元帥麵館

Open Now

Now Closed

屋企附近新開的麵館，湯麵都不錯，令人有驚喜的係這個雪山豆腐。冰凍的嫩滑豆腐和火辣辣的醬料搭配，出奇地夾，特別是上面的肉鬆和脆花生，很惹味。稍嫌不能選擇辣度，如能設小辣更能照顧到大家口味。

今日同朋友上完堂就喺附近搵咗呢間元帥麵館醫肚，我哋叫咗個涼拌青瓜，之後一個係元帥爽滑牛肉加炸醬，一個係元帥酸菜炸醬湯麵加滷豬手，另一個就叫咗元帥牛展湯麵加豬紅，自己今次要咗個酸菜炸醬湯麵家加豬手，個炸醬都比較特別，肉碎唔會好似出面嗰啲軟淋淋，都比較有口感，都比較乾身，唔會太多醬汁，唔似台灣嘅肉醬咁樣，呢個係一個半乾身嘅肉醬，鹵水豬手都好入味，炆得淋，但係又唔會完全冇咬口，食落去好似食緊啲比較硬身嘅啫哩咁樣，豐富爽脆嘅膠原蛋白，滷味做得唔差，青瓜清新微辣，幾開胃。今晚嘅一餐又解決了。

之前喺路德圍開，可惜結業！ 現在荃灣重開， 實在太好了！ 我哋荃灣居民又多一個選擇。我最鍾意係食腩肉粗麵，麵條爽口彈牙，今次仲多咗好多新款式，有經典小鍋米線、酸菜魚麵。

見新開門店ok就諗住叫外賣試下麵食味道好普通，員工對新店收銀落單程序生疏最後外賣俾漏嘢飲要返轉頭拎⋯⋯外賣連嘢飲都要額外再收兩蚊杯錢有少少驚訝唔知元朗同荃灣質素係咪有分別不過唔會再幫襯