二鍋頭 (好運中心)

Open Now

Now Closed

Angus beef,chicken ,pork knuckle casserole hotpot all you can eat@Sha TinMy families and I went to a restaurant called "hotpot2f" (二鍋頭) located in Shop 3109 & 3110, 3/F, Lucky Plaza, 1-15 Wang Pok Street, Sha Tin沙田橫壆街1-15號好運中心3樓3109及3110號舖There are Angus beef ,hotpot,duck,chicken ,pork knuckle casserole all you can eat dinner set which costs HKD$268 per adult for 120 mins.The chicken casserole is fresh tender,soft, succulent and juicy!!with sweet, crunchy water chestnutThere are seafood also p

[ 二鍋頭 ]最近沙田嘅好運中心大翻新完開左好多新鋪頭同食店，沙田區終於有火鍋放題喇，見新開裝修又靚靚仔仔，即管試吓先😋✿ 120分鐘任飲任食火鍋放題嚴選安格斯牛 (二鍋頭惹味雞煲&火焰鴛鴦鴨煲&黑椒豬手煲) $268/位二鍋頭惹味雞煲🐔雞煲惹味香濃，雞肉肉質鮮嫩，配上花椒、芫荽&洋蔥，仲有大中小辣選擇🌶️🌶️，最重要喺可以無限添食😋蕃茄薯仔濃湯鍋🍅🍅湯底有9款俾你選擇，而火鍋配料有安格斯牛板腱、安格斯封門柳、美國牛胸腹、紐西蘭羊卷肉、鳳城水餃、鮮蝦雲吞、牛柏葉、脆鯇魚腩、鮮吊桶仔等等，肉類/海鮮類都足夠滿足到你。總結🫦一個價錢淨喺食雞煲都值回票價，估唔到雞煲質素都有驚喜，食完再添加，性價比高。另外仲有得打邊爐，啱晒食肉一族。沙田分店獨有午市火鍋放題，而午市放題有90分鐘或120分鐘火鍋放題可供選擇，新界區嘅朋友可以一試啊😎✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿二鍋頭地址：沙田橫壆街1-15號好運中心3樓3109及3110號舖電話：31880567✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿

今天同家人去到沙田二鍋頭餐廳吃晚餐，這裡的菜式讓人非常滿意。特別是雞煲和豬手煲，為人留下了深刻的印象。這次試了豬手煲煲，每一口都讓人感受到它的獨特風味。除此之外，被許多人推薦的封門柳牛肉也是值得一試的菜品，味道濃郁，肉質嫩滑，讓人印象深刻。不僅如此，這裡的火鍋也非常出色。火鍋款式繁多，今次我就試了藥饍湯，味道清淡，藥材味非常適合配搭一些蔬菜及鮮肉，亦非常適合接下來的火鍋食材。此外，這家餐廳設計的QR code點餐方式也令人應到方便。使用這種方式，訂單可以快速而方便地下達，減少了人工操作的時間，不會有太多的等待時間。各種食材的分類也非常明確，使人易於選擇心儀的食材。來到這家店的人也可選擇自助配料，選擇眾多，有蔬菜、雜菇，還有響鈴和炸魚皮。在調味料區和飲品區裏還有各種甜品，餐飲和配菜全部的確非常豐富。總之，這是一家非常值得一試的餐廳，我也非常推薦來到這家餐廳一嚐其美食。尤其是如果你愛吃雞煲、鴨煲和牛肉火鍋，這家店肯定會是你的最愛。

《二鍋頭》原來喺沙田好運中心開咗分店🤫雖然我未食過，但都略有所聞，一直喺我嘅bucket list入面😋既然我入開沙田，見5點幾人比較少，就不妨去試吓價錢《二鍋頭》分別有三種肉嘅價錢，我哋就揀咗B，即係嚴選安格斯牛$268，而用餐時間為120mins （沙田分店獨有午市火鍋放題，午市放題可以揀90或120分鐘）食物首先，大家可以先叫咗雞煲、鴨煲或者豬手煲，而且食完可以再食，我哋就叫咗個黑椒🐷豬手煲。呢個豬手煲又比到我幾大嘅驚喜喎👍🏾因為佢嘅黑椒味好重，d肉好大嚿，但已經煮得好林好入味，食落口係滿滿嘅骨膠原😋正！性價比高！鍾意食豬手嘅朋友，一定唔可以錯過之後，我哋再叫咗個藥膳湯底打邊爐。我哋第一時間梗係叫牛先啦，呢個set除咗有安格斯牛之外，重有鮮牛肉，呢幾種牛睇落雖然好似唔係好靚，但食落質素一d都唔差❤️好食另外，其他食物，例如：白鱔片、蜆、鳳城水餃🥟、墨魚滑等等，質素都唔錯🤤最特別嘅係呢度重有我最鍾意食嘅韓國麵添😆我哋食到7:00左右，出面已經有好多人排隊👀所以我建議大家可以早d嚟食

貪心的人有福了！😋 呢間二鍋頭咩煲都可以食，仲可以打邊爐，滿足晒三個願望！⭐️我地先叫左個雞煲，雞煲有唔同辣度揀！🐔之後再嚟左個豬手煲，豬手煲入面嘅豬手炆得好淋，黑椒汁炆得又好入味🐷 每一次一個煲嘅份量唔會好多，方便大家留返個胃食其他野！之後轉打邊爐都有好多湯底揀🍲用手機落單就可以點到唔同嘅肉類同小食！但注意有啲食物要額外收費架外面有唔同嘅打邊爐配料，又有無限飲品供應，食到捧住個肚真係物超所值呀！🤩🤩

沙田好運中心裝修完之後靚左好多呀, 而商場亦開左好多新餐廳~今日我就約左朋友黎食商場新開既二鍋頭火鍋放題喇......餐廳新開好乾淨好企理, 不過地方唔係好大, 黎食最好BK定位啦~~120分鐘火鍋放題有3款套餐選擇~成人價錢介乎$228-318, 主要分別係牛既種類同包唔包海鮮.....任何套餐都包任食雞煲, 鴨煲同豬手煲食完一個煲可再添加或轉食其他煲湯底有多款選擇~~配料可於自助區自取.....有蔬菜, 菇類, 丸類等等~~亦有麵食, 炸魚皮, 響鈴......飲品就有果汁, 汽水, 啤酒....一黎就揀左食二鍋頭惹味雞煲~~~呢個2人份份量剛剛好, 唔夠先再添.....職員會幫忙炒雞.....一路炒就聞到超香呢雞件吸晒汁入晒味, 超惹味喔而雞肉又嫩滑.....最正就係有埋鳳爪食!!!超好味丫!!!!!!!!食完雞煲就換煲轉打邊爐......點左香茜皮蛋鍋....... 芫茜份量都幾多, 好濃味, 好岩鍾意芫茜朋友揀左B餐嚴選安格斯牛~~一共有4款牛可點...用QR Code落單..最鍾意食佢既安格斯牛板腱&封門柳, 牛味濃郁好甘香海鮮方面就有鵝腸, 花枝片, 白鱔片, 脆肉鲩,

突然天氣轉變 潮濕天氣懶得煮 收工同老公去沙田覓食 行行下去咗好運中心 商場做緊大翻新 但都有幾間新開食店 老公號稱邊爐王子 梗係首選十十下啦呢間名為「二鍋頭」嘅火鍋店 個名好有氣勢 門面光鮮企理 三個大燈箱介紹任食價格/食店主打煲三款特色煲 九款火鍋湯底 120分鐘 任食任飲 淨睇圖片已相當吸引 店內環境乾淨 蔬菜及凍肉嘅凍櫃間格企理 每個櫃內都有食物夾供應 凍飲櫃都有成二十款選擇 亦有藍冰啤酒可選 仲有雪糕任食添未叫火鍋湯底前可選一個特色煲我地叫火焰鴛鴦鴨煲 店員會倒D玫瑰露係煲度再點火 令到個味更香濃更惹味 食完之後就叫咗個芫茜皮蛋湯底繼續食到飽 店內肉類可掃QR code落單 另外部份小食可加錢Order 蔬菜什丸就可凍櫃自取 如果仍然未能填飽肚 仲有一丁同韓國薯仔面（獨立包裝）可以自取 誠意十足不知不覺兩小時 車輪轉 飲飽食醉 喜歡試新野 又喜歡坐得舒適 來到沙田區一定要試下鍾意食鴨必試鴛鴦鴨煲 辣辣地配埋枝竹同芹菜好惹味

星期六時六人即興去晚餐行過見好像新開竟然星期六痴唔洗等位就試下先吃雞煲，味道很一般好多汁但又無乜香辣味但份量就ok既然後就轉煲打邊爐點知D野食等極唔黎下下要催先黎，尤其是牛肉order由第一次到最後每次都要追問D肉先會羅黎…待應話廚房無左d單（下？）牛肉望落ok, 但吃落都好一般，無牛味的出面雪櫃d野又得幾碟等到中段先有人refill感覺廚房、洗碗都應該做唔切任食邊爐黎講呢間真係好一般了…試一次就夠

二鍋頭終於在沙田好運中心開分店啦！！沙田的朋友今次有口福了👍🏻二鍋頭主打任食火鍋，更有雞煲、鴨煲和豬手煲吃😋場面不大，但環境勝在非常乾淨整潔。所有蔬菜和丸類食物都放在雪櫃裏，能保持食物新鮮和質素。另一個雪櫃擺滿各式各樣的飲品。雪糕和雪條都是任食。自助漿汁區，按自己的喜好加入蔥、蒜、炸蒜等。自助區有炸魚皮和響鈴。先來一個黑椒豬手鍋😋豬手清洗乾淨，沒有毛髮。而且煮得入味，紋得又淋。肉少脂肪多，滿湖的骨膠原，好滿足😋二鍋頭惹味雞煲雞件切得利落，沒有碎骨。雞件煮得非常入味，配洋蔥一起吃很惹味。有9款火鍋湯底，小編點了胡椒豬肚雞鍋，湯底有幾件雞件和豬肚。部分火鍋料以qrcode落單，有海鮮類和牛😍

二鍋頭開咗分店唯獨沙田店先有午市時段放題任食仲有90分鐘同120分鐘選擇係沙田友嘅喜訊呀相約咗幾個好姊妹出嚟聚下打住邊爐吹水就啱哂我地✨火焰鴛鴦鴨煲雞煲食得多，今次試下鴨煲一放低已經炸炸聲，好有鑊氣味道同口感有驚喜個醬汁辣辣地好惹味鴨掌同鴨肉都超入味店員加入玫瑰露，除咗帶出味道更香，仲有火焰爆炒幾下就食得食完鴨煲之後就揀湯底打邊爐✨芫茜皮蛋湯底芫茜舖滿整個湯底，加入軟滑嘅皮蛋味道好清甜掃QR code可以揀火鍋配料✨安格斯牛軟腍，牛味濃郁仲有唔同款式嘅海鮮蜆肉粒粒飽滿另外雪櫃有唔同蔬菜同丸類可以無限添加，乾淨衛生加埋甜品同飲品，今餐實在非常滿足性價比好高，下次嚟沙田又多一個放題嘅選擇

見到好運新裝修多咗好多食肆,打算試下呢間二鍋頭，見佢都有幾間分店，乾淨企理又多選擇，本身都有少少期待,點知成個經驗都係災難首先等位個陣,等咗半個鐘到，明明有4人枱但又唔比人入，我地4人佢係個4人卡位放咗6對碗筷話呢張係大枱預比6人咁我地都算,各家都有做生意方式,但當我地再等多30分鐘，到有另一張4人枱，入到去見到佢預留嘅所謂6人枱入咗4個客，咁我地乾等半個鐘為咗咩？等到雞頭都凋謝入到去叫個雞煲，出到嚟同鬼佬中菜一樣，係啲柴過紙皮嘅雞上面淋個死咸味精芡就當係雞煲，大佬你同昆鬼佬嘅中菜有咩分別，同啲鹽味糖蠔油豉油溝埋整個膠頭大茨就當係川菜賣比鬼佬嘅垃圾Chinese Takeaway—樣之後轉打邊爐，都叫正常嘅，唔會食死人，100 分有30分個種酒樓任食火鍋質素囉，呢間野真係令我回憶起兒時味道，係細個沙田圍劣食火鍋嘅味道啊，全間鋪最好味嘅係雪櫃罐馬蹄爽呢間野只可以比一分，因為門囗短髮sta姐姐全程都好有禮貌，又主動，佢嘅服務同溝通係100分，呢一分係佢爭取返嚟，唔係食物，唔係間鋪， 唔係老闆

二鍋頭終於係沙田開分店喇。貴為雞煲/鴨煲/豬貴過佢打邊爐嘅性價比天花板，二小時任食最平$228已經食到。可以任食雞煲、火焰鴛鴦鴨煲或者黑椒豬手煲，或者加$58食埋酸菜魚都得。飲品已經包咗仲有啤酒添。先食個豬手煲先。我叫佢地俾半份，因為留肚食其他嘢。豬手炆到仲有彈性，黑椒味好出，食唔到辣記得叫少辣。淨係食呢個都已經好抵，記得出去攞啲響鈴索返啲黑椒汁食。之後再叫一個雞煲過下口癮，就叫個芫荽皮蛋湯底去打邊爐。試真下佢哋啲牛肉。有安格斯牛板腱同封門柳，兩隻肉味都好濃。雲吞、魚皮餃都係出色嘅，其他材料都可以喺出邊凍櫃有得攞，最後記得食返兩杯雪糕，清清個口，爽曬。呢間分店做埋午市90分鐘淨邊爐任食，最平成人只係$118，分分鐘食個拉麵都貴過佢。

今次想同大家介紹嘅係位於沙田嘅一間任食火鍋放題餐廳，我之前都有試過呢間餐廳嘅其他分店，質素都好高㗎。今次見佢沙田開咗分店，就當然要試吓。喺環境方面，餐廳嘅設計夠晒簡潔，比到一種乾淨衛生嘅感覺。食嘢上嚟都會特別放心，而且餐廳嘅自助區都應有盡有，無論係自助醬料區，蔬菜區，定係自助飲品區都一樣有唔錯嘅選擇。餐廳主打嘅就一定係雞煲、鴨煲同埋豬手煲可以任食，可以食到足夠先至再轉返打邊爐。我認為三款煲都各有特色，雞煲嘅肉質嫩滑，鴨煲有酒嘅香味，可以提升肉嘅鮮味，至於豬手煲炆得夠晒淰，我自己好滿意呢個口感。另外係打邊爐方面，都一樣可以叫啲好高質素嘅肉㗎。例如可以叫安格斯嘅牛板腱同封門柳，仲可以叫新鮮嘅海鮮。真係好有驚喜。以呢個價錢可以食到咁多款唔同嘅美食，性價比真係好高。如果大家都鍾意食任食火鍋放題嘅話，我真係強烈推薦大家食呢間餐廳，絕對唔會令你失望。

我和損友入馬場，跑完尾場損友結算有小小斬獲，決定去沙田食咗晚餐之後先回家！睇吓OpenRice 搵到沙田好運中心新場二鍋頭，去到好好彩有位，埋位之後去攞啤酒&炸魚皮食住先。脆卜卜嘅炸魚皮，好過癮！好快雞煲到，我哋係叫中辣，店員等雞煲燒熱之後再爆炒，過程中聞到好香麻辣味，口水都流晒，雞肉好嫩滑又入味，好快就KO咗。再嚟再一個今次一定要多啲鳳爪，因為鳳爪送啤酒一流，惹味又好味！豬手煲夠晒淋又Q彈好似食啫喱咁，骨膠原豐富，真係又要食多啲先得！二鍋頭嘅雞煲、鴨煲、豬手煲係任食嘅，鍾意食幾多都得。火鍋揀咗豬骨湯底，安格斯封門柳嘅肉感實在，不易變韌，而且牛肉味極為濃郁，所以係我至愛之一。我都嗌咗啲安格斯牛板腱，佢嘅特色係肉質中間含有肉筋，牛板腱不僅有牛肉嘅鮮嫩口感，同時還可嘗到不錯的彈性，嚼勁口感好好食。並且牛板腱中脂肪含量極低，蛋白質含量高，因此食多啲補充番體力。呢度啲海鮮真係非常新鮮，蝦又大隻，青口又鮮美。我都食咗好多海鮮，今晚食得非常滿意，所以值得推介。

🌟餐廳：二鍋頭 (好運中心)📍地址：沙田橫壆街1-15號好運中心3樓3109及3110號舖💰價位：$101-200⏰營業時間：星期一至日12:00 - 23:00📱電話：31880567第一次打邊爐係可以任食雞煲、鴨煲、豬手煲，真係夠哂特別，仲可以一次過滿足晒我兩個願望！呢度既雞煲香辣味濃，帶有少少麻香，味道好正宗！雞件十分之嫩滑又多汁，就算煮得耐都唔會柴口～加埋芫茜、洋蔥等配料就更加惹味！今次嗌左嚴選安格斯套餐，湯底方面就叫左沙嗲湯底，店員特別推介話呢個係人氣湯底嚟，一於試下先！沙嗲湯底好重花生醬味，微微辣，真係好出色～店舖仲有好多自助小菜可供選擇，特別推薦炸芋頭，芋頭超粉糯，入口軟綿綿。牛柏葉十分彈牙新鮮，沾滿沙嗲湯底，勁過癮！肉類同樣有好多選擇。安格斯封門柳，油花分布平均，重油香得嚟又唔會太肥膩。安格斯牛板腱，有濃濃嘅牛肉味，又新鮮又高質。仲有少見既本地牛肉，比較厚身，食落超級嫩滑，啖啖肉！真係必叫之選！仲有多款飲品及雪糕供應，大家記得去自助櫃揀啦～～———————————————————😋味道：4/5🏢環境：4/5💁🏻‍♀️服務：4/5💵價錢：4/5🤟🏻性價比：4/5——————