佳餚薈冰室小廚

Open Now

Now Closed

今日我哋一行12人幫朋友興祝生日，多謝老闆俾我哋坐房，好開心啊😊😊 間房又有得唱K，講返每道菜都好有水準，朋友們都好滿意食物質素，尤其是扣肉，真係好少何喺香港有得食啦，約定咗一班人再嚟食過唔同嘅菜式💐😘 深水埗之選

1. 落單時阿姐唔留心掛住傾計，要客重覆又重覆2. 15分鐘後追單，阿姐攞咗張單去廚房，之後冇回應；前後左右啲客都反映食物好耐都未到3. 20分鐘後先話廚房冇收到張單，會同你跟...4. 25分鐘後話個爐頭先壞咗，依家做畀你...其實佢午市同晚市係正常的。

我於四月二十日，約三點幾鐘 ，步入青山道84號，佳餚，坐入便長枱一個坐位後，1分鐘後有一位女職員跟我說因為剛剛沒有煤氣所以沒有炒飯、粉只有茶水。我看有二、三個客正在吃下午餐。很奇怪我剛剛坐下就冇煤氣，應該我一入嚟就該跟我説冇煤氣只有茶水。是不是師傅下了塲，生意也不做。這樣做生意，那有回頭客

揸車經常路過呢間紫色招牌嘅餐廳早兩日同媽咪喺附近行街 終於入去試試！夜晚7點幾已經坐滿人 同老闆留電話約時間留枱一入去發現枱面有好多款Snoopy 名句圖片😍‼️原來老闆都鍾意Peanuts嘅人生哲理😍😍我哋點咗二人海鮮套餐$338 兩個人都嘆到海鮮😍❤️⋱⋰ ⋱⋰ ⋱⋰ ⋱⋰ ⋱⋰ ⋱⋰ ⋱⋰ ⋱⋰ ⋱⋰ ⋱⋰ ⋱⋰▪️蒜蓉粉絲蒸扇貝🌟🌟🌟🌟🌟扇貝超大隻 煮得啱啱好唔會太老表面鋪滿蒜蓉及蔥花 灒過熱油令粉絲充滿蒜香味粉絲份量都幾多😍唔會過份乾硬▪️醬燒煎焗鮑魚🌟🌟🌟🌟🌟鮑魚唔算好大隻 但口感味道一流！😍醬汁味鹹鹹甜甜 鮑魚肉質爽彈唔韌 ▪️豉油皇中蝦🌟🌟🌟🌟🌟每隻蝦都算大隻 蝦肉彈牙蝦殼沾滿微鹹豉油醬汁超好味▪️清炒時菜鶴藪白菜夠嫩清甜 唔會太油膩👌🏼▪️愛心合桃糊老闆親自介紹合桃糊嘅係員工親自磨製合桃糊唔會過分濃稠 帶有淡淡合桃香味唔會太甜雖然環境似普通冰室 但食物水準高😋老闆非常好客 招呼好好 會介紹菜式👍🏼仲要每張枱有唔同嘅Peanuts漫畫字句嘅圖片💯下次會約埋多啲親朋戚友試多啲小菜❤️//佳餚薈冰室小廚 (深水埗)深水埗青山道84號地下5-6號舖⋱⋰ ⋱⋰ ⋱⋰ ⋱⋰ ⋱⋰ ⋱⋰ ⋱⋰ ⋱

同同伴嚟食午餐，叫咗個免治牛肉飯（ $52 ）連埋中湯同埋羅漢果飲料。另外叫咗個韭黃肉絲炒麵（ $58 ）。中湯多料無味精。羅漢果水係凍嘅唔使加錢。嘢食味道比一般餐廳好。

今日品嘗了菠蘿咕嚕肉及紅豆冰，發覺真的是高水準食品，而且價格合理，令我喜出望外！早前在大酒樓試的菠蘿咕嚕肉都望塵莫及，仲要係三倍價錢！今次菠蘿咕嚕肉不單止肉質美味，而且配菜都非常惹味，令我一掃而空！而紅豆冰則是粒粒分明，味道適宜，乎復何求呢？

年近歲晚，到深水埗區買電子產品，順道辦點賀年飾品， 晚上在附近吃飯。佳餚薈冰室光猛整潔，既是港式冰室，又是中菜小廚，除了卡座，還有大枱，八至十人晚飯聚餐也適合。店員首先送來一碗蟲草花老火湯，滋潤又夠火侯。油浸筍殼魚 $198~筍殼魚外面金黃色香脆，整條魚連骨和鮨都卜卜脆，魚肉鮮嫩多汁，加上秘製豉油汁，十分美味。招牌拔絲菠蘿咕嚕肉 128~醬汁略帶膠質，原來好像拔絲蘋果一樣可以拔絲。咕嚕肉香脆腍滑，酸酸甜甜，肉汁豐富。配菜包括菠蘿，彩椒、紫洋蔥、只輕炒過，新鮮爽脆。香辣雞煲(半隻)$138~雞的份量相當大，啖啖肉。薑蒜味濃郁，芹菜香爽。因要求減辣了，只是微辣且不嗆， 十分惹味，佐飯佳選。平日很少吃飯 ，也忍不住點了一碗飯。羅漢果雪梨茶 $16 ~熱辣辣的雪梨茶 ，無添加糖，清甜味來自天然羅漢果及雪梨。粒粒紅豆冰 $20 ~大大粒的天津紅豆， 豆味濃郁，粉腍卻保持咬口，粒粒分明。因不喜歡太甜，平日會要求少甜，但當日忘記了，幸好本身低甜，恰到好處。佳餚薈冰室小廚 深水埗青山道84號地下5-6號舖+852 : 27908998

出開深水埗，一直想試下呢間餐廳，聽講佢係係何文田搬過嚟，以前都好受街坊歡迎，一坐低，老闆就好熱情招呼我地，又介紹好嘢食，印象不錯我叫咗一個「菠蘿咕嚕肉飯」（$58）配料好足！好多三色椒，菠蘿似罐頭，不過都好香甜個汁我覺得較得幾好，甜甜地，但又唔會太膩咕嚕肉炸得香脆，同埋啲肉食落都幾有肉味（唔係廢話，有時食街邊冰鮮肉係無肉味的）如果係晚市，咕嚕肉仲可以嗌拔絲，相信又會有另一番風味另一個飯叫咗「粟米魚塊飯」（$52）呢個感覺就平凡啲，比普通茶記好啲，都係炸皮炸得比較有心機啲。跟餐有中湯同埋冷熱飲品（凍飲都唔洗加錢）兩杯奶茶，一熱一凍，都唔錯！嗌咗少甜，茶比較香濃，會有少少澀，大家可按喜好調整甜度整體而言，午市係抵食的，晚市仲有好多鑊氣小炒，有機會都想試下！

這道PRO級的咖哩蟹絕對不會輸給5星級酒店話說買開電子嘢又忍唔到口去食手工菜 打去訂位時 老闆娘好記性 話記得我把聲 （超暖心） 仲問我試唔試今期餐牌未有的特色菜- 咖哩蟹。香嫩滑口的咖哩蟹黃肉質鮮甜 超正一嚟到聞落去陣味就已經超級香冇影到配送的蒜蓉包個包配合埋個足料咖哩蟹王汁 ichiban !有圖有真相蟹膏埋落啲咖哩汁都好足料唯一要提嘅係啲蒜蓉包未必夠, 要追加希望搵多啲呢啲隱世菜式

同朋友約係度食午餐叫左兩樣午市套餐咖喱雞飯➰$54濃厚的汁底，椰香味，雞件夠大夠多，d薯仔🥔係經過拖油，再加入咖喱汁，所以唔會化開，但又掛汁。星洲炒米➰$52炒得好有鑊氣，同乾身，食到碟底冇剩多餘既油，有好多蝦仁同埋 叉燒，份量多，味道好！餐廳坐落係呢個位置，心諗應該係做街坊生意，估唔到食物咁出色，好有驚喜，睇得出廚師有好既廚藝。相約親友好友特登過嚟呢度食都值得，可以book 位同WhatsApp 落單。

心機菜，老闆在，伙記好！可以問定訂菜訂位先，即煑好小菜，經濟實惠！大枱不多，人多要夾定先，人少家庭好過自己煑啦，凍飲加海鮮，亦有＄398龍蝦，琵琶蝦米粉，去食餐啱下合口味否，不用坐車去海鮮街咯。

拔絲菠蘿咕嚕肉有驚喜。扇貝蒸粉絲，粒扇貝好大粒，好好食。百花釀蟹鉗，真材實料。醬燒煎焗鮑魚，爽脆👍。朋友推介，第一次外賣自取，值得試，糖水唔會太甜，下次會再幫襯👍

家人特別帶我到佳餚薈冰室小廚，我說，就只是冰室一間有什麼特別? 首先老闆非常好客，安排我和家人入座後，熱情推介當晚有什麼必食小菜，以及限量食品。與家人商量後，一家四口決定叫以下食物。咕嚕肉十分出色! 已經好耐冇食過酸甜味夠，又不嗆喉，豬肉仲要掛汁又酥脆。碟底仲要冇咩油，呢個滿分必叫!本身家人叫半隻雞，老闆說而家有優惠，只要補多少少錢便可食到一隻雞，所以便試試。非常多謝老闆的推介，下一分鐘隔離檯叫炸子雞已沽清。炸子雞不算咸，沒有雪味，雞皮炸得薄薄一片，非常香脆，雞肉嫩滑有汁。如果大家想試炸子雞，最好預早訂，因為限量發售。鮮腐竹浸時蔬(白菜仔)，份量很大，味道也很好，家人此時已經問下次幾時再黎食過油浸筍殼不錯，不過比起以上菜式，下次再光顧我應該會試其他菜式。雖然佳餚薈環境的確像冰室一樣，但食物出色程度比很多大酒樓出色，我會再光顧。

經過深水埗，見到光猛嘅燈光，就想去試試，而見到店舖內好熱鬧，已經覺得可以一試。試之前緊係例牌要睇睇有咩推薦。一search就見到有youtuber推介佢地嘅海鮮餐，好似好正咁，於是就order海鮮餐。佢地嘅海鮮餐，海鮮都係十分新鮮，而且多數係手工菜，扇貝嘅粉絲超多，蒜蓉又毫不吝嗇，粉絲滲透著濃濃嘅蒜蓉味。百花釀蟹鉗外脆內彈，驚喜之作。另外值得一讚係所有炸物之脆而不油，好難得。呢度嘅老細招呼仲好好，特等過黎介紹自己同d送，睇得出係有心人。今晚真係值回票價！

可能之前曾經喺公開大學附近食過一間隱世私房菜不過疫情之下以為佢結業, 好神奇係今日喺深水埗行街嘅時候搵返呢間小店原來搬咗過嚟深水埗。由私房菜轉去做冰室餐廳,不過好彩水準依舊。位於寶血醫院斜對面，可謂隱世功夫菜, 員工都依舊非常貼心,老闆同老闆娘都認得我,臨尾仲醒咗份糖水畀我。人均二至四百元，質素水準有保證，不少特別菜式，例如拔絲菠蘿咕嚕肉及柚子蝦球等, 不少為海鮮，都是其他中菜館少見的選擇，而且每道菜都非常足料，是性價比甚高的功夫菜餐廳。拔絲菠蘿咕嚕肉份外齒頰留香，吃起來更有層次, 個人建議可以再嗌埋啤酒,配搭一絕！另外叫左個手工時蔬 , 加腐竹 同上湯 都好入味