亞玉豆腐花

Open Now

Now Closed

店鋪：亞玉豆腐花 (紅磡)地址：紅磡船澳街99號遠富樓地下B舖喺荃灣發生過豆腐花大戰嘅亞玉豆腐花全盛時期賣到三蚊一碗，目的就係為咗吸引客源同埋同鄰近嘅豆腐花鋪競爭，高峰時期甚至乎一日可以賣足1000碗，今日去開紅磡，見到原來紅磡都有一間分店，所以一於試吓曾經風靡全港嘅豆腐花，尤其是大熱天時食返碗冰凍豆腐花同冰凍豆漿真係爽一爽薏米白果豆腐花 $11薏米白果豆腐花係亞玉豆腐花嘅新口味豆腐花，比起傳統甜品店賣成$16-$17碗真係平得交關，而原味豆腐花都只係$8一碗，雖然就冇荃灣$3一碗咁平，但係呢個價錢都平到可以食返幾碗。薏米白果豆腐花本身已經有一定甜度，所以唔使落黃糖都已經好夠味，豆腐花本身滑嫩，加上薏米同白果嘅份量都幾足料，$11一碗真係抵到爛紅豆砵仔糕 $3/個好耐冇見過成個砵仔糕都係紅豆喇😻每一啖都係粒粒紅豆，而砵仔糕做到煙韌彈牙，6個都只係$14，平通街呀無糖黑豆豆漿 $12黑豆豆味香濃，原汁原味唔會覺得好似飲糖水咁，新鮮製造無添加成份，包你每啖都飲到鮮豆味

成日都會行過呢條大街，越黎越多小食店開係兩邊🤤🤤🤤當你行到熱辣辣，見到一碗凍冰冰既豆腐花，真係覺得好幸福 加埋啲薑汁同少量黃糖真係透心涼。呢到仲有自家制既糍粑，對於煙韌控既我黎講真係天堂，入面滿滿既花生同芝麻，成個口感同味道都好豐富 有時店員會可以分拆買單個 有時就要成盒三個買，但每個唔太大，一個人都可以慢慢食曬👍🏻👍🏻👍🏻另外仲有自家制迷你砵仔糕，呢個大小真係好好，最岩成日口痕既我🤪

今日係紅磡行過見到呢間店，店面細細賣既野唔多，冇坐位但好多人幫襯~仲會即場企係度食~好奇望下，見到有想食好耐既糍杷，於是就決定幫襯埋一份~見到d人食豆腐花同芝麻糊好似好正所以叫埋黎食~客家糍粑可以用皮薄餡靚黎形容!外皮非常煙韌，入面包左炒香左既花生同芝麻等餡料，食落口感豐富又甜又香!一盒有3個，結果唔夠喉要買多一盒~秘製芝麻糊我地叫左凍既，唔係普通芝麻粉溝水，不過唔知係咪因為凍食，質地真係太杰，唔似食糖水，但相對上感覺冇咁甜，所以都唔會好漏，而芝麻味都夠突出。黃豆豆腐花店名都叫阿玉豆腐花就知一定係招牌貨!果然豆腐花好香豆味又夠滑~而且份量多到滿滿一碗，黃糖可以自己加，想筆幾多都得，真係好正!食完豆腐花覺得太正，買埋兩支豆漿拎走慢慢嘆~有少甜同無糖可以選擇!非常健康~番到屋企開黎飲，豆味同豆腐花不相伯仲，滑溜又解渴又有豐富蛋白質~值得推介!   

主打港式街頭糖水，豆腐花是店內的招牌之作。雖然店內只賣數款甜品，但貴精不貴多，味道取勝，價錢也是街坊價，性價比超高！店員手法純熟地包糯米糍。喳咋 ($10)甜度適中，帶有椰香味，又不會死甜；豆類不腍不硬，吃得滿口盡是豆類的質感，口感豐富。黃豆豆腐花 ($8)店內準備了黃糖、薑汁及糖水供客人自行添加。豆腐花質感滑嫩細緻有光澤，口感絲滑柔順，入口如水般順喉直下。客家糍粑 ($6/粒、 $15/3粒、$38/8粒)外形渾圓飽滿，質感軟綿。糯米皮香軟煙韌，皮薄餡多，全是滿滿的芝麻花生餡，非常足料！口感煙韌糯軟，美味可口，讓人回味無窮！

紅磡街市遊樂團後, 到轉角那邊找個下午茶.看到這家小食甜品店, 都是小時候熟悉的食物, <味蕾的記憶>. 而且, 只有涼粉加花奶之外, 其他食物應該没有牛奶, 所以放心讓小米食. 而小米馬上發現豆腐花.      小米可能有潔癖, 不食黑色的食物, 而雪白的豆花就變成首選了.  加上豆花軟棉棉的口感, 無需牙力就可以享用了! 瓦碗盛著雪白豆花, 就交由小米自行決定加糖水/薑水/黃糖了.  二樽糖水/薑水偏不要, 反而加入黃糖. 然後是小米第一次捧著瓦碗在街邊享用豆花了!     購買食物加二蚊換購砵仔糕. 有紅豆和淨味, 小米選了没有紅豆的. 不過顏色有點怪! 色澤不似紅糖片糖那個啡色. 小米表示 : 係豆花用的黃糖! 還食得津津有味呢! 這個以粘米粉和傳統黃糖天然色素製作的QQ砵仔糕,  在家中要煮這甜品不難. 但難就難在要抽空去煮, 一次要煮大份量.        芝麻糊  黑色入腎經, 但腎虛則髮枯. 為了自己的頭髮, 所以會多吃黑芝麻糊.  雖然自己懂得在家自煮芝麻糊 ~ 用養生機!! 眼前有現成的, 當然要來一碗. 是很正常的芝麻糊, 粘度高, 濃度足, 不太

今天吃過午餐後，突然很想吃甜品,便偕同事一起去亞玉豆腐花吃些經典甜品，先來一碗豆腐花，豆腐口感非常滑，一口便溜進喉裏，可自助添加糖水或薑味糖水，有豆腐花，黃糖當然不能少，超正，除了豆花還有其他甜點，客家糍粑一盒三粒, 糍粑內有花生粒及黑芝麻餡, 非常多餡, 兩者好夾, 糍粑皮薄, 如果雪凍吃的話, 會有點像吃雪米糍。涼粉雪得很夠冷，加上花奶，非常消暑，砵仔糕兩種，就是有豆或無豆，砵仔糕甜度適中，口感QQ的，所有食品價格便宜，飯後甜品的好選擇！

豆花鋪殺到紅磡紅磡唔係美食沙漠，出名餐廳，特式食店，甜品鋪小食店更加係唔少，但豆製甜品嘅立食店就好似冇乜，而且喺荃灣已經好出名，所以喺紅磡開鋪依然有市場，亞玉主要賣豆製嘅中式甜品，其他特別嘅有勁多勁多紅豆嘅砵仔糕，仲有客家糍粑黑豆豆腐花(凍)-出面少有，第一啖乜都唔加，食都真係有少少黑豆味，雖然唔算好滑，但食得出係新鮮黑豆製，之後都係加返黃糖，同出面嘅有名豆花不相伯仲砵仔糕-算係迷你size,但同勁多紅豆鋪面，糕都痴口，抵食客家糍粑-呢個世界級正，皮薄，多料有花生芝麻糖，一食會爆出泥，好在有帶紙巾，因為食到成手成口都係不過夏天企門口食係幾熱，外賣去商場屋企食比較好

上星期去元朗都無緣一試 ，今天到紅磡辦事又比我見到 心不再猶疑先來一碗豆腐花， 姐姐問我要 定係  我心唸其黃豆經常食， 不如試下凍 $9 糖水和薑汁都是自加， 姐姐提我薑汁無甜味的， 要再加糖水，好似媽媽一樣。 急不及待將一口冰涼的黑豆豆花呷下， 黑豆質感無黃豆咁滑，姐姐解釋原來是凍的豆花會出水， 所以才會覺得無咁滑，並非黃豆和黑豆的關係， 但味道的確是黑豆的豆味較濃，加上淡淡的薑汁香味， 正正是又抵食、蛋白質豐富、健康的甜品，大人細路都會喜歡。 客家糍粑  $6/粒 買了一粒即時食， 一拎上手已經感到軟棉棉， 外皮十分薄，不會過份黏稠， 一咬開錎料已經傾瀉出來， 黑芝麻和花生粒炒得超香口，係我食過最好味的糯米糍! 食一粒又點夠喉買多盒  $15/3粒返屋企慢慢嘆。  砵仔糕原價$12/2 個 買任何食產品加$2 有一個砵仔糕，順手買多2 個同家人分享。  $2 一個， 多豆，性價比點都係高 

下午經過紅磡黃埔，食完飯之後覺得未飽，想下午茶食少少野，剛巧經過阿玉豆腐花，見到有豆漿豆腐花及小食。有嘢飲又有小吃，也是下午茶唔錯的選擇。是日我選了「飲豆漿·食芝麻糊」因為豆漿芝麻糊都10分健康有益，而小吃我就選擇了客家糍粑及砵仔糕。黑豆豆漿（無糖） 天氣炎熱, 一口氣飲晒成支豆漿，很解渴。喜歡他的天然味道，無添加，飲到健康的黑豆豆漿味道。其實店內有很多選擇，可以選擇原味或者黑豆味豆漿，有糖或無糖。 芝麻糊 食到有粒粒芝麻磨成粉芝麻糊的味道，唔係用粉溝嗰啲，食到芝麻糊的原味道客家糍粑個人很喜歡傳統風味，對客家糍粑有情意結，很喜歡它皮薄餡靚，𥚃便有滿滿的芝麻及花生碎，食落大滿足而且＄15有3粒，可以食得飽飽又便宜。砵仔糕 傳統風味的砵仔糕，每個包含滿滿的紅豆，回憶到童年的味道。而且砵仔糕售價便宜，是小吃的不錯嘅選擇。

呢日飲完茶想係附近食個甜品，又走左去亞玉度立食😎▪️ 黃豆豆腐花（6.5/10）💲8要左個凍既豆腐花，今次入口唔係好夠滑身🤔至於豆香就不過不失，可以自行加上糖水或者黃糖😍▪️ 秘制芝麻糊（7/10）💲15其實自己多數係叫熱既芝麻糊，但夏天比較難係室外食到熱野，所以最後決定要個凍既😂估唔到凍既都幾有新鮮感，依舊可以做到質感細滑無粉狀粒粒，不過芝麻味就無熱既咁濃▪️ 香滑砵仔糕（7/10）💲+2/個之前有食過呢間既無豆砵仔糕覺得幾唔錯，呢次就要左個有豆既試下😛唔知係咪比較足料多紅豆既關係，感覺米香味無咁強，同埋質感相對地會實身啲🙈下次都係買返個無豆既▪️ 客家糍粑（7.5/10）💲15/3粒平時多數夜晚黎到，客家糍粑都係賣晒，呢日晏晝黎到終於有貨可以一試😈個糯米皮薄身得黎夠曬煙韌，內餡既花生芝麻都炒得好香口，甜度亦都適中，頗有驚喜呢😍🔎 整體評分（7/10）

自從搬咗去土瓜灣之後，好少喺附近搵好嘢食，朝早起身想食清啲，諗到不如食豆腐花好耐之前已經聽過阿玉豆腐花，以為喺荃灣元朗先有得食，喺黃埔都有得食好方便我哋呢啲九龍人白果薏米豆腐花白果同薏米份量都好足，煮得啱啱好，薏米唔會太硬，豆腐花係自家製，豆味好香，豆腐花又綿又滑，平時鍾意食白果腐竹薏米糖水既人可以試吓花奶涼粉夏熱天時食到一碗滿滿嘅涼粉係幸福嘅感覺！涼粉細細粒，企係度食唔會食到好論盡。花奶佢地用嘅係淡奶，唔會太甜，如果覺得唔夠甜，有糖漿提供。花生芝麻糍粑淨係食豆腐花同涼粉我唔夠飽，加埋一粒糍粑啱啱好，花生同芝麻好明顯有炒過嘅，食落去層次好分明，但唔會好甜嘅感覺，糯米皮十分煙un最後我哋買埋兩支無糖豆漿，一支係黑豆一支係黃豆，好過飲啲唔健康嘅飲品以後如果想食健康嘅早餐都會過嚟食，如果有鹹點可能就更加好啦

工作經過此區，外賣了豆腐花、糍粑跟砵仔糕回家跟家人品嚐。原味黃豆豆腐花（凍）炎炎夏日，當然是點凍豆腐花吃，原味的豆腐花即使凍食也夠滑身，有豆味，不錯。 黑豆豆腐花加薏米白果糖水（凍）較為少見的黑豆豆腐花，這次加配了薏米白果糖水一同品嚐，凍食的黑豆豆腐花較實身，沒原味的滑溜，但同樣帶豆味香，配上清甜的薏米白果糖水，意想不到的夾！整碗豆腐花感覺十分清涼，在這悶熱的天氣吃真的透心涼。砵仔糕小小的一個，下午茶吃剛剛好，紅豆量多（由相片可見）舖滿整個糕面，甜度適中。糍粑也很不錯，花生芝麻的餡料十分豐富，甜度也調得剛好，糯米外皮煙韌，媽媽吃得津津有味。想不到這小小的豆腐花店各分店都能保持到一致的水準呢！

一天到晚工作完，累了半死去食晚餐，最後好像還小了一點什麼，一直走回家經過亞玉豆腐花發現，原來小了一點甜的東西，在這個這麼熱的天氣之下，好好坐下食一碗。當時已經很晚，但是還有好多人在排隊，所以吸引了我。一碗普通凍豆腐花，枱上面有好多東西可以自己加，有糖漿，黃糖，薑汁等等，自己喜歡要多甜自己來，滑到不很，入口即溶，還有一碗黑芝麻豆腐花，我本來想加一點糖，但老闆見意先試試看，她說芝麻湖本來是小甜的，所以怕我加了會覺得太甜，果然不加是對的，芝麻湖的甜度剛剛好，加上又滑又淡淡的豆腐花，真的好配。口喝還有豆漿，豆漿都不只一款，有黑豆漿，無糖等等，我選擇了最普通的有甜豆漿，但都不會太甜，又夠冷，非常好。最重點是這個客家糍耙，就是自己做的，皮薄餡多，問了一下才知道是用芝麻，花生，加一點點糖，拌在一齊，有一點點甜，但因為有芝麻跟花生的香，又覺得好配，三個真的不夠食。

近年發展商積極翻新舊屋邨，充滿人情味的小店越來越罕有，所以每逢到訪黃埔或紅磡這一區，必定會光顧小店，品嚐香港味道。今次已經是我第三次光顧了，回頭的原因只有一個，食品真材實料。我之前試過黃豆豆腐花，但總覺得黃豆香味不及黑豆豆腐花濃郁，所以今次照舊：黑豆豆腐花配紅豆！紅豆粒粒分明，咬落好有口感，而且甜味適中，不會蓋過豆腐花的豆香，豆腐花質感幼滑，做得好出色！另外都好推介大家試吓薏米白果豆腐花，真係有好多薏米同白果粒，而且薏米質感煙煙韌韌，同豆腐花味道好夾。第三次食這裏的黑芝麻糊，如圖所見，芝麻糊偏向稠身，啖啖都係打磨得幼滑的黑芝麻，這樣的質素已經買少見少，至少不能在大商場的連鎖店中找得到。其實我真正光顧的原因就是客家糍粑！一盒三個細細件，買返屋企同人分享就最好😎(其實自己一個食晒就最好😂)咬開軟熟嘅糯米皮，裏面就係花生麻蓉餡料！餡料應該烤烘過，花生香味突出，又有口感，甜美調校得好適中（我最怕食到一粒砂糖）👍🏽👍🏽👍🏽

夏日熱辣辣，當然要食翻碗凍豆腐花啦，但糖水鋪啲豆花難以令人滿足，係眾多間店鋪入面，有幸比我係紅磡揾到間「元朗阿玉豆腐花」今次唔洗疊羅漢都可以食到元朗野😂依間有堂食或外賣，但堂食就得門口幾張櫈仔，如果比人坐哂就要立食，不過唔好以為係門口食一定熱死同污糟，佢門口好乾淨，熱天食埋碗「凍黑豆腐花」，唔洗冷氣都透心涼，加埋自助調味區，要幾甜完全由自己控制，怕甜嘅人就啱哂，豆花唔啱重有涼粉㗎，「花奶涼粉」好似無咩特別咁，但店家問我要唔要加紅豆，我立刻呆左幾秒，加紅豆係咩玩法呢！有新嘗試當然要試下啦，令人估唔到味道意外地夾，唔會有為和感，紅豆甜得黎唔會過龍剛剛好，涼粉冰涼爽口，食完透心凉，感覺叉滿電啊！重點介紹「客家糍耙」，店家講係每日新鮮即製，唔會留過夜，每日限量發售，味道偏甜，但又唔會太過火，皮薄加超多餡！！！都係15蚊三粒，性價比高，現場食完，都有啲唔夠喉😅除凍品之外重有熱，冬夏都有個好去處了～