傳麵世家

Open Now

Now Closed

夜晚十一點幾 係元朗搵食開始有d難度 行行下竟然見到有間麵鋪 跟著就一支箭衝左入去叫左個牛雜河同埋加哩牛根腩飯 好正 牛雜爽口 加哩味道香濃 牛腩牛根好入味 我見議可以再辣d 強烈推薦俾各位

星期日係元朗行左好耐都唔知食咩，周圍都係人，累累地見到前面麵店就索性入去，呢間店我爸爸成日買外賣，但我不嬲都無乜興趣食，唔知簡咩好，就簡左個什錦麵食，咩都有啲。同叫什錦好似幾抵食。個湯好好飲，好有牛味，又唔算好油。入面有粉腸，本身我係唔食呢啲既，但佢個粉腸好食，好易咬開，好入味。仲飲左杯龍鳳檸樂 ，好爽！因為太香，食食下先記得影相，推薦大家食。地方夠大好多位，望落算乾淨。朋友飲左杯咸檸水，無味既，唔好試！

依間麵店應該好多元朗住既人都識我都係一位住係元朗既朋友帶我去食依間麵鋪既清湯腩同魚片頭係主打今次我就叫左魚片頭 牛丸雙拼河粉魚片頭同其他鋪既唔同 (見圖)佢係長條形 同應該係即炸簿簿一層 唔會好油但好香口同彈牙牛丸 河粉 無乜特別一般既質素 同外面食到既都一樣個湯偏清 以為會濃一啲價錢亦算正常$33一碗雙拼河粉唔係特別平 亦唔係貴下次可能會試埋依度既湯腩總括如果去開元朗 又鍾意食魚片頭既其實可以試下但要專登黎食就唔會啦

不明白嗰啲好評從哪來的🙄我點了牛筋河+紅豆奶茶(少冰)先試一啖湯底---淡而無味😕牛筋爽口，但河粉是爛pat, 碎碎的，而且好淋😖整體感覺比那些$18一碗的還要差，食完後有點嘔心的感覺🤢紅豆奶茶--當然沒有少冰給我奶茶偏苦，紅豆淋bad bad嘅，仲有d唔知點解，仿似鼻涕般的口感🤧本來紅豆奶茶就是可以好夾，但佢杯嘢就硬係帶出夾不來的感覺😥不知道是碗粉還是杯飲品的原因，餐後的3小時都keep住想嘔想嘔的感覺，很不安🤢🤢本來滿心期待，卻換來極之失望及不安，絕對絕對不會再幫襯😤😡😤

教會聚會完畢, 又同老公兩個人去開餐, 在千色同街市附近揾到這間傳麵世家, 店的玻璃外牆貼滿多年來報紙雜誌的報導, 店內格局好有老字號的感覺, 不是坐得好舒適, 但滲出一份人情味, 因為大家好合作, 會讓出位置比其他客人。落單姐姐都好友善, 讓你慢慢點單。基本上座無虛席，幸好流轉快, 等位時間不需太長。原本想點清湯腩, 但因為我貪心, 特別喜愛試多幾款配料, 於是點了1個傳麵, 1個什錦。什錦配上粗麵, 有牛腩, 豬肉丸, 粉腸, 味菜等配料, 十分豐富, 而且每樣材料都不馬夫, 份量剛好。粗麵爽彈, 不糊口, 牛腩卥水味濃夠淋身, 粉腸輕卥咬出甘香, 豬肉丸彈牙自家制, 味菜也很惹味, 湯底也是調教過, 有甜味而不太濃。   傳麵配上河粉, 河粉軟硬度剛好, 加上湯滑入口, 無得彈! 有牛肚、牛腩、水餃、雲吞等配料, 牛肚卥得甘香, 略嫌牛肚太薄, 不是金錢肚, 否則口感更好。 水餃雲吞都落足料, 而且蝦同豬肉等材料比例及調味都做得好好，而且餡料新鮮, 做到皮薄餡靚。保持到水準。  

吃過晩飯後見時間尚早，便來個小散步。也許這天的晚飯未盡如意，當路過傳麵世家時，老公竟二話不説便闖進去。早已習慣了他的無底食量，是見怪不怪了。吸引他的相信是店的規模，還有店方名物一清湯腩。 傳麵世家的名氣不少，不過光顧還是首次。店面是一般粉麵店的兩三倍大，看裝潢陳設是有點歲月的。看牆上的報章雜誌專訪，明星藝人的簽名合照，宣傳看來是做得挺到家的。一切都十分體面堂皇，可有一點卻是貨真價實騙不了人，就是食客的數目，已是十時過外，店内卻是半滿之態，看來是有點實力的。才剛吃過晚餐，實在是吃不下，只光看老公吃麵就好，難得點菜阿姐並無黑臉相待。老公點了清湯腩豬手河粉($40)，清湯腩屬邊腩位置，件數不多，肉質軟稔，邊位爽脆，難得是用上新鮮牛腩，很有誠意。豬手以白滷水滷過，軟硬度剛好，豬皮彈牙入味，也不錯。湯頭清淡有牛香，有味精也是意料中事，可幸的是不算過份。用上少有的純米河粉，滑度不高但相對有米香。這家走的是家常風味，清湯腩做得尤其出色，這種大路口味總是很受歡迎，只是還是未至嘉麗園那令人夢魂縈繞的神級程度吧!

呢期同朋友食左好多清湯腩，今次去左傳麵世家，睇下又有乜特別同另外幾間。傳麵世家近菜檔，街市，黎呢度食既都係地膽街坊，包括我哈哈，平時同阿媽去買餸經開都冇機會食。坑腩雲吞河粉 坑腩好鮮好重牛腩味，牛味好食過嘉麗園，而且肉質唔會太腍亦唔會太硬，份量又足👍雲吞有三粒咁多，平時雙拼多數得兩粒，所以幾咁足料。不過雲吞入面既蝦唔夠爽口彈牙，肉餡味道不過不失。爽腩魚片頭河粉爽腩唔係重點，而係魚片頭😍好搞笑朋友以為魚片頭係真魚魚頭，當然唔係啦。我估唔到傳麵世家既魚片頭係即炸😶佢即炸得黎又唔會好熱氣油膩，表層微微金黃香脆，加上內裡爽滑彈牙既魚蛋，口感配合得天衣無縫。

呢間主打清湯腩，湯底清得黎好濃牛味，帶甜味的，加上蔥花更加香。牛腩你唔好比佢樣呃左,以為好硬，其實佢唔系，咬落去（林）身，唔肥膩，好入味，好香米粉煮得岩岩好，有彈牙

因為家住元朗，所以很多時也會到傳世麵家吃東西。個人極喜此店的牛腩，貪其肉質柔滑，非常入味，湯底也造得很好，元朗區內應是屬於一線麵店！除牛腩河外，也必喝凍紅豆奶茶，茶味香紅豆甜，但最好叫少甜，甚或走甜。

粉麵係我既至愛，而呢間我久唔久我都會去食的。  男朋友叫左什河，我次次都叫雲吞牛肚河既。我地另外仲叫左炸雞球同埋腐乳通菜。呢個就係什河，男朋友話幾好食，牛什的湯好濃郁。呢個雲吞牛肚河真係我既至愛，次次黎都會叫呢個。  佢d 河粉又唔係話算好滑果d，但係我又覺得呢d 粉麵舖好有味道，d 湯同d 牛肚都好夠味道，雲吞的料都多，d 蝦係彈牙既。  好中意呀！呢個炸雞都幾好，食落好香口，雞都幾滑，加埋個醬好好食 ，但就會有少少油咁！呢個通菜無咩特別，但我就覺得有太多腐乳，令到佢有少少咸。如果大家有咩粉麵舖推介，可以話我知，因為真係好中意食粉麵，哈哈！

小店位於街市內的小巷中，有點兒不起眼，平時經過都不察覺。老公見評語不錯，於是假期一早去試試。店子都頗大，但座位與座位間的通道窄了一點，坐得不太舒服。中午時份，席上差不多座滿，大多是街坊生意。價錢很街坊親民牛腩河$29牛腩數量頗多，肉質很腍軟，除了有肥瘦腩肉也有牛筋，牛肉香味一般，不算濃。湯底偏淡，河粉也較為偏腍了一點。 魚片頭河$23 新鮮炸起的魚片頭，金黃色的表面炸得很香口，裡面魚肉爽口彈牙，好味道！湯底跟牛腩麵的一樣都是偏淡，河粉亦是偏腍，份量很多，很飽肚。街坊價錢和街坊生意。元朗有多間粉麵店選擇，這間味道雖然不算出眾，但以價錢取勝，一食無妨。

其實傳麵世家都開左好耐！見證由10蚊雲吞麵做到依家過廿蚊碗，又由細鋪擴充至咁大間鋪但依然長期滿座！無他嘅！因為真係好食丫嗎！個人最鍾意食魚片頭、蒜香雞粒同牛肚！今次就點左魚片頭河！麵一黎就即飲啖清湯腩先！清得黎又好香口！而片頭份量都唔算少！有成7至8粒！而且炸得好脆好惹味！連湯食都好正！麵類我就較鍾意米粉同麵！河粉都不俗！不過份量偏少！女士都未必全飽！男士可能要加底先夠飽！

lunch時間黎到元朗搵野食, 心郁郁想食嘉麗園, 仲記得之前佢個辣椒油真係回味, 但真係好耐冇去過, 已經唔記得左地址響邊, 開個openrice一睇先發現佢近期食評麻麻, 所以決定放棄。 於是乎我就是是但但咁行, 本身諗住香港仔魚蛋都食住先, 點知俾我行前兩步發現呢間傳麵世家, 見佢門口貼到一張二張剪報, 就入去搏一搏啦..........雖然lunch時間, 但都唔洗等位, 仲有吉位淨, 冇乜期望既情況下就聽阿姐推介叫左個牛脷麵, 望勻全場都係叫爽腩坑腩, 心諗都係俾阿姐呃我啦, 仲要等得耐過其他人, 隔離幾個遲黎先上岸, 好快有得食, 我就坐響度食冷氣食左十分鐘先見到阿姐笑騎騎咁拎住碗麵過黎..........講完廢話入正題, 牛脷林身易入口, 咬落去個質感唔似雪藏脷, 味道o岩o岩好, 唔會太咸。麵身出奇地好, 梘水味唔濃, 又爽口彈牙。湯底清清地再加幾條菜, $36蚊就真係抵過香港仔。成間野地方乾淨味道好, 唯一缺點就係冷氣大過雪房, 我等食既十分鐘轉左兩次位都係咁凍, 有一刻我覺得會俾佢凍病, 好彩都最後武士!!

由於昨天去美食博覽行程豐富, 已經預先拿了今天補假, 可以休息一下, 雖然說是休息, 但睡到近中午, 出外吃飯, 買菜煲湯, 再洗衣服, 忙完一輪都下午6時了, 又再休息一會, 很快就過了一天。我需要更多時間, 在家攤抖、上網、看戲等, 我最愛做宅女的了。今天中午去元朗, 找尋"傳麵世家", 原來就在我平常買菜附近的小街中, 平日下午2時半, 餐廳都幾乎滿座, 生意好得很呢! 來到傳麵世家, 茶餐廳的feel。 有報章介紹, 多了一份信心。 要了筋腩幼麵$34 牛腩和牛筋的比例大約各佔一半 牛腩確是炆得好軟嫩易咬, 連阿婆都吃得到!這實在難得, 平常我都很怕吃牛腩, 因為很多都會吃到有渣, 而這裡的就不會了。 而牛筋則帶有少少爽口, 不過也不會硬, 都有好多塊, 可補充骨膠原。不過整碗味道和湯也是偏咸的, 比較重口味。而麵有梘水味, 我本人不太介意, 爽口度可以。 跟麵加$7 有飲品, 要了豆漿, 豆味不濃, 而且偏甜。下次來想試試蘿蔔, 因為地點方便, 還是可以再來試試其他食物的, 不過就不能吃得太密, 否則攝取過量的鈉, 對健康不好呢。

今晚男A 唔去大海，見女A自己練習，深受感動，特別一齊私人練習，而之前就食下唔駛等位的傳麵世家。這店其實離千色不遠，只是在小巷中，難怪男A在元朗多年都找不到。進去後女A推介了幾款招牌野，男A就拍板通通都要。炸魚片頭米----片頭是一舊舊，有別於魚片一片片，咬落彈牙有咬感，而片頭斜切和細舊，使佢炸完比較香脆。炸雞翼和炸雞球----炸雞球比雞翼好食，因為比較滑，而且不知為何雞翼有些腐乳味。紅豆阿華田----配搭新奇，飲落味道一尐都唔怪。但叫得太興奮，最後食剩尐飯，以後我們兩人都是只叫一碟飯就好了。食飽之後第一次在女A的家練習，過程非常攪笑，希望我們都會一齊進步吧！