來發館粥底海鮮火鍋 (Closed)

以寸金尺土加上租金驚人既香港地, 竟然係鬧市中比我發現有間餐廳以人頭HK$198可以食到海鮮粥底火鍋, 仲要免加一兼任飲, 真係得來發一間做到~~ 店內沒有豪裝, 只是一般茶餐廳裝修, 但絕對坐得舒服的~~真係無眼花ga~~ 大大字寫住海鮮粥底火鍋每位HK$198, 2-3位配當天海鮮6款, 4位以上配當天海鮮8款, 另可以任選配料6款, 還可以任飲 (啤酒除外), 已經成為我日後飯堂之一, 甘既收費叫我如何不愛它呢!!開餐前例行工作, 先混一混醬先, 醬料包括生蒜蓉, 辣椒粒, 蔥粒同鼓油, 混完醬後就準備開餐啦~~店員把海鮮盤放下時真係有嘩既一聲, 賣相都幾壯觀下, 我地一行四人, 所以有成8款海鮮, 當晚海鮮包括蝦, 蟶子, 鮑魚, 蜆, 蟹, 魚等, 全部都好新鮮~~魚肉好滑又無骨蝦夠鮮甜同爽口 蟹膏多到爆晒出黎, 結實得來口感不錯, 蟹肉同樣鮮甜蟶子都算幾大隻, 肉質夠彈牙鮑魚夠煙韌彈牙又夠厚身係未加火鍋配料前先飲返啖海鮮湯, 勁鮮甜又唔油膩帥傅刀功了得, 切得非常薄身, 一放落鍋數秒便可食得, 牛味香濃, 只可惜片數不多鹿兒島黑豚肉脂肪分佈平均, 同樣切得非常薄身, 一放落

其實從來都唔係食粥底火鍋，所以仲一路以為佢嗰個湯就係一啲粥，今次真係大開眼界！而且埋單每人$198，無加一，食到新鮮海鮮，捧住個肚走，認真超值！原來係先用粥水滾d材料，最後用d精華撈番個潮州粥食！有次序，先滾海鮮，再落南瓜粒、粟米，最後先滾丸同肉類。個海鮮拼盤我地都已經嘩嘩聲，擺得靚，而且用料好新鮮，好俾貨，有蟶子，大蝦，斑腩、鮑魚、膏蟹、各款蜆（沙白、花甲等）。樣樣都好新鮮，最鐘認蟹，多膏，而且令個湯甜味升十倍！由白色平平無奇既粥水，昇華至金黃色海鮮神水！手打墨魚丸爽口彈牙、滑牛夠曬大片、豬牛都好出色，整體食物都好滿足！最後店員加粥底落去撈混食得，仲可以加大頭菜菜脯去吊名：）我一定會再番黎食！出色！

食得盡情＠來發 見完客戶後就和同事在太子附近搵食，就在百匯軒地下見到來發館剛做粥底火鍋放題，見入面人頭湧湧，便入去試一下 每人$198，無需加一已包所有食物醬油～ 一坐下向店員表示來食放題後就帶我們入座 茶餐廳格局，卡位設計座位挺舒服～冷氣強勁，平日的晚上也差不多坐滿人客 飲品有啤酒和汽水，最難得有一些無糖的飲料，岩晒我心意 醬料選擇不太多，不過基本的荵，蒜泥和辣椒都有 做粥底的料～ 下單後職員就送上滿滿的一盤，別忘了這只是二人的份量，2-3 個人就有六款海鮮，四個人以上就8款。旁邊那桌６人桌的一盤更是令人感震撼 之前食過的蒸汽火鍋，是食完之後利用那些蒸汽水來煮粥，而這裡食則直接用粥水去打邊爐，食起來多一份米香滑溜，非常特別 好新鮮的大蝦，尤魚 花甲和龍蝦，鮑魚，龍躉片大蝦看得出非常新鮮，很爽口彈牙，食落很鮮甜 花甲和聖子皇，烚起也沒有改變其大小，肉質仍然是非常飽滿，花甲沒有沙，粒粒爆汁，而聖子皇足足一只碟那麼大，不過烚的時候要小心火喉，一下不小心就會變老～ 令人興奮的龍蝦鉗，沒有想過來食放題也會有龍蝦食，龍蝦不說得上好大只，之不過啖啖肉又食落新鮮已經值回票價

天氣漸漸入秋，涼意十足，跟朋友去吃火鍋最適合不過~~朋友介紹一間海鮮粥底火鍋，每位$198，都幾經濟。當天海鮮6-8款（人數而定）+ 6款配料嘩！好壯觀！這是二人份的海鮮，眼觀材料相當新鮮。有彈牙煙韌的鮑魚爽口的蟶子而蝦十分鮮甜美味，點著自己調配的辣豉油，一流。就連龍蝦肉也有，質感也是爽口彈牙，蝦鉗拆殻後原隻食，好爽丫丫。而厚厚的魷魚意想不到也十分彈牙煙韌。然後就點了5款火鍋配料，有貢丸、魚片頭、午餐肉、肥牛、雲耳。貢丸夠彈牙、而肥牛及雲耳就較普通。魚片頭質感很嫩滑，這間還有午市是賣粉麵，值得下次來試試粉麵。最後店員幫我們放粥膽，湯底已有海鮮的精華、南瓜粒、芋頭粒、栗米等。精華粥質感頗棉，細味之後已有十一成飽。

香港還有很多食店是深藏不露的，沒想到來發餐廳便是其中之一間食店，餐廳沒有豪裝，簡單的像個茶餐廳環境，也可以讓你有一份意外驚喜。晚上提供的海鮮鍋，以人頭收費，海鮮食材新鮮，再加上火鍋配料也不錯，整個鍋底鮮甜無比，還有飲品任飲，確實超值。******************************來發館位於旺角大街之上，來到門前，感覺只是一間普通的茶餐廳。發現門外放著海鮮粥底火鍋，每位HKD198/人，2-3人可享海鮮6款，4人或以上可享海鮮款。然後再選配6款火鍋配料，飲品除啤酒任飲，又幾吸引。走進餐廳，環境都幾舒適，地方也很乾淨整齊。飲品有很多汽水和涼茶提供。 除了啤酒，其他罐裝飲品都是任飲的。調味料只提供3款，蒜蓉粒、蔥粒和辣椒粒。簡單的自己加點調味料在鼓油之內。鍋底可以選上蕃茄湯或粥鍋，想到食鮮甜海鮮，當然是要選上粥鍋，只是沒想到粥鍋沒有米，只是粥水，粟米是我們後加入粥水之內。選好粥鍋，便先送上菜脯粒和冬菜粒，還有粟米。另一碟便是芋頭粒和南瓜粒。看著餐牌所教道，海鮮鍋食法有先後次序，先食海鮮，再吃其他火鍋配料食材，最後加入米飯、菜脯粒、冬菜、芋頭粒和南瓜粒成為粥底鍋。我們一共人，所以

難得有個晚上終於可以有機會同姐👧🏻二人出街食飯撐枱腳，就梗係想食餐好啦～聽姊朋友介紹說來發館粥底海鮮火鍋不錯吃，$198不收加一，就有個海鮮粥底火鍋，又包6-8款火鍋配料，汽水又任飲，所以就試一下，點知中伏👽我們早一天就電話book位晚上8點到的時候，由於場內太多食客，所以未有空桌，要多等15分鐘左右才可以入座一入到去，店員就問：「係唔係粥底呀？」第一次黎，未搞清情況的我就略感疑惑，心諗：「唔係粥底可以有d咩？」，Menu又無標明有其他選擇😒其實我地最後都係揀粥底火鍋，只係一開始就覺得店員不太友善又不主動介紹😶我地食食下先發現成間食店裡面只有一張背對門口的廣告板標示着有第二種選擇—蕃茄薯仔海鮮湯（周圍只係寫住點食粥底火鍋😑）來發館的海鮮粥底火鍋是根據食客人頭去計算的2-3位有會提供時日海鮮6款，4位以上就有時日海鮮8款，另可自行選配6款火鍋配料未上桌時先有調味料自由添加，有青蔥、生蒜、辣椒和醬油，醬料是不用額外收費的😏最先上桌的係乜都無的粥水，但由於我們不是第一次食粥底火鍋的關係，所以知道即使乜野配料都無的粥水都應該有佢應有的粥水味，但卻真的什麼味都沒有🤔（不過心想只要海鮮新鮮就好了）

鍾意食海鮮既你絕對唔可以錯過！🤗 半自助海鮮粥底火鍋（$198）👉🏻2-3位配當天6款海鮮 👉🏻4位以上仲有8款海鮮 海鮮勁新鮮，款款都係即日入貨，大隻之條食落味道又夠鮮味，爽口好吃！ 食完仲可以揀其他配料慢慢食，配料有手打牛丸、午餐肉、美國肥牛、清遠雞件、台灣貢丸、豆腐卜、金菇菜、鯪魚滑、魚咀、木耳、手打花枝丸、鹿兒島黑豚肉、手打豬肉丸、日本蟹柳、脆皮芝士腸、芝心獅子狗、油炸鬼、魚皮餃、炸魚片頭、冬瓜、滑牛等！ 樣樣都好正，夠曬新鮮，推介手打丸類，鮮味彈牙，另外芝心獅子狗都好正，芝士係獅子狗入面，一咬開芝士流心爆曬出泥，超正！ 最後當然唔少得食埋個粥底啦！🍲粥底吸收曬海鮮精華，甜到不得了😜 $198呢個價錢絕對超值，一定會再來！

有一排無見既fd 鍾意食海鮮, search 左來發既海鮮好似唔錯, 又唔算貴, 所以今晚就約埋fd 齊齊來試下呢個就我地既target 海鮮粥底火鍋, 包左一set 海鮮, 仲可以自選6款火鍋料, 最後加上粥底係火鍋湯 來啦~~ 海鮮真係好足蟹已經有幾隻, 仲有幾多膏. 鮮蝦, 魚片, 鮑魚2隻, 蟶子......海鮮真係好夠新鮮, 蟶子好鮮甜, 仲有鮮鮑魚原來唔駛好多調味都好好味肉食獸既我地6款配料都差唔多選哂肉 😂😂牛肉, 滑牛, 豚肉~ 特別鍾意佢地既手打牛丸同豬丸, 比平時食既更加彈牙, 而且好香最後就係加粥底湯底無刻意落咩調味料, 但已經有海鮮既鮮味~ 最後我地都食左幾碗先走 可能我地去呢間係新分店, 晚市唔算好多人, 成晚大家都坐得舒服

看見粥底火煱已經流口，從前只有大陸食得到，今天香港已經更升華$198免加1、任飮、包海鮮魚、蝦、蟹、鮑魚、蜆、魷魚、蟹棒鮑魚鮮甜，啖啖肉膏蟹爆油脆肉鯇肥牛雪花均衡牛味濃手打牛丸、墨魚丸、豆卜、火鍋必選彈牙自家製魚片頭、魚皮餃、確實另些不同更爽口彈牙有魚味新鮮蔬菜粥底配料柔合海鮮的鮮味、所有食材精華集合的鮮味粥，鮮甜又惹味茶餐廳的文化已經改變咗升呢粥底火煱店，配料新鮮，健康、抵食這就是賣點，怪不得全晩爆場捧埸客

今晚同朋友去食火鍋，我地食2-3人份量、食材豐富、海鮮6款、款款新鮮、其余6款都好正、雖然份量不多、但2個人食絕對夠、而且價格好合理、最正噶係此店之服務員、個個都帶住笑容，由內心發出來的熱情、照顧周到、細心、親切、這樣的服務態度、香港食店嚟講算少見、所以、我一定會再幫襯！支持！

心思思想打邊爐，就去左間太子來發館試下，每人$198，無加一，飲品就自己叫，有啤酒汽水。2-3 個人就比6款海鮮，4個人以上就8款。如果當日唔夠海鮮，你可以再點多一款海鮮，佢地係按人頭準備海鮮數目，職員好細心提點我地食的步驟，講明所有湯底同海鮮都無落味精，海鮮唔會過夜，每日新鮮。湯底用純粥水，米粥會等食到最後，煲左個海鮮湯底再混合來食。佢地好夠膽用純粥水，海鮮就甘淥一淥，味道係點一試就知道。栗米，南瓜粒,芋頭粒可以係食完海鮮後加上去，個栗米好正，每粒都大粒，食落好甜。海鮮來啦！你自己鐘意邊樣就放邊種落去，一來可以慢慢食，二來試到各種鮮味，好唔講，淥野！鮑魚都幾大隻，連理個殻一齊放理入去，味道不錯，有咬口龍躉魚，平時多數清蒸，職員教見到白白地色，有少少裂紋就食得，食既時候加少少豉油，魚味立即出晒來。魷魚彈牙，熟左都好大舊，我欣賞佢地好細心用竹枝串起去，起碼佢熟左縮起都搵得番佢。手打豬肉丸肥瘦肉既比例適中，保持番肉丸個爽口。美國肥牛本來上菜見到肉色深紅，都諗住麻麻地，但食落又唔錯，牛肉配少少豉油，牛味慢慢跑出來。呢個湯已經加左粥啦，但係餐廳係幫我地加粥水個陣加太多，搞到見唔到米粥，唔夠傑身

一間主打晚市打邊爐既茶餐廳每人俾 198 蚊 可以揀蕃茄湯同粥底邊爐 而我選左粥底邊爐 (包汽水任飲)首先黎一個以粥水没粥既湯底打邊爐 湯底好香粥水味然後會黎一個 跟人份量既 海鮮拼盤 海鮮拼盤有蟹， 蟶子， 魷魚， 八爪魚， 鮑魚， 海蝦， 蟹腳， 全部新鮮 尤其係蟹鮮甜 膏又夠多， 正！然後有一張任點食物list, 本身叫能選6 樣任點 但新店promote就可以全部野都任點， 食材十分唔錯 午餐肉厚切， 肥牛脂肪同肉比例唔錯 肉質都ok, 黑豚肉夠油脂 口感軟滑， 木耳同菇菜類十分新鮮 手打各類丸都係用心制作 例如牛肉丸 墨魚丸 都十分彈牙好食食到甘上下可以落薑 芋頭 南瓜 菜莆黎調湯既味道 當食完所有材料 湯底肉滿鮮味 同肉味 就將粥飯倒落去煮一陣 一齊食 粥水吸哂鮮味 好甜， 可以飲幾碗！以198 黎講可以甘食法真係好抵 !

平時去開太子都會去基榮小學附近搭車，成日見到間「美x」快餐，但原來行前少少有間茶餐廳，最估唔到茶餐廳都有打邊爐，再估唔到有新鮮海鮮。餐廳入面好大，但係冷氣勁凍，入去食野真係要帶件外套。本身以為係一層層個隻海鮮鍋，點知原來係將食既新鮮海鮮，放入湯底煮熟來食，湯底係煲粥既粥水來，野食未來，就煲滾個湯底先，等左20分鐘，終於上菜！！一大盤海鮮非常壯觀，有蟹，蜆，聖子，蝦，魷魚，龍躉魚，鮑魚。 真係有成隻蟹比你，廚房幫你拆好晒，蟹肉部分唔多，但係蟹膏勁多，味道鮮甜。蜆好鬼鮮，每粒都好飽滿，如果比再大d size會更好，煮完縮到細細粒，但幫成個湯底加晒分，但朋友食到有少少沙。聖子勁大隻，size重長過我隻手，淥完重係好大條，彈牙爽口。職員推薦我地試下手打牛丸，開頭見個樣，以為都係普通野，點知質感好爽口，唔會似凍肉鋪個種，入面一pat 野，牛丸係慢慢出來。即刻諗起電影莫文蔚拎起木棍打肉丸個幕。鹿兒島黑豚肉見到係來自日本既豬仔，當然要試下，肉色鮮紅，脂肪分佈平均，每塊都有手心甘大，肉質唔係即化個種，但豬味夠濃。粥來啦！職員幫下加粥煮理個湯，但係加得太多水，粥係分量又唔係太多，所以質感似粥水，有少少可