佐賀山田‧燒肉

Open Now

Now Closed

之前係青衣食過佐賀嘅火鍋，感覺唔錯，前一排見到屯門都開咗分店即時bookmark 嗰陣見到門口太多人等位，所以隔咗一排搵個平日去食，唔洗同人迫今日六點幾去到餐廳，好彩唔洗等位可以直入餐廳係新開張，所有嘢都好新亦都冇油煙味，座位都好好坐！今次食左美國和牛放題，有96款食物，甜品，雪糕，飲品，前菜可以係自助櫃拎，飲品除咗一般嘅汽水，無糖茶，仲有熱朱古力，咖啡等等🤟🏻嚐味燒肉盛坐低無耐，職員就攞咗呢盤肉過嚟，睇落唔係好多，但食完都有幾分飽呢幾款肉入面我最鍾意骨付牛肋肉，有較多嘅油脂，感覺似牛仔骨，骨邊位既肉特別香同有肉味而枱上嘅燒汁亦都同燒肉好夾牛舌 & 和牛牛肩肉燒完嘅牛肩肉都有牛肉香味，肉質唔錯，雖然未到日本和牛入口即溶，但肉質都軟淋同有較重既肉味，而牛舌就有較多油脂，燒完肉質夠爽彈食到中後期，燒肉配生菜，冇咁膩可以食到幾塊另外呢到都有唔少炸物，蔬菜，雞肉，豬肉同海鮮選擇，炸物質素都幾好，落單後送上枱都熱辣辣，特別係魷魚天婦羅好香口👍🏻蔬菜都好新鮮，特別係菇類，配上牛油去燒，香口得黎又有濃濃既菇味

屯門新開好多燒肉店，幾間都未試過，趁放假就揀咗唻試。午市兩個人，平平哋揀咗 $288/ 100分鐘放題。入座後首先上咗附送嘅 燒肉盛，賣相唔錯，但缺點係每件肉都仲係冰唻，完全係冇解過凍，咁樣真係幾好嘅肉都好難燒得好食。然後係入MENU揀嘢食，可供選擇嘅食物種類都叫做正常，唔多唔少；不過上到唻嘅賣相就急轉直下，有啲肉好似碎咗定唔小心跌咗落碟咁，同埋都係完全係冰唻嘅；有啲肉就成片80%-90%肥膏，唔知係咪我唔好彩，咁啱食每款肉都食正多肥膏嘅位啦 🫠 仲有幾次啲肉靭到咬唔開 🫣總括今次體驗，我覺得食物質素有待改善； 呢區咁多燒肉選擇，我自己唔會再揀呢間食咁囉。以上。

今日約左朋友做gym，做完緊係要大吃特吃補充返啲體力啦我地兩個食肉獸緊係搵放題食啦咁岩見到屯市呢到新開左間燒肉放題，一於就試下佢除左肉類同熟食要用手機落單，甜品同飲品可以自行出去拎黎到緊係食靚牛自嫁啦就咁望上去啲肉質都算靚，脂肪夠多啲紋又靚值得一讚係佢個爐好夠火力，燒一陣就食得，食牛最緊要夠火喉先唔會煮到又乾又硬店員見到我地個網有啲燶亦好主動幫我地換，服務一流其他肉類都唔差，每款都有原味同醃製過既版本選擇呢個芝士雞肉漢堡無得輸，我同朋友都食左好多件中間係流心芝士，味道超正，唔係周圍都有得食！雞泡魚乾都係唔係每個燒肉放題都有得食，朋友見到即刻叫我幫手落單另外仲有其他熟食：炸薯角、溫泉蛋紫菜飯、章魚燒等等，不過好多食到食飽晒無叫到，下次一於再黎試埋其他小食！

今日好開心同屋企人去咗屯門時代廣場嘅一間日本放題， 呢一間燒肉食過一次真係超級推介，我個朋友一定要試吓，而且依家係新開張，環境裝修又靚，全部都好乾淨，首先呢一間餐廳位置要屯門西鐵站，一行B出口，就會到㗎啦搵到一間餐廳好容易搵，餐廳嘅價錢都合理經濟實惠，出面市區食放題都唔會有呢個價錢，所以呢度呢係好邊隻實惠，選擇有好多，有飯類面類，仲有好多唔同嘅肉類，雞豬牛都會有，全部都好新鮮，而且呢度嘅位置都好闊落，空間好大，坐得好舒服，所以朋友嚟到傾偈真係一流呀， 唔使怕位置好迫，好有私人空間，而且呢度嘅侍應都好好招呼，全部都好有笑容，好有禮貌，有賓至如歸的感覺，所以我覺得呢一度嘅服務真係一陣啦，而且呢度嘅餐牌都好清楚，我特別鍾意佢哋嘅豬豚肉，真係好好食呀，入口即溶，口感好好，所以嚟到屯門嘅朋友，一定要試呀

屯門市中心最近開張了不少新燒肉店，今次介紹價錢便宜些，三百元午市和牛放題，又可以滿足食肉獸的胃。 📍位置：在媽咪雞蛋仔旁邊，千色店對面。🏠環境：室內空間不大，以暖色系為主，橙色梳發配淺啡色木枱的卡座，每個卡座都配備兩個長方形燒爐，另一邊則是自助區，有凍飲、雪糕、前菜和沙律，款式不多，但夠吃了。🤵🏻服務：上菜和收碟快，欣賞上肉以片計，而不是一碟，這樣就避免了浪費食物。🍽️午市：美國和牛燒肉放題100分鐘$268🥩肉類有🐷豬、🐮牛、🐔雞，並有三款口味選擇：美國特選和牛牛肩脊肉 有原味、燒肉汁和塩醬，美國牛板腱（原味）、美國肩脊肉(原味）、美國牛胸腩（原味），全部肉質都差不多，有牛味，就算我燒得全熟，都不會過韌，不錯👍！雞腿(味噌），我燒得細嫩入味，好吃😋！🐟海鮮類：🐙墨魚仔、🐚半殼青口、🐟雙色赤坂魚蛋和🦑海苔魷魚天婦羅，魷魚🦑是最好吃，外脆內軟。蔬菜🥬：麻香椰菜、翠玉瓜和牛油本菇，有錫紙盤煮，都不會失準。其他：第一次燒肉竟然有日本厚燒玉子🍳，非常開心，蛋味十足！甜品：有乳酪雪條，是藍莓味，味道似果汁糖😂！

#ftf_屯門和味日式放題竹放題 $268⭐️⭐️⭐️⭐️平平哋連加一每人$300都唔洗，送雜錦燒肉盛冰盒，當中包括一口和牛、安格斯牛肋條、牛小排等。放題選擇種類繁多，豬牛羊雞海鮮、炸物、小食應有盡有。而且，環境闊落又舒適，是大夥兒慶祝的好地方！和牛牛肩脊肉、牛板腱牛味香濃，肉質非常嫩滑，入口即化，且帶有豐富的油脂，讓人瞬間感受到高級肉品帶來的美妙感受。小食特別推薦日式芝士年糕、海荅魷魚天婦羅。青口、墨魚仔、鯖魚都好新鮮！🍴佐賀山田‧燒肉 (屯門)📍屯門屯隆街2號屯門時代廣場北翼3樓40號舖回頭率🤡🤡🤡🤡性價比🤰🏻🤰🏻🤰🏻🤰🏻#feedtiffood #吃吧孩子 #吃到懷孕#香港探店 #佐賀山田 #燒肉 #放題 #任食 #屯門時代廣場 #屯門美食 #五一黃金周🌟

屯門係時代廣場新開咗間燒肉，見好耐冇食一於入去試吓。餐廳地方都幾大，好多卡位，採用半自助形式，主食類都係qr code落單，飲品、菜同甜品都係門口嘅自助區，我哋叫咗中興價位嘅竹放題- 嚴選美國和牛🤤跟餐有嘅雜錦燒肉盛，有大啡菇，一口牛，牛小排，牛肋條，牛肋肉，牛肋骨，雪花分布均勻又唔會太油膩👍🏼肉味都夠濃郁同Juicy🙆🏻‍♀️套餐除咗豬，牛同雞，仲有海鮮，小食同炸物等，肉類都可以揀原味，塩醬，味噌，辛味醬汁同日式竹炭燒汁，選擇非常多，而且份量剛好，每一樣都可以試下😋如果食膩左肉，都有多款蔬菜幫助消化一下🙆🏻‍♀️冷盤麻醬椰菜好爽脆，又清爽，好適合燒肉中間食下👍另外都有不同嘅菇類，而且用錫紙兜裝住，加上牛油，夠味又唔怕會燒燶😎另外燒肉必食就係燒菠蘿，燒完外脆內Juicy，酸酸甜甜既開胃之選！小食方面，芝士年糕好少地方有得嗌，呢度竟然有😳雖然本身已經炸好 ，但我覺得用網燒一燒更好食，更香口😋如果想食飯都推介呢個溫泉玉子飯，夠味，而且紫菜份量好多😋😋呢度甜品種類都好多，可以作美好嘅完結🤣

原本四點多左右想去試試下午茶放題優惠點知入到門口店員就話已經沒有下午茶了心諗四點多就已經話沒有～Fine！咁咪晚餐囉！今次試咗兩款定食：1）美國牛胸腩$78另加一2）燒肉三寶$82另加一店員就帶咗我哋入座出去拎左罐汽水回座位D燒肉同飯已經同時到達枱面效率都算很快⋯⋯😳因為太肚餓關係呢個時候真心讚😂好快已經清咗燒肉同飯（不過飯就凍咗啲咁囉）諗住再去出面取甜品糕餅但款式及數量都很少（沒有選擇）Overall以呢個價錢食到定食+半自助晚餐嚟講性價比算不錯！一分錢一分貨算係咁㗎啦。

今日11/4約埋3個bro 一齊聚下 黎到佐賀山田 新開無耐 諗住試下 點知有驚喜喎 👍首先門口帶位哥哥仔 有禮 能夠詳盡解釋四種放題既分別我地揀左個美國和牛放題100分鐘試下，入到座哥哥仔會講 出面飲品 甜品 前菜 隨便拎 。值得一讚 👍 等顧客清晰知道 套餐包左啲咩👍👍坐到落台 見有兩個電爐 吾錯吾錯 可以燒到多啲既野坐低一陣 就有個肉盤送黎 原來係套餐送一盤，入面啲肉都係啲比較靚既肉 食落去口感吾錯 再黎 幾個bro 聚會 緊係飲番兩杯啦 呢到賣既啤酒係 新得利 生啤 外面好小放題餐廳有 $58蚊位任飲 抵到爛 餐廳用QR code自助落單 勁方便👍👍 ，但去到中途吾知點解掃吾到code 落單 ，咁岩一名著住西裝褸 帶眼鏡 頭髮曲曲地既 經理 聽到我地講野 。立刻詢問我地情況並馬上幫我地解決 重同我地不斷講吾好意思 ，話補返時間比我地 同即刻人手幫我地落單同即刻呈上食物 。呢啲服務真係一流 處事手法夠彈性 ，超有禮貌 態度有善。 值得一讚👍👍去到尾聲食飽飲醉 緊係整個甜品嘆下先啦呢到有蛋糕 泡芙 雪糕有兩種 杯裝同明治雪條眼見種類都好多 。吾似其他放題咁 得雪糕機 重要勁污糟😩

今日經過，見到平日下午茶90分鐘$138任食牛豬雞。抱住試一試嘅心態入嚟試下，座位坐得幾舒服，可能係今日人客唔多，2人都可以坐兩個爐嘅卡位。冷氣夠凍，甜品有明治雪條同杯裝雪糕。口味都好多下，目測有10種，飲品種幾多下，仲有道地解茶

呢間鋪剛開時，食過一次，問題不大，只係如果你叫幾款肉，佢就會好亂咁，堆一座肉山比你，攪到個賣相唔好！今日4/6晚再去食，本來打算食最平果個餐，入坐前同門口果個職員講到好清楚，入坐後見到有盆嘢送，以為係歡迎盒，而且掃QR code 就照正常咁叫嘢食，最後無點睇單就埋單（係我錯！無睇清楚就埋單）點知再睇個餐升咗兩級，本來以為六百幾埋單變左九百幾，同職員提出，職員來來去去一句「有無食牛？」「最平個餐係無牛，有食牛就呢個餐！」下！你比錯餐我，我食咗，你就屈我係我責任，係我無睇清楚出咩，我埋完單就係我錯！我比多錢唔係幾重要，重要係係我唔知情下，我個餐足足升左兩級，我原本個平餐升一級都有牛食，洗你幫我升兩級！仲要你唔認做錯先，一味屈落個客度！換句話講四百幾蚊，所謂食美國和牛，質素差成咁，根本唔係和牛，食牛角仲好味，仲可以有好多特色嘢飲，呢間嘢服務差到呢！我以為都唔會再去！我都係第一次寫咁差食評！千祈唔好去呀！

飯是凍的，飯是凍的，飯是凍的，一早裝好，凍冰冰一舊舊。雞肉雞翼冇醃過，燒完乾乾硬硬，完全冇味。。牛肉像車軚，車軚牛肉。假日都大把位，冇人幫襯。。完全唔想食，，走人食過第二間

叫左個100分鐘澳洲安格斯$298晚餐set，啲肉黎到完全未解凍，塊塊都仲係硬既。一黎未解凍情況下，強行放落去燒已經唔會好食。二黎啲肉既質素好差，嚡熠熠又冇肉味，牛肉乾咁，唔知食左啲乜然後職員一邊吹水一邊整塊防疫隔板，撞跌左我地枱隻碟落地搞到張櫈都有汁。整體黎講，係一間唔細心既餐廳，例如：落調味料區既岩鹽係一個大既容器盛載，根本好難均勻地灑落啲肉度（除非用手），所以進食體驗十分差，絕對唔會再黎食.………..

新嘢，入去試午餐，好彩只係午餐……60分鐘定食，上餐勁慢，攞完外面任食都未上坐下就超凍，著住個爐都凍，外套有帽全程帶住都凍定食個飯未食已經凍，食左半碗已經凍乾左話外面有任食，只有好多汽水，幾款細少甜點，有雪糕同雪條（但，太凍，只食了50ml雪糕），三款前菜，兩款菜俾你包燒肉嚟食定食60分鐘，仲有20分鐘才60分鐘，就已經嚟叫我埋單，我仲食緊喎，過左幾分鐘又嚟叫我俾錢，佢係嚟搵有無放信用卡，我忍佢，仲有10分鐘，佢就攞埋卡機嚟叫我俾錢，咁想收錢應該係入座就要人俾左先喇，我食食下佢就埋嚟催催催應該唔使再嚟

食90分鐘晚市放題，每次落order都要等成15分鐘先上到菜，食到最後10分鐘都仲上緊菜，燒唔切食唔切。一夠鐘就係咁俾人催交枱，最後燒完嘅肉都未食哂，雪糕都無食就走咗，未食飽🥲有部分肉雪到成舊磚咁硬，有醃過嘅肉就都ok但服務唔錯的，同埋坐得舒服