光頭糖水

Open Now

Now Closed

一直唔知原來屋企附近有糖水食琴日係Google map上發現，今日就過來試，好驚喜！左右逢源係一半楊枝甘露+一半石榴姐 $40一碗幾抵食入邊西瓜🍉芒果🥭都好甜 好足料冰粉晶瑩剔透 飲完好爽 口腔內又唔會太甜下次經過一定會再幫襯！Menu畫得幾靚，店內好似有啲學生寫字係黑板上，幾得意(˶‾᷄ ⁻̫ ‾᷅˵)之前睇到店名就覺得老闆應該係光頭，去到發現老闆真係光頭哈哈 好社牛，因為我一個人去食，舖頭嗰時無其他人，佢仲問使唔使播歌俾我聽下🤣又問我好唔好味 答案：糖水好味又有情人味

尋日WhatsApp 「光頭糖水」問今日可唔可以自備蛋糕去切，老闆話冇問題唔會收切餅費，今日一行十人去到食飽飽準備切蛋糕，老闆話等等先要播生日歌同熄燈，場內有閃閃燈光好有氣氛🥳🥳大家都好開心😍😍老闆同老闆娘都好nice👍🏻👍🏻食物又有質素😋😋我要俾足💯分佢哋⭐️⭐️⭐️

同朋友咁啱係附近食飯，見依間新開就去試下，點知幾好食wor👍🏻 嗌左靚靚至愛同光頭速配，我幾鍾意靚靚至愛，唔會太甜，份量都夠大（我差啲食唔晒😂）試左朋友嗰碗其實都不錯😎下次有機會想再試下其他糖水，望落去都幾好食！同埋個menu整得幾靚，好彩有寫埋有啲咩材料，如果淨係睇個名應該睇唔明🤣🤣🤣嗰日去唔係太多人，環境坐得幾舒服。老闆同店員態度都好好，如果經過都可以過黎一試😋 希望老闆可以出多啲芋頭味嘅甜品啦

係附近食椰子雞， 想食甜品Open rice 搵，由於附近得一間糖水舖，就簡左佢。 叫外賣拎返屋企食。 大概9 點， 楊枝甘露無晒， 佢地每日新鮮做， 限量出品。 點左廚師推介另一款石榴姐- 居然有驚喜， 係石榴味版本既楊枝甘露， 西瓜果肉+ 石榴+ 柚子 加埋既配合味道好特別， 真心推介！ 老板娘好有禮貌，好好人， 聽佢講只係開張左一個幾月。 係一間有人情味，有誠意既糖水舖。 下次要再試下其他配合。希望佢地加油， Keep住可以食到佢地既新款。