世紀椰汁

Open Now

Now Closed

土瓜灣本身已經係美食雲集嘅地方，呢間椰汁更加係土瓜灣靈魂代表。如果你平時係飲開咩椰X大王果啲，我強烈呼籲你要黎呢度開下眼界。食評要寫最少80字，但係其實冇必要，一句講曬，飲啦。

成日行過都會買一杯，貪佢啲椰汁夠凍，大熱天時飲一杯好正。見住老闆喺側邊開椰子，而舖頭入面不停整緊椰汁。加花奶落去真係好香濃，平時喺泰國舖飲椰汁冰都冇咁濃，呢間真係好濃

由細到大都係住係土瓜灣，唔講都唔覺其實土瓜灣都幾大，由我屋企行過黎呢度都要差唔多20分鐘，所以都唔會成日黎飲每次黎呢頭食完野，基本上都會黎呢間世紀椰汁買椰汁飲，飲過一次之後就愛上左！椰汁味超重，不過略縑甜左少少呢度有3隻size揀，細杯，大杯同枝裝，我就從來都唔會買細杯，因為細杯同大杯只差1蚊自己一個就多數買大杯，邊飲邊行番屋企。有時就會買枝裝，拎去婆婆屋企同佢一齊分享間鋪細細間，唔係太起眼，都係做下街坊生意老實講，土瓜灣冇咩珍珠奶茶之類既手搖店，飲椰汁相比之下絕對係更好更健康既選擇！

吃完譽麵坊，想喝一杯解解炸物之熱氣，便到對面黃底綠字的世紀士多喝鮮榨椰汁。二人共享了一杯大椰汁($10)。這杯椰汁特別之處，是它一杯椰汁，兩種享受。首先面頭的是一層厚厚滑滑的椰汁沙冰，此沙冰不會只有冰粒感，反而非常細滑。下層則是常喝到的椰汁，應該由椰漿、花奶而成，椰味、奶味皆十分香。這杯椰汁，絕對會是消暑良品。如果它可以開分店，一間變兩間，兩間變四間，四間變八間，八間之後上市，上市咪再集資囉！跟住炒股票囉！搞埋地產呀笨！跟住，再分拆上市，你說多好呢？那時候，便可時時喝到它。

講到椰汁，好多人會諗起周街開到成行成市既「椰汁店」，但係椰汁店點只個間呀，係土瓜灣就有一間知名小店，相信好多人都聽過佢個大名，更加慕名而來，呢間舖頭分左3個size俾大家揀，分別係細杯$9、大杯$10、枝裝$20，十分熱愛椰汁既我當然要揀枝裝，椰汁用新鮮椰肉、淡奶、水、糖、冰打成，頭一兩啖飲既時候會飲到椰汁碎冰，再配埋香濃順滑既椰汁，真係好解暑，雖然有人會話椰汁熱量高，但係我都唔理咁多飲曬成枝，如果你係椰汁狂迷，一定要去呢間小店度試下，包你喜歡每次都會透過以下6大方面評分(滿分:30分)味道 : 4 / 5環境 : 2.5 / 5外觀 : 3.5 / 5價錢 : 3.5 / 5服務 : 3.5 / 5 回頭率 : 4 / 5總分 : 21 / 30性價比 : 如果$10一大杯既，俾多$10有更多既椰汁，我係好願意俾，只因市面既台式飲品都要$20起跳，不妨試下新鮮榨既椰汁，除左充滿人情味又可以支持下小店之外，都可以試下新鮮野

今天嘅夏天一係就下下30幾度熱到暈，一係就落足一星期雨，氣溫反常到不得了。喺炎炎夏日出街，相信大家都會想飲番杯透心涼嘅飲品消消暑。喺呢個台式飲品黑糖珍珠鮮奶，芝士茶等等大行其道嘅世代，好可惜我係對呢類飲品係飲過一次就夠嘅程度。推薦呢間【世紀椰汁】！每次食完CP值極高嘅土瓜灣名物南乳炸雞球米線，我都會去對面嘅【世紀椰汁】買杯椰汁過過癮。小店只主打一種飲品，個店名都話左比你知，分成細杯$9、大杯$10、枝裝$20三個Size。剛好當日遇上36度高溫，即頭要成枝飲先夠爽。【枝裝鮮榨椰汁$20 估計約700ml】採用新鮮椰肉+水+淡奶+糖+冰打成，飲得出椰味嘅香滑同濃郁，加左冰一齊去打，令到成枝椰汁嘅冰凍程度大大提升，依然係令人想一飲再飲，十分消暑解渴！

我們一家人到土瓜灣周圍走走，當然要試一試超過40年歷史的世紀椰汁！下午一時多，沒有人排隊，但都有不少顧客購買！阿姐即場用攪拌機把椰汁碎冰製作出來！旁邊有職員把椰子去皮！細杯每杯＄7，大杯每杯＄10，另有支裝每支＄20！夏天消暑一流雖然有去皮椰子放在機中，但會杯的份量應該很少....而且每杯的都好甜，店主應該是加了很多糖...這樣應該是不太健康呢！我還是喜歡天然的甜而不是後加糖...........

呢間世紀士多喺土瓜灣另一名物南乳雞球米線對面，行過去唔洗一分鐘，所以絕對係要食完南乳雞球之後就過去飲椰汁🥥😆.佢招牌寫開業四十多年，然而個招牌可能係唔知幾多年前整嘅😂所以總之就係一間老字號小店🤩小店基本上只主打賣鮮搾椰汁🥥新鮮製作、真材實料就唔洗多講😋我本來打算買完之後開蓋影吓相先飲，但都係忍唔住飲咗幾啖先😂😂一飲發現椰汁真的好香濃，濃郁椰子香，甜度剛好、完全不會過甜🤤而且飲落係透心涼的感覺，椰汁保持冰涼，而椰汁面頭更有一層好幼細嘅沙冰，我已經想像到遲啲天氣更炎熱嘅時候飲係有幾爽😆😆.其實飲一杯真係唔夠喉。我已經決定下次再去土瓜灣覓食嘅話，要嚟多次呢間買樽裝，我見樽裝係約有大支嘅維他樽裝水咁大，但都好似只係20蚊😱.PS 就咁睇小店外面會俾類似簷篷定維修嘅嘢擋住(查實我係唔記得咗擋住店面嘅係咩😂)，所以要細心啲搵同望呀。

已經幫襯左世紀有幾年，次次行開過嚟食南乳雞球米 / 牛丸河都一定會過嚟幫襯，大概飲咗10次以上坊間嘅椰汁可以賣得好貴，冇記錯旺角花園街附近嗰間椰汁大王$20好似得一細杯？（其實我唔知好唔好飲，價錢關係從來冇試過）世紀呢度價錢好平民化，$20就有一大支！應該有700至800毫升如果唔想飲一支，都有杯裝，咁當然係飲一樽抵啲啦次次去到老闆都會即刻再打啲冰碎落去，頭幾啖飲落去好似沙冰咁樣，天氣熱嗰陣非常正！甜度適中，只係賣＄20真係好抵呀

昨天太太要夜晚開會，我又要獨自一個搵食， 本來想先飛車直奔回家休息一會， 再去外母屋企食飯， 正當駕駛回家中，想起土瓜灣的世紀椰汁，馬上轉軚轉去土瓜灣新山道的世紀椰汁所在地 ，一去到見到十年如一日的老闆和老闆娘坐鎮鋪頭， 我馬上大聲說唔該一支椰汁， 隨後已經有其他客人跟著我買，我拍下照片後隨即放入飲筒 大啖大啖的飲，世紀椰汁的味道鮮甜、 冰凍 ，而且幼滑 ，感覺非常清爽而不膩 ，馬上飲還有細細粒嘅冰碎 ，很有質感而清香嫩滑，真材實料，比起其他地方賣嘅椰汁 優勝，而價錢方面一樽椰汁只售20元，相比其他連鎖的椰汁店賣25蚊而言，相對便宜很多，性價比極高，可惜的是全香港甚至全世界，只此一間世紀棷汁，要飲的 一定要嚟到土瓜灣，別無他選 。自發現世紀椰汁之後，它已變成我的最愛，隔一段時間就會想起世紀椰汁，便突意駕駛去買一支，它還有大杯與小杯的選擇，價錢都只是十多元 一杯，又不需要排長龍 ，希望香港有更多這類高質素嘅小店，保存香港嘅特色。

世紀椰汁可能係香港半世紀最好飲既椰汁之一😛好味過椰汁大王好多，又平bor。大杯9蚊，大樽17蚊好鬼抵，我呢啲怕熱兼口渴當然要買樽加杯裝😌最正呢度用新鮮椰青水，椰子肉，冰同淡奶攪拌而成，製成冰凍清新天然椰汁😍😍我秒速飲哂杯裝，椰汁帶有攪拌後鮮甜椰絲，椰汁滑潤😆樽椰汁拎住行街2個鐘都冇問題，依然冰鎮，味道不變，堅犀利 (我拎左幾次出黎架☻)

一直都飲開佢，今日同女朋友食完午飯經過呢頭又口癮整返杯你落單老闆娘就會幫你渣椰汁大杯$9 九蚊雞唔算好大杯，自覺有點貴炎熱既天氣飲杯椰汁真係好舒服 老闆娘將椰子肉同冰打碎，椰汁入口相當冰凍，口感極之細膩！ 而且甜度岩岩好絕對唔會過甜！雖然$9有點貴，不過佢又值呢個價錢。

位於譚公道呢間隱世「世紀椰汁」其實已經開左十幾年, 男朋友兒時已經成日幫襯, 佢話好飲到冇朋友播😂今日食完飯過黎買左杯試下便知龍與鳳🙈🙈🙈呢度既椰汁有3個size, 細$8大$9同支裝差果$1梗係買杯大野喇😂 咁先係慳錢架嘛!order左之後叔叔落左好多椰子肉+水+奶同糖再用攪拌機將佢打碎🍼唔係講笑! 飲落椰香味超超超超濃郁! 😍😍😍😍😍椰肉, 奶, 水同糖既比例岩岩好飲落口好滑身, 冰凍既椰子汁唔會好甜, 真係幾好味! 不過...始終椰汁係致肥產品, 得閒飲返杯過下口癮都得! 但係唔可以日日飲喇🙈

好鍾意飲椰汁，所以間唔中都會來買椰汁，因為佢既椰汁係最香最純，椰汁大王或者其他賣椰汁的根本無得比，可惜，它已經風光不再！今次去買椰汁，椰汁是米色的，味道帶很重的花奶味，而且少左浮在上面的「椰油」本來白雪雪的椰汁亦因為溝太多花奶而變成米黃色我自己榨過椰汁，很花時花氣力，但那種滑和椰子濃香是最純的希望佢可以保持返質素！

地圖寫譚公道其實間鋪系新山道果度譚公道一轉過去新山道就望到，買左杯大杯試味消費9蚊，入口夠曬冰凍椰味好濃不過個人覺得太甜（本人一向吾鐘意食甜野），不過整體黎講都吾錯有8.5分！