元朗燒賣皇后妙舒

Open Now

Now Closed

坦白講，我覺得成間嘢真係個冬菇豬肉燒賣最高質 而辣汁係加乘咗成件事，個人覺得冇辣汁就只係淡淡冬菇味，就冇咁特別，加埋個辣汁真係不得了！但係未必個個都受得住，起碼食到譚仔麻辣五小先頂到呢個辣度！大家量力而為啦！

所有食物越趨難食，淡而無味。服務態度不佳、惡劣極度頹廢。理應講求快、方便的小食店完全不夠人手，沒有人下單，崗位分派頗差。非常失望，已經不及從前，以後都不會再光顧

每次經過都要食番串，仲要加辣椒豉油。👉冬菇豬肉燒賣 （$15～5粒；$22～8粒）啖啖肉得嚟又食到冬菇，好香好有口感😋😋個辣豉油辣得嚟少少甜，同冬菇豬肉燒賣好夾，配辣豉油更加惹味

今天去幫襯買了5粒燒賣，味道只係一般，所以我問個呀姐可否比些沙嗲醬，她臉口即黑起兼雙眼好兇盯住我話: 下次早講啦! 我心諗: 你咁嘅非常惡劣態度還有下次？下次也絕不幫襯 !

好木食出名既燒賣香港有好多間，燒賣皇后絕對係我其中一間最愛💛💛💛燒賣皇后既香菇豬肉燒賣十分厚實，食落去啖啖肉，絕對唔係食落去得粉味個d😂而且豉油辣醬都係十分之夾燒賣，每次黎元朗都必食👍🏻

成日黎到呢度我都會叫燒賣黎食😛因我呢度嘅燒賣好出名，但我朋友想試下，咁我就帶佢黎喇😝香菇豬肉燒賣每啖都咬到菇粒，佢嘅辣椒油都幾辣下，同都幾搶味，認為食原汁原味已經夠😊生菜魚肉平時成日都係叫燒賣，今次試試生菜魚肉其實都唔平架，但原來都幾大碗，魚肉幾彈牙，生菜都比滿滿嘅，性價比就見人見智啦路過都可以試試，專登入黎就不用啦

元朗燒賣皇后🔹招牌香菇豬肉燒賣-燒賣皇后當然要試下招牌菜燒賣！香菇豬肉燒賣好結實，中間有滿滿既冬菇碎同豬肉。口感豐富🤩💲 招牌香菇豬肉燒賣: HK$12/5粒 HK$20/8粒

入到元朗國 有時都會鍾意去掃街！有好多唔同良心小店💛今次就試呢間人氣燒賣店！🐖 香菇豬肉燒賣 $15/5粒見到咁多人大推 自然會好大期望但食落覺得都係一般…燒賣皮仲有少少甩皮甩骨…反而佢甜豉油+辣椒油就好食嘅為燒賣加返點分數🙌🏻行過經過又餓可能都會再食但如果特登入嚟為咗佢就未必了🫣

今日行過路過唔好錯過，餓餓地又見到燒賣皇后，決定幫襯下，我都好耐冇食過。18蚊5粒同22蚊8粒，價錢黎講唔平唔貴。肉質係真係唔明點解好似食酒樓既山竹牛肉多啲，好淋🤭辣椒油係加分point 幾香口總結係，充飢可以一試，過下口引，都係20蚊左右，唔好要求咁高。

曾經一度上咗神枱嘅元朗燒賣皇后👸🏻，宜家究竟係咩境況呢？老實講 細個食過一次，但已經唔記得咗個味😂————————————————————————🔸魚蛋、燒賣孖寶🔸$26包6粒燒賣8粒魚蛋，有原味、香辣、咖哩同沙嗲幾隻口味仼君選擇因為佢哋個辣油都出名，所以就揀咗香辣🌶但印象中都幾辣下，弱雞嘅我叫咗佢少辣🤏🏻#香菇豬肉燒賣🍄🐷 真係成舊豬肉喺入面，幾香肉味同菇味，咬到肉粒同菇粒。冇神到可以媲美酒樓質素，質感有啲實，都仲有啲麵粉燒賣嘅影子。#自家製白魚蛋🐟 莫名地覺得比燒賣還出色😂 夠軟彈，魚肉味齒頰留香～🌟評分: 6/10［總括而言］小小辣對我嚟講已經好夠做✋🏻 其一 唔覺得佢嘅辣油特別出色，唔香只feel到辣勁。其二，再辣啲就乜味都遮過晒。

小編好鍾意飲茶嘅時候特登嗌燒賣因為好鍾意嗰種燒賣既口感同埋個燒賣形狀 的適得黎又飽肚😎 魚蛋，燒賣孖寶 $20/12粒香菇豬肉燒賣真材實料‼️入面唔係粉 加分😝食得出入面係足料嘅~以呢個價錢來講都比較高質素啊 落咗少少沙嗲汁~ 又幾香幾惹味喎 小編唔多食沙嗲汁都覺得嗰醬汁幾好🙈 (唔辣), 建議鍾意食辣嘅人就嗌香辣會好啲😝魚蛋就冇乜特別，都幾彈牙😋 大小適中😎 不過醬汁蓋過魚味。佢哋而家都開咗唔少分店，喺旺角，元朗🤪 如果係想掃街，又中意食熱野嘅朋友仔可以行過篤串魚蛋燒賣食🥰

幫襯元朗燒賣皇后妙舒，就梗係要叫招牌名物香菇豬肉燒賣，一份蒸一份炸。我最鍾意呢度嘅燒賣既有肉味，又有菇味，仲有質感，唔似普通魚肉燒賣咁硬繃繃一嚿粉。兩者嚟講，我較喜歡前者，因為始終蒸嘅燒賣先至最能夠食出原汁原味嘅味道，簡單蘸幾滴甜豉油，已經非常好食。椒鹽炸燒賣則香脆惹味，又係另一種口感同味道，不過可能我哋叫外賣，返到屋企，燒賣皮摺口位變得有啲硬。

難得去開元朗 👩🏻‍🤝‍👨🏽梗係去幫襯下大馬路附近既小食店見到呢間野之前好似有人上網推介過即刻走去望下-Menu上面有好多野食牛雜 串燒 燒賣 魚蛋….叫得燒賣皇后 我梗係叫燒賣啦但男朋友話佢肚餓wo咁加多幾粒魚蛋啦-落完單 好快趣就有得食了啲豬肉燒賣幾香口 🉐出面塊皮都唔會好似酒樓咁乾晒但係可能蒸得太耐有啲偏淋同埋家長可能要注意一下❗️真係有豬骨碎😂不過都係得一細粒姐對我黎講 會覺得係真材實料魚蛋我就覺得冇咩特別但係個沙嗲味 真係好推介上面有啲花生粒幾好咬口 ‼️‼️同埋就算連唔食得辣既我 都覺得ok

今日行過嘅時候經過又見到呢一間元朗燒賣皇后！又比呢一度嘅燒賣吸引住，忍唔住買咗嚟食！呢一度嘅招牌香菇豬肉燒賣都係$12就有五粒，算係好抵食！而且呢一度嘅燒賣我自己真係好喜歡，入面嘅豬肉餡料好豐富，而且冬菇嘅口感亦都係非常之爽滑！加埋甜甜地嘅豉油，就係一個好好食嘅小食！

雖然燒賣皇后而家已經有唔同分店，但係每次入親元朗都一定會再三拜訪佢。食咗咁多年，每次都係會叫呢款孖寶，掃街小食來講，可以一次過滿足我兩個願望。燒賣皇后嘅招牌香菇豬肉燒賣真係世一，冬菇味特別濃郁，最鍾意係佢啲肉唔會好鬆散同埋唔會太過多肥豬肉，同冬菇嘅份量相配得宜，亦全靠佢加入咗啲鯪魚肉，令成粒燒賣特別爽口。另外佢嘅白魚蛋都千祈唔好睇小，每粒都好白滑，食落真係好彈牙，魚味十足，再加埋秘製嘅辣醬相伴，成件事即刻昇華晒👍🏻👍🏻不過建議唔太大食嘅你哋，最好就同人share一兜啦🤣咁先可以一次過試埋其他元朗美食❤️