仙滿堂

Open Now

Now Closed

沙田新開嘅芋圓鋪試完有驚喜叫左外賣阿薩姆奶茶凍豆漿同招牌豆腐花阿薩姆奶茶凍豆漿$34大細係台式飲品店中杯左右本身以為係好似台灣嘅紅茶豆漿點知原來佢係阿薩姆奶茶凍+ 豆漿底部有好厚嘅奶茶凍 茶味同甜味兩邊平衡唔會有其中一邊搶左豆漿豆味唔算濃 整體成杯應有嘅味都有少少 但如果追求濃味嘅就唔好試招牌豆腐花$50豆腐花滑溜有豆味芋圓有咬口同蕃薯味珍珠同白玉就一般冇特別糖水唔會太甜老人家都會喜歡整體雖有驚喜但論味道同價錢就選擇其他會更好

見佢新鋪開張，支持吓，點知⋯⋯只想簡簡單單叫杯嘢飲，朱古力鮮奶（鮮奶係唯一唔凍嘅選擇，同應該好易整姐⋯⋯）都要等12分鐘，li個速度做外賣生意，笑死人⋯⋯佢做收銀個店員，仲要明明見到出咗杯野，得正正喺個收銀枱度，淨係喺度等，唔幫⋯⋯誠惠$42 ，杯嘢唔可以叫做普通，直程係難飲…… 明白點解新舖開張咁短時間就已經有負評，仲諗住唔信邪試吓，想後悔就嚟啦⋯⋯選擇少，冇服務，味道低劣，價錢唔平，等候時間長⋯⋯期待盡快有下一手

喺沙田食完晚飯，經過三期近迪卡龍發現呢間仙滿堂，裝修簡約而舒服，於是入去試試。之後點左個招牌豆腐花試試，首先餐盤同餐具有儀式感，擺盤精美，份量亦足夠，合打卡人士。豆腐花食落幼滑，不會過甜，芋圓，丸子亦煙韌，撈埋一齊食有另一種感覺，下次會再試其他甜品。

晩飯後想食甜品見新開就去試吓1）入坐後2分鐘都無人招呼自己隔離枱拎餐牌睇2）終於有人嚟，真係用丟底張單，講咗句：二維碼落單。轉身走咗去，雖然我知道呢喥唔係6星酒店，但未至於咁好招待呱3）叫咗個仙草3號、2個熱黑糯米2號。明明得熱同凍揀，佢嚟2個常溫😑好明顯凍嘅翻叮，仲叮唔熱。首先摸個碗唔熱，無煙出；食一啖微溫，匙羹撩幾下再食凍嘅🙄仙草有嚿竽泥球，留最後食啦！我哋3個試過，一食真係吞唔落，入口酸嘅，好明顯係變壞嘅味道。基於食到尾先知，最後埋單同佢哋講，只想啲staff注意返，我哋食到呢個情況個staff一句唔好意思都無，只話：我哋每日新經做㗎喎！我入去睇下，就走開咗！好似完全唔覺得有責任睇返食物質量監督問題。我理你係咪啱啱整好，食到變壞酸‘叔’味，就係你哋處理得唔好先會咁，無需要任何藉口，食物出自你舖頭，又唔係我自己帶放落去😒當然食到最後先發現，錢會照俾，都唔好意思叫人換；但係都想講聲叫佢哋注意返，大佬食落肚㗎，估唔到咁嘅回應啫！4）味道非常普遍，任何一間糖水舖都食到；份量以呢個價索價太高，個碗上濶下窄；平均$50+以上一碗🙄以呢個價錢、食物質素、份量、服務態度，同類型鮮竽X比，真係完全