佳慶大酒樓 (Closed)

去了朋友家附近既酒樓，因為我好想飲茶。點了幾個菜式，包括叉燒腸、春卷和燒腩包⋯我必須講，都不錯啊！首先是叉燒腸，內餡多肉，叉燒味道濃郁。春卷皮炸得好酥脆，賣相係有驚喜！最後係燒腩包，餡料有豬肉腩，仲有香芋，口感好豐富無令我失望，不錯不錯！不過環境方面 因為人多都吾算寛鬆！酒樓職員算有禮貌，招呼都好客氣但係衛生就一般，因為地下會有上手食過既野

5月28日揾食肥華諗住，陪完靚媽到摩士公園晨運後，跟住飲早茶然後再到大成街市，買今晚，晚餐餸料，所以選擇到呢間位於大成街嘅酒楼，飲早茶係不二之選，此店早茶食物普遍都OK，而價錢亦實惠，可惜空調冷氣真係不足，肥華要一路抹住汗唻飲呢餐早茶，可能受空調不足環境影响，今早此店竟然有烏蠅及蚊滋騷擾茶客，肥華杯茶就有隻烏蠅，當咗做游泳池，加上有個染咗金短髮，肥肥婑婑嘅女侍應，仿似係懲教處前員工，對顧客限制到，連坐位嘅方向都要依其指示，真係影响嘆茶心情，今日此店得到肥華呢個劣評，呢位女侍應，功居不少😤🤬😤🤬👎👎

4月24日揾食肥華相約兩位，冇見十多年嘅同事，食晚飯，原本地點定在大成街市，發仔記，肥華主場食呢餐聚舊宴，但因當日大成街市內的海鮮檔有很多都收了檔，買唔到合心水的海鮮，所以臨時改到呢間酒楼用饍，並點了一個，晚飯三寶餐，內有蒜香金菇蒸龍頭腩及西蘭花炒龍球，兩款都算係海鮮食品外，仲有半隻海南文昌鷄，另肥華再加多個，帶子蒸荳腐， 就成為今晚呢個，簡簡單單敍舊宴, 嘅菜式，老實講今晚呢餐食品，並不出色，但亦不至於劣評，不過因為食客稀疏，此酒楼可以提供到一個寧靜環境，俾肥華與舊同事，杯酒言歡 ，所以肥華對此餐晚飯亦感滿意😁😁😁

星期五晚朋友聚會，當晚酒樓客人較少，所以坐得十分舒服，侍應、經理服務都好好😃😃自來海鮮加工，味道不錯，很合我和朋友的口味，由其是「蒜蓉粉絲蒸北寄貝」，😋😋😋味道熟度剛剛好，加工價錢合理，下次有機會會再來。😙

疫情過去，難得約朋友聚聚，無意中揀咗呢間，點知中伏，佢唔近地鐵站，但如果識行可能會好啲。酒樓地方算大，今晚客人唔算多，侍應服務唔太差，起碼會自動加水、換碟 ，叫佢哋都好快行過嚟。 但食物質素完全唔掂，好鹹，自携海鮮，但煮得好鹹，係嗰度另外叫咗 4 個餸，都好鹹。 飯後送甜品「綠豆沙」，但係結過「糊仔」 😖😖😖食到尾聲，竟然發現有隻「小動物」走出嚟「巡舖」，嚇鬼死，同侍應講，佢哋竟然冇乜反應 🙄🙄🙄🙄，真救命! 所以，冇下次

家庭聚餐好地方 - 佳慶大酒樓好耐都無去探婆婆，而婆婆中意食中菜 ，為左就腳，就揀左呢間酒樓食午飯 。午市開11點，但 我地去到夠11點入面又仲有坐位都竟然吾俾我地入去坐住等 係門口等左5至10分鐘左右先入得去，其實對行動不變既長者係一種懲罰，希望餐廳會注意呢點吧 ! 入到去坐低後，都好彩馬上有服務員招呼你， 周圍環境幾好 ，夠光猛，又 夠哂冷氣， 夠大，坐得幾舒服既。我地去到時間尚早，人吾多 ，我地幾個大人叫左10個小點左右， 都已經食到好飽啦，仲有剩，最後都係由我夾硬食埋 ! 特別推介個龍蝦焗伊麵 ，我見到有好幾台都會叫 呢個，可能因為將經過上湯烹調的芝士放係龍蝦上面，龍蝦既鮮甜汁液又流入伊麵，令伊麵都充滿海鮮的滋味，整體非常好食而且都算抵食。 成餐飯d侍應都算好有禮貌 ，招呼周到 ，其他點心都好好味， 好岩我阿媽同婆婆口味， 之前上FEEHK度睇到評語話呢間酒樓唔掂當 ，所以其實一直都唔敢幫襯， 今次都驚中伏，但最後竟然有意外驚喜喔 ! 點心款式多而且價錢合理 份量正常偏大，特別係山竹牛肉球， 除左食午飯， 呢間酒樓原來仲有火鍋任食， 睇左張菜單都幾吸引 ，下次出開黎黃大仙，都可

11月28号同靚媽到大成街，街市買今晚餸菜，順道在此酒楼飲早茶，呢間酒楼都好爆場，好彩當日運氣好，有將二人吉枱，吾駛等位就可以開餐，論食物質素及價錢此店係可以接收，但此店係用茶包奉客，而茶包質素就令人失望，冲第一二次茶都巳經淡如開水，連我呢個吾係飲開濃茶嘅人都嫌D茶冇味，第二此店洗手間設在，店外商場且有一段距離，若有須要都預番時間，否則隨時，去吾切就大鑊，而此店因人手問題，由柯打食品到食品上枱時間較耐，如果你係趕時間要做其他事，就吾好來此店飲茶。

終於等到假期 唸住飲個靚茶 點知又中左伏一嚟到已經feel到係好傳統嘅酒樓 出面仲有啲好大嘅點心籠賣外賣拎咗飛等咗大概10分鐘 入座都係要同人搭台 但係就冇分一半枱布感覺有啲唔乾淨 唔知係唔係坐近門口 冇咩冷氣 仲越食越熱👇🏼乳鴿 啲肉好黐牙 唔係咁新鮮 似係擺咗一陣先拎出黎👇🏼黑金流沙包 除咗個外皮係黑金之外 裏面一啲流沙嘅感覺都冇 仲要蛋黃餡好小 👇🏼燒賣 第一次食到燒賣咁林 入口即溶 零咬感👇🏼金錢肚 唯一一個正正常常 留意番只係正常以上嘅點心我哋都起碼等咗20分鐘先嚟到 仲要唔係熱辣辣 埋單兩個人百六 唔抵食之餘仲要唔係好食 服務亦都冇乜 建議真係唔使黎

上個月父親節吃晚飯 叫了一個套餐 整體味道好像很不錯 龍蝦伊面也很足料 但想不到星期六父親節前一天晚上還是沒有太多人 可能其他人還是擔心疫情價錢也不算貴 整個套餐都是兩千蚊內 八個人食龍躉也整得很好味 整體覺得性價比也很高

今日提早食父親節飯，雖然係父親節前夕但都唔算太多人，我哋嗌左一個八人餐有燒味拼盤，半隻燒鵝，龍蝦伊面，魚翅，荷葉飯，海魚兩食，燒鵝半隻，仲有埋壽桃添服務員都好細心起碼玩左四次碟，如此仲同你分埋先上整體食物質素可以🥳🥳

Not a popular spot so this restaurant is nice and quiet during festivals but probably worse off now!Anyway, the lobster efu noodles were very salty while the fish was steamed for too long so it was dry.At the end of the banquet, you get given fruit and red bean dessert.

黃大仙探親友，順道去飲茶，酒樓多半是長者，叫左碗皮蛋瘦肉粥，大大碗，真不錯。蘿蔔糕煎得頗香。炸芋絲春卷也粗粗大大條的，真抵食。煎蝦米腸🦐上面灑上芝麻，很香口。香煎墨魚餅🦑，點泰國甜辣醬好味。鮮蝦豆苗餃、花膠魚肚、叉燒包、杞子桂花糕、紅棗蓉糕也不錯。

媽媽生日飯媽媽中意食中菜 為左就腳就揀左呢間酒樓食晚飯 夜晚開6點 我地去到未夠6點竟然吾俾入去坐住等😢 係門口等左10分鐘 呢度扣左分搭正6點即入 入到去坐低馬上有人招呼你 周圍環境幾好 夠光 夠冷氣 夠大 我地去到時間尚早 人吾多 我地4個大人叫左4送一湯 都食到好飽 仲有剩 特別推介個海皇冬瓜盅 差不多台台都會叫 可能佢個孖寶抵食 好彩成餐飯d侍應都好有禮貌 招呼周到 野食都好好味 好岩我阿媽口味 之前聽聞呢間酒樓吾掂當 所以一直唔敢幫襯 今晚都驚中伏 竟然有意外驚喜喔 款式多 👍🏻價錢合理 👏量份正常 👍🏻除左食晚飯 呢間酒樓仲有火鍋任食 睇左張菜單都幾吸引 下次可以試下 飯晚都可以再黎

今晚同公公慶祝生日 去咗附近一間酒樓慶祝之前見到佢個簡體字都唔算太大期望但因為其他都冇位所以就要食呢間佢個菜單睇落同其他酒樓冇乜分別可惜啲菜嚟到都冇辦法可以知道係邊一道菜個煎米底硬到不得了好難咬 蝦球不過不失帶子好睇唔好食 好似一舊粉團咁 啲瓜都好生沙律卷 上菜嘅時候問嗰個侍應呢個係乜嘢佢就不停咁樣話「呢個係你鍾意食嘅嘢」但係其實都講唔到係乜乳豬OK 應該係全晚最滿意嘅一道菜啦脆皮燒雞 啲皮同啲雞肉分開晒 仲出晒一大堆油鮑魚可圈可點條龍躉非常之老 好難進食上菜都好慢 等嗰個福建炒飯同埋伊面等左半個鐘福建炒飯變咗蛋白炒飯每樣野份量都好似好多 其實就唔夠食食完好似冇食過嘢咁 紅豆沙又無啦啦變咗綠豆沙下次都唔會再嚟食啦

位於黃大仙大成街市隔離嘅佳慶大酒家，的確位置有啲偏僻，幾難搵。佢似乎係做街坊生意，街坊十居其九都係老友記，所以見到成區大部分岀現嘅都係長者。今日我同幾個年輕嘅朋友去食生日飯，我知道閒日嘅下午茶特別抵食，所以我地就以下午茶慶生。一入去我地就將蛋糕交俾經理，以便拎去酒樓雪櫃雪。下午茶嘅招牌菜我地都有叫，包括有南瓜餅、炸雲吞等等。Menu左邊嗰欄每叫2件都只係HKD 20.8真係好扺食！芋頭糕好重芋頭味，好粉嘅質感，但係又好好食。南瓜餅表面煎到有少少碎，入面就軟軟的、而且有濃濃嘅南瓜味蝦米腸芝麻雖然落得唔均勻，但仍有好重芝麻味。不過略厭乾左少少炸雲吞有超碎外皮，再加上入面鮮嫩多汁嘅鮮蝦，實在係一絕！茄子有成個拳頭咁大，真係每口都係肉，好有滿足感鮮竹卷好多汁，料又多，真係大件夾抵食燒賣皇簡直係一流，肉嘅鮮味齒頰流香。肉片河有火鍋味，而且炒得好均勻。就裝潢而言，富麗堂皇而不失霸氣。就服務態度而言，真係不值一提。不過，呢間酒樓咁抵食，又真係無咩所謂嘅