Video
Read full review
2022-12-16
33 views
網上見到人食呢間餐廳嘅酥皮麻辣雞煲，賣相好吸引，加上有得打埋邊爐，於是約埋友人聖誕節之前食一次！餐廳好就腳，只距離尖沙咀港鐵站A出口一兩分鐘！晚市套餐分Set A至Set E ，揀咗中價位C餐限時120分鐘，成人收費$398另加一，已包一客頭盤、湯底、海鮮盤、美國牛肉大滿貫、另外40幾種火鍋配料、飲品、甜品，好多選擇，深得我心！➺➺頭盤：原創酥皮麻辣芝士雞煲一心諗住食呢個酥皮芝士雞煲，點知原來佢頭盤有成七個選擇，另外嘅烤魚、卜卜蜆都好吸引，最後都保持初衷！個雞煲一上，就聞到好濃烈嘅酥皮烤焗味，好香！酥皮有少少焦燶反而更香口，層層分明，好鬆軟，果然無揀錯！雞煲加入左適量芝士、個汁少辣好惹味，飽滯感唔強烈，好快就清晒轉打邊爐！➺➺海鮮盤+送龍躉片有五款海鮮：鮑魚、扇貝、青口、海蝦、蜆，都好新鮮！今個月係龍躉之月，每個客人仲送一片有份量嘅龍躉片，冇骨又厚身，啖啖肉！➺➺美國牛肉大滿貫以木盒盛載8款澳洲和牛及美國進口牛肉，賣相精緻唔多好，本身係靚牛肉，牛味好香濃又軟稔！➺➺火鍋湯底：懷舊沙嗲湯底本身打邊爐都鍾意偏濃湯底，呢排打邊爐又真係冇揀過沙嗲湯底，心血來潮想試，呢個湯底少少辛辣咸香，後味甘
➺➺頭盤：原創酥皮麻辣芝士雞煲
一心諗住食呢個酥皮芝士雞煲，點知原來佢頭盤有成七個選擇，另外嘅烤魚、卜卜蜆都好吸引，最後都保持初衷！個雞煲一上，就聞到好濃烈嘅酥皮烤焗味，好香！酥皮有少少焦燶反而更香口，層層分明，好鬆軟，果然無揀錯！雞煲加入左適量芝士、個汁少辣好惹味，飽滯感唔強烈，好快就清晒轉打邊爐！
➺➺海鮮盤+送龍躉片
有五款海鮮：鮑魚、扇貝、青口、海蝦、蜆，都好新鮮！今個月係龍躉之月，每個客人仲送一片有份量嘅龍躉片，冇骨又厚身，啖啖肉！
➺➺美國牛肉大滿貫
以木盒盛載8款澳洲和牛及美國進口牛肉，賣相精緻唔多好，本身係靚牛肉，牛味好香濃又軟稔！
➺➺火鍋湯底：懷舊沙嗲湯底
本身打邊爐都鍾意偏濃湯底，呢排打邊爐又真係冇揀過沙嗲湯底，心血來潮想試，呢個湯底少少辛辣咸香，後味甘甘甜甜，又唔算太搶食材鮮味！
➺➺自助自家製飲品
除咗一般罐裝飲品，餐廳仲提供幾款自家製藍泡茶：玄米茶、荔枝茶、檸檬茶，一啲都唔甜，啱晒健康人士，又消濟！
➺➺精選甜品
除咗一般杯裝雪糕，最特別係有涼粉芋圓特色甜品，芋圓暖暖地綿綿糯糯！
➺➺其他自助食材
Scan QR code可以無限落單其他幾十款食材，生蠔脹卜卜大大粒好好味！超過20款嘅蔬菜及丸類可以到自助區自取！另外自助區仲擺放左一啲涼菜、炸物俾客人自取，原來炸燒賣口感都幾好！
餐廳仲搞小噱頭，每枱客可以到出面扭蛋機扭蛋一次，扭蛋入面張紙仔有唔同優惠，我抽到下次全單85折！
Post
