亞玉豆腐花

Open Now

Now Closed

同女朋友拍拖，食完晚飯仲想行下，感受下浪漫嘅氣氛。見到呢間豆腐花好多人排隊，即刻試吓。話俾大家聽點樣可以免費瞬間提升食物嘅味道，就係同女朋友一齊車啊。特別甜。咁的確搵豆腐花又真係玩嘅，份量都好夠，都好快有得攞。食完暖粒粒下次黎會再食！

亞玉豆腐花是豆腐花界的傳奇，全香港的人都應該認識這一間豆腐花店。今天路過紅磡，發現這裏有一間分店，而且不用排隊，於是支持這一間在荃灣與別人戰鬥的豆腐花店。這間店最近出名的是平價豆腐花，但今天不太想吃豆腐花，因此點了砵仔糕和豆漿試一試。在這個大熱天時，能夠感到一支冰凍的豆漿，感覺十分美味，路過的人應該要試一試。砵仔糕是香港傳統小食，能夠成全到這種美味可口的消息確實不是一件易事，而且這個砵仔糕真材實料，上面還有很多紅豆.店員姐姐態度非常良好，下次路過一定支持一下

亞玉每次來到都會食番一碗，今日都唔例外，先來一碗豆腐花。店內更提供了自助薑水、糖水、黃糖，可自行按自己的喜愛程度添加。熱豆腐花 - $8豆腐花來到時，已聞到陣陣的豆香，吃下香滑得來帶點口感，軟滑非常，再加入薑汁、糖水、黃糖，更添層次，美味。除了有豆腐花售賣外，更有缽仔糕，客家糍粑更是這麼熱賣的。剛好店員靚姐正在搓糍粑，當然要叫嚐嚐。客家糍粑 - $6客家糍粑像糯米糍，把糯米糰搓揉成又軟又薄，再把花生碎、黑白芝麻蓉、砂糖包成。外形大粒又圓團團，非常飽滿又吸引。皮薄餡滿輕輕一咬，內裡餡已一擁而出，絕對抵食。缽仔糕 - $2 (凡購買任何產品加$2, 可換1個)黃糖缽仔糕只是有紅豆及沒有紅豆的分別，但有紅豆得黎，仲要係好多個隻，而且體積細細，可以一口一件。缽仔糕味道不會太甜，軟糯質感，紅豆鬆化，正。

尋日突然豆腐花癮起，咁啱喺紅磡果頭記得有條街有豆腐花食，就即刻去解下癮～同朋友叫咗一人一碗豆腐花，一凍一熱， 見到缽仔糕細細粒又好多豆所以就試埋，仲試左一粒好少見到嘅客家糍粑😅豆腐花好滑，幾香豆味，有糖水同黃糖揀，可以按照自己口味加👍砵仔糕軟硬適中，唔會好淋又唔會太實，重點係超多豆👏👏 貪佢細細粒可以試多啲其他野客家糍粑係糯米糍嘅外層，好煙韌，裏面係花生同芝麻，勁香口，又脆口，好夾既配搭！下次試埋佢地既黑豆豆腐花先～

雖然身為為食使者，但我對甜品又唔算係好瘋狂，可能覺得一味甜但又唔係好飽肚…不過屋企樓下呢檔亞玉豆腐花又係我係甜品界中少數好鍾意既一個例外。幾乎個個月都黎食兩三次，因為佢D豆腐花真係夠香夠滑，豆漿又好飲得黎唔太甜，豆味夠香!今日行過熱熱地，又走上前叫碗豆腐花🍨食下。見佢出左隻薏米白果豆腐花，咁就試下新野啦。呢款新野只係貴1蚊，但就似畀多3蚊既料! 勁多薏米又好香! 白果都預先煲到好淋，兩樣同豆腐花都好夾! 而且薏米本身都甜甜地，所以咁樣一齊食，連黃糖都完全唔駛落，感覺都健康D😎!細佬就揀左椰汁紅豆涼粉冰🍹，即叫即整，而且超多料又超多椰汁! 雖然椰汁偏甜，但同下面既涼粉粒好夾，兩樣又係中和返，涼得黎甜甜地，加埋D紅豆好有口感! 而且食完真係飽飽地，大杯又抵食抵飲，所以抵佢咁多年都仲咁受街坊歡迎~😇

來到紅磡 就梗係食地道出名嘅亞玉豆腐花啦.💟 薑汁豆腐花豆腐花即叫即but 非常之滑 豆味又濃黃糖薑汁任落 天時暑興勁解暑價錢十蚊有找 性價比極高！！💟即磨冰凍豆漿就將一如既往大大支同樣好香豆味味道唔算甜飲曬都唔會有罪惡感💟椰汁紅豆涼粉冰新產品 價錢超平15蚊勁大杯！出面飲喜茶都60蚊一杯啦呢個價錢諗都唔諗就買咗兩杯勁香椰汁味又濃又滑紅豆西米涼粉一比一淨係飲到飽🤩涼粉爽口西米煙韌紅豆淋淋地香紅豆味就算冇嗌少冰都唔會落冰誠實商人！抵飲！😋

餓底今晚來黃埔，五六點又未到晚飯時間，經過亞玉，呀，食碗豆腐花都好喎，於是就買左一碗。天時暑熱，梗係買碗凍架啦，阿姐問要糖水/黃糖，其實呢，餓底之前減肥果陣，係可以就咁食，乜糖都唔落架！咁就食到黃豆原本的豆香，不過今日要少少黃糖啦！嘗一口，嘩！凍既豆腐花都咁滑既！滑既程度十分滿分既話餓底會比滿分十分！話咁快已解決一大碗，食豆腐花有兩種食法，一係攪爛晒，二係食一啖"片"一啖，餓底屬於後者，認為咁先食到豆腐花的質感！

放工約咗朋友去紅磡食飯, 見時間尚早, 一於去亞玉食返個甜品先本來想叫食開嘅芝麻糊豆腐花, 但天時暑熱, 忽然好想食涼粉, 於是叫咗個花奶涼粉同一粒客家糍粑😊涼粉夠哂冰凍, 口感同一般媽咪喺街市買到嘅好唔同, 個人認為偏向似淡味龜苓膏, 加入花奶味道唔錯, 花奶可以多D😛見到店員包緊客家糍粑, 似一般食到嘅糯米糍, 餡料有花生同芝麻, 即刻要一粒試下, 唔知係咪因為新鮮現場即包, 感覺糯米皮好軟熟, 零舍新鮮好味😋😋😋

大熱天時食碗凍豆腐花特別爽😍新口味～ 薏米白果豆腐花薏米白果豆腐花本身已經有一定的甜度，所以完全不用再落黃糖。豆腐花本身滑嫩，薏米和白果都煮得很淋。很足料，涼爽得來又清熱解毒，不錯不錯👍🏻而原味豆腐花的黃豆味清香又夠濃豆味，薑汁和黃糖可以因應個人口味自己添加。紅豆砵仔糕～ 好耐沒有吃過這麼傳統風味的砵仔糕。滿滿的紅豆，砵仔糕又煙韌彈牙。客家糍粑～ 一盒有三粒份量十足的糯米糍~ 入面混合了花生和黑芝麻餡料，皮薄餡靚，外皮亦很煙韌。不知不覺吃了很多🤣🤣 中式甜品正呀🥰😍

初初食個陣客家糍扒幾好食架 仲乜而家差左咁多 1.) 表皮硬，好似風吹過 擺左好長時間咁 唔煙un2.) 皮厚 太厚 入面d餡好少到芝麻糊🚫唔·好·食❌同我係supermarket到買幾蚊包既芝麻粉沖劑差唔多ge味道❌開到好稀，明明芝麻糊要杰先好食ga ma ❌又唔甜 無乜味間鋪係街尾，街頭都有間賣類似既野，紅磡區好多選擇，呢間唔會再回頭啦byebye88👋🏻👋🏻 never come again. Disappointed

食完嘅喳咋要將碗放紅色桶，匙羹放藍色筒🙉分門別類等人地好收拾碗筷，唔用即棄匙羹同膠碗橫風橫雨咁企係到食，食埋風同雨落肚一號風球呀大佬😂呢碗係喳咋喇，都幾多豆，，唔同種類，對我黎講佢係好甜，食到最底個陣too sweet有凍有熱揀，，最緊要有得揀。砵仔糕細細個，可以揀有豆同無豆佢都仲有好多甜品糖水既，不過食唔得落咁多野，同埋食咁多甜野係會好肥好肥好肥，唔靚呀😹食下甜野當踢走Monday blue.

天口熱 喺黃埔行過想食碗凍豆腐花🤤🤤🤤豆花本身較淡 想甜啲 我就會加黃糖食個口感正好多😂今次就溝芝麻糊食芝麻糊本身甜 溝豆腐花食一流！嚟亞玉我係一定食客家糍粑我一個女仔就可以食到三個😂唔係講笑 我媽整極都無佢整得咁好食糯米皮煙韌 餡料豐富 芝麻、花生、椰絲 甜度適中絕對係皮薄餡靚偷師都偷唔到個手勢😂一定要出嚟買至得朋友食咗砵仔糕同新出嗰杯椰汁西米涼粉冰 佢話好足料 又好解暑😆真正嘅平民食店 百吃不厭💛❤️🧡💙💚

平時真係極少機會去紅磡, 黃埔呢邊, 今日參加完朋友housewarming party, 朋友就帶我周圍兜下, 當經過 , 朋友就👍🏾大讃呢度既豆腐花, 難得黎到就一於試下啦😋店舖沒有堂食座位, 店舖前keep住人氣, 有人外賣, 有人即場企係兩邊食😱薑汁同黃糖因個人口味自己加的 (黃糖比較大粒粗身, 我個人口味黎講就建議唔需要落太多)黃豆豆腐花(凍) $8💦大熱天時食碗冰凍豆腐花實在透心涼, 份量滿滿的, 質感挺身滑溜, 陣陣黃豆香味慢慢散出黎, 香而濃黃豆豆漿(無糖) $10香濃豆香味, 又好飲又健康, $10一大支非常抵飲 (新鮮製造無添加, 所以要盡快飲用啊)

呢個星期工作上好忙碌😵食完lunch見有時間剩就去左附近行一陣輕鬆下經過美食林立的船塢街見到有亞玉豆腐花其實平時去開荃灣分店都有幫襯今次就試下紅磡分店啦😎之前都係食花奶豆腐花多今次見佢有新推出的產品"薏米白果豆腐花"同"喳咋"就試"薏米白果豆腐花"啦😊薏米白果豆腐花 $11叫左一碗凍的姐姐裝好一豌凍豆腐花就去雪櫃再裝薏米白果即叫即裝 唔係預先裝好晒 感覺新鮮又衛生👍而且仲好冰凍薏米白果的白果都好足料😋而且已經帶有甜味唔洗另外加糖都OK味道清甜👍$11碗豆腐花經濟實惠配埋薏米白果就更加特別👍平時屋企附近剩豆腐花都唔只$11想消暑可以食下佢仲有好多其他小食好似砵仔糕咁見佢鋪滿晒紅豆好吸引🤩下次黎食試先

黃埔德民街多野食係人都知, 經過行過總會放低幾蚊, 這日就去了食亞玉豆花, 店細, 食的人都是站在門外一碗一碗的吃。 店內準備了黃糖及糖水供客人自行添加, 叫左黑白兩溝, 豆腐花幾滑，溝埋暖的芝麻糊, 黃豆味濃郁，都幾好好味, 另外仲叫左客家糍粑, 滿滿的黑芝麻同花生, 芝麻自家炒製，真材實料外層軟熟。 黑豆豆醬味濃唔過甜, 幾蚊就一大支, 豆味都幾濃, 做下午茶剛剛好。 砵仔糕細細個賣12蚊5個, 多紅豆, 甜而唔膩, 又買左比仔做埋下午茶食。