俺之沾麵專門店 (Closed)

【環境】企喺出邊其實見唔到招牌，唔熟路嘅話maybe會比較難搵。店面唔大，三張台加埋最多坐12個人，所以位置會有小小窄。店內唔會好吵雜，衛生亦都做得唔錯，唔會俾人邋遢嘅感覺。【出品】點咗個黑蒜油拉麵，麵質軟硬適中，因為麵條做得粗身，所以食起身特別有滿足感；黑蒜油嘅麵湯加湯入邊d料（梅肉、筍、蔥），真系好香，但系食埋之後覺得唔夠，於是就要咗加多咗一份麵，咁先夠飽（個人食量較大，份量唔作為參考），食完之後感覺呢間店可以同廣州好hit嘅「博多一幸舍」有得一比，出品d味道系真系正。【服務】老闆娘嘅服務態度俾到我一種翻到屋企食麵嘅感覺咯，講嘢都非常之親切兼且有耐心，系熟客仲會打多聲招呼添～【總結】喺香港嚟講，一個人食拉麵食到hkd120唔知道算唔算貴，就個人而言我系願意洗120蚊換一餐咁滿意嘅餐飲體驗，俾個like，做個回頭客。

逢星期三晚去北角上堂，就係我喺附近覓食嘅好時光！適逢早收工，今次就行遠少少試下呢間久聞大名嘅沾麵店。可能因為平日加上時間尚早（六點幾），一去到就有位嘞我同男朋友都叫咗黑蒜加味玉，再豁出去叫埋腩肉叉燒，（偶然）放縱下小盛就大概係一個即食麵嘅份量，而大盛就大概係double黑蒜湯底夠晒杰身濃郁，以沾麵嚟講唔算過鹹 而麵底係我喜歡嘅煙韌度，掛湯能力不錯。可能因為味玉係預先放在湯內奉上，所以熱得滯令蛋過熟，略為可惜。至於腩肉叉燒，肥瘦相間而且帶有甘香，正s!檯上有炸蒜粒，辣醬，同昆布醋，供自行調味。我食到一半都落左少量昆布醋，中和肥膩感。聽聞呢度嘅番茄湯底都係人氣之選，待下次喺北角上堂再試！

期待已久，終於有機會下午六點半去等開門，遲開人龍。六點廿分去到已有幾個人等，等到六點半，有位女職員話未得，要再等十五分鐘。我好少排隊等開餐，但等多十五分鐘就等啦。我叫左黑蒜瘦叉，朋友叫原味肥叉。我地第二輪下單，之後就坐滿人。其他食客全部講普通話，女職員話今日有點亂，單全部調亂了。結果我和友人等到最後一輪才有得吃。餐廳提供的水，是清水，我以為用來洗筷子的，因為筷子幾污糟，杯又係，水又有陣味。麵到啦。試下個原味湯，都唔錯，好濃。再試下黑蒜湯，真係勁多蒜。兩個湯都油，偏咸，夠肉味。但係個麵好失望，唔彈牙，有點鞋口，又帶點硬，沒有沾麵應該有的掛和彈。但又未至於難食，今時今日，$100以下的日本麵，呢個叫合格以上了。但未至於講到全香港最正。沾麵都係香港食唔到。

公司就黎要搬離開炮台山，臨搬前兩日 同事話要食多次呢間沾麵先得 個人唔鐘意食沾麵 唔鐘意太濃味既野 但係呢間既蕃茄湯底 真係好出色Lunch time 一點去到沾麵門口 有大約十個人排緊隊 最後等左45分鐘 終於有位 建議大家星期一至五唔好呢d lunch hour 黎食 平時唔係呢d公司lunch time時間 都係試過等過十五分鐘今次都係食最愛既蕃茄湯底 佢仲有原味 黑蒜 同櫻花蝦三種湯底 蕃茄湯底仲可以揀辣唔辣 （小/中/大） 叫左中辣 但唔係好辣 下次要叫大辣 其實黑蒜都好好味 不過就太濃味 如果自己食哂一碗 真係幾滯下 但係好多同事都鐘愛黑蒜味 鐘意食濃味野既話 應該係唔錯既選擇

呢排做野咁辛苦，唸住食D好野安慰自己，加上係工作上有個朋友幫左我好多忙，我點都要請佢食餐飯。於是上openrice搵港島有咩正野，一搵就搵到呢間偏僻得黎好評超多的沾麵店！！講真我未試過食沾麵，平時同朋友食都係我食拉麵，佢地會食沾麵，但一聽到佢話好咸就唔想試，但今次呢間野簡直可以話大滿足！食完唔使再食其他HK的沾麵（好似誇張左D，不過真係好好食）朋友去左攞位先，等左大概 20 分鐘，入到去係一間好細的店，得 3張台，但不斷都有人排隊，所以話好食的就一定會唔憂做：）店員安排我地坐低後就問我地要咩湯底，我要左蕃茄走辣，朋友要黑蒜，2個都係普盛，一個半熟蛋，一個溫泉蛋，3塊腩肉叉燒。等左 5分鐘，麵就來了！湯底好濃，但好好食，蕃茄的香味入哂個湯度，好多蕃茄肉，睇得出好用手整。我一向都麻麻地沾麵的粗度，但呢個麵。。。唔知係咪個湯好食的關係，我都無咩所謂。至於個半熟蛋，真係大滿足，超流心的蛋，好好食好正！未試過一定要點！另外店內仲提供清湯，如果覺得湯底太咸可以倒D清湯，順便飲埋個湯，服務周到，值得加分！食完朋友覺得唔夠候，嗌多個替玉tim，我就嗌左支sprite，雖然 $12有D貴，但為左個麵，值

如果沾面以100分為滿分，麵質佔10分，其餘90分一定係湯底！呢間專門店有三款湯底，原味，黑蒜同番茄，唔想白行一趟一定要揀番茄味！上一次試過原味唔特別驚喜，但今次選番茄湯底就立即扭轉我對佢嘅印象！番茄味濃郁，但唔係得陣酸味，配蒜泥，同竹筍（記住㨂小辣），味道非常有層次，每啖都唔只飲到一種味，係每樣材料既味道都向口中釋放，但又唔會蓋過其他配料向你口中既表現，筆墨好難形容，但肯定第2間食唔到呢隻味，亦成為我會做返頭客既主因之一！

當日咁岩去到門口，見到有一對名人夫婦Eric Kowk+葉佩雯 染到好紫個頭又戴超 一定見到佢兩個，佢地剛食完走人, 就心知覺得無黎錯試新野🤣店舖特色：門面有d細坐得好迫，座位唔多得3 4張枱，門口細難揾，無餐牌，只有職員口講有咩沾麵食食物：第一次食香濃蕃茄底沾麵，分量要個正常都好大碗食唔晒(分量有3種選擇), 湯底香濃豬骨，朋友試個原味都話好好食，要話下次再到訪試埋其他沾麵話說本人連續咁岩兩晚都去過哩度，第一晚因為去到無開，先知逢星期日唔開食唔到，第二日咁岩係哩頭羅野，就話不如再去撞運氣，食到啦。我食完都見到有對情侶揾哩間沾麵，同我一樣走過門口都見唔到哩間野，要行番轉頭再睇睇😅

呢間係深水埗 隠家拉麵工場老闆係炮台山開分店, 香港島東區嘅人多得佢唔少 ,食肥哂! Haha呢一間食府嘅沾麵 真係一流 , 有原味, 黑蒜, 蕃茄, 我個人覺得原味同蕃茄好食D , 黑蒜比較濃味, 鍾意食鹹啲嘢就order呢個.我食過大概十幾次, 蕃茄係我最鍾意食, 因為豬骨味濃嘅湯加少少番茄個味 balanced 好多, 唔會食到封喉嘅感覺 (我會加少少醋添)HKD85 食到咁嘅質素, 仲想點.提一提 - 呢間嘢坐得唔係好舒服, 無裝修, 得十幾個位, 坐得緊, 好鬼似日本嘅小型拉麵店 - 如果要氣氛嘅就唔好嚟喇. 繁忙時間一定排隊, 15至20分鐘到啦. 夜晚有時買完就早收, 留意下啦.如果係天后炮台山北角附近,想食拉麵,真係要試一試

之前係日本食過沾麵之後就上左癮，可惜香港好多鋪頭既沾麵，湯汁完全唔掛麵，感覺上同食拉麵分開湯同麵係冇分別然後今日去開北角買野，專門去試下哩間沾麵🙈果然係十分有驚喜呀！店面其實好細同冇咩招牌，好容易會行過左都唔知。入到去由麵既份量同湯底都可以揀，同埋可以揀溫泉蛋/半熟蛋，肥叉燒同瘦叉燒。好快就會上菜侍應會同你講食完d面之後有熱湯可以加入去淨低既湯汁飲埋我就揀左黑蒜味既湯汁，一上黎香到不得了，睇得出用左好多材料，沾面既時候湯汁完全包住d面，勁好味呀👍🏻👍🏻👍🏻 叉燒口感好好好有驚喜！最重要係食完之後，都唔覺得好口渴，証明味精唔多🙈不過食量普通既朋友注意番，唔係超餓就唔好揀大份量既面喇，食唔晒好浪費之餘亦都對廚師好唔尊重呀同埋最好可以早d到，因為座位真係唔多，雖然大家都食得好快，不過真係好多人等位呀

電話壞了，相片全失，長時間屯積的吃貨日記一下子沒了，久久未能接受。直到昨天跟朋友再次來到這裡吃拉麵，又燃起點點想寫食評的心思。想來吃拉麵，首先要記住的是他們有落場時間，15點後18點前都吃不到。我們就是在這時間來到摸門釘。雖不是第一次來還是會忘記，還好附近有咖啡店，坐下聊天很快就來到18點。準時來到門前，已有6人在等開店，小小的店只有3張枱，大慨只能坐10數人。又坐回第一次來店時貼近門口位置，對面是不認識的客人，很親近又陌生。拉麵有3款湯底，原味，黑蒜，蕃茄湯，只有蕃茄湯可選辣度。我再次抵抗不了重口味的邀請，選了黑蒜油。朋友選蕃茄湯中辣(有點像吃米線), 然後每人選了不同位置的叉燒來交換吃。再配合個人喜好的配料，每人都有個人風格的麵，這就是吃拉麵的過癮之處。熱辣辣的麵來到面前，大家都趕緊吃起來。由於太集中欣賞麵和湯的美味，吃到最後才把蛋拿起時，蛋中間已不再流心，相反朋友聰明地先把蛋拿到麵碗，一夾開蛋黄便流出來，被取笑了一回。黑蒜油的重口味沒什麼特別好說，反而是蕃茄湯的中辣不會太辣，但大辣又怕一大層油在湯上。最有趣是最後吃完麵，加高湯後，喝下我覺得有冬陰公風味。這裡還是我最愛吃的香港沾麵

這家麵店很有個性，在店內的裝潢就可以看出，用汽水箱搭出來的座椅，談不上舒適，但可能正因為如此，營造出一份獨有的日本拉麵感覺。看餐牌可以發現，店內的食物選擇不多。麵多麵少按自己胃口選擇，價錢不變。其次是叉燒有兩款，腩肉叉燒及梅肉叉燒二選一。其他配菜可自行選擇要還是不要，要更多的才要加錢。約100元的一都沾麵，湯汁非常濃郁。試過在別家拉都店吃沾麵，湯汁超稀，跟拉麵湯底一樣……但這家的湯汁則完全不同，吃完可以加熱水，把濃湯汁稀釋再喝，超超超好味!!!叉燒非常入味，而蛋的煮度剛好，蛋汁灑在麵上混著非常好食。如果喜歡多蔥的，這裡都可以選多蔥~~!!雖然店的地址有點遠，不過如果經開，好推薦大家去食!!

終於有機會試俺之沾麵六點半左右去到咁啱有位唔洗等雖然店舖細細只得十幾個位不過好鍾意呢度乜野都有得自由配搭 全部劃一$85就連麵既份量都有得揀 我揀左普盛(中間份量)叉燒有兩種 有肥啲既腩肉 同瘦啲既梅肉俾你揀可以揀1/2/3片 我相信無人會唔揀食3片掛我就揀左3片腩肉仲有荀同蔥 我揀左普通份量蛋有半熟蛋同溫泉蛋兩種 今次先試半熟蛋最後店員姨姨會問你要咩湯底(原味/黑蒜/蕃茄)我就要左原味等左三分鐘左右已經有啦 熱辣辣香噴噴仲有一塊印有店名既紫菜 好盞鬼睇住佢沉緊 所以第一時間食左佢先 豬骨湯底好濃 帶少少酸味 唔太鹹麵條比正常略粗 麵身帶點煙韌 但可以再彈牙啲掛湯力一般 但都索到味叉燒屬半肥瘦 肥瘦相間 肉質軟腍 幾入味荀份量幾多 浸耐左都仲幾爽口半熟蛋入口有微微既煙燻味 咬落好流心 好香食到一半加左半匙昆布醋 果然吊起左個豬骨味 成個味道昇華左不過呢食到最後湯同麵都凍左 可能我食得太慢喇食哂麵之後加左啲清湯 不過只係飲左幾啖 因為都幾飽下仲有值得一提既係個店員姨姨好nice好有禮貌 全程面帶笑容 有客人食食下要調位俾兩個人入黎 佢又不斷道歉又躹躬其實反而搞到我地唔好意思 明喎都係做生

好簡單的點菜單，全場劃一，只有沾麵。有4個湯底揀，櫻花，蕃茄，黑蒜，豬骨，個湯底唔洗點，樓面姐姐會問。麵的價錢亦劃一，碗碗$85，包紫菜，筍，葱，蛋，和叉燒片。。全部的份量都可以揀。麵身算粗，彈牙又未算，不過有口。沾麵的湯底正常是偏咸的。。。呢間當然都係。。。食完之後，可以自助加湯，飲埋個湯，不過加好多湯至無咁咸。。。所以加完係飲唔晒的。。有個紅卜卜辣醬，不過唔辣的。。湯底個人覺得豬骨好過黑蒜。樓面姐姐的服務好好，見你唔識咁，係會教你點食的。

聖誕假期柑太要求我帶佢去工展會，出發前先到俺之沾麵一試佢地好出名既沾麵。香港既沾麵，已食過唔少，水準仍難與日本並肩，不過食過呢間俺之沾麵後，真係令我改觀。小店真係好小，廿個位，仲要出面排左七八人係度等，幸好等到即將入座前，店員會出來問我地點乜野麵，減少入座後等上麵既時間。柑太叫左白湯沾麵(傳統口味)，我就叫左黑湯(黑蒜味)，肉方面，最多可以叫三片，於是我點了梅肉，柑太要腩肉。黑湯沾麵，出場發覺個湯好似膠著左，細細地一試，發覺很濃烈既黑蒜豬骨湯味直衝而至。湯底非常熱，而麵條本身非常索湯，本身做得煙韌彈牙，梅肉叉燒嫩滑多汁。傳統豬骨湯，湯底無黑蒜襯托，但本身濃厚的豬骨味一喝已經感到全身發滾，腩肉非常好味，難得的出色佳作。呢間沾麵出品已經很接近日本的一流沾麵，我們二人吃光沾麵後，柑太已經很飽而沒有再加湯混和沾麵湯底，我加湯後，喝了一半，亦已經感到很飽，他們的鰹魚湯做得很出色，混和黑蒜湯後，喝下去好似喝老火湯一般美味。

無論什麼時候經過，總是長長人龍在排隊。這天平日晚上，排隊的較以往見到的人少，於是排排看是否這麼大吸引人。店內位置確實不多，可容納人數大概只是十多人，故出現人龍乃正常的。在這樣的情況下，一般人也很自律快快吃完便會離開，若坐下來談心的，這裡不會合適。在等候排隊期間，店員已預先派了這張紙仔給我們選擇，份量大中小均一價錢，基本配料也有不同份量選擇。雖然需要在腩肉與梅肉之間作出選擇，但怎樣看也會選要三塊的吧。黑豬骨湯底的沾麵，份量為中盛，中盛份量剛剛好，不會吃剩。男人或胃口較大的，叫回大盛會好點，不然不夠飽肚。濃濃的豬骨湯底，沾上都來吃，不會覺得口渴或太咸，確實味道與另一間吃到的好味。這種麵質我較喜愛，彈牙有咬口，難怪人龍總是沒完沒了。待下次少人點的時候，又再來吃。