傳麵世家

Open Now

Now Closed

見朋友經常和老公在傳麵世家內打卡, 但我一直都沒有在意這間食店, 今日突然想起不如就來一試吧. 時間大約七時多, 店內不算細但已坐滿八成客人, 室外還有枱是給煙民的. 看見牆上有很多名星(我估是明星吧)或有很多簽名, 看真一點原來是亞視人, 是全部都是亞視人, 難道這間麵店是亞視人開的看看廚房上的油菜竟然有大根, 問題不在於大根這款食物是在於字眼, 為什麼不寫蘿蔔要寫大根呢我估會有人不知道大根是什麼..哈哈看賣相覺得魚片頭很特別, 一咬之下原來是即叫即炸的, 熱辣辣不過太多油. 形狀十分特別, 味道不錯不會太鹹,很爽口.牛筋是腍的, 但膠的質感不夠. 河粉份量很多, 加上他們的辣椒油真是一流~牛腩吃得多爽腩亦聽過, 但始終未曾品嘗過, 原來真是很爽的, 不知怎樣形容但我覺得很香牛味和很爽. 初初不知道是有飯的, 落單後才看見, 立即叫姐姐待應改單, 姐姐還很好說打牛腩改為爽腩的. 令到相公很滿足啊~ 而另一驚喜是蘿蔔即是大根, 十分入味蘿蔔已煲得很腍. 怪不得油菜類有大根這項選擇~炸魚皮一向比較少食, 但見相公又食不如試一試, 又是一樣很特別的包裝, 是袋裝上碟的. 要自己打開倒在碟

同屋企人去完濕地公園, 特地過來食野.叫左爽腩河($19), 坑腩麵 ($19), 牛雜麵 ($19) 及 炸魚片頭河 ($18).爽腩及坑腩唔錯, 一向識食的媽咪都話幾好.牛雜太 鹹, 炸魚片頭即叫即炸好熱.飲品要加$6 (反正一陣去食B仔涼粉, 所以冇叫)河粉好食過麵. 如果想食正麵不如去好到底. (臨走前都要返番去買左2斤麵返屋企)

星期日同老公經過元朗,忽然想食牛腩麵,不如就試試電視推介過呢間ge牛腩好正喎!入到店舖食客都幾多,不過都有位唔洗等,我叫左碗牛腩牛丸粗麵24元老公就叫左牛腩河19元加杯冻咖啡加6元,好快碗麵到啦,佢地d牛腩真係好稔,完全冇渣,至於牛丸就ok啦又唔係好好食,後來老公叫左碗淨湯魚片角18元,呢碗就要等耐d,可能要炸ge原因,佢地d魚片角熱辣辣,外翠內軟就係好好味!唔怕熱氣唔要湯更加好味!巳元朗區我食過ge牛腩呢間算正,價錢又唔貴.不過有一點比較差,我見到有兩張枱d單亂曬攏,搞到d食客好唔滿意,不過我都會再來!!

今日與老婆入元朗探親戚 , 當然食下D 土炮野~~落左輕鐵, 隨機咁向一邊行, 過左多人o既街巿之後, 見到一間生意都幾好 , D 客重要坐到出門口 TIM~~好~ 就試下, 雖然地方有D 迫....點左一碗白豬手麵, 一碗牛腩麵, 一個炸魚皮~~~~ 麵加飲品凍熱同價 !!!!!!!!! 先嚟豬手豬手皮爽, 由於冇南乳味, 係另一種感受, 好味 !! 立即令我諗起聯和墟~~而且有4 大舊~~~ 廿幾蚊~~WHAT DO YOU WANT ~~~GOOD再嚟牛腩有唔同O既部位, 其中有爽位, 亦有" 大舊肉" , 清湯腩 , 雖無驚喜, 味道亦幾好~~~如果有揀部位就更好la 最後係炸魚皮都係咁 la......都脆o既~~~就係咁, 食左餐好野, 好開心咁去探親戚~~

傳麵世家又細鋪開始已經食, 到依家開大左 水準一樣咁好.... 每次去 我都必食爽腩同雞球!! 真係好正.... 佢湯地好夠味, 但唔會食到好口渴!! 價錢抵 份量十足, 每次都叫少米....另外有個推介就係佢個魚片頭都好出色, 好脆! 仲會好細心咁分上.....PS傳麵 仲有咖哩飯食 都唔錯, 幾辣嫁!!!

上個星期左右同朋友晚上收工後行過(九點左右） 見佢裝修得好令又未試過又唔洗等位就入去試 落單果個人竟然唔識聽廣東話 我話要加菜 他說加菜係碗 得五蚊份量 聽到頭刀大埋 最後叫了牛什油麵加菜同牛腩麵同魚皮 魚皮係用保鮮袋裝好像 所以d魚皮保持得好脆 其他野 等左十幾分鐘左右先到 個賣相刀幾好 但牛腩得5件 不過好入味同唔硬 走果時先發現沒寫單 好似審犯咁問我地叫左咩-.- 總括而言 食物一般 價錢一般 服務一般 我諗我唔會再吃

傳麵世家睇來搵唔少, 所以擴充營業, 連隔離間舖都租埋地方大左, 光猛左, 干淨左, 但亦都加左價我食開的什雜河, 加到23但份量幸好無減, 照舊的有 牛肚, 粉腸, 牛腩, 雲吞, 牛丸, 紫菜等, 大堆頭岩晒我油菜由6蚊加到8蚊, 加得要加清湯腩汁, 最夾通菜飲品無要, 反正水係免費奉上的招呼, 還好, 但客人多左, 漏單的情況亦多左, 希望員工們多加注意啦價格, 什錦河連埋油菜, 31蚊, 都算係甘..

以前未裝修成日行過 , 因見門面真係有少少混亂又淺窄 , 所以好多次都冇幫襯試過!近日睇食評又更加多好評 , 仲話牛腩非常好食 , 搞到我個心郁郁成日想試下 , 今日下午三點左右 , 襯佢午飯繁忙時間過左應該少人o的卦 , 點知去到又係好多人逼滿哂!現場牆身有好多 ATV 藝員手寫簽名及現場照片 , 應該係用錢特登請返o黎開張助慶 , 不過唔係歧視 , 搵 ATV 藝員真係差少少 , 好多都係大茄唔係 ATV 一線 , 如果搵【張文慈】剪綵就吸引力好好多 ... 哈!裝修後現場寬敞好多 , 但總覺得用圓枱會慳地方好坐好多 , 但場內用長方型枱 , 感覺就唔係幾習慣 , 不過圓金屬椅座位有咕臣都幾舒服。我好難先搵到一個四人枱坐低 , 個個阿姐都忙到甩轆 , 我等左四五分鐘先攔截到一個阿姐 , 叫左【水餃牛腩米$21 + 跟餐凍飲另加$6 =Total HK$27】, 但等左八至十分鐘都未有得食 , 但杯凍奶茶 , 一早到左只見好多遲過我入席o既客人已經有得食啦 , 個心梗係唔多舒服啦! 我即時問其中一個阿姐幫我跟跟 , 之後見佢地亂哂大籠而且有少少爭拗場面 , 應該係為左一o的較生

我估不到..傳麵世家得3個食評.呢間店同對面街許記係有關連,以前只是小店一間.現在剛剛擴充.比以前大1倍.呢間店質責的確唔錯,只是比較低調.低調得來.又很多人客欣賞.總有原因....店員.雖然係一班中年女士,不過十分熱情,店內亦無緊張的環境...點了一杯凍華田,同牛腩米.24元凍華田:華田粉比例什多..味濃....牛腩米:牛腩比較爽口...米粉滑身.都不算太突出..反而湯底真材實料..正宗牛骨湯...只是個湯底就值回票價

放假第1日梗係同男友去食返個早餐啦揀左最就我地腳既傳麵世家10點都有唔小人需要搭台食我男友真係好鐘意食黎度既雞翼所以我地ORDER左1碗牛筋腩河1碗牛腩油麵同1碟雞翼牛筋腩河好正牛筋好林牛腩唔可以話好林亦都唔係UN岩岩好味道超正男友個油麵好吸引下次都想食雞翼香味有小小似麥當勞既脆香雞翼15蚊4隻都OK好滿足既1個早餐

經常都會在這麵檔醫肚因為近屋企肚餓就落街食碗麵帶$20都有找今日早起身要去旺角先醫肚先又來到這麵檔2個人搵位容易坐低諗食咩其實都唔洗多諗我都係食牛腩河$17已經好飽男友話好肚餓另外仲叫左個炸雞球小食$15味道唔錯唔會膩好香口又唔係翻炸的貨色所以唔錯好耐都未試過早餐食到咁飽喇好滿足-v-

估唔到呢間麵店開左甘耐都無人推介呢就等我來寫第一個食評啦星期日的中午, 麵內外都坐滿晒人, 但我一個人, 搵位都好容易一個牛什河, 一個腩汁通菜, 一杯凍奶茶牛什係清湯的, 內有, 牛膀一塊, 草肚4-5件, 牛腸4件 $16牛膀好粉, 草肚爽滑牛腸係粉腸個類, 都好食因為清湯的關係, 所以食得出每樣野的牛味相對起滷水牛什, 又有另一番的風味可惜就係無左大腸和牛肺, 有點失色辣椒油唔夠辣, 但加少少, 可以令個湯更好飲河粉ok, 唔及嘉麗園的油菜, $6, 好大的一碟, 配上清湯腩汁, 成碟掃晒凍奶茶 $5普通料, 唔多推介, $27就食得飽, 而且埋單時, 個店員 / 店主 ? 好好禮貌, 多謝前多謝後甘既服務態度超讚啦環境 : 一般麵檔的格局, 還好地板唔會濕滑