傳點心意 (Closed)

見到openrice評價大多數都係正評，所以就打算去試試好唔好味。晚餐時間店鋪的人不算很多，上菜都ok快。先講難食的！應該新鮮的食材極度唔新鮮！1.招牌個蝦飯：d蝦雖然大隻，但係全部都係死蝦，真係超級唔新鮮，勁腥，食落去直情係「霉」㗎！d肉爛㗎，每一件都係。因為我每一件都抱著佢應該冇事掛ge心態去試一啖仔！但係每一啖都超級失望，嘔心🤮🤮🤮2.吮吮包：一開始店員比飲筒我哋，我哋一開始用飲筒飲d汁，陣味總係覺得淡得黎又有d濃，但係就唔係灌湯包d味，覺得唔對路就掀開層皮黎食d肉，又係唔新鮮的肉～叫人點食啊～又係「霉」ge，最後我哋食佐個皮就算～3.鮑魚花膠湯：其實四十幾蚊都唔會期待d咩，但係豉油加水都話有d味啊！呢個鮑魚花膠湯淡得黎又有d味精味，冇食材味道～隻雞腳先勁，呢d盅仔湯d雞腳應該好入味，骨好容易咬斷！佢唔係㗎，佢隻雞腳係「韌」㗎！！！尚算ok的就有叉燒腸、紫薯煎堆仔、牛柏葉

農曆年初三, 很多店仍在休假中, 吃早餐便變成了一個難題.在熟悉而又陌生的街上轉, 終於找到一家中式點心店在營業中, 實在感恩!看看點心紙, 蒸, 煎, 炸, 焗, 甜品, 飯點也有, 花樣不少, 挑吃如我也找到一些選擇.價格可以接受, 同時亦免收加一服務費.點了一個什錦臘味飯($38)和金蒜海蝦飯($45), 即時下單, 即時製作, 等候時間為15分鐘.看看兩份飯, 什錦臘味飯份量比較少, 但由於它是糯米, 相當飽肚, 所以份量少一點, 還是理解的.什錦臘味飯味道不錯, 臘味份量也不少, 吃後胃暖暖的.金蒜海蝦飯, 一打開, 蒜泥味十足, 對我來說很吸引. 海蝦是開邊的, 約有4隻, 也不算少了.飯吸收了蝦和蒜泥味, 非常的開胃, 讚!下次有時間, 可以再試吃別的點心.

沒記錯的話我是在這裏第一次早餐吃到鹹豆漿和油豆腐粉絲，所以就點了這兩個，再加一份鍋貼。以前的鹹豆漿和油豆腐粉絲比較大碗，現在縮水了。油豆腐粉絲有點太鹹。鍋貼的皮做得不好。隨便吃吃可以。

好似好耐冇出城，這晚出去土瓜灣與朋友聚聚，我想要避開泰、越、川，在內街有這一家夜茶，我倆都未試過，就早點入去由黃昏坐到夜晚店面不大，座位廿來個吧，地方稍微淺窄，幸好椅子也算舒適，我們點了5樣東西，有例牌要食的蝦餃燒賣（好處是可以選擇一款兩件），荷葉籠仔鮑魚蒸飯，木魚花蘿蔔絲腸粉，炸箭豬包味道不過不失的有蝦餃燒賣同蒸飯，最欣賞是桌預放了腸粉鼓油，跟飯跟腸粉都好合拍；可惜蒸飯只有一隻迷你鮑魚，如果可多加錢多一隻便可兩人都能試到，蘿蔔絲腸粉應是現造， 第一次食覺得配搭相宜，現炸的箭豬也可愛，又不太乾身，是奶黃餡，覺得出品部很有心製作。雖然，談不上珍品，食物平均，價格實惠，當個平民食堂就很稱職，下次有機會再來試試其他食物

點心店周圍都有 這晚老公帶左我去土瓜灣呢間是晚點了個靚湯「鮑魚花膠湯」- 足料夠味 好正😙仲加埋蝦餃燒賣 - 蝦肉大大粒有彈性😙竟然仲有灌湯餃當然要點啦 湯頭都唔錯當然仲要有甜品先算完滿呢款流心煎堆仔係限定產品 熱辣辣 yummy 😋 #傳點心意

雖然冇時間食lunch但係下午茶唔需要食咁多嘢，可能都係因為攰得滯冇咁嘅心情但又肚餓 ，想飲茶又唔去茶樓搵位，咁就同埋個同事一齊走去 食啲嘢，咁樣就既有茶飲又有一盅兩件又唔使酒樓等位。茶我鍾意飲普洱，見到有湯就要佐一盅 青紅蘿蔔雞腳湯飲，飲落味道都幾好飲都唔錯嘅 ; 我鍾意食飯， 於是就叫咗一個好特別嘅 呢個飯真係特別！有荷葉嘅香味，嗰個牛肉餅又打得啲味道好特別而且好好味，牛肉味好香再加埋個鍋蛋真係好好味，super啱我胃口。

不久之前，又試過這裏的點心很好吃，上星期六又與家人再試。這次有平常小有的蛋散，點了一份，味道還可以。誰知又送了一碟-多謝晒！今次想高舉每次也一定點的點心-鮮蝦菜苗餃。平不單薄，還有口感，就是熱乎乎的在筷子中，也不易破。咬開一看，有多足料已不用多說。還有那可愛的箭🐷包，為了小孩而點。食得又玩得... 我小孩是把刺一條一條拔出來先吃。我就一口咬下一半了。我炸的蒸的也試過。個人比較喜愛炸的... 內裏是奶黃

朝早想飲茶，土瓜灣沒有太多飲茶地方，所以試下依間點心店，平時都見有好多人等位，入面只有7-8張枱，地方不是太鬆動，點心選擇都多，有好多特別點心例如冬陰公鮮竹卷、黑松露蝦餃燒賣、脆脆蘿蔔絲木魚腸粉，每幾個月都會有新點心推出，今次試下蒜蓉蝦飯，法式牛肝菌卷，野菌腐皮卷同紫薯流沙包，飯有好多蒜蓉蝦，蝦好新鮮，味道少少鹹，牛肝菌卷幾特別，皮好鬆化，另外腐皮卷皮脆，紫薯流沙包甜度剛剛好，如果係土瓜灣食點心，都是一個好選擇。

小人甚為喜愛點心專門店，友人跟同事試過一間，覺得不錯，特意帶同小人一起再嚐。吮吮包乃必食榜的上上之選，包很大個，皆因入面盛著滿滿的湯，先用飲管吸啜，喝到清甜的湯。再吃薄薄的包皮，像是一層膜般軟軟的，肉餡因為有湯而濕潤，一級棒。蝦餃則平平無奇，澄麵皮更帶點黏笠糊糊的，是翻蒸或是過火就不得而知。越式脆蝦腸粉超似港式的春風得意腸，都是用腸粉包著春卷的物體，不過這個好像有越式香料，多了一份清新，是另一種風味。春卷夠熱夠脆，兼且不油膩，蘸些喼汁相當香口，四條之中小人吃了三條！首回感覺不俗，應該有下次。

放假撐枱腳，搵間新鮮d 既點心試下，二個人，8樣野，超級滿足蝦餃皮薄，黑松露好香吮吮包，湯濃，可惜包黎到已經穿佐馬拉糕超鬆軟軟殼蟹腸粉，夠特別，仲好香辣雞扎非常足料箭豬奶黃包炸得好脆什菌腐皮卷，個皮硬佐d, 菌就夠香薑汁糕就係大愛黎啦下次要再試其他野

因為就腳，之前常與太太週六到土瓜灣店品嚐點心。還記得初時感覺很有新意，食物質素和味道絕對能満足和取悅我。久而久之，人越來越多，味道大至無變，但有時見到比前遜色，服務有時也顯吃力。慢慢少了光顧，已差不多大半年無再去。上星期六剛好中午未前未到 peak hour, 又再和跟太太去... 店內未算多人，但餐牌上已有不少新意。來回點了六個點心，有新有舊，全部有水準，口福再次大受滿足。其中黑金芝麻飽是新嘢，有內有外。價錢合理。

今天在家附近找吃的, 剛好經過這家點心就試試看。一看餐牌都是一些創意點心, 選了幾款和家人試試。點心全部即叫即做, 要耐心等候但很值得, 吃到店家希望客人吃到新鮮點心的心意。叫了數款點心(詳情看下圖), 也點了一個籠仔蝦醬肉片豆卜蒸飯(吃得太高興忘了拍照), 飯的份量不算很多, 分著吃還吃很下點心, 荷葉也很香!整體點心岀色, 唯一希望可以有選擇茶的口味, 全店一式一樣只有一款茶沒有選擇, 有點美中不足。不過還是會再來!下次希望試試紫薯包!

呢間食創意點心的食店，佢地既點心比傳統的點心精緻和食材上都較有新意，其中佢地最出名就係吮吮湯包，即係巨型版小籠包，用飲管飲湯時千萬要小心燙口～另外佢地既鵝肝煎米雞、燒石好炸春卷、脆脆腸粉和雞燉翅都不錯～佢地在元朗同土瓜灣都有分店，每款價錢二十蚊左右，我地上次四個人食，除返開每人都係五六十蚊，都算係幾抵的～好在土瓜灣有分店，不然只有元朗有就試不了這個創意點心了！

今日午餐黎左呢度食牆上餐牌寫奶皇熊貓包，不過食落原來係芋頭黎~雖然食唔到心頭好，不過芋頭餡都幾香甜，唔錯蝦餃就普普通通，不過不失咁餡夠多，雖然叉燒唔算特別多，但係至少都有D汁，唔會好似出面有D茶樓成個包除左中間位，其他都係無餡無汁嘅淨包。呢個叉燒包甜甜地，幾好味清清地嘅紅棗味，少少煙韌咁，如果味道可以濃D會理想D。不過以$16三件黎講算ok推介！！！厚薄適中嘅腸粉皮保住一層脆脆同埋蘿蔔絲，再連埋面頭嘅木魚，口感非常豐富，亦食得出店家嘅用心製作，一定要食啊其實就係放大版同多汁版嘅小籠包，試一次就ok排骨偏肥，不過當係為左食又靚又好味嘅紫淮山都ok嘅最後走嘅時候店員提我地攞遮，好細心啊

因為有事而來到土瓜灣，搞搞下已經差唔多兩點，店子不大，好彩剛好有兩個空位， 我們總共點了5款點心: (1) 黑松露賽螃海鮮餃 $24餃皮厚度適中，而黑松露味挺濃郁，配上新鮮的海鮮，味道不錯~(2) 紫薯流沙包 $18味道還可以，但三個包中只有一個有流沙的效果~(3) 沙爹金錢肚 $24無論味道及口感都唔好食，令人失望~(4) 木魚花羅白絲腸粉 $24令人眼前一亮之作，腸粉上面的木魚好香，再加上腸粉內有些像越南春卷的脆脆，和羅白絲的味道一起入口，味道唔錯而且飽肚~(5) 奶黃箭豬包(可蒸可炸) $18外型非常可愛，味道則中規中矩，用來影相非常吸睛~總括來講，有d點心味道唔錯，有d則一般啦，視乎你選邊款啦~ 店員會不時為客人添加茶水，值得一讚，但可惜座位比較陝窄~