人和月雞煲火鍋店 (Closed)

之前試過呢度既外賣雞煲，一直對佢既湯底念念不忘，今日同frd黎堂食！叫左晚市SRF極黑和牛海鮮大滿貫可以跟一個煲或者烤魚，估唔到呢度會有酥皮麻辣芝士雞煲，咁特別，一於試一試叫左小辣、小麻好大份！入面都有成十幾舊雞，仲要係啖啖肉，好足料～酥皮可以撈埋入去，索晒雞汁同麻辣汁好惹味食夠雞就可倒湯底，我地叫左牛奶鍋，滋潤有營養～牛肉拼盤有澳洲m4和牛、嚴選牛板腱、嚴選牛下肩、極上黑安格斯牛小排等，每款都幾新鮮，牛味又香濃，我最鐘意牛小排，食落唔鞋同juicy,牛脂味濃郁海鮮有好多款，鮑魚、青口、帶子、大蝦等😋仲有好多其他野食！

7點半到，叫咗set C 398一位未加一，揀咗招牌麻辣雞煲同鮮茄粟米甘荀湯底。揀晒啲嘢之後就掃QR code，但見到好多丸類同海蝦都售罄，剩返嘅選擇就少上加少。首先個雞煲嘅調味我覺得唔夠香但啲雞係滑嘅，之後嚟咗個湯底，一嚟都係白色嘅我以為叫錯，點知真係蕃茄湯但完全蕃茄味😂，應該未煲好就攞出嚟比客人，好彩啲粟米都甜嘅。呢個餐包左海鮮拼盤，啲蝦嚟到都識郁嘅，海鮮整體都算新鮮。牛肉拼盤就擺得幾靚，但啲肉對比其他地方真係切得相對細而且非常薄，再嗌一轉牛都係咁。加上墨魚滑上嘅方法唔係有匙羹同桶，令我有啲詫異。總括嚟講，呢個價錢同呢個質素加埋真係非常普通麻麻，出邊有更多性價比高既餐廳。

👯閨蜜同朋友食過一次, 話一試難忘, 必定要帶熱愛火鍋嘅我, 嚟滿足下口慾😋食店裝修簡潔, 座位舒適, 需要步出自助吧取食物的通道, 都唔會太狹窄👍🫕火鍋放題為120分鐘, 有幾款套餐選擇, 我哋揀咗 Set C :✨澳洲M4和牛及海鮮大滿貫 $398頭盤：四選一🐔原創酥皮麻辣芝士雞煲♨️熱辣辣上枱, 已經聞到陣陣酥皮牛油香味, 店員為我們切開酥皮後, 撲鼻嘅麻辣香氣, 真係令胃口大開🤩🐔雞煲份量唔細, 雞肉嫩滑, 麻辣味嘅辣度適中帶芝士香, 非常惹味😋食完頭盤, 跟住係揀鍋底開始火鍋🫕🫕火鍋湯底：八選一 鴛鴦湯底加 $30♨️川式麻辣湯,可選辣度🌶️🌶️🌶️由於頭盤食咗麻辣雞煲, 我哋揀咗個清啲嘅火鍋湯底🍄野菌冬瓜湯🐂美國牛肉大滿貫, 牛肉盒內有八款之多, 包括有👇🌟特級牛胸爽,高級雪花肥牛,美國特選牛舌心,嚴選牛下肩,澳洲M4和牛,嚴選牛板腱,極上黑安格斯牛小排,手切頂級封門柳, 牛味超濃, 各具唔同嚼口感😍💕我個人特別喜愛嘅牛板腱, 超有牛味,有咬口感牛舌心, 因薄切好快熟, 口感煙韌牛胸爽, 有油脂得嚟, 又有少少脆口感🌟海鮮拼盤鮑魚,卜卜蜆, 青口,, 日本扇貝, 龍躉片, 全部食

餐廳位置非常容易搵到，由尖沙咀A1出口行2分鐘就會到達！乘搭升降機到3樓，一出升降機門，就得到侍應熱情嘅款待，佢哋非常有禮貌，而且服務周到，仲安排咗我哋坐卡位，座位寬敞，非常舒服，而且私隱度都頗高，可以同朋友暢所欲言。天氣轉涼，當然唔少得打邊爐同食雞煲啦！一場嚟到梗係要試吓火鍋店首創嘅酥皮麻辣芝士雞煲啦，加埋靚牛肉同埋海鮮拼盤，啱晒我😁酥皮芝士雞煲，將酥皮同埋雞煲二合為一，酥皮焗到非常香，表面鬆脆，切開然後融入芝士同埋麻辣汁裏面，加上吸收咗麻辣湯底嘅雞肉，非常惹味。海鮮拼盤樣樣都好新鮮，份量足美國牛肉盒，每一款都有少少標籤做介紹，非常細心，可以食到唔同牛嘅部位另外火鍋配料可以任叫打完邊爐之後，總係要食返個雪糕先至滿足嘅！除咗雪糕之外，仲有芋圓、豆腐花、涼粉選擇😋飲品方面，最欣賞自家製檸檬茶同埋荔枝茶，冰凍解渴，仲冇添加，比較健康！

><一入到餐廳已經人頭湧湧而且瀰漫住雞煲烤魚香氣澳洲M4和牛套餐($348)頭盤嗌咗酥皮麻辣芝士雞煲+$58製作需時15分鐘 店員幫忙切開酥皮層芝士輕易拉絲 雞肉幾嫩滑香料味唔會太搶 食完已經飽咗一半打邊爐環節 椰青香茅青檸湯清清地可以帶出食材新鮮套餐包括一客美國牛肉大滿貫澳洲M4和牛/手切頂級封門柳極上安格斯牛小排/嚴選牛下肩
嚴選牛板腱/特級牛胸爽
美國雪花肥牛/美國特選牛舌芯鍾意肉味濃郁嘅封門柳同安格斯牛小排自助區有蔬菜菇類 牛丸芫茜燒賣鳳爪豬頸肉 雪糕豆腐花 自家製飲品…Qr code追加項目牛肉 豚肉片 花雕醉雞 鯇魚片 墨魚滑 蟹籽蝦滑 海蝦 餃子…每樣試dd已經夠晒飽><><><><><><><><><><><><人和月雞煲火鍋店尖沙咀海防道38-40號中達大廈3樓

包羅萬有 絕無悶場 今日月尾 未出糧 所以只是選了較便宜既餐但是超級豐富。首先選擇火鍋前既食物：麻辣雞煲，老壇酸菜魚 ，卜卜蜆，韓式芝士雞 ，麻辣烤魚。選一款個酸菜魚好好食，雖然佢吾係酸菜魚專門店，但係酸菜魚魚片做到好滑，好入味，仲可以揀辣度。然後再揀湯底，今日因為天氣好凍，揀了胡椒豬肚鍋。佢先會上一盤牛肉拼盤上面有本地手切封門柳，澳洲m4和牛安格斯牛小排，雪花肥牛，仲有牛胸爽，牛肩肉等等。食到咁既質素，好抵任食材料方面，有牛胸爽 牛阪鍵 牛下肩日本豚肉等等。 每次上碟都有好，不會因為次數叫得多就越比越少。豚肉，木耳餃都好食。另外 仲有佢既墨魚滑，我叫了4次 真係好好食。彈牙得黎佢啖啖都有墨魚粒係裡面。蝦滑都好好食。仲有台灣鴨血。雞件仲要係醉雞出面既飲品可以任飲。當中不少自家制既茶。今日飲左梅茶。個人覺得好好飲，酸酸地與邊爐好夾。出面仲可以自制甜品有豆腐花、芋圓 仲有紅豆 綠豆 仙草仲有冰粉。可以自己制作一個台式甜品。 仲有雪糕食

最近氣溫突然急降，又到吃火鍋雞煲的季節，今晚和太太來到朋友介紹的這家人和月雞煲火鍋店，試試招牌酥皮雞煲。餐廳環境光潔明亮，地方寬敞，部份座位是大卡位，坐得十分舒服，平日晚上亦全場滿位，所以記得要先訂位。今晚點了$348的B餐，而頭盤則點了極吸引的酥皮雞煲。餐廳有多款熱食可以先頂頂肚，今晚有鴨血、雞翼及紅糖糍粑。飲品在雪櫃自行拿取，汽水、果汁、清茶，亦有不同的自家製茶品提供，應有盡有。火鍋蘸料選擇頗多，每種都新鮮衛生，個人喜好只要醬油、蒜蓉加上芫茜，輕輕點綴即可，品嚐湯底及食材自身的味道。原創酥皮麻辣芝士雞煲 +$58一上枱好像一碗巨型的酥皮湯，拍照過後侍者以刀叉剖開酥皮，一股麻辣香氣撲鼻而來，大量的拉絲芝士糾纏著雞件，十分邪惡，麻辣刺激之餘帶有芝士的淡淡奶香，味道令人上癮，雞肉嫩滑而醬汁豐厚濃郁，注意雞煲會越煮越辣。藥膳養生牛奶湯吃完雞煲就換湯底打邊爐，今晚點了藥膳養生牛奶湯，湯底真材實料，有大量的藥材，一呷鮮香十足，回味悠長，香甜味美。美國牛肉大滿貫B餐的牛肉大滿貫有提供澳洲M4和牛，和牛肉雪花紋理清晰，分佈均勻，因為油脂豐富，所以要切得比較薄，輕輕一灼即可食用，一咬油脂豐腴，入口即

琴晚去呢間位於尖沙咀嘅人和月雞煲火鍋店先食雞煲後食火鍋任食放題我今次嚟主要因為俾個酥皮麻辣芝士雞煲吸引🤩呢個酥皮麻辣芝士雞煲，將酥皮同雞煲二合為一，噱頭十足，店員幫我哋切開酥皮，再同入面嘅芝士，麻辣雞肉融合一齊，見到好多拉絲芝士，未食已經流晒口水食落果然無失望，芝士香濃，麻辣雞肉嫩滑又多汁，好惹味如果唔食雞煲可以選擇其他頭盤例如麻辣烤魚，椰青香茅青檸烤魚，韓式芝士雞，卜卜蜆等。款款其實我都好想試食完雞煲就自選湯底轉打邊爐,湯底有八款選擇，我哋就揀咗川式麻辣湯 x 椰青香茅青檸湯，兩款湯底都好惹味，特別喜歡香茅青檸湯，夠泰式好特別。我地揀咗【澳洲M4和牛套餐】店員先送上一盤美國靚牛併盤，然後可以掃QR code落order, 可以落各款牛肉，海蝦，鯇魚片，日本豚肉，蝦滑，牛柏葉，鴨血等等，上菜速度非常快。自助區仲有多款火鍋配料、多款丸類和蔬菜等，連我我最愛的皇帝菜都有😍還有多款小食、甜品、雪糕、飲品可以任食任飲～～最欣賞係甜品方面有芋圓同熱辣辣嘅豆腐花，超滑😋整體食物質素都好高！餐廳好新好乾淨，設多個卡位，開揚闊落坐得舒服，無論朋友聚餐抑或情侶約會都好適合! 值得回訪，下次來想試吓海鮮拼

人和月雞煲火鍋店 (尖沙咀).▪️晚市SRF極黑和牛套餐 ▪️$348@.天寒地凍🥶仲要落毛毛雨，真係要去打個邊爐！.呢到最值得我欣賞嘅地方就係前菜可以揀雞煲/烤魚，到打邊爐係成個湯底換。烤魚揀左重慶麻辣BB辣，魚唔算煎得好透但勝在都好滑！.前菜未食可以食住出面嘅小食，有涼皮，皮蛋等。飲品除左罐裝，仲有一啲杯裝茶飲.套餐包一盤包含各個部位嘅牛，有牛舌心，牛下肩，牛小排，M4和牛等！.打邊爐湯底揀左鮮茄甘荀濃湯，有海量粟米，又清又甜！佢除左掃QR Code落order出面都有啲丸類，蔬果任拎，特別一提佢個芝士牛丸好食！.📌 人和月雞煲火鍋店 (尖沙咀)尖沙咀海防道38-40號中達大廈3樓.環境：⭐️⭐️⭐️⭐️味道：⭐️⭐️⭐️⭐️服務：⭐️⭐️⭐️⭐️價錢：⭐️⭐️⭐️⭐️.

今次嚟到位於尖沙咀嘅人和月雞煲火鍋店 之前見到ig酥皮麻辣芝士雞煲已經覺得好吸引🤣再加上最近天氣開始轉涼 係時候要打邊爐同埋食雞煲🤣————————————————🥄SetC餐澳洲M4和牛海鮮大滿貫 120分鐘 頭盤+火鍋湯底+海鮮盤+美國牛肉大滿貫+配料無限量添加+自助區✨❶ 頭盤 (四選一) 頭盤有四款可以選擇 包括麻辣雞煲、老壇酸菜魚、味鮮卜卜蜆、和韓式芝士雞😝或者可以套餐升級原創酥皮麻辣芝士雞煲 (+$58)酥皮麻辣芝士雞煲真係第一次試 最頂鋪咗勁大塊酥皮 一上枱嘅時候即刻吸引咗我哋嘅注意 店員會幫你將酥皮切開 然後將酥皮撈入去芝士同埋麻辣雞煲✨特別欣賞嘅係雞煲佢用咗雞髀肉🍗 所以基本上食落去係啖啖肉😋❷ 火鍋湯底 (八選一) 火鍋湯底有八款可以選擇包括 芫荽皮蛋湯、川式麻辣湯、野菌冬瓜湯、胡椒豬肚湯、鮮茄粟米甘筍濃湯、藥膳養生牛奶湯、懷舊沙嗲濃湯、及椰青香茅青檸湯😋 我哋揀咗胡椒豬肚湯 飲落去超暖胃 而且入邊有勁多豬肚🤣❸ 海鮮盤 海鮮盤入面有青口、卜卜蜆、扇貝、鮑魚、海蝦和龍躉片 每一款都好新鮮🤣➍ 美國牛肉大滿貫 七款唔同嘅牛肉好靚咁樣

天氣轉冷又係食雞煲、火鍋嘅時候，位於尖沙咀海防道的人和月雞煲火鍋店位置方便，而且可以一次過滿足曬雞煲+火鍋兩個願望。普通雞煲大家可能食得多，人和月就以首創酥皮麻辣芝士雞煲吸客，成功吸引咗我幫襯😆雖然座位不算少，但目測7點左右已全場滿座，穩陣起見記得要訂座。🥘sᴇᴛ ʙ 澳洲ᴍ4和牛套餐 $348套餐包咗一個頭盤加任食火鍋，限時120分鐘。頭盤可以選擇麻辣雞煲/酸菜魚/卜卜蜆/韓式芝士雞，或者加錢升級酥皮麻辣芝士雞煲/椰青香茅青檸烤魚/麻辣烤魚。-酥皮麻辣芝士雞煲係個人大推之選🫶🏻揀咗BB辣辣度剛好，微辣惹味。酥皮吸咗醬汁連埋芝士一齊食明知肥肥都忍唔住食咗好多🥹火鍋湯底可以八選一，另外再開新鍋唔會用番雞煲打邊爐。食完咁重口味嘅雞煲決定要個藥膳養生牛奶湯清淡番少少😛火鍋跟一客美國牛肉大滿貫，除咗澳洲ᴍ4和牛、手切頂級封門柳、極上黑安格斯牛小排，其他都可以之後再追加，包括牛板腱、牛下肩、牛胸爽等。火鍋配料都有墨魚滑、蝦滑、丸類等。自助區供應數款小食，另外亦可自取蔬菜、蟹柳、芝士腸、麻吉燒等等。飲品櫃除咗罐裝飲品仲有自家冷泡檸茶，味道不錯😆甜品就有杯裝雪糕、芋圓等供應～

網上見到人食呢間餐廳嘅酥皮麻辣雞煲，賣相好吸引，加上有得打埋邊爐，於是約埋友人聖誕節之前食一次！餐廳好就腳，只距離尖沙咀港鐵站A出口一兩分鐘！晚市套餐分Set A至Set E ，揀咗中價位C餐限時120分鐘，成人收費$398另加一，已包一客頭盤、湯底、海鮮盤、美國牛肉大滿貫、另外40幾種火鍋配料、飲品、甜品，好多選擇，深得我心！➺➺頭盤：原創酥皮麻辣芝士雞煲一心諗住食呢個酥皮芝士雞煲，點知原來佢頭盤有成七個選擇，另外嘅烤魚、卜卜蜆都好吸引，最後都保持初衷！個雞煲一上，就聞到好濃烈嘅酥皮烤焗味，好香！酥皮有少少焦燶反而更香口，層層分明，好鬆軟，果然無揀錯！雞煲加入左適量芝士、個汁少辣好惹味，飽滯感唔強烈，好快就清晒轉打邊爐！➺➺海鮮盤+送龍躉片有五款海鮮：鮑魚、扇貝、青口、海蝦、蜆，都好新鮮！今個月係龍躉之月，每個客人仲送一片有份量嘅龍躉片，冇骨又厚身，啖啖肉！➺➺美國牛肉大滿貫以木盒盛載8款澳洲和牛及美國進口牛肉，賣相精緻唔多好，本身係靚牛肉，牛味好香濃又軟稔！➺➺火鍋湯底：懷舊沙嗲湯底本身打邊爐都鍾意偏濃湯底，呢排打邊爐又真係冇揀過沙嗲湯底，心血來潮想試，呢個湯底少少辛辣咸香，後味甘

女朋友想食依間雞煲邊爐店好耐，去之前就咁望menu已經流哂口水佢menu總共有5個set，我地就揀咗setc，有齊雞煲、海鮮、澳洲M4和牛海鮮一入到去覺得個環境幾企理，唔會話好迫，都有足夠既空間。拎咗啲熟食去試吓，店員話日日款式都唔同。拎咗元茜燒賣，都幾香口幾有元茜味。都幾抵食同好食😋揀咗小辣，啲雞肉都幾滑😁仲幾多☺️仲有好多辣椒🌶️食完就準備打邊爐，湯底揀咗「藥膳養生牛奶湯」，藥膳味好香濃～肉類方面～包咗一份「美國牛肉大滿貫」，當中有美國封門柳丶澳洲M4和牛丶極上安格斯牛小排等等.其中我最鍾意澳洲和牛,嫩滑之餘，肉味都香濃。而另外仲有可無限任點嘅牛板腱丶雪花肥牛丶牛胸爽丶⋯可以一次過嗌咁多唔同嘅牛部位，鍾意食牛嘅真係大滿足！ 海鮮盤都幾豐富，入邊有扇貝、海蝦、鮑魚、青口同埋蜆。全部都好生猛好鮮甜。另外叫左一份鮮打家鄉墨魚滑 墨魚份量足料!夠彈牙

天氣凍，最好就係打邊爐今日試新野，尖沙咀人和月雞煲去到門口，店員已經熱情介紹，先食雞煲，再換煲打邊爐呢度半自助模式，出邊有熟食同邊爐料，飲品都係自助，個人試左佢地自家製既檸茶，好重檸味，唔太甜好好飲，仲有我最愛既芋圓同仙草凍！上雞煲啦終於酥皮芝士雞煲，金黃色大大塊酥皮，好靚。樓面姐姐仲好好服務幫我地撈勻曬拉曬絲，視覺效果滿分無估到西式既芝士同酥皮，同中式既雞煲汁花椒八角係咁夾，啲酥皮痴曬啲雞煲汁同芝士，味覺衝擊一流雞亦都好多，同好滑，一啲都無overcook。極黑和牛套餐B，主角澳洲M4和牛拼盤，作為一個牛魔王，睇肉既紋路就知道唔簡單淥10秒，牛脂入口即化，軟淋肉質，牛味極濃！但我最鍾意係個牛小排，比較厚切，入口淋滑彈牙，有少少咬口，牛味亦都極重。其實仲有好多邊爐料，但食完個雞煲同啲肉已經食唔落，為免浪費食物，無一一嚐試。下次叫多啲人可以試曬呢度啲野 。

天氣開始凍啦！又係時候想打邊爐同埋食暖笠笠嘅雞煲啦！終於俾我係旺角鬧市搵到呢間一次過滿足哂2個願望嘅樓上餐廳！我地嗌咗個M4和牛餐！一黎到就睇睇自助區有咩野食先，有自家製冷泡茶，推薦荔枝紅茶，解膩一流！我飲咗3杯🤣熟食區有啲炸物，仲有冷盤，因為人太多，好快就清哂啦！邊爐料嘅選擇都好正路，但我建議大家都係留肚食返手機點餐嘅野啦！首先黎嘅係麻辣雞煲！其實仲有烤魚揀，不過今日特別想食雞煲，所以就冇揀其他了。雞煲質素非常唔錯！2個人嘅份量黎講啱啱好，雞件好滑好入味，食完有少少唔夠喉添！好彩仲有邊爐！食得慢侍應都好貼心咁幫你用碟裝起，怕你冇時間打邊爐呀！靚和牛同靚海鮮各有一盤，真心係新鮮同好食🤤！完全對得住個價位😆而且種類唔一樣亦都唔怕食到濟，到真係食完呢2盤主菜，其實已經飽咗8成。但手機落單嘅菜式都唔錯㗎！推介蝦滑同墨魚滑！各款牛肉都唔錯、不過就細塊咗啲。消費夠金額仲有得抽獎，我地抽中即影即有，有其他客人就抽到一盤靚牛，羨慕死人啦！TIPS 1: 估唔到閑日嘅晚上呢度到已經爆哂場！大家過黎食一定要book 定枱啦！TIPS 2: 黎呢度食野有2個鐘時間，大家一定要先諗好食啲乜，唔係就會因為選擇