九丁目日本料理

Open Now

Now Closed

元朗近半年來經歷大大小小的風風雨雨，小店更是首當其衝，於是我和朋友今天特意到元朗支持一下小店。呢間食日本野，尤以平民高質見稱，首先點的便是火山丼套餐。先上的便是主菜火山丼。火山丼的原材料種類繁多，有海膽，三文魚子，蟹子，吞拿魚及三文魚，味道層次多樣。海膽相當鮮甜，入口即化，惜份量不多，令人思思念念。然後便是三文魚子的鮮味及其特殊的口感，咬下去爽口的程度絕對是證明十分新鮮。然後上的是三點天婦羅，入口時發現粉漿相當薄，入口鬆化香口，海老仍保持水份，相當出色。另外加點香炸雞軟骨，香脆又有咬口，加上相當酥及濃濃的調味粉，令人回味無窮。二人份結帳大約$500，份量及味道而言相當超值。

係呢個肺炎疫情下， 好耐都冇出去食飯。 老婆想食日本野，但又唔想去啲連鎖店， 上網搵到呢間食評唔錯嘅小店， 所以就去試下。由於得兩個人， 食唔到好多野，我地就叫左幾款野試下。叫左幾款壽司， 有油甘魚， 帶子， 赤背同三文魚子。三文魚係一般醬油醃製， 但冇過火， 冇死咸，而且食落冇腥味。油甘魚有魚甜味， 食左柔軟冇雪味， 比起之前係yoho 咁間壽司鋪食好得多了。軟殼蟹手捲上到枱仲係微暖， 軟殼蟹好脆身而且份量唔少，好抵食。芝麻雞翼：炸得好乾身脆口， 但如果個味道可以濃啲，咁就更加好啦。燒三文魚頭： 呢個真係勁驚喜,因為佢唔只得一個三文魚頭，仲有魚鰭 同一舊三文魚肉，68蚊呢個價錢真係冇得頂！串燒五品： 有冬菇，雞翼，免治雞棒，煙肉車厘茄同埋帶子。 老婆就好鍾意個煙肉車厘茄喇， 貪佢個煙肉燒到小小燶先至好食。而我呢就鍾意個帶子， 就算佢搽咗啲醬我都食到佢嘅少少鮮甜味。呢個價錢同普通連鎖壽司店食嘅可能差唔多，但係佢壽司嘅級數我覺得係好過一啲連鎖店。如果下次想食壽司， 我地會再考慮黎呢到。

最近由於疫情關係，好多人足不出戶，怕去人多地方，我也不例外，好耐冇出街今晚破例一日落街食日本菜，餐廳喺屋企附近好方便又好食，一直都有光顧第一時間叫杯啤酒先😃😁刺身飯不得了，兩塊超大海膽賣相已經夠吸引，食落真係好鮮味，海膽甘香味喺口裏面迴盪再配上三文魚籽，簡直就是絕配👍😍喜歡食魚生飯嘅朋友絕對不能錯過👍這個刺身飯188元套餐還有餐湯，茶碗蒸，天婦羅和餐飲，十分超值唔食生野嘅朋友，也有其他套餐選擇，而且價錢更抵食除了套餐之外當然也有散叫，無論刺身，壽司，串燒，選擇非常多雞串配啤酒一流享受😁🤭今晚十分盡興也很滿足午市定食更超值，幾十元就有交易👍喜歡食日本菜的朋友，真的不能錯過👍♥️

最近好中意去九丁目食飯🤣 好食，多款式，幾抵食，服務又好！我最中意食佢地嘅魚生飯，午餐跟麵豉湯，餐飲同甜品。壽司飯幾好味唔太酸，而且口感不錯！三文魚肥美，三文魚子唔死咸，海膽雖然得壹塊但係係鮮甜，上到嚟都冇溶。好鍾意食佢哋啲薑，唔太酸唔太甜味道啱啱好！之前晚市都嚟食過都係食同一款魚生飯，哈哈哈！多咗個茶碗蒸，好滑足料，同用多份天婦羅，天婦羅我覺得厚粉左啲！中午嘅甜品係泡芙，一般般，夜晚嘅甜品好似係啫喱，不過我冇要到。

好耐都冇去元朗啦，今日難得出到去，就去食下呢間朋友推介嘅日本餐廳先。入面嘅裝飾都好有日本感覺呀，特別係天花擺左好多傘，好古式古香嘅感覺，好正。九丁目午餐嘅選擇都幾多，樣樣都好吸引咁呀。我就揀左極上壽司定食，包括有三文魚、油甘魚、海膽、帶子等等，仲有一碗細烏冬，唔洗驚唔夠飽呀。三文魚同油甘魚好新鮮，幾乎入口即化，好食。最令我意外嘅係海膽，好鮮好creamy，一啲都唔腥，好好食。其實壽司都係新鮮嘅，都好味。

午飯時間又到了，這家餐廳人流不絕，想吃日本菜又走到這邊來，座位分隔蠻好，不會太近，店員非常有禮，值得稱讚！午飯餐牌選擇蠻多，配搭也特別，今次就選了一個壽司餐和一個定食！西京燒銀鱈魚定食一上碟就聞到有陣油香味，煎得兩面都脆脆的，夾下去每塊肉一片片，軟熟的魚肉加上香香的魚皮非常搭配！另一個驚喜是有紫菜芝麻加在飯裡面，口感豐富，非常開胃！配上豆腐味噌湯解除油膩感，還有一個芒果味啫喱，滿足！極上壽司定食太久沒吃壽司了，記得這家壽司新鮮所以才敢叫。三文魚油甘魚油香重，脂肪頗多夠厚，赤貝帶子鮮味重，而且鮮甜，推介！不少得滿滿的海膽，一點也不腥，過癮。吞拿魚腩蓉卷一口吃完，吞拿魚口感稠滑，滿口都是！這個配上烏冬，飽肚感十足！配有即磨咖啡，滿足的一個下午！下次想試晚上的料理，期待！

兩個人去了元朗食日本菜，這間在元朗千色附近的九丁目以日式料理為主，晚市有套餐供應，亦都有多款日式小食及串燒。九丁目四色刺身丼有肥美及油脂均勻的三文魚、入口鮮甜的帶子、味道帶甘的海膽及爆鮮的三文魚子，不過海膽未夠新鮮。晚餐丼還包味噌湯、日式蒸蛋、天婦羅及甜品，天婦羅炸得香脆，番薯及南瓜都很甜糯；蒸蛋既滑又香。炸雞軟骨有咬口又不會太硬，但食到底就有點油。串燒五品有雞翼、冬菇、帆立貝、雞肉棒、煙肉車厘茄，燒物都是即叫即燒，新鮮熱辣，而且不會燒得太乾。七味脆皮三文魚扒三文魚有兩大件，果然燒至表皮帶脆，魚肉嫩滑。大阪風半熟牛肉湯烏冬烏冬爽滑而且還有大量的牛肉，牛肉油脂不算多，入口很腍。值得一讚是店員殷勤有禮，而且一入去就會先探熱及幫忙噴灑消毒酒精搓手，防疫意識高。

無限肺炎個個都怕怕，出街食飯嘅人確係少咗，但係呢間餐廳做足準備，因為一入門口餐廳職員已經要幫你量度體溫，仲幫你噴埋消毒酒精添，咁就可以食得安心又放心，所以我成兩點去到餐廳都幾乎全場爆滿跟餐就有凍檸茶送啦我哋一人嗌左個套餐朋友叫咗個鰻魚炒飯而我就鍾意食西京燒，但西京燒烹調需時，大概都要等三個字左右跟餐就會有碗麵豉湯一份啫喱甜品鰻魚炒飯甜甜地，而且鰻魚仲設成一粒粒，撈埋一粒粒嘅炒飯一齊食，非常有口感西京燒就煎既時間岩岩好，外皮香脆，魚肉嫩滑

今日男友帶我去呢間日本餐廳度預祝我生日，我最喜歡食日本野，而呢間無令我失望！可以食盡自己想食嘅野之餘，男友嘅荷包又唔會肉赤！😍呢度環境幾舒服嘅，有bar枱、有卡位，任君選擇，唔會坐得好迫。叫咗個HK$168嘅一人前，叫岩石燒黑毛豬定食，豬肉同紫菜飯嘅份量都幾多，而且頗肥，同男友share 啲肥肉就到好嘞！油份好夠，食幾塊都可以嘅！仲有三點刺身，都係熱門受大眾歡迎嘅刺身，仲有湯同蒸蛋、同甜品，都咪話唔飽，好滿足！睇下啲豬肉燒到幾金香，又厚切咁，兩個人食無問題！食得滯就要嘆返個和風軟殻蟹沙律，啲菜好脆，係因為加咗大量嘅蟹籽，加埋啲醋解膩，仲有每次食和食必點嘅軟殼蟹，不得了！(不知不覺食量可以大咗！) 男友就點咗呢個瀨户風鰻魚炒飯，好濃郁嘅鰻魚香，成碟炒飯都有呢個汁醬嘅味道，口感豐富好creamy，有驚喜！再點呢個嚴選串燒5品盛！16元左右嘅串燒同元朗街頭串燒店差不多！但呢度有得坐有環境享受下都叫值！有雞翼串、帶子串、雞肉串、煙肉mini茄同冬菇串，每串都有2件，可以兩個人都食到啲！有埋支酒就完滿嘞！

同事新居入伙元朗，屋主介紹下大家約好一齊食午餐加團拜😀😀門口都已經好有日本風味今次有貴賓房坐，店入面有電視坐到十人左右見到餐牌已經好想食😄😄😄最後點了三色丼，有麵豉湯,甜品及餐飲。湯夠熱，加入豆腐海帶，好味，三文魚見美，厚度夠，三文魚仔🥰🥰🥰魚油多，粒粒大粒，好新鮮，海膽雖然小，但味道最緊要鮮。不錯再介紹下極上壽司，有8件壽司、一碗烏冬及麵豉湯及甜品。烏冬彈牙，湯底清甜正。壽司有赤貝，飯小但赤貝大。赤貝鮮美。蛋好滑，海膽朋友吃完仲想食多次。帶子大大粒。好味燒鰻魚都係好味之選，大大條，肥美。燒汁好配合，加上有紫菜，👍🏻👍🏻👍🏻👍🏻最好原來外出都有得用餐，岩晒帶狗或喜愛戶外嘅地方

約了很久不見的朋友仔食飯，朋友仔住元朗，我又想食日本野，所以來了這間九丁目，看過餐牌價錢不算太貴，所以就walk in試吓。我們一入座，店員已經好細心拿著消毒噴霧幫我們消毒雙手，畢竟現在環境都要注重衛生。朋友見到隔離枱有人叫岩石燒牛小排，覺得非常特別，所以我們都叫了來試試，另外又叫了壽喜燒牛肉鍋，而店員都好細心咁幫我們安排先燒後火鍋，免得開住2個爐易生意外。我們仲叫了清酒煮蜆~大隻又冇沙，新鮮。燒三文魚扒~多汁厚肉。串燒五品盛~最欣賞係煙肉車厘茄，多汁又夠味。燒牛舌~沒雪味，厚肉，鹽味好好味。吉列廣島蠔~外脆內軟勁Juicy，總括來講~這餐食得好開心，埋單都係600蚊左右

今日入元朗搵食～ 呢間應該係新開(?) 喺KPlus隔離呢到環境幾靚，日式裝修，乾淨整齊，座位今次坐四人卡👍🏻鮮帶子壽司 $28/2pc帶子好鮮甜好好食😋 大大舊蓋住舊壽司飯🤣 壽司飯鬆軟度適中，唔會話太實日式芝士年糕 $38/3pc年糕炸得好鬆脆但唔會太油👍🏻 一咬落去芝士流哂出黎～😋 岩石燒安格斯 $98自己喺舊石到燒黎食～ 幾過癮🤣 安格斯牛好有牛味，灑少少鹽上去調味就已經夠😆 食出食材嘅原汁原味牛肉壽喜燒 $98一揭開嚇到🤣 好多牛呀！個鍋入面超級多料，$98好抵食👍🏻👍🏻嗌咗好多野食～好滿足！價錢唔算貴但食物水平高👍🏻.另外一提，店員服務好好，周不時都Refill茶水，態度亦好好👍🏻👍🏻

雖然我是元朗人，但其實也有好久一段時間沒有好好逛這個市區了。最近才發現原來西菁街開了一家日本料理餐廳，叫九丁目，看到門面覺得也蠻吸引的，便進去一試。餐牌選擇很多，除了單點menu之外，晚餐還有晚市套餐。看到套餐覺得很划算，便點了一份，再單點了一些料理。晚市套餐點了一份火山丼，套餐還包括了味增湯、茶碗蒸、三點天婦羅還有甜品分量很多，也很豐富呢。味增湯不會太濃味，味道不俗。茶碗蒸。茶碗蒸上桌時熱辣辣，鷄蛋很滑很嫩，味道很鮮甜，裏面還有雜菌等材料。三點天婦羅。分別有炸蝦、炸番薯還有炸茄子。這裏的天婦羅也挺有水準，炸得金黃香脆，炸粉不算太厚天婦羅蝦肉爽脆彈牙，不錯。火山丼。這份火山丼材料豐富，有海膽、蟹肉、三文魚子、吞拿魚容、三文魚等等材料塞得滿滿的，太滿足了，而且魚生也很新鮮尤其是三文魚子和吞拿魚容更是我的最愛，分量也下得很慷慨。最後還有甜品-黑加侖子果凍。除了這一份晚市套餐之外，我們兩個人還點了其他食物。特盛鰻魚丼。很出色的鰻魚飯，鰻魚很長一條，而且還很厚肉蒲燒醬汁很惹味，搭配大量蛋絲和紫菜，很下飯呢。看到很多都點的燒肉帶子串，我們也點了試試看。分量也比想象中要多，煙肉包裹著大大一顆帶子帶

今日食完lunch要入大棠親親大自然～所以就揀左係元朗食啦～見openrice好多好評一於試下！佢lunch set都好多配搭～仲要價錢5太貴！平日仲要冇加一！非常抵食～怪得知我地個日2點幾都要排隊啦～🤔雖然都係小店但坐得算舒服～佢仲有間大房～多人可以book定喔～築地三色丼（$108）三色代表海膽、三文魚籽、吞拿魚腩蓉同蟹籽～我係失望左ge吞拿魚腩蓉完全好似擦膠個隻冇咩味⋯😵海膽5甜都5腥好彩然後全部都係籽啦d飯都麻麻地～🤦🏻‍♀️佢個套餐包左麵鼓湯/飲品（我叫左熱柚子蜜）同甜品（泡芙）以價錢黎講其實okk ge價錢對應番個質素😂😂😂滑蛋厚切吉列豬扒丼（$58）lee個出色好多比起刺身但d豬扒真係冇西灣河個間（我食評有提到🤣）咁好味個間真係感覺豬扒係你口中跳舞～☺️佢d蛋都可以撈均成碗飯！追加日式炸餃子🥟4件（$18）不過不失啦明太子雞翼（$22）還好啦～以價錢黎講真係好抵食物質素就要5好太大期望咯～🤣

就黎過年，放工後同老公去超級市場買d清潔用品掃下貨，經過九丁目日本料理，老公話請豬食好東西，正呀🥰🥰餐廳佈置融入大量嘅日式元素，天花採用左日本油紙傘做裝飾；成個餐廳望落舒適優美，怡然自得，座位亦算闊落，環境唔錯。選擇種類多，我地叫左小食同一個晚餐，另外老公想食三文魚頭，而豬就想食壽司，叫叫下又唔覺意叫左好多，好彩食得晒，而且埋單4百幾蚊，都幾抵食。炸雞軟骨，酥脆可口嘅小食，唔乾身但又唔會覺得太膩或太油，灑上味椒鹽同七味粉，一粒接一粒，停唔到口🤤牛肉壽喜燒，鹹鹹甜甜嘅醬汁係豬的最愛，有d壽喜燒湯汁比較鹹，但呢度唔會，鹹甜味比例均勻，再加上新鮮嘅牛肉，大白菜，豆腐，菇類，粉絲等，材料豐富。當然唔少得雞蛋一隻，傳統上等材料煮熟，蘸上蛋汁先食，不過我地就放埋隻蛋入去滾，始終喜歡食熟蛋😂三文魚海膽海老丼，三文魚切得好厚身，咬落係一種厚實嘅感覺，肉質鮮嫰有彈性。海膽肥美鮮甜，細滑嘅質地令人回味。炸蝦外酥內軟，蝦肉彈牙爽口，而茄子同番薯都炸到脆脆的。而呢個係set餐，附送味噌湯同滑滑嘅蒸蛋，落埋鮮冬菇做配搭，一d都唔寡。炭火燒三文魚頭，老公最愛。都好多肉，而且魚頭嘅膠原都好多，所以入口非常嫩滑，魚味