九米香 (Closed)

食左咁耐陳記或市平雜乜牌，係時候試下傳統手工魚肉燒賣！！雖然排隊排左好耐，但都係值得！因為好快就會比人賣曬 每個人都最少買廿蚊魚肉燒賣、有咬口、好香既魚肉味同以前細個食既一樣 咬落去係有彈性既 唯獨佢落多左豉油 有小小鹹

我不入地獄，誰入地獄! 這也是我尋找隱世的味道既宗旨 (曲)。真正的地獄店，我通常只會掛在口邊，說要破地獄，破什麼什麼的，但，人就係咁，見到街知巷聞的劣食店，講破地獄就天下無敵，做呢....就有心無力.....之不過，下次有機會去大阪道頓堀，我仍然想挑戰《金龍》架！到時，是不是有心無力呢，大家就要看著瞧啦。今次，我來到一間自稱 "好難食牛肉麵" 的地方，位置就在大埔的廣福邨。有地利人和，太太的外家就在廣福邨，咁我就要來這一家名叫《九米香》的小食店，勇敢地試一試了。 店子都幾可愛，老闆非常幽默地說明他的牛肉麵是好難食的。而且，他更說，食完碗麵，個碗可以送給你，而我亦細看過，當你是二人前來，惠顧兩碗牛肉麵，就可以帶一個碗走。 麵，就好難食，飯，就有黯然銷魂同傷心斷腸，傷心斷腸仲有幾個 level，有極度傷心、傷心欲絕同生無可戀三個 level，我兩次來都沒有食這個傷心斷腸飯，這一個迷就應該由其他人解開啦。此外，他們的拍青瓜原來是用如來神掌來拍的...... 店子雖然古怪，但絕對是一間製作認真的店。因為他們的其中一個座右銘就是 "寧做少一單生意、莫缺衰一份食物"，態度絕對是正確。 第一次來

放工之時望一望鐘...oh…剛好係下午茶時間...於是專程轆入廣福邨...試一試「好難食牛肉麵」其實人家正名叫「九米香」喺街市內一間細細嘅食店...店外有2張枱...剛好有人客已坐...於是口多多問老闆可唔可以再開枱...答案係：可以～牛角扇真係夏天嘅好朋友～無冷氣都唔怕～牛肉麵送到～$40一碗，唔包飲品。粉麵款式只有河粉或上海麵選擇二話不說要咗河粉...麵身屬於幼幼長長嘅...相信老闆將河粉剪咗幾刀...用筷子夾起會見到碎碎濕濕咁...好在有匙羹幫幫手...一口接一口食都尚算方便～河粉唔算好滑...湯底偏甜...雪菜份量多而且唔算十分鹹又食到微微辣...最最最期待就係呢幾塊牛肉！色水靚，滷水味又香！啖啖肉咬落去，好淋好夠味好好食！習慣將好食嘅東西放到最後...所以食完所有河粉先食最last嘅牛肉...比湯浸住好耐但滷水味依然足夠！正呀！老闆附上辣椒醬，放咗少少就覺得味道唔太夾～於是就堆埋一邊...整碗粉份量都算多...食完就覺得...呢間食店嘅牛肉麵味道+配料選擇唔似港式...反而感覺係偏向台式...唔怪得湯底偏甜而唔係鹹鹹的...又唔怪得只放雪菜但又唔多見到蔥粒...oh～

等左好耐終於等倒真係好難先食倒.....牛肉麵(我只選了牛展) ($40) +滷水豬腸($10)+滷蛋($5)去到時時候只有粗麵幼麵及河粉, 所以選了粗麵上枱時呷了一口牛湯, 比預期清淡麵條煮得剛剛好牛展厚切, 起碼有5mm 還有起碼4片, 吃下去很濃的牛肉味很滿足很有咬口滷水豬腸及蛋滷得很入味, 但略嫌不夠肥一路吃著麵喝著湯, 先前覺得少許清淡的湯變得剛剛好離開後差不多兩小時也未見口渴, 想懷疑落了味精也不成了XPP

這是今個冬季中較為寒冷的一天，碰考來到了廣福邨辦點私事，整個早上都在糾結着要不要去拜訪九米香的牛肉麵。讓我心癢的是大半年前看到一篇介紹關於在港的台式牛肉麵報導，九米香不但榜上有名，並且以其店家「別樹一格」的待客之道最為我深刻。讓我猶豫的則是個人口味一向比較喜歡潮式的清湯腩，那鮮味甜美的上湯襯托出牛肉那種特有羶味，相比台式那種以濃郁牛骨湯底見稱的紅燒牛肉麵，更讓我百嗜不厭。既然來了，還是順道一行吧。小店位於廣福邨街市內的盡頭，甫到達已發現數位食客分佈在店外等外賣；小店對出和後面的幾張摺枱也坐滿了，看來頗有人氣。廚房內，外型冷酷的老闆和一位兼職的叔叔弄出一碗又一碗熱呼呼的「好難食牛肉麵」。這天空肚至今的我就決定貪心地來一客雙併牛腩和牛𦟌麵。還未回神過來，老闆已突然回頭就問要吃甚麼，下單後，沒有多餘的對答，我便拿著一個號碼牌默默地找了個位置坐下來等待。意料之外，大概十分鐘後，叔叔已把我的雙併麵端上了。先從外表來說，麵上擺放了豐富的配菜，為那個深啡色的湯頭添上了一抹搶眼的青綠。急不及待地舀起一匙湯淺嘗，濃郁的牛骨湯混合傳統的香料味道固然合格，兩三口後嘗試伴著些許酸菜，居然還滲透出微辣，甚是刺激

假日入大埔，去了廣福街市嘅九米香食牛肉麵，湯底清甜，而且牛肉夠入味。另外，見到佢有蟹肉碗仔翅，叫咗一碗，勁足料，而且蟹肉唔腥，正!本來想叫多個滷水牛肚，點知老闆話未夠入味，唔賣!唯有下次再去試啦！由於大部份食物都要即叫即做，所以都要等一段時間，而在等嘅過程中，有位嬸嬸嚟買外賣，佢把等候牌放在我的桌上，並說:放一陣唔阻啩？老闆聽到立即走出嚟同佢講:梗係阻啦！放喺度人哋點食嘢？之後就指示佢去轉角的位置等……其實，你可以話老闆嘅服務態度好，亦可以話佢服務態度差，呢個真係見仁見智!

以肉來說，我個人特別喜愛食牛肉同羊肉， 而粉麵飯，我就最愛食麵。所以講到每次去台灣遊玩，必食自己嘅台灣最愛美食餐牌之一 ---- "牛肉麵" 。每次短短幾日遊，淨係講食牛肉麵， 我都可以食5, 6次 (差不多最少一日都要食翻一碗先俾自己返酒店休息), 因為真係超愛超愛食台灣風味嘅牛肉麵。當然唔係去旅遊雜誌介紹個幾間so called 出名嘅牛肉麵店， 因為我聽台灣朋友同台灣的士大哥講， 書上介紹都係俾香港人或者係其他國家旅客去食居多， 唔太係台灣傳統牛肉麵口味， 佢地都唔太去食， 而去真係更本地口味嘅餐廳食， 我自己都覺得味道上更勝大名氣嘅餐廳， 仲要又平又好食喎~ (講緊係港幣$20~30蚊就有一大碗牛肉麵， 最貴都係港幣$100蚊 一碗就可以食到頂級嘅牛肉) 。係香港邊有可能會有，就算有$30幾蚊碗嘅平價牛肉麵， 但品質就成正比， 碗"大"...不過就係湯多， 麵少同牛肉麵好細粒又柴！！ 然而呢個平野無好野嘅定律， 係大埔就被打破咗啦~~~ 我身邊嘅朋友都知道我有幾愛食牛肉麵，所以早兩個星期前其中一位住大埔嘅朋友話我知， 大埔有一位好有性格嘅老闆開咗間牛肉麵店，廣傳雖然麵店有多條

係廣福街市裡面，店主打扮好不羈！叫左碗牛腩麵同牛肉麵，麵軟硬適中，牛唔會好硬，幾好口感。最正係個湯！d蘿蔔既甜味，溝埋微辣既辣椒碎（真係微辣而已，我好唔食得辣），好特別！飲左好多一d都冇口渴！以呢個價錢俾到呢個質量，冇得輸！

經過廣福街市！見到間啱啱新開無幾耐既小食店,主打滷水小食同特色燒烤。但吸引左我嘅竟然係佢嘅足料碗仔翅,我就買左碗嚟試 睇下有幾足料,名副其實 真係好足料架 味道控制得啱啱好 加上足料既冬菇粒同埋係一嚿一嚿嘅木耳唔係果啲切成絲食左等於冇食果啲，加上以墨魚肉取替鯪魚肉 加分加分！！！