元祖和風食堂虎藏

Open Now

Now Closed

長沙灣好少黎，周圍行諗下食咩，行行下見到呢間餐廳都多人食，於是就揀呢間餐廳。我揀左個抹茶芝士蛋糕配味噌拉麵🍜，首先個拉麵份量正常，湯底都唔會話好咸，有少許配料，尚算合格，中規中矩。到食個抹茶芝士蛋糕，初頭以為係細細件，一口個d飯後甜品，一上菜，成個主菜咁，好大件😆一路食拉麵一路都想快d試個蛋糕🍰，一食落去好重抹茶味😋😋😋，我本人非常鍾意食抹茶🍵，所以覺得好好味，好滿足😊😊😊價錢唔貴，屬親民價，值得一試👍🏻👍🏻

今日Lunch去左元祖和風食堂虎藏買外賣番屋企食，三個大人一個小朋友所以叫左3份主食，再另加兩個小食，份量啱啱好。豬骨湯拉麵味道一般，因為麵比較硬，所以影響了口感。虎藏牛肉飯拉麵定食碗牛肉飯真係令人有驚喜，多汁多牛肉，而且牛肉好林好入味，配白飯食一流！帶子蟹肉飯拉麵定食，蟹肉都幾鮮甜，但原來帶子係生的，啱晒大人口味，但就唔俾得小朋友食。南瓜炸薯餅勁好味，入面有加芝士，好甜又夠脆卜卜。小食日本煎餃子有5隻，仔仔自己都食左3隻，皮薄餡料都多。

今日原本喺去時代冰室，但因為附近冇車位就轉咗去呢間bookmark咗好耐嘅食堂。門口可以買到炸物及雪糕呢個真係日本食堂，外內裝修都係一樣。而提供嘅食物種類係非常多，有日式便當/拉麵/鐵板燒/丼飯/沾麵/咖哩，仲有日本炸物/蛋糕/蕨餅/雪糕。一個套餐幾十蚊有碗拉麵、有碗飯、仲有個前菜。另一款都好吸引，款款都有個綠茶甜品，正吖！今日試了一個日式便當及一個拉面餐。一個便當有齊泡菜/薯仔沙律/牛蒡/玉子燒/炸物，漢堡肉正正常常，但唔夠熱。拉麵餐，可以選擇白飯/木魚飯/明太子飯，即使個拉麵都有四款你揀，加3蚊可以轉牛肉拉麵。明太子飯真心hea，賣相唔靚，打開得個少少。唔想浪費食晒成碗飯嘅話，一定要撈湯或者撈豉油。餃子似係用水灼多過煎，唔難食但又唔可以叫好食。好普通！幾十蚊價錢唔好期待好好味，但至少有好多選擇，可以滿足下試多幾樣嘅心態！

55蚊 有面士湯大塊燒三文魚個面士湯好濃好多料個三文魚燒得幾好脆又唔燶可能係限人關係送餐 叫餐加埋都唔過3分中內但個配菜食左先知係少少辣其他都幾好餐具可以自已用熱水再洗唔錯

下午時段肚子餓又去找吃的，路經虎藏看見下午茶餐牌有很多選擇，價錢不貴，入去叫份食下。三時左右見店內都幾多人，主要係學生哥，日本餐深得年輕人歡迎。我要了一份醬油拉麵拼牛肉薯餅配熱奶茶。很快一盤擺好食材的長盤放到面前，麵條彈牙，醬油湯熱騰騰，麵碗內有半隻蛋，一大片薄豬肉片，筍片等。豬肉夠嫩滑，蛋有滷水味。薯餅大大個，口感微暖，不太油又脆口。只是奶茶不夠熱就差少少。整份下午茶只是38元，沒有加一，味道正常，份量也合格，用來填填肚子不錯。

呢間既食物唔錯⋯⋯😇而且仲幾抵食😊星期六的🟣下午茶餐：🔸1-和風醬油拉麵牛肉薯餅配凍檸茶：38元拉麵軟硬度適中，味道口味大眾化，仲配有豚肉、竹旬、蛋，抵食👍牛肉薯餅，食薯仔🥔餅的感覺 ok呀😊——————🔹2-抹茶意大芝士蛋糕配拉麵配凍檸檬茶：42元又係配有豚肉、竹旬、蛋、真係幾抵食，🍮仲有綠茶芝士蛋糕🍰😍😍😍😍😍唔知係咪天氣熱，杯冰凍檸茶特別好味解喝😂😂😂😂😂——————🔴小食：🔹照燒雞翼：20元味道都唔錯…不過外皮可以脆D就好😊🔸照燒雞脾：20元同雞翼味道差不多🔹朱古力雪糕新地：12元雪糕新地又確實不錯的好味道👍

返學前要搵飯食，就去左元洲商場元祖和風食堂虎藏，食個方便飯，我就個帶子蟹肉飯拉麵定食$76，帶子蟹肉飯，有三塊帶子，帶子新鮮得來帶有少許甜味，估唔到就是蟹肉好重蟹味，拉麵我選左醬油湯底，好重醬油味道，而不會咸味，拉麵有半隻蛋及一塊肉，拉麵軟硬適中，肉就偏乾身。

原本想去呢個商場嘅泰國菜小店幫趁下，點知經過呢間就俾佢吸引左，定食好豐富又多選擇。坐底叫左牛肉飯加醬油拉面沒有飲品的定食一個，味道唔錯食完好滿足，$56性價比高。唯一不足是落單的店員有非常冷漠的感覺。

【 再次光顧的日式食堂 】上次係元祖和風食堂虎藏食過，我地都覺得幾好味，而家因為疫情關係日日都要留係屋企，一日煮三餐都幾累，今日老公放假就叫佢行過去買外賣番黎食，中午時段都幾多人等外賣，老公都要等２０分鐘先拎到。我今次點了一份炸雞肉拉麵定食配白飯，拉麵選豬骨湯底，今次食的炸雞肉好林，幾好味，我地仲問餐廳拎左沙律醬，點埋醬食更好味。老公點了一份日式煎餃子拉麵定食配紫菜木魚花飯，拉麵選豬骨湯底，日式煎餃子整得唔錯，仔仔食左３隻。仔仔和奶奶點了兩碗豬骨湯拉麵，入面有兩塊大叉燒，小小配菜。另外點了一份雞翼串燒，雞翼可能燒得太耐，好鞋，唔好味。外賣的拉麵，湯和麵是分開上的，但我覺得拉麵有小小硬，最好一拎番黎就即刻倒湯落去，等Ｄ麵可以林身Ｄ。

喺長沙灣一帶，隨着好多嘅新樓臨立，近年都多咗好多各式各樣嘅餐廳喺呢一區開設，你迎合新搬來呢個原本係老區嘅年青人。嚟到呢間日式餐廳叫元祖和風食堂虎藏，係一個小型既連鎖餐廳，而價錢定位屬於平民價。今次叫咗鐵板燒雞件套餐，成個餐包一碗湯一碗飯同埋主菜，鐵板燒得十分熱，令主菜上枱時都能保持住溫度。雞件同埋醬汁都算惹味。另外叫左碟吉列豬扒小菜，份量都算充足，炸得十分鬆脆，又唔會太厚粉，配合醬汁，食落都算相當可口。唯一有點挑剔嘅係，就係呢間餐廳嘅上菜時間都算耐。

【 平靚正日式餐廳 】今日帶左仔仔去買梳化，順便去元祖和風食堂虎藏食LUNCH，成日行過都見到好多人係度排隊，所以我地今日都去試下。好彩唔使等好耐，中午時段3人枱等10分鐘左右就入得，我見店員都會將枱面大清潔後先俾我地坐，確保衛生，GOOD！望下個餐牌，所有套餐都唔貴呀，而且都幾多選擇。仔仔想食拉麵，我就想食飯，所以我點左一個炸雞肉拉麵定食配白飯，選豬骨湯底。爸爸就食漢堡扒便當，所有便當都有送味噌湯另外再點了一份北海道牛肉薯餅，一份北海道南瓜薯餅甜品要左一杯北海道軟雪糕，原先想叫細杯的，但見到大杯只係加多＄２就可以，咁抵當然唔好放過啦，但3個人分享一齊食都覺得幾大杯。講番個餐，豬骨湯拉麵細細碗，仔仔食份量就剛剛好，我試左一啖味道都唔錯。炸雞肉就唔太林，有一兩塊會有些"鞋"。爸爸食的漢堡扒便當，配菜有玉子燒，煙肉腸仔，沙律，味道幾好，爸爸話塊漢堡扒好入味，不過醬汁有點鹹。北海道牛肉薯餅和北海道南瓜薯餅就不過不失，無咩特別！整體黎講，我地都幾鍾意呢間餐廳，下次會再黎試下其他！

叫左個燒三文魚親子拉麵定食得一pat少到pk既三文魚碎三文魚係有燒既味 但其賣相極似罐頭吞拿魚成pat水焯三文魚肉碎咁款三文魚子超少拉麵得兩塊肉收80蚊!?用80蚊真接食三文魚刺身好過啦又唔係好食 普通得冇得再普通依家有疫情 想食個好d既外賣洗唔洗掠水到咁!?

我第一次食，見到成日有人排隊🥴以為好好食啦😪點知原來中伏囉。。。😭🔹燒鯖魚便當$65 ：正常做法都會係鹽燒❗️再加檸檬汁😌如果你唔加檸檬汁......佢呢條鯖魚，係完全無味😑所以應該唔係鹽燒‼️純粹就咁煎熟比你☹️配菜有蟹柳天婦羅，煙肉香腸同埋泡菜反而泡菜就幾好食😂唔會太酸同太辣，岩我口味😎真係估佢唔到...不過$65呢個質素我就覺得唔抵啦...🔹煎餃子拉麵定食$66 ：呢個仲唔抵食...😑如果你要白飯，只係$60🥴但我為左轉明太子飯，就要加多$6❗️比多$6都唔係問題😪但明太子既份量極之少....😭拉麵湯底係豬骨湯，不過好咸☹️一d都唔似平時出面食既豬骨湯底...叉燒味道普通，不過算大塊😌而最期待既餃子🥟餡料係常見的菜肉餡❗️不過餃子似蒸多過煎....好腍😪味道：1/5環境：3/5服務：3/5抵食：2/5

返工前好肚餓 但撞岩食飯時間 周圍都好多人 錦岩經過元洲街 忽然發現居然會有一間日本野出現係呢一個老人區 而且又好好彩唔洗等位 一於就試試佢先 一坐底就即刻睇下個menu先 選擇都算多 除左一般既丼飯 仲有拉麵 便當 花多眼亂 都唔知點簡好 由於我太肚餓既關係 所以就叫左一個拉麵+飯+前菜既餐 先講講個拉麵先 湯底都算有味 但好明顯同平時既拉麵店有分別 好明顯唔係用壓力煲煲出黎個飯就令人喜出望外 顆粒分明既日本米 加上燒雞肉 同平時既日本料理一定有所差距 但一分錢一分貨 50幾蚊既價錢食到錦多野都算物超所值

由於今年農曆新年裡面的「年初二」，恰巧在星期日公眾假期裡面，所以農曆新年裡面本來為農曆新年初一至三的公眾假期，被迫順延一日，上班族到了「年初四」這一天，仍然繼續有公眾假期。不過受制於最近香港，無論是政治抑或是醫療衞生，都處於非常不穩定的狀態，所以我在年初一前往長沙灣戲院購票看電影的時候，已經發現實際上購買看電影的觀眾，數目大不如前。跟著我到了年初四，趁香港仍然在公眾假期期間，再坐車去長沙灣戲院，購買戲票時發現電影戲票價錢雖然已經便宜了很多，但是以前農曆新年期間電影院全場滿座，坐無虛席的壯觀場景已經一去不復返。我在購票完畢之後，見時間尚早，所以徒步返回長沙灣「元州商場」去，看看「元州商場」有沒有食店在香港去到農曆年初四之時，已經重新啟市營業。結果我發現到「元州商場」樓下，「元州街」旁邊某個大型舖位裡面，有一間日本菜食店已經啟市營業，食店的名稱叫做「元祖和風食堂虎藏」。「元祖和風食堂虎藏」作為在「深水埗」區裡面，非常少有的日本菜餐廳，「元祖和風食堂虎藏」除了食品定價價錢偏向便宜之外，餐廳整體氣氛感覺也都比較平民化，很多港式茶餐廳卡座座位。雖然我知道以現在香港的實際環境狀況，已經不太可能會再