元祖虎和風食堂虎蔵 (Closed)

今日喺葵涌食lunch，專誠山長水遠喺葵興港鐵站行上去宏達工業中心搵食，行咗8分鐘左右，要上斜上樓梯，的確有少少遠😂宏達入面有個日式飯堂，有拉麵有便當有不同嘅和風選擇，日日茶餐廳太悶喇，試下呢個日式飯堂先。明太子串燒雞扒弁當 $56魷魚圈包住三文魚嘅串燒，俾我想像中好食得多，平時怕腥好怕食熟三文魚，呢個一啲都唔腥！魷魚圈亦都燒得啱啱好，一啲都唔韌。雞扒就乾身咗少少。玉子係用雪藏玉子，並唔是新鮮即煮嘅。紫菜下面嘅明太子辣辣地，餸飯好開胃。明太子紫菜飯拉麵定食 $52呢個好抵食，有飯有麵都係52蚊咋。朋友話味道都唔錯。

Lunch想食日本野直接係OpenRice 搵到附近呢間餐廳呢間食堂出面睇平平無奇啲野食竟然有驚喜首先入到去食堂入面第一個印象係覺得都幾整潔人流又唔算太多我係櫃臺點左一份咖哩牛肉飯$48蚊呢個價錢都算抵食大約過左十分鐘已經可以取餐一睇個賣相唔會比出面大型日本餐廳差咖哩一啲都唔辣甚至帶點甜味 好正宗既日式咖哩 牛肉都非常足料因為我實在太肚餓關係 十分鐘已經食完個侍應都好勤力好快咁收走我台面既野整體黎講我覺得環境同食物都好滿意會再翻食

葵興工廈區嘅日式餐廳幾乎係無餐廳有兩個入口，一個在工廈大門口要坐lift到4樓再經走廊，另一個入口在青山公路側。經過走廊見到有拉麵工場，擺滿日本麵粉應該也有做餐廳批發菜單主要為便當及拉麵 -午餐揀左（明太子魷魚串燒炸雞便當）　跟餐有麵鼓湯 ，-擺盤好靚，明太子在紫菜下面-炸雞兩大舊，串燒，蛋捲，牛蒡配菜-兩大件炸雞熱辣辣，皮脆肉嫩，同日本便利店炸雞有得揮-魷魚包住三文魚燒超有驚喜，魷魚好有咬口加上三文魚嘅肥美油份亦都係第一次見跟餐足料麵鼓湯-價錢合理，好味份量大，係有心做嘅日本餐廳，會再食

係呢區午餐要搵野食，都好難選擇。得幾間可以食得下.........今次竟然被我發現新食店，需然係工廠大廈，價錢平同質素高，非常好味！！！小編今次試左個炸雞便當！！非常豐富，有沙律，泡菜，籮白絲，玉子，炸煙肉腸等，當然少不了主角......炸雞炸雞係有調味過先炸，一食就知係自家製。因為有D鋪係叫貨反黎，會粉重肉少。所以呢度炸雞係非常好食，啖啖肉又吾會乾份量又足！！！個甜品非常低食，$7一件抹茶味道好濃小編已決定反食多幾次

小薯係工廠區搵野食, 食尼食去都係果幾間太悶, 難得 blue Monday 就要light up下成個人!!!難得係日本野食呀!!! 如果你係呢頭返工, 你就會明呢邊食尼食去都係茶仔A, 茶仔B, 茶仔C. 所以有日本野食真係太難得!!!呢度幾有人氣, 但都有位坐。同埋野食都上得快! 我就叫左雞便當, 雞炸得剛好。朋友叫左三文魚飯, 仲有豬骨拉面, 大家一致認同幾好食, 最緊要足料! 我個便當仲好多配菜架!!!朋友推薦溏心egg!!Lunch 食係幾飽, 岩哂同同事或朋友尼吹水!!!我會再encore 佢!!

同事話食日本嘢 喺工廈林立既地方竟然收埋左一間日式快餐店 見到個咁繞口既舖頭名以為自己去左日本 但係一入到去 又以為自己瞬間轉移返返香港 第一次黎諗住穩陣啲食個咖喱豬飯 咖喱的而且確好穩陣 就係一個正正路路既日本咖喱 唔會太稀 但很好地亦都唔會太結 唔辣但係亦都唔係無味 咖喱入面令人比較失望既係入面既薯仔蘿蔔同洋蔥唔知煮太耐定係故意地 整到俾你sip牙喇 咁既size 不過千算萬算 不值天一劃 嚿豬同炸粉既比例 簡直係稱得上完美量度過咁既一比一咁 無嘢好講 但係快餐黎講 應該算係咁啦我諗

是日假期嘗試尋找香港工廠區存在的美食位於葵涌工業區既和風食堂位置可能較難尋覓, 但的確係位於宏達工業中心內內裹裝修蠻整潔, 而且地方寬敞, 坐椅亦舒適不過, 呢度採取自取方式,即係買完野食之後, 需要等待嗌手上單據上既號碼,然後自行到取餐處自取今次me選擇左 「炸雞肉弁當」$50 ,雞肉蠻嫩口, 果然配上檸檬汁, 真係好好味D炸左既食物, me就感覺1般喇泡菜, 薯仔沙律波 & 麵豉湯都不錯架以午飯黎講, $50蚊, 食得好飽阿「咖哩豬扒飯」 $48 , 雖然影得色澤麻麻, 不過咖哩配豬扒, 點會難食架？可能有既, 但肯定5係me眼前呢1碟豬扒真係好鬆軟架都話喇, 作為午飯真係冇的5飽,你睇D飯幾多再加多份 「壽司4件」 $25me認, me係食5晒呢4件壽司架咁冇計喎, 佢又係大份左d既,可能刺身並5係即刻雪櫃拎出黎,5會有浸雪凍既水味唉也～ 好飽綜合以上數份食物佳餚,me極推薦 「炸雞肉便當」既炸雞肉但, 咁難得搵到呢間和風食堂,試多d其他款式都好丫

位置雖然遠離地鐵，但好易搵，屬於工業大廈食堂，是日星期六，所以食客也不多。室內整潔明亮✨，座位鬆動不拘束。午市有便當套餐同拉麵選擇，價錢$50-$70。男友選了唐揚炸雞便當，份量很大而且擺盤很美觀！有醃前菜、泡菜、玉子蛋、炸蟹棒，還有3-4大件炸雞，以及味噌湯！😁我超愛它薯蓉沙律👍🏻👍🏻，好滑身，沙律醬酸而不膩😍。炸雞外層香脆，内裡嫩滑多汁，好好味！😋我點的叉燒拉麵和壽司(加錢另點)，相較下失色不少。拉麵份量真的很多，但味道不過不失，叉燒大小適中但油脂分布不平均，整體與便當的味道相差太遠了。😑我另外加了$4溏心蛋，非常優惠價，但他標明蛋的表面有缺陷，應該係廚師剝蛋殼時弄壞了表面以致不光滑，但無損味道，好入味而且流心度十足😋👍🏻正！至於壽司很大件，但飯也很大舊，魚生新鮮度一般。店家也提供多款便當選擇，有燒魚、天婦羅、燒雞翼選擇。另外，亦有提供下午茶時段，但份量較少。

午膳時間，人不很多，位子也不用提早霸。點了一個魚生飯及熱檸茶，共68蚊。由於賣相都未是十分好，亦無影食物相，飯有切左粒的三文魚，8爪魚，玉子，吞拿魚，蟹柳及一粒帆立貝，配料不多，都尚算新鮮，飯用的係普通飯加上芝麻，沒有刺身飯的壽司醋味，只可以話好普通。由於快餐店式的先購票再自己搵位，加上出菜係咁叫mic ，感覺環境好嘈，坐位亦好迫。這個價錢唔值，唔會再去。

三文魚飯 (6/10)聽友人介紹說葵涌有日式快餐，今天順道試試。平常講起日式快餐只會想起類似吉野家Mos Burger 吉列豬扒或烏冬等。但這家竟有剌身飯吃，實屬驚喜！三文魚份量還可以，不過有點偏薄，但以這價錢來說已經合格了。特別喜歡壽司飯夠醋味，酸酸的佐以冬菇芝麻，很是惹味。

咖哩豬排飯 $48評分：🌟🌟🌟-係葵涌工廠區翻工既係唔知有咩好西食，就要睇下喇！估唔到樓上有寶，一棟工廈4樓有平靚正日本野食，最平$33有個拉麵！（下次試）但呢個飯，用上珍珠米，咖哩味雖然層次唔會遞增但味濃而香，豬排雖有啲乾但夠脆夠厚，不妨一試！

位於葵涌大連排道工業中心，有間叫元祖虎和風食堂，頗有日式風味，餐廳明亮整潔，午餐選擇不少，價錢由三十三元起，選了份日式义燒拉麵，四十五元，屬自助性質，湯底溫度十足之餘味道濃郁，配料有名門卷、芽菜，粟米粒、筍片等齊備，拉麵稍嫌欠柔韌不過尚可接受，可惜作為主菜的义燒，像剛從雪櫃取出，沒有加熱，只放滾湯就算，入口重雪氣味，將整碗拉麵水準拖低。

葵涌工廠區都有美味日式便當?! 工廠區內多數是快餐店, 茶餐廳, 而日式食店比較少見。 這和風食堂隱藏於工廠大廈內, 要不是地膽帶路也較難發現。 食堂只開星期一至六, 上午11:30到下午4:30, 看來只做附近工廠區的午飯生意。 原來食店是跟‘匠工房秀吉’, ‘燒烤屋’和‘神戶北之板’ 同一集團, 品質應該不錯吧!位處工廠區, 裝潢不算是太講究, 倒有點飯堂的感覺。 不過光線充足, 地方清潔, 最基本的已做得不錯。 尤其對窗的一行, 感覺較舒服點。快餐的模式, 先選擇食物, 付錢買票, 再到提取處端取。選擇亦不少, 壽司, 拉麵, 咖喱飯, 便當, 飲品款式亦比其他快餐多。炸豬扒弁當$50份量非常多的碎上炸豬扒, 炸至金黃色, 賣相絕無欺場。 炸漿厚薄度適中而且脆口, 而豬扒沒有雪藏味, 厚身得來肉質鬆軟, 炸後仍保留肉汁, 比起好多炸物連鎖店, 這間確是做得很不錯。 還附上沙律醬和豬扒醬供沾豬扒食, 確是細心! 除了炸豬扒, 伴碟還附上炸蟹柳, 玉子和泡菜, 餸多飯亦同樣多, 差不多佔了便當一半! 再加上一碗麵豉湯, 吃罷這便當肚皮非常滿足, 難怪席上以男生居多! 炸雞肉弁當$50

葵涌工廠區又一新開餐廳，每日只開1130-430， 今日試左佢個茶餐： 3件三文魚壽司配拉面連凍飲，只是$32！ 壽司三文魚夠新鮮，色澤鮮豔，飯團味道尚可， 仲跟足少量酸薑，夠哂細心。 拉面湯底溫度夠高，味道濃郁，面身亦夠爽， 跟兩片明門卷、兩片雲耳、蔥花芝麻亦跟足， 小店盛意做菜，但收街坊價錢， 抵讚！ 會再幫襯！

工廠，向來都是食肆臥虎藏龍之地。此租和風食堂的感覺就是吉野家的先買，後拎單去捧餐，不過質素當然高出一班。放lunch既時候，都見到唔少打工友仔著住西裝排隊，可見呢間日本食堂的質素有目共睹。去到點左個滑蛋牛肉飯，再加$10蚊換左一客鰻魚壽司。落單拎野10分鐘之內搞掂，效率一流。而且盛碟的碗筷亦十分精緻，蛋牛飯的賣相，我覺得與日本餐廳所享用到的無異。肥牛肉頗為軟腍，而且每塊牛肉都被蛋漿沾上，不過略嫌蛋漿與牛肉拌上之後，白飯沾到的蛋漿頗少，要另加豉油調味。鰻魚壽司，質素比得上爭鮮連鎖壽司店的一盒盒的饅魚壽司，鰻魚尚餘溫感，而且飯的酸度頗低，但仍不會容易散開。10蚊價錢，物超所值。