元朗燒賣皇后妙舒

Open Now

Now Closed

建議：沙爹汁加辣好香花生味🌶️🥜燒賣皇后真係成日都好多人🙈 係街市位置唔難搵 (係紅van 站隔離)。落左單之後，等左大概5-8分鐘，條人龍都無完過🙈 今次試左：炸燒賣 ($15/5粒)可以揀沙爹/椒鹽味，沙爹好香，加辣都唔係好辣🌶️ 不過估唔到炸香菇豬肉燒賣係唔好食架😆 不過啲燒賣粒粒都好飽滿，相信蒸會好食啲👍見到都幾多人叫雙拼 ($20) 😋 蒸香菇豬肉燒賣+白魚蛋，個樣好吸引♥️ 下次再試

🍴炸燒賣（椒鹽）HKD 15/5粒椒鹽+炸燒賣嘅組合真係聽到都流曬口水🤤大大粒豬肉燒賣攞去炸完都冇變乾 肉汁keep到👍仲食到真材實料粒粒香菇🥴炸到卜卜脆嘅燒賣 加埋咸咸香香嘅椒鹽 5粒邊到夠食🙈果然係元朗國必食🤪🍴自製炸白魚蛋（椒鹽）HKD 15/8粒試埋佢嘅自製白魚蛋 又係加椒鹽嘅組合🙈魚蛋炸一炸就即刻香口左好多🤪佢一粒細細粒 但係非常彈牙🥴同埋都食到魚肉嘅鮮味🐟

遲來的拜年！新年快樂呀呀呀呀！祝大家牛年行大運黃到發金💛💛💛黃金糕真係冇得輸嘅糕品新年食糕黎講係最深得我心嘅糕品仲要係燒賣王后嘅黃金糕💛💛💛真係好好好好好味！仲有其他糕，但都冇試到出年再買過！

上次入開元朗國就梗係要順手試埋燒賣但我完全無概念 睇menu先知係豬肉燒賣🤤小店除佐有主角燒賣 仲有其他港式小食～串燒都有🙆🏼‍♀️ 連迷你盤菜都係街食到🙊 超有港式風味der💛.▫️椒鹽炸燒賣 $15/5粒因為買佐真空裝返屋企蒸所以就即場試下炸!! 真係炸到脆卜卜～咬落去脆身熱辣辣 食到個香菇燒賣好足料同普通飲茶食既豬肉燒賣無異😍掃街都有係酒樓既感覺～有驚喜de不過燒賣本身既味太重 無乜椒鹽味😶.▫️真空燒賣 $28/包 12粒裝網店/團購/分市都可以買到～之前佢出佐芫荽特別版 有機會都想試下🙊蒸完就食得好方便😍 粒粒都豬肉味滿滿不過因為未拿捏到蒸既技巧 所以即場都係好食啲😛

屋企人上網訂咗芫荽燒賣同埋豬肉燒賣芫荽燒賣令我有啲失望得個外皮係綠色同見到少少芫荽碎喺中間食落得好少好少芫荽味要咬好耐先食到少少芫荽味同埋燒賣好粉好實 落得太多麵粉啦所以要自己點豉油麻油先夠味有啲名過其實豬肉燒賣就好食啲大概兩個幾一粒

元朗國燒賣，條隊長期有人排，不過去得好快🤣——對上一次食好似係年幾前😂好少入元朗國。見到舖頭出面好多人，以為要等好耐，點知都好快就有得食😚.冬菇豬肉燒賣 ($12/5粒)今次細味品嚐之下，發現佢嘅香菇味真係好濃郁！燒賣皮唔厚唔乾唔柴皮👌反而豬肉覺得冇乜特別，唔係特別香or彈牙。但整體係好食嘅！.欣賞佢嘅甜豉油😍覺得個味道啱啱好，同燒賣好夾。我叫咗少辣所以有啲辣油，佢個辣油都幾辣下🤣如果唔係特別好辣其實唔要辣油食原味應該仲正。.——📍元朗燒賣皇后妙舒元朗阜財街14號宏豐大廈地下11B及11C號舖

有日倖存者心血來潮想去屯門行山，點知去到個陣又掛一號波加紅雨。天公不造美，唯有苦中作樂將健康行山團變元朗屯門美食之旅。今之倖存者黎到鼎鼎大名嘅元朗燒賣皇后一嚐馳名豬肉燒賣。講起豬肉燒賣，係街邊食嘅通常係魚肉燒賣，酒樓食嘅係豬肉燒賣，係街邊食豬肉燒賣真係賣少見少，難得搵到隨街可督嘅豬肉燒賣 - 不可不督！豬肉燒賣足料大粒係基本野，難得大粒又好食 - 首先個皮好薄又唔乾！倖存者好驚食到啲乾淨淨嘅皮，食到個口澀晒，但呢個就唔會！第二，鹹度適中！豬肉本身帶少少咸味，好多時啲人為咗要遮蓋唔新鮮嘅味，特登整咸舊肉，呢到啲燒賣肉無落重鹽，食完個口只會有肉汁嘅juicy！最後係價錢，豬肉燒賣成本較高，但呢到價錢合理，食得過！

終於試到鼎鼎大名的燒賣皇后了在元朗由1988年營業到現在這次買了急凍燒賣回家自己蒸😀➡️ 招牌香菇豬肉燒賣 (真空包裝 $28 12粒)如果在現場買即食：$12 5粒首先燒賣實材實料豬肉超多 口感完全扎實 🤤皮很薄但有彈性 香菇味反而不突出本來我就很期待香菇的部分但香菇沒有想像中那麼香啊 可惜😌

燒賣皇後最近開咗頗多分店唔知係咪個人習慣，始終都鍾意光顧元朗本店。見店員推薦魚蛋燒賣雙拼20蚊，燒賣魚蛋各6粒，多醬油心諗，咁多⋯會唔會食唔曬等陣仲要食晚餐燒賣口感還是一如既往地好，很實在的燒賣。香菇與肉的比例剛剛好，不過過份搶位。而且不用排隊，感覺真的比那排到天荒地老的店來的舒服/合理太多。唯一不足的地方吧⋯燒賣size變小了。分店多了，食物選擇多了，價錢也高了，但size變小了，這應該無可避免的吧。所以話，回不去了。魚蛋白魚蛋，彈滑有魚香。

呢度嘅燒賣久仰大名，今次終於比我試到啦！先講冬菇豬肉燒賣，冬菇的確非常香，離遠都聞到冬菇嘅香味，加入咗冬菇粒嘅燒賣口感非常豐富，其實唔使加豉油都夠香味同鹹味。燒賣皮唔會蒸到乾晒，不過豬肉嘅肉質有啲鬆散，唔算好彈牙。整體味道不錯。不得不提嘅喺呢度嘅辣椒油，我哋叫咗小辣，但依然辣到舌頭發麻，唔食得辣嘅朋友千祈唔好亂試，因為真係好辣好辣🔥🔥🔥🔥。白魚蛋口感尚算彈牙，魚味濃，而且調味夠重。另外我哋叫咗一碗生菜魚肉，大地魚湯嘅湯底好鹹，不太推薦。不過佢啲魚肉都幾新鮮，而且冇腥味冇碎骨，當中仲加咗少少陳皮粒，至於生菜都睇得出佢係有篩選過同埋幾新鮮，製作用心。

燒賣皇后 .聽個名就知厲害啦 唔止個名勁仲好出名添 一於黎試試.越開越多分店，但係我都係去元朗呢間.除咗招牌燒賣仲有好多港式小食，魚蛋、碗仔翅、生菜魚肉等，不過今次就試下招牌美食先.招牌香菇豬肉燒賣 ($12/5粒).燒賣有好香冬菇味，口感方面佢唔係個啲好實既燒賣，但我都係鍾意實返少少，有D咬口感，加左自家製辣椒油，好惹味，反而好鍾意佢既辣椒油!! 不過都幾辣喔 (P.S.本人唔食得辣hahaha🤣🤣).

今日難得嚟次元朗，就打算嚟元朗燒賣皇后試吓係唔係真係好似傳聞中咁好食我同朋友就嗌咗唔辣同辣，兩個都好好食，全部都真材實料係用豬肉同香菇整，而唔係普通街上果啲魚肉燒賣，自然成本就較普通燒賣貴少少，個價錢都貴啲，但係尼個燒賣係值尼個價錢嘅，12蚊有五粒都算係合理價錢。而且佢啲辣椒油都係一個賣點，佢唔係普通辣椒油，佢係幾香嘅，辣度比平時出面果啲辣小小。佢嘅鼓油都係用甜鼓油，同啲辣椒油非常之夾，猶如錦上添花。總括嚟講，尼間燒賣係真係如傳聞中好食，我都會再幫襯，不過大家假日嚟嘅話要預小小時間，因為通常都要排長龍，尤其假日下午，所以大家想嚟不妨早少少嚟或者平日嚟試下

本身係元朗都幾出名嘅燒賣，登報後開始全香港嘅人都認識，所以咁岩經過，決定試下佢哋嘅名物。燒賣魚蛋孖寶（ $20 ）魚蛋未算好爽口彈牙，魚香亦未算好出，拎嚟炸應該會好食啲。燒賣係香菇豬肉燒賣，同平時食嘅魚肉燒賣比較佢嘅質感冇咁煙韌，而肉質會較鬆散，不過只係因為一聽到香菇豬肉燒賣就會諗起酒樓食嗰啲，所以會唔覺意拉高咗個要求，跳返轉頭，$20有12粒嘅街邊小食價錢，已經算高質。如果大家想試吓嘅話建議食炸，應該會正好多👍🏻

原本結實而富有彈性嘅豬肉，係哩間燒賣身上喺搵唔到，就好似一個男人偷懶唔健身得返一個鬆弛咗嘅胸肌噤，咬落去一啲都唔實在。一粒好嘅燒賣除咗合適嘅調味，啲餡蒸完之後應該係有彈牙嘅口感，啖啖肉要有𡁻頭，噤先叫一粒好燒賣。P.S. 哩間啲辣椒豉油整得唔錯，用嚟掩蓋燒賣不足都叫岩岩好。

作為一個港島人，實在好少入元朗，今次區內朋友發起團購，團購元朗嘅燒賣皇后。難得可以唔使過海就食到新界嘅美食，咁就一定要支持下。我買咗佢嘅冬菇豬肉燒賣同埋牛肉球。去酒樓嘅時候我哋通常都喜歡大蝦燒賣因為佢有粒蝦，但呢個燒賣雖然冇大蝦，但有豬肉同冬菇嘅香味，隔水蒸熱之後都已經好飽滿。至於牛肉球，而家好多時響外面嘅牛肉球都好多粉食唔到牛肉同芫荽嘅香味，但佢哋嘅牛肉球就絕對有老牌酒樓嘅味道。自己加埋喼汁，就只係欠那一片山竹。