶溶爛爛的貨色。魚片頭雖然略為細件，但也彈牙。簡簡單單的一個車仔麵，其實好吃與否也太有學問。以前老前輩說，搞車仔麵檔有三個要點：1.煮麵要快。太慢就做不了生意，而且影響了麵質2.餸款要多，畢竟每人口味不同，餸款太少人家就好容易厭了或揀不啱喜歡的餸而不幫襯3.招牌餸，一定要打做一些人人必選的招牌餸，這就可以吸引不是街坊的人也來一試不吃不可或者不是每款餸都很好食，但那個九餸麵據友人所說是很受街坊歡迎的。下次或者會一試。

每次經過新墟，都會見到呢度個招牌大大隻寫住"不可不吃"，今次就試下你啦小妹食果日係紅日，諗住有下午茶，不過原來星期六日不適用(两餸一面跟野飲)Tea Time食唔到咁多，就叫左咖哩魚蛋同牛栢葉跟幼面$21，男人一定唔夠飽，所以叫左個特餐$36 (9餸跟野飲)幼面夠爽，唔會煮到好稔，一夾就爛果啲，牛栢葉唔會過老，魚蛋正常，最欣賞係個秘製咖哩汁，好香小辣小甜咁，好惹味，叫staff俾多啲汁都無黑面！nice!小小地一個平民tea都幾好丫！

今日放假過左去新墟, 又差唔多下午茶時間, 又想食車仔麵就去左呢間度食啦~蘿蔔好甜, 豬腸同牛腩都好淋, 夠入味, 魚肉唔算好粉, 咖哩汁都好香不過唔夠辣墨丸同魚皮餃都一般, 無乜特別, 我第一次食車仔麵有紫菜揀, 配麵黎食唔錯加$8 要左支汽水, 玻璃樽汽水特別好飲既兩碗粉麵(一碗三個餸，一碗四個餸)加支汽水埋單$67, 唔至於話好好食, 不過咁既價錢都唔錯啦！

自公司搬到屯門..加上我大肚..lunch自然會周圍搵食..以前未有身孕..下晝很多時乾糧就算..但現在我不吃..阿b都要吃嘛.. 每間對我來說都新鮮..所以隨便找間就進去..來到'不吃不可'..心想名字改得這麼巴閉就試試啦..下午茶時間但沒有特別茶餐..單叫單點飲品..除非你叫大碗麵..即很多餸那種..但我一個人吃不下呀..唯有單點啦.. 我叫了豬腸 + 魚皮餃 + 米線 + 秘制咖喱汁 hkd 22.. 上檯我覺得很細碗..雖然我大肚..但平時一定不能吃光全碗的..但這碗我可以..餸和米線部份沒什麼特別..不過不失..秘制咖喱汁的確是相當惹味..不過又未致於好吃到一定會再來..整體來說..我覺得來一次就夠..絕不是鋪名'不吃不可'這麼厲害..加上師奶仔的確介意..下午茶時間沒茶餐價吧..假如我在這裡又吃又喝..就要hkd 3x - 4x..以一個街坊區的下午茶時間來計..成本太高了..(而且我女人仔都只是剛剛好..大男人一定不夠飽啦..)不吃不可地址 : 屯門新墟德政圍

屯門食肆系列之三又係一間有人氣之茶記食蔥蒜霸王雞午飯套餐雞不滑 質地有d泡 冇雞味 份量不多味道有如普通豉油汁咁好普通飯 一舊舊 唔熱 冇飯香 好耐冇食過咁差的飯奶茶 奶同茶比例嚴重失誤 奶好少 茶苦澀得過份 四十多元完全唔值

星期一哥日落大雨, 原先話去朋友屋企幫手裝修既事就取消左... (因此係外牆同屋頂裝修...) 不過難得出到來, 朋友又未食飯, 所以就去食野代替.朋友既家庭情況好複雜. 而且同時供緊兩邊樓....所以省得就省, 無食隔離好食但貴既青森日本料理, 而係朋友決定既情況下選左附近既車仔麵 - 不可不吃.很小的一個車仔麵店, 內裡裝修很平凡, 可是店名實在太有趣了, 所以就被吸引左去食.店舖不大, 只有數將圓檯同卡位, 如果坐滿人時, 排位還滿迫人的.非卡位的櫈是小圓櫈...坐得不太舒服...........還好有電視睇....今次叫左個全豬宴..豬皮, 豬紅, 豬腸 配河粉加底....(唔好同我講河粉唔係豬丫!).......本來想講叫佢加色, 不過睇到下面有得tick配咖哩汁. 鐘意試新野既我緊係唔放過啦!其實車仔麵我都唔會抱太大期望, 再好既車仔麵其實配料之間既輕微優劣之分, 好小會係麵底出事 . 不過這店食物最令我難頂既.....係d咖哩汁............講返d公道話....豬紅同豬腸還可以, 幾好食既, 豬皮就唔係好夠爽, 很細塊 , 其實lee d都係其次......d咖

果日同事話肚餓..屯門好多野都食過,見個名不可不食咁有霸氣咪膽粗粗睇你咩料先!!! 入面唔使等客..可能仲早唔使等~ 正!!!一睇...o... 中招!!!麵底所有野都另計~~~shit!!!計計下...每人都要廿幾蚊之可走~~算...豪比你地~~價錢咁貴...都唔會cheap得去邊~~(香腸,豬腸,豆卜,魚皮餃)加辣!!!!!點知黎到..o 晒咀~~~試下d湯先..淡爆!!!!d野都係街邊野都做到既口味......無咩特別~~只能講麵特別少同細粒囉!!!唉~~~一次夠晒數!!!

西鐵站一帶, 好似成個日本城咁, 勁多日本菜, 別X, 味X, 金X, 元X, .........最後決定搵番D土炮食下好耐冇食車仔麵就幫襯下啦我叫左油麵+中翼+生菜+貢丸+片頭+秘製咖哩汁拎碗麵黎, 阿姐話貢丸未得, 墨魚丸唔洗等, 問我要唔要, 心諗整熟兩粒丸唔洗好耐o者, 我都係堅持等, 點知佢唔夠一分鐘就拎兩粒貢丸俾我, 咁佢就應該等貢丸熟先一次過拎碗麵黎啦碗野上面有一pat 秘製咖哩汁, 我問阿姐, 呢個係咖哩汁?! 點解咁多紅椒碎, 佢話係呀, 秘製丫嘛, 一試, 得個辣字 中翼浸到淋哂, 冇咬口 片頭其實係三角形魚旦, 呃人 貢丸, 唔彈牙, 勁難食 去到呢個moment, 我覺得自己拍緊食神另外叫左杯咸檸蜜埋單成五十幾蚊, 我去斜對面食碗雲吞麵仲好我未試過俾一間食肆咁低分p.s. 佢部電視間歇性收唔到訊號, 睇到疾疾下又冇癮, 唔睇又覺得d 聲好煩

又到TM做FACIAL,時間不夠的情況下到了這間叫不吃不可的車仔麵店不知想吃什麼,只要求飽肚同快上枱吧了,看見有個可以好貪心的什錦車仔麵,有齊九種餸的什錦麵,只是26蚊還有嘢飲,咁都好啦,9個餸: 魚旦, 豬紅, 豬皮, 蘿蔔, 魚片, 魚餃, 菜, 雞翼尖, 豆腐卜而所謂秘制咖哩汁也只是一般沒什特別,菜還算多但雞翼尖太林, 豬紅, 豬皮, 蘿蔔唔夠入味而魚旦魚片, 魚餃,豆腐卜是涷肉鋪貨式沒有可以批評幸好是沒有期望只求裹腹吧了