元祖和風食堂虎藏

Open Now

Now Closed

又到午飯時間同同事們喺元州邨商場附近尋找一下 新口味行過虎藏門口睇餐牌服務員走出嚟熱情招待😂之後我哋都決定試試無妨....點知....點了炸雞肉拉麵定食配明太子紫菜飯 $68炸雞肉 雖然肉嫩 但外層吸太多油 入口油膩明太子紫菜飯 紫菜軟淋難咬 取下紫菜 明太子飯賣相更令人卻步拉麵 普普通通 配料味道怪怪地同碗拉麵的味道不太配

第一次光臨元祖和風食堂虎藏，原因是看見餐牌的食物選擇頗多，賣相又好像不錯，而且價錢又不太貴，所以就決定試試明太子串燒雞扒弁當（$56）隨餐附送一配麵豉湯，不過很鹹（只喝了兩口）這個弁當有兩件炸雞、兩件三文魚、兩件玉子，還有一塊紫菜及少許明太子炸雞是即炸的，熱辣辣，味道不錯不過，飯是凍的、魷魚圈包著的三文魚也是凍的而且，魷魚圈又乾又硬，極難咬開三文魚及玉子都是沒有味道失望吉列豬扒弁當（$68）這個弁當價錢相對較高，份量多一點，配料多一點，味道...也好一點點雖然豬扒是熱的，味道還可以，但不夠香脆玉子、泡菜...味道比較遜色整體而言，性價比很低

今次嚟到呢間平價日式料理餐廳，全場免收加一， 食物質素可以， 諗唔到食咩嘅時候可以一試。先講講佢嘅配菜， 有泡菜，煙肉腸仔，蛋，蟹柳天婦羅， 最後當然唔少得嘅就係主角燒鯖魚， 條鯖魚唔會燒得太鹹， 而且燒到個皮脆脆地， 加少少檸檬汁係面，Yummy Yummy， 加上佢個飯嘅份量其實都相當之多， 所以呢餐都好滿足。 如果覺得唔夠食嘅話， 可以推介大家加個小食牛肉薯餅，都只係10蚊。呢間餐廳既性價比唔錯，不過好野就當然要排長龍，我今次去到都排左15分鐘先入得

簡單講幾句1）落漏單2）外賣搞掂擺係鋪入面唔通知人3）野食凍晒因為見佢不斷會有人出黎叫入座號碼，諗住外賣搞掂會叫我，搞到我係鋪出面等左半個鍾。本身都唔想催佢地，見佢地咁忙。但係實在等太耐，見到我個外賣係入面簡直想爆粗。返到屋企仲要見到我個牛肉薯餅無落單，唉。不了不了

這間日本菜是食日本定食為主。 餐廳外有個賣吉列薯餅的櫃位，看似很美味，所以被吸引了進入餐廳試試。星期六下午三點，客人不多，不用等位。餐廳坐位很闊，坐得很舒服。餐廳食物款式頗多，我和朋友點了兩個定食。抹茶卷蛋蛋糕配拉麵連飲品（$48）以價錢來說，很抵食。拉麵是小份量的。拉麵選了醬油湯底，除了一片叉燒，荀，還配了半隻蛋（如果選豬骨湯底，會配紅薑; 味噌湯底，則配粟米粒）。拉麵很普通，湯底沒有什麼特別，蛋不是溫泉蛋，只是普通烚蛋。這個餐令我最驚喜的是蛋糕。雖然蛋糕本身的抹茶味不重，但裡面的忌廉抹茶味很香，加起來很配，忌廉也不太膩。喜歡抹茶的朋友可以試試。蛋糕除了卷蛋，還有抹茶雪芳蛋糕，抹茶芝士棒和抹茶意大利芝士蛋糕可以選擇。燒三文魚親子飯拉麵定食($75) 加凍檸檬茶（+$7）拉麵跟上面的定食是一樣，也是跟醬油湯底。三文魚親子飯， 味道還可以， 但有一個敗筆， 就是三文魚內有碎骨， 朋友最不喜歡吃有骨的魚， 因此他說要扣分。整體來說，日本定食，這個價錢是很便宜，很抵食。雖然有一個小敗筆，但因為便宜，我仍會再試其他款式。

放工同朋友食個過飯，就試下間都算新開既日本野食，元祖和風食堂虎藏。我叫左海鮮冷麵同埋個牛肉薯餅。海鮮冷麵主要有三樣主菜，分別係蟹肉，三文魚籽，帶子刺身。賣相都唔錯架，因為有五顏六色，酸菜有青瓜絲，蕃茄，粟米，海紫菜。個麵本身冇咩味，佢俾左兩碟醬汁，芥末同沙律醬。我淨係用左沙律醬撈，感覺都ok既。我對蟹肉同三文魚籽既分量都幾滿意，但帶子刺身方面就有所保留，份量唔多仲要切粒，如果可以俾到完整兩粒帶子我我就滿足架啦其實。個牛肉薯餅幾好，$10價錢合理。薯餅裹面啲薯仔夾雜著牛肉粒仔。總結：可以再食，但我唔會再食海鮮冷麵。

元州商場多左好多新開食肆，得呢間係長期有條小人龍，星期日咁啱就用媽媽去tea一tea等左15分鐘先可以入去，但其實餐廳可以容納好多人，可能餐廳人手不足，無人執檯，令到等候時間長左。餐牌上選擇不算多，來來去去都係定食，拉麵，同甜品，價錢好平，都係做街坊生意。下午茶唔想食full size份量，叫左日式煎餃子拉麵定食，跟明太子紫菜飯，全部都屬於迷你size，啱曬女仔食，每樣試下價錢係$62餐廳提供自助飲水機，要自己行出去倒。但講到味道真係認真麻麻地😕😕拉麵係好似車仔麵既拉麵，無咬口，粉質太淋，唔係醬油味都唔係豬骨味，似係普通味精湯😪明太子紫菜飯，塊紫菜淋到咬都咬唔到，好失敗，明太子都無任何鮮味！得得餃子🥟係算正常d有5隻跟餐，算係小小安慰！媽媽叫左個$46既味增拉麵都係完全唔掂，呢間d拉麵真係好差，唔好期望係正宗日式拉麵，只可以話呢個價錢你係食緊港式車仔拉麵🍜

由開業到而家，無記錯大半年，有咩好食我唔知，排長龍我就知，我諗價錢平係主因，門口有個counter賣炸薯餅同軟雪榚，幾款炸薯餅味道都唔錯，熱辣辣，又唔會油笠笠，軟雪榚都可以，但我唔鍾意威化筒咯平時9點仲排緊，今日出奇唔洗排，其實感覺好似茶仔，男友一早整亂晒兜野唔比我影，帶子蟹肉飯配拉麵餐$72無加一，前菜無咩特別，拉麵比自己整好味既，有塊叉燒同半隻滷水蛋，麵質都可以，不過不失碗飯就唔太ok, 主要成碗飯無味，唔係魚生店，帶子同蟹肉預左唔鮮甜，得少少沙律醬調味，飯係普通白飯，唔係醋飯，男友不停落豉油先食得晒中肯句我個蕃茄咖哩味道唔錯，可惜雞下腿無味，白烚又有少少同我一樣玩健身，得個面少少煎一煎

中午在長沙灣吃飯，本來大家想到另一家餐廳，不過經過元州商場看到這家餐廳，被它的雪糕吸引著，決定進去試試。店外的外賣位置有助在繁忙時間分流堂食和外賣的客人。食物選擇頗多，價錢也不貴。我們各叫了一份鐵板定食（配一杯飲品），還有一件蛋糕。朋友吃鐵板韓風醬燒豬頸肉定食（$62），他說豬頸肉頗為爽口，醬汁也惹味。我的鐵板味噌燒雞腿定食（$58），雞肉大大件，雖然色澤看上去跟餐牌的不一樣，但味道也不錯。至於甜品抹茶意大利芝士蛋糕（$24），因為我們忘了叫他遲上，加上是早已放在雪櫃的關係，所以不到一分鐘就來了。因此，當我們吃完飯再吃的時候，蛋糕上冒出點水珠，口感也相較失色，下次要緊記提侍應遲點才上。雖然被門外的雪糕吸引來吃飯，但餐後太飽沒有空間消化雪糕了，只好有待日後再經過的時候才品嚐。

今日嚟到長沙灣呢邊唱k，所以打算先食個lunch，再去唱k， 呢間店喺外面望入去真係好吸引， 好多嘢食咁，而且價錢唔算十分貴。真係好多人排緊隊 ，我哋等咗好耐先入得去。喺排隊嘅期間可以先望住出面嘅餐牌， 可以慢慢揀住嘢食先， 然之後再入去即刻點 我叫咗一個餐個餐，包一碗拉麵，一個甜品，再一杯嘢飲。 拉麵呢有三個湯底可以揀， 我揀咗豬骨湯拉麵， 呢個拉麵呢份量呢就比較少啦 ，只有細細嘅面底，同埋一片肉，一片紫菜， 仲有少少荀同埋蔥， 雖然分量好少，但係味道呢就真係唔錯嘅，佢個豬骨湯底好好味， 我試過幾啖， 齒頰留香， 配埋啲麵食令到啲麵都好好味 ，塊肉呢都好嫩滑， 都唔錯嘅！然之後呢佢跟餐配埋個甜品，就係抹茶意大利芝士蛋糕 ，望個樣呢就覺得非常之唔錯啦， 大大件， 而且又深綠淺綠相間 ，顏色好吸引 ！要先試試先知道， 食一啖 ，覺得味道好淡 ，所以唔鍾意食太甜嘅朋友好啱食， 另外 佢嘅蛋糕唔算好柔軟， 慕斯層亦都唔太食得出有芝士味， 整體味道比較淡，唔系難食，但唔算一件優秀cheese cake一杯呢就係凍檸茶， 少甜， 冇咩特別， 都係一杯一般嘅飲品。

第三次食，因為頭兩次都冇乜事發生，點知。。。今日本來打算翻工之前食個好食d既晏，因為平時都趕5轍食就求其買包食。入到去，幾好招呼，叫左個漢堡排便當，等左30幾分鐘，覺得奇怪，我就追，因為理應整同煎個漢堡排都5洗咁耐，其他野一早就可以整定，果條天婦羅係煎排同時點漿炸就ok，砌入去個盒就得，一個人整既話15分鐘內都搞得掂，30分鐘已經計長左時間。點知我追完，我睇住佢同同事講完之後慌慌張走左去入單，再等多約6分鐘就到左。睇翻張單入單時間。。。係6分鐘之前既時間，原來如此。我浪費左人生短短既36分鐘，之後又係要趕去翻工，掂呀！

步行經過，見招牌寫$10一個薯餅，有d餓，就幫襯一下。叫了牛肉薯餅，最怕薯餅凍冰冰，佢就有微暖，合理嘅。咬落去，外脆又唔會好油，裡面薯蓉幾好食，些少牛肉碎，小食$10外賣價錢合理。

近年長沙灣元洲商場附近開左好多食肆, 其中一間日日夜夜都排住好多人, 今天特意在午餐後晚餐前大約五點半左右來食, 果然不用等位! 自助斟水確實可以減輕樓面工作量, 一睇餐牌, 見到正餐好平, 一行三人點了一個飯加拉麵定食, 一個海鮮飯, 同兩個小食! 我食海鮮飯, 即係有些刺身粒, 唔算好鮮甜好多刺身, 但依個價錢真係叫抵食, 同行友人食拉麵加飯親子餐, 評價都唔錯! 小食的三文魚魷魚比較硬, 同相對貴, 忌廉餅都算juicy, 3個人食到好飽, 都唔駛2百蚊, 難怪咁多人排!!!

係餐廳附近工作，所有同事都推介依間餐廳話係必試餐廳！但因為帶飯一直都無機會試！今日放工6點黎食，一個人就唔洗等位，但餐廳6點3到已經坐爆，餐牌應該全日都一樣，所以夜晚食就真心抵食！叫左份迷你拉麵配抹茶芝士蛋糕，48蚊超抵食！女仔食就一定夠飽！醬油湯底會配雞蛋，其他湯底好似就無雞蛋，所以我為左雞蛋揀左醬油湯底😍拉麵份量比較少，塊肉就一般般，不過食完拉麵再食芝士蛋糕就岩岩好！我為左試去抹茶芝士蛋糕，果然無令人失望👍🏻

今日lunch經過見到有新店開張，緊係要試下啦喺長沙灣黎講日本菜真係買少見少~ 平民價錢食物水準OK, 果然沒有失望^^ 門口仲可以外賣軟雪糕以後同事們又多一間飯堂啦