元祖和風食堂虎藏

Open Now

Now Closed

侍應態度唔好，啲嘢食正常價，又唔係特別好食。加嘢飲要加$8，貴過人哋茶餐廳。個friend碗拉麵，有啲面唔熟嘅，杯凍檸茶成杯都係冰。真係以後唔好再嚟，寧願食貴啲

依間日本🇯🇵料理店嘅特色係好多組合選擇，好多餐都有🍜麵有飯🥚，或者蛋糕🍰，餃子🥟等等，好啱鍾意乜都試啲既小編😆今次嗌咗豬骨湯拉麵🍜+抹茶cheese cake🍰+ 凍奶茶少甜。🐷豬骨湯拉麵，湯底偏鹹，🍜拉麵好彈牙，有一片薄叉燒，竹筍，紫菜，酸薑，係一碗基本嘅日式拉麵，當然份量偏小（因為有蛋糕）抹茶cheese cake🍰，呢個絕對係重點，抹茶cream唔會太甜，成個蛋糕分四層，一層cream，一層蛋糕咁疊住，口感豐富，而且比出邊嘅cake大件😍，再飲多杯嘢，一般都夠飽。

嗌左碗下午茶照燒雞肉飯加炸忌廉蟹餅配熱啡。本身都冇乜期望，但未至於咁.. 先黎嘅係忌廉蟹餅.. 張單竟然攝係件食物下面.. 茶記依家都唔會咁做啦.. 何況日本餐廳。得d忌廉餡，蟹柳碎都見唔到粒.. 假蟹味都唔俾d..碗飯嘅配菜..菠菜有陣縮縮地味，好似放左係室溫好耐變壞咁嘅味..配菜荀.. 濃郁嘅味精味，死咸。 d雞好乾.. 又硬.. 個碗大顯得個4粒仔雞肉好孤寒，好彩都重有d蛋絲配下飯食，但冇乜汁已經好乾爭爭成碗白飯咁食..照燒雞汁得個幾滴係d雞上面.. 諗住落d七味粉撈飯食，枱冇配料冇水提供，問個職員有冇七味粉，話要自己出去餐廳中間位置拎，如果餐廳人多，一個人食就唔知出唔出去拎好..話哂d嘢就咁放係到坐位.. 杯咖啡本身一早冇乜期望.. 要知道作為一間日本餐廳，平民還平民，但基本餐飲知識都好重要。

！！豬骨湯拉麵，有尿鴨味同煙臭味，係男人熟悉嘅味道，冇錯就係香港公廁嘅味道，what a “local Japanese restaurant”最近係長沙灣一個新樓盤到做野，附近又冇咩好食，之後見到元州邨商場附近 地舖有間日本野，感就諗住去試吓啦。行到過去，見到門面正常企理，餐牌多選擇，櫥窗又有整食物proxy，present得幾清晰，舖頭環境又唔係特別差，價錢亦都平，感咪try try 佢…我就叫左個72G.法式朱古力蛋糕配豬骨味拉麵🍜，同枱其他人嘅餐嚟先，見份量都唔錯，一個餐有丼飯配小食仲跟餐飲，first impression唔差。我食拉麵就有個習慣，望一望食物嘅擺盤，聞一聞碗麵，之後𢳂一匙羹湯，試吓湯底嘅味，其後就夾起麵聞再放入口試味。［一聞就覺得怪怪地，唔同平時豬骨湯嘅味不特只仲有陣熟悉嘅除，係香港公廁嘅味道，尿臭再溝煙臭！］我心諗唔_係呀，唔信扯聞多幾次，輕輕吸 大啖吸，唔_係喎，真係公廁陣除喎，作為一個男人，公廁陣除冇可能認唔到。但anyway聞左一大輪，就膽粗粗試吓味，睇吓咩料，食落又冇野，係難食。但食幾啖，個陣除又飄入鼻。唔掂 我停低咗冇再食，聞多次碗麵，唔_係喎，我

✨下午茶时间好似到17:30结束，我地系17:20到店，直接當食埋晚餐算了。✨門口有一個【可樂餅コロッケ】的外賣攤位，加上進店後發現好多客人都點咗可樂餅，於是點餐嘅時候，我地就點咗：【147.肉碎咖喱飯&迷你和風醬油拉麵】（46HKD）【150.牛肉薯餅&迷你和風醬油拉麵】（44HKD）跟餐都會送一杯飲料🥤。🥔牛肉可樂餅，食落感覺比較一般，因為本來就凍咗，唔係即叫即炸就會比較油膩，而且調味好淡。🍛咖喱飯，餐牌介紹係印度咖喱，食起來感覺唔夠日式咖喱順口，個人唔太喜歡。🍜醬油拉麵，整體幾好。湯底夠香，拉麵都有d嚼頭，但係雙拼之下就的確分量偏小。

午市光顧了幾次，因為佢有個套餐好抵食，包迷你拉麵，甜品同飲品，$58-60 （視乎叫咩甜品）。對心多多既女生十分岩今次點了迷你醬油拉麵，甜品就抹茶蛋卷，飲品就咖啡上枱時三樣野一拼放在餐盤上。迷你醬油拉麵：正常味道，不過不失。麵質亦有質感，吾會不糊口或太硬。扣分位係隻蛋未能糖心，似屋企白烚多啲抹茶蛋卷：好好味，份量吾細，蛋糕好有搽茶，而個cream好白搽茶加奶油味道，食完心情都好啲咖啡：好有去日本既咖啡店既味道$58呢個餐性價比高👍

呢度嘅下午茶幾抵食，40幾蚊就有一碗拉麵跟住可以揀唔同既小吃，例如有薯餅、餃子、炸雞、甜品等等，仲跟一杯野飲。我同屋企人一人嗌左一個下午茶餐，佢食薯餅我食炸雞。各個拉面你唔可以預咗佢係正宗拉麵，似係即食麵果種拉面，面試湯底係ok嘅,醬油湯底係飲完唔會太口渴，叉燒就係冇乜口感冇乜味。佢薯餅係ok嘅,佢嗰炸雞略嫌有啲乾身。其實以40幾蚊嘅價錢黎講又有拉面又有肉又有野飲已經講得上性價比非常之高，簡單醫肚之選。

同朋友出黎長沙灣睇戲，睇完戲緊係去搵好食嘅野啦，之後就見到呢間餐廳幾平就入左去食😜～我同朋友都叫左個有甜品嘅套餐，有碗拉麵，蛋糕，同飲品😍～拉麵有幾款湯底簡，我地簡左豬骨湯底，雖然唔算好濃郁，但都有豬骨味☺️～拉麵亦彈牙，雖然係細碗，但已經比想象中大碗左👍～蛋糕方面，我嗰件係抹茶意大利芝士蛋糕，佢偏重奶味而抹茶味唔太重，對我黎講就啱啱好，因為我唔鍾意太苦太濃😁～我朋友嗰件係法式朱古力蛋糕，我試左少少，好足朱古力味但唔苦，幾似布朗尼❤️～叫呢個餐凍飲都唔洗加$，又有蛋糕，真係好抵呀😊！

先食咗個日本煎餃子感覺都唔錯食， 覺得個皮係真心煎得靚嘅又好食，之後就係個薯餅做到嗰種外脆內軟嘅感覺。輪到個拉麵上場一開始覺得佢偏鹹咗少少個麵條彈牙程度都覺得好食過味千拉麵， 值得加分嘅係得列豬排，另上啦咁就唔會畀湯浸住， 另外都要一讚嘅係個吉列豬扒肉汁就必到出嚟 ， 唔係炸到乾曬炸到裂曬嘅吉列豬扒，個飯嗰方面就食到係日本珍珠米，唔係太軟唔係太硬唔太黏笠嘅飯， 整體嚟講都係好食嘅。 另外值得一提嘅係雖然冇試到佢個軟雪糕但我會期待佢嘅甜品。

今次叫左下午茶餐-抹茶意大利芝士蛋糕🍰配迷你醬油拉麵🍜。首先講講件蛋糕唔錯，入口順滑又軟綿綿，甜度夠甜，抹茶味唔係好濃烈，size細細件，淺嚐唔會食得太飽。而碗醬油拉麵就不過不失，普通水準，幼麵嚟，口感淨d，自己鍾意食有咬口、Q彈d既拉麵，所以有少少失望，配料一般般。 由於個餐食完都唔係好夠飽肚，所以我又加叫左一份牛肉薯餅，炸得好，夠曬脆口，個餡就麻麻，但勝在填飽個肚，食埋就岩岩好夠曬飽。整體嚟講，性價比都滿意，價錢合理，總數食左$56埋單。下次會試下扒餐或者飯餐！

依間店價錢平，平至$50~$60就有拉麵食。當然未食過前，會擔心係同出面某啲非正式拉麵店既拉麵水平一樣，$4X就有嘅拉麵，通常麵質似公仔麵，湯底得個鹹字，冇層次感。為左怕中伏，今次冇選拉麵，而選$70既魚醬油沾麵。首先擺盤有啲特色，係粗麵，魚醬油湯睇落濃度有板有眼，配菜有洋蔥、芝麻、豬肉粒、全隻溏心蛋。拉麵落湯即掛，口感同出面一般既極相似，都食到日式拉麵既感覺，湯底唔會淨係鹹字，濃而少少結結既湯完全有魚介味，證明唔會求其之作。不過飲得多可能會有太鹹之嫌，建議係水吧裝水。的確以$70嚟講，算係幾優質。最後，不得不提係依間溏心蛋超有驚喜，原隻蛋蛋白已滑嫩唔會過熟，恰到好處，蛋黃如圖所示好有光澤，完全流質。相比有時食到過熟唔流出嚟嘅蛋，依間完勝，而且充滿蛋黃鮮味。

在疫情之前， 都會到這間食肆 同朋友或家人共進午餐或晚餐， 有時， 更與其他朋友到 到嚟下午茶吹水。在這個非常時期的，疫情下，管理 餐廳的管理層， 會否將下午茶，可否 都能夠 准以外賣 推銷。這一來可減少堂食人數風險，又可方便自取外賣享用，增加營運效果。

呢日嚟到元州邨附近搵食，呢間我好耐之前幫襯過，應該有三年前，當時係剛開張冇幾耐。自此之後就一直未有機會再嚟食啦。呢間走親民價錢嘅日式料理，環境寬敞夠光猛，乾淨企理，自助斟水。餐牌選擇非常多，有拉麵有丼飯有定食套餐，價錢非常實際而且唔需要加一添。食物質素亦絕對唔hea, 基本要求係拉麵湯嘅溫度要滾熱辣，湯底要夠濃，我揀嘅豬骨湯底基本條件都符合曬。呢個價錢係其他地方肯定食唔到！丼飯選用日本米，米粒軟糯。我地嗌咗兩份定食，有一碗迷你丼飯和一碗迷你拉麵，夠飽肚喇卦！

寫字樓剛剛搬左去長沙灣區，人生路不熟都唔知點搵食好。好彩經朋友介紹，我地去左元州商場地下呢間“元祖虎藏和風食堂”，餐廳門面裝修都幾好新淨，門外有自助取票服務，取票後等一陣就入得。我點了一份……雞扒拉麵定食配白飯，雞扒炸粉唔太厚又香脆，上面配左個沙律醬，醬入面應該有啲酸瓜粒+洋蔥粒+蛋白粒，味道好特別好好味。而同事就點了一份……抹茶卷蛋蛋糕配拉麵，個抹茶卷蛋蛋糕啲抹茶味好濃，中間啲cream又唔太甜，真係好好味。

間唔中也會到這間食，每次叫凍奶茶也會叫”小冰”, 但每次不但沒有小冰，冰的份量竟可裝滿一個空杯。難想像如果沒有叫小冰，杯凍飲會變成怎樣。每次向D阿姐反映，她們都沒有理會及跟進。