佐賀山田‧燒肉

Open Now

Now Closed

好味 抵食 放題。服務一流，店員有禮 逐一介紹放題內容。難得來一次吃家庭飯，遇上佐賀燒肉谷，食物質素不錯，出乎意料好食。兩個小朋友平時不怎吃肉，但今次他們吃完一碟又一碟。下次有機會會再來。

屯門性價比不錯既燒肉放題LV2美國嚴選和牛放題$268一坐低即時上左LV2雜錦燒肉盛冰盒等大家可以燒住先，有美國特選和牛一口牛、美國SRF安格斯牛肋條、美國上級牛肋肉、骨付牛肋肉、牛小排，望落肉肉好靚色澤，油脂分佈均勻，🐰覺得最正係牛小排，牛既油香入口爆出好滿足。另外都叫左黑胡椒牛舌、大腸、豚肉燒(燒肉汁)(鹽醬)、芝士雞腿肉，🐰最中意豚肉燒夠薄切入口即溶既感覺。蔬菜方面牛油粟米、牛油金菇又入味又邪惡，日本厚燒玉子燒到外表微微脆口中間又軟綿綿又甜甜的，🐰最中意就係燒菠蘿，燒完既菠蘿更加鮮甜惹味。飲品、甜品吧🐰每款都攞左一件番黎試下，最正都係泡芙👍👍👍另外仲有雪糕櫃有幾款雪糕同雪條。整體上菜速度快，座位寬敞舒適，冷氣足夠抽氣流通不會太多油煙感，店家非常貼心有圍裙提供，等大家燒肉都可以放心好多，店員服務態度良好。======詳情======佐賀山田‧燒肉屯門屯隆街2號屯門時代廣場北翼3樓40號舖👣屯門站V出口步行約5分鐘================

本身看門面都幾吸引海報又好似好靚咁款個門口位見唔到入面唔知原來入面得個2枱客一早見到咁小人就知道係伏啦但牛肉雞肉無味又未解凍咁硬比打邊邊的料我們去燒丸丸，小粟米，秋葵。。。好易燒到咩都燶晒好致癌個爐又大火，咩都好快燶晒度數又唔係好受控個火力咁連個沙津都可以無味道個下正個紫菜飯又凍又硬好難食除左飲品同雪糕雪條算是可以接受之外咩都好難食100多一個lunch set來說不是好貴但食物質素真是太差了吧食水太深了吧肉類個份量太少了1只雞翼仲要分兩半最後食左2只雞翼only總之非常唔抵食真是無下次

同朋友一齊去食LV3 嘅燒肉，中伏！難食到要上嚟比comments, 所謂嘅花紋一啲都冇，好似去街市度買啲特價牛肉咁附近有好多依啲燒肉嘅選擇，但依一間一定不列入考慮，難怪成日都有啲咩二人/四人優惠引人中伏！ 美國特選和牛牛肩脊肉（原味）-依個"美國特選和牛牛" 嘅肉竟然係全紅肉！ 問翻職員係咪上錯左肉，竟然話冇上錯，依個肉差到係一百幾二百蚊嘅Level 先會見到嘅肉質坐卡位，兩邊嘅火力係唔平均的，一邊較到最盡都係唔夠火。希望睇到依篇嘅人可以避雷

牛就un 到啊媽都吾認得食到牙都痛，個爐又細又容易燒到焦曬，服務員個樣西到一個點，根本係比錢買難受，食物種類又少鹽燒汁燒辛醬燒都可以當成吾同類既肉咁燒，地方又污糟，吾係張枱有水潰就張椅有鞋印，絕對冇下次

我喺V city連珠時代廣場嘅天橋行過，突然見到佐賀山田呢間燒肉放題嘅餐廳，遠遠已經嗅到誘人嘅燒肉香氣，當時就即刻有食嘅欲望！佐賀山田嘅價錢唔算太貴，所以冇多諗，立刻行入去試下，佐賀山田嘅肉質真係出奇地好，特別係佢哋嘅和牛，入口即溶，質素真係唔錯，睇落又吸引。一坐低就送上一份夾得好豐富嘅set，set入面有各款牛肉，特別係和牛質素出眾，絕對唔會令人失望。之後我哋又點咗牛肉、豬肉、雞肉、海鮮等等，令人驚喜嘅係佢哋海鮮選擇好多樣，有蠔、青口、蜆仔、鯖魚、魷魚仔、帶子等等，全部都好新鮮美味，仲有多款蔬菜選擇，如青椒粟米、金菇等等，真係食得好開心。餐廳可以自行拎生菜、泡菜等等，仲有炸物同熟食，選擇多元，完全唔會讓你等得太耐就有嘢食。佐賀山田•燒肉提供近百款不同選擇，包括和牛、雞肉、海鮮等等，重可以透過掃QR code落單，非常方便。整體而言，佐賀山田•燒肉嘅性價比相當高，唔太貴就可以食得好飽，肉質質素對得住價錢，絕對係一個好好嘅燒肉放題選擇！👍🏻👍🏻❤️

屯門市廣場燒肉都有好多間，今次試吓位於屯門市廣場佐賀山田，一直想去試試,終於 找到時間和朋友去了!人均不用$300便可享用嚴選美國和牛燒肉100分鐘放題《竹放題》附送一個嘗味燒肉盛光是吃這一盤牛也能回本除了牛肉外,當然唔少得有豬肉、雞肉、海鮮、內臟和前菜小食可供選擇足足有96款食物種類繁多而且更設有自助飲品區及甜品除了肉類之外,還有其他小食可供選擇,很多人 點了和風紫菜飯,感覺和牛角的差不多，整體來說還是不錯的,上菜快,服務員態度也可以,座位寬敞,價格也比較划算,吃完看到門口還有一些午市套餐也很划算,下次一個人想吃燒肉的時候可以過來吃!

食初夏放題$178，有53品好似好多，實際得4款肉，仲要每款肉都難食到不可思議，啲牛冇味難咬冇油脂，好似食擦膠咁。自助吧只有雪糕飲品+中華沙律個啲19冷盤小食麻麻，得個紫菜飯係好食，成餐要靠個飯+飲品勉強吞啲肉落肚冷氣偏凍，吹風口成程吹住你個頭，催促你快啲埋單走人明明已經唔係最平$138既套餐，點解可以咁難食。$178只有啲低質素既肉，難食到令我諗番起安平燒肉，啲肉又係咁差。成個屯市咁多好野食，真係唔好貪佢少少平就入去食，食完心情難受，同價錢去食牛摩燒肉LIKE仲好。

有得食燒肉放題，鐘意食肉嘅我緊係唔會放過。我哋揀咗「竹」放題，$268 可以有100分鐘放題，如果覺得只有100分鐘唔夠食，仲有一個Plan $328有120分鐘。不過我同朋友(女仔)都覺得100分鐘夠晒，因為我order完，都好快速度就上菜👍🏻👍🏻👍🏻呢一點非常值得稱讚！仲有「竹」放題有好多嘢食，有好多唔同款嘅牛肉，例如美國特選和牛肩脊肉，美國牛板腱，美國牛胸腩，泡菜牛肉。我個人最鍾意就係食美國特選和牛肩脊肉，多汁嫩口，又重牛味，正！我食咗勁多碟😹除咗牛肉，其實豚肉都好好食，厚切日本黑豚腩肉，同埋日本黑豚肉眼，豚肉肉質柔軟，口味好鮮甜清爽但唔油膩加埋生菜一齊夾住食，非常好！👍🏻👍🏻👍🏻

200元位 食呢d 餐牌好似好多牛自己無留意 原來係得兩款牛 豬又係得唔同味既一款豬仲有唔同味雞翼🤣🤣只係有唔同味既牛 🤣🤣 但係當左有30幾款野食俾多100幾十食第二間無咁嬲 伏已中

星期日夜晚見到冇人排隊，仲見佢做梗二人同行一人半價就膽粗粗入去試，但原來普通安格斯餐係冇。後尾發現冇人排都係有原因。温提一下⭐️兩個人想坐卡位就早少少book台，因為6點半入座去到8點，本身話張卡位係booking但都冇人坐，證明餐廳會好早幫客人留位👍🏻然後，個爐係一人燒肉like個隻爐，好肚餓既絕對唔建議揀依間😹星期日咁啱餓到不行，真係燒到有啲嬲…第一轉啲肉還可以接受，正常野。之後嗌每一轉質素都每況越下。豬肉好大陣蘇味，安格斯牛就冇乜牛味，菠蘿好酸，墨魚仔就好大陣雪味。試過就明，可以試一次。服務嚟講就，QR code落單，野食都嚟得快既。

新開間燒肉店，就搵晚食下質素如何餐廳環境舒服，座位寬敞，有好多卡位揀左個美國嚴選和牛放題$268,有100分鐘時間任食餐送左個lv2雜錦燒肉盛冰盒，其中美國牛小排同美國上級牛肋肉油脂分佈唔錯，拎黎燒就最香另外點左唔同肉同蔬菜試下，都勁快上枱和牛牛肩脊肉（塩醬）美國牛板腱（塩醬）美國牛胸腩（塩醬）日本黑豚肉眼雞腿（燒肉汁）墨魚仔青口厚燒玉子金菇菠蘿樣樣都唔錯幾好食，海鮮又新鮮。特別係雞腿，肉質夠嫩又香口，好正！encore 左幾次另外更有自助bar,佈局分明，飲品有好多唔同選擇，包括酒精飲品。甜品有雪糕雪條，cakes,泡芙。因食到太飽，只試到少少，泡芙好食呀

屯門市廣場日本燒肉新選擇今晚試咗屯門市廣場新開燒肉店，佐賀山田😙，竹放題（全93品）燒足兩小時都係328🔥 入場就送嚐味燒肉盛🔥 包括餐廳精選肉：美國SRF安格斯牛肋條、骨付牛肋肉、一口和牛！餐廳光猛闊落，大部分位置都係卡位，坐得好舒服！燒烤爐主打網燒美國特選和牛牛肩脊肉、美國牛阪腱、美國牛肩脊肉、牛舌！海鮮放面都幾多選擇，半殼青口、鹽燒靖魚、多春魚、墨魚仔等等另外都可以叫梅放題，主打日本黑豚肉，各款不同醃料芝士香草雞腿肉！出邊甜品櫃擺住各式各樣唔同嘅蛋糕🍰，另外都有日本品牌唔同口味雪條🍦❣️佐賀山田‧燒肉屯門屯隆街2號屯門時代廣場北翼3樓40號舖

見屯門市中心開咗間新嘅燒肉店，午市價錢都算平，就嚟試吓啦。佢最平係下午茶三品燒肉放題$138， 另一種貴少少嘅初夏放題$178 ，有53品（12:00-17:00供應）最後揀咗$178果種餐廳都幾大，空間感夠，唔逼。不過冷氣開得好大，燒住肉都覺得凍，要著外套。抽氣就都做得幾好，食完都唔係好覺個身臭。掃QR code落order, 去到落單先發現中伏，點解咁少野揀？！我哋直情行返去舖頭出面再望多次張poster睇吓係咪真係咁少野。原來每種肉都有唔同味道揀，咁就寫到好多野咁⋯俾佢呃左牛肉有兩款（牛胸腩，肩脊肉），豬肉兩款（豚肉，大腸），雞肉兩款（雞胸，雞翼）。呢六樣嘢，寫咗做36樣嘢，真犀利！肉質就普通，已經比想像中好，唔難食就算啦⋯飲品就係好普通的飲品，毫無驚喜蛋糕食咗兩件，又硬又無味有明治雪條同cocoberry雪糕，味道正常，不過因為冷氣太凍所以都唔想食，只係食咗一條雪條同一個雪糕。其他食物選擇都唔多，我哋食咗菇，秋葵，粟米，多春魚，墨魚仔，玉子燒。全部都係無咩特別。總括來說，CP值極低！兩個人差唔多$400可以有大把更好選擇！

準時入去坐低，點餐，每種肉類都有五六七種口味，每次揾想食嘅肉都要揾好耐，太過麻煩！到出去拎飲品，冇啤酒供應，原來冇酒牌🤦🏻‍♂️大部分牛肉非常煙靭，味道非常一般！中伏⋯⋯冇下次！