Video
2-min walk from Exit B2, Prince Edward MTR Station
continue reading
Opening Hours
Mon - Sun
12:00 - 00:00
Above information is for reference only. Please check details with the restaurant.
呢間分店嘅酸辣薯粉同其他分店嘅味道差唔多，薯粉幾Q彈，湯低都夠酸辣。最鍾意食佢嘅花生，夠脆！份量唔太多，剛剛好。腐竹就普通啦，都有掛到汁水，湯底係叫左BB辣，無論外賣定堂食，都覺得D湯好熱，要吹幾下先得，但係D薯粉好滑，所以到最後成個嘴都好燙，不過都可以接受。平時會係店內堂食，店鋪入面環境都算乾淨。因為今日趕時間就叫左外賣，外賣自取有8折，等嘅時間大概10分鐘左右，店員又負責收銀同樓面，人手稍微不足。之前幾次都係堂食仲等得耐D，可能要做左外賣生意先。總括而言，外賣會比堂食更省時，食物質素同其他店舖都差不多水準。
continue reading
傷心酸辣粉 $30味：幾好------薯粉正常好食嘅，但份量較少，譚仔少米再要少個種，唔會好飽。------裏面有芫茜，肉醬，蔥，炸菜，花生🥜，辣椒油🌶️，嗰味整體幾好------不過肉醬基本全部都係肥膏，應該都係比個味你，唔預你放落口。而花生嘅質量堪憂，我建議都係走咗佢啦------二人枱上面無額外放辣椒油，其他枱有服務：ok ------有水提供嘅環境：有點髒------餐廳有類似漂白水味，但同時又有多隻蟲飛來飛去，我估係廚房較髒？------餐廳播住啲廣告嘅音樂😅，有廣東話同普通話嘅------間餐廳較細，兩枱之間隔得小小，要打側身出入
continue reading
近年香港都迎來大量的麻辣酸辣風味嘅餐廳, 而且都好受大眾歡迎, 甚或至已走向精品化嘅道路上, 不過當初響香港捲起呢股浪潮嘅, 就唔可以唔講下傷心酸辣粉了, 諗起最初我係響深水埗食過一次外賣, 真係酸辣到流哂眼水鼻水, 生人勿近, 但近年為左要迎合普羅大眾嘅口味都將口味減輕左唔少, 而且都提供埋堂食, 不過環境問題一直都比人垢病, 所以我黎食親都會快快手食完就走, 唔會有太耐逗留本身套餐係會包含小食同冰粉, 但冰粉好快就已經停止提供, 而小食就咁岩今次去食就停埋, 依家得番碗粉, 碟餸, 另外加錢就有飲品我同女友分別都叫左酸辣粉加底, 一個叫小辣, 一個叫中辣, 好明顯地中辣嘅辣油分量比小辣多好多, 味道方面小辣嘅味道略嫌不足, 溝埋中辣嘅油就岩岩好, 本身試過屋企整紅薯粉都覺得係一件麻煩事, 所以響呢度加埋底其實好抵食, 配料方面有泡菜, 花生同肉碎, 如果辣度愈高, 配料都會相對地多d, 碗底重會有生菜墊底, 加埋辣油果時食真係辣到飛起, 而紅薯粉本身比較粗身, 所以未必有好好嘅掛湯效果, 要麻煩一匙湯一匙粉咁先食到果種美味湯底方面, 本人覺得佢嘅酸比辣更加值得嘉獎, 因為有佢嘅酸襯底之下佢嘅辣先更立體碟餸方面都有得分辣度, 最好都係叫左小辣先, 因為餸嘅辣度比粉麵高, 小辣已經夠令人辣到頭痛, 呢碟係麻辣肚絲, 肚絲切得整齊, 大小一致, 所以醬料均勻, 而且上面布滿辣椒籽, 底層又墊有青瓜同花生, 麻度好高, 食到頭都痕埋呢個係夫妻肺片, 老實講 覺得做法同麻辣肚絲一樣, 不過選用嘅部份不同, 係轉用金錢肚, 牛展同肺片, 不過比較乾身, 醬料冇咁多凍檸茶, 呢度係偏甜, 就算叫左少甜都係, 同埋個杯感覺有點洗唔乾淨埋單132 蚊, 睇住呢間餐廳嘅套餐愈cut 愈少野, 但價錢又冇相應調整, 不過都好多人光顧, 但我就會避免了
continue reading
我一路都好少寫一間餐廳有幾差，因為我知道要經營一間餐廳真係好難，對於餐廳衞生，唔太過份既其實都算，隻眼開隻眼閉，但我想講今日一個好恐怖既經歷首先，其實我真係好欣賞呢間餐廳既口水雞，所以我今日都專登出黎食晏。黎到一點半，因為疫情關係，每張檯只可以坐2個人，所以餐廳雖然唔多人，但都full晒一入到去坐，就即刻order野食，order完就已經見到檯面有隻反左肚既小強，我冇理叫侍應執走佢算到等緊野食，有一隻bb小強爬上檯面，另一隻爬去檯角，佢地爬走我都當睇唔到，囉左張濕紙巾抹抹檯就算到食緊野，可能野食太香，又有2隻走埋黎，忍唔住用紙巾壓扁佢，繼續食，好啦，而家由我坐底到食野已經5隻隔離檯哥哥走左（我地係拍埋2張檯），檯面又有3隻曱甴同時間爬左上黎，差唔多2點，d人走左開始走，同侍應講佢地舖頭好多曱甴，佢唔理，哦完就算。真係頂唔順，點解佢唔主動叫我轉檯？ 咁算啦，我自己開聲自己拎埋野食轉檯。到我轉檯後，餐廳經理行去張檯睇睇，抹抹檯繼續serve下一檯客可能大家都會問點解我仲食得落唔即刻走人？ 一：因為我真係好鐘意呢間口水雞既味道，我係專登出黎食二：野食見唔到曱甴就算返到去我都係忍唔住同佢地office投訴，一間餐廳係囉晒牌，我好唔明點解衞生情況可以咁差？講真我唔係係後巷食晏囉.. 希望餐廳注重食物味既同時，都可以注重下餐廳衞生情況我只係想表達個人意見，不喜勿插。謝謝
continue reading
以前去親旺角，印象深刻的一定係傷心酸辣粉，梗有一間係左近 不過都有一段時間無來，唔知旺角而家變成點呢？門面好似比之前細左？！ 雖然受疫情同限聚令影響，但依然都多人食吖，要等位。入到去見張張坐得的枱都有人，無職員招呼，搵唔到位自己就要等下Menu同其他分店一樣，有小食，餐，下午茶食物試過其他非旺角的分店，味道好一致，今次叫餃子酸辣粉，味道唔錯，d粉有口感！餃子配上酸甜醬，好夾，皮都夠脆餃子迷可以試，不過餡料唔係好特別，不過不失
continue reading