偉業特色粉麵茶餐廳 (Closed)

附近探完親戚路過又有少少肚餓.想食少少野,路經此店見到有下午茶.另外亦見到有車仔麵.就行入去,三點多過了午餐時間.店舖雖然唔係大,但係大把位任揀.揀了個角落卡位,坐低伙記放下餐牌時同我講.呢個時候仲有午餐而且指住那午餐餐牌話.除了豬扒飯全部都有...不過問伙記是否有車仔麵.伙記再指一指枱面.我即時留意枱面原來有紙給客自己剔關於車仔麵擋食物.車仔麵有成三十多款餸選擇.麵都有幾款揀.湯底汁都有五款.餸方面我要了豬皮,牛腩,墨魚丸跟油麵,湯底要腩汁.五分鐘碗麵到,份量適中.牛腩都幾多,不過肉多而好鞋.豬皮得果三塊仔,都爽口嘅.墨魚丸兩粒,除咗爽口都無墨魚味.油麵正常,牛腩汁湯底似鼓油湯底差唔多.味道得過咸字,都無牛腩味原來加錢先有飲品要了杯凍豆浆,好細杯飲落去又無豆漿味.不過豆漿加$1仲有乜投訴呢.四周圍望下環境.普通茶餐廳格局.可以見到車仔麵擋師傅.整緊預備工夫..就咁望見車仔麵D餸都幾吸引.應該吸引唔少食客.這店尤其是在將軍澳.這區有幾多年歷史呢.肯定唔係舊式茶餐廳時代.但餐廳四處傢俬好殘舊.似乎無人清潔,好似好污糟咁給人感覺衛生麻麻.不過咁三十幾元車仔麵連飲品都算係咁...

工作中午餐，經過呢度有車位，去到門面好簡陋殘舊，入面差不多滿客，店員問我哋願不願意坐外面，但外面比太陽曬正，都係啲食煙客坐，所以唔坐，店員就在店內搵咗位比我們三人分開坐（其中一張2人枱，加一個人要旁邊枱坐）桌椅好迫，食物都係茶餐廳，仲有車條麵我哋揀車仔麵，麵食好快到，不過無單，埋單自己行去收銀處！三餸車仔麵（$40）冬菇蘿蔔豬大腸粗麵加腩汁，賣相平實，冬菇厚肉入味，蘿蔔清甜但有渣，豬大腸有兩種腸，厚身嘅彈牙有咬口，薄皮嘅滑身啲！粗麵較粉唔彈牙！湯底加了腩汁，濃香惹味！湯底幾好，配菜一般凍檸茶（跟餐）走甜，茶比較淡，味道清爽，ok同事食：店員姨姨粗獷型，一就一嗰種，勤快唔廢話地方擠迫殘舊，唔係工作無得揀都唔會再食

這裡是我和小狗的飯堂 吃的是街坊人情味, 隨了價錢貼地外, 坦白說, 精選小炒及晚餐是值得推薦的, 超有水準呢！環境方面就不要有要求了， 實在是一個地道的本地餐廳，准許我小狗陪坐， 對狗主們實在太心懷感激了， 在香港是賣少見少了我最愛吃的首推"椒鹽鮮魷"， 沾上的脆醬， 不會過厚及過油， 脆香怡人， 那些椒鹽粒粒，我也絕不會錯過， 可惜是這裡沒有啤酒售賣， 倆者是絕配呢！ 波羅咕嚕肉，是考驗食肆厨司厨藝的 Test Paper, 得分是 PASS 呢! 24小時通宵營業, 下次有幾肚餓和有幾夜都好, 都可來揾食啊!

《#偉業特色粉麵茶餐廳》 #將軍澳🔹三餸車仔麵 $34 （沙嗲牛肉 豆卜 蘿蔔 米粉 加辣汁）🔹凍檸茶+$5——————————————————————其實係因為聽好多人講都話呢間嘅車仔麵好難食 專登黎試伏嘅🔸沙嗲牛肉 似係放左比較耐嘅牛肉 個汁有少少怪 唔係平時食嘅沙嗲味 但未止於係伏嘅🔸豆卜 完全無可能會伏🤭🔸蘿蔔 反而比我想像中好 係夠淋嘅🔸米粉 軟硬都適中 份量都唔算小🔸凍檸茶 茶味太濃 有d苦澀味🔸辣汁 都ok 個辣度一般人都食到 唯一係真係太油——————————————————————我真係成日食車仔麵🤣 諗住黎試伏點知唔伏🤦🏻‍♀️ 只能夠話普通啦 不過可能我揀嘅餸都係比較保險🤭 下次可以真係挑戰下平時食嘅餸😂byT: 6.5/10#食在將軍澳#車仔麵系列

凌晨三點幾 調頸嶺7仔都無得食唯有行遠啲 試下尼間24小時茶仔叫左個煙鴨胸火腿煎蛋飯  宵夜黎講唔錯啦 小貴 $45有野飲 可惜0230後無炒飯 得幾款蛋/扒飯要食下次都係0230前黎 否則就好一般 (雖然都無咩選擇 >_>(隻蛋係煎得幾靚

夜晚晚係將軍澳其實真係無咩地方食宵夜,老公OT到好夜,等埋佢先食飯,已經十一點,甘就求其食間啦,呢間茶記裝修都好舊啦,不過食物都唔錯,除左小炒外,仲有車仔麵食,老公叫左個枝竹排骨炒河,份量都幾多,幾大碟,幾香口,唔會太油,排骨肉都幾多,好少骨,味菜炒大腸,好少地方有得食大腸,仲要呢兩樣野我都鍾意食,甘就叫左個試下,好彩都無失望,幾好味,酸菜同大腸份量都幾多,又好入味,酸菜酸酸地好開胃,大腸都算肥, 不過幾"琳",幾入味,下次再食過先

次次踩單車時都會光臨區內的食店.有好幾次見到呢間野人數不算少.又見價錢相宜,所以就同朋友去試一試當時已凌晨約1:30,呢間舖晚上會在街邊擺幾張枱.我同朋友就坐在街邊由於我朋友不太討好這間餐廳,所以大家也各點了一個麵(我是車仔麵,他是牛腩麵)我覺得食物的質素也不算差,我點了的車仔麵是米粉伴魚皮餃,扎肉同埋菜味道並不差的,因為那個沙爹汁也頗入味,不過我朋友就覺得他的牛腩麵比較韌,食得比較辛苦