八一蛋包の料理

Open Now

Now Closed

昨晚掛起8號風球，媽媽說今晚沒準備好晚餐，唯有在西灣河太安樓尋找美食👅。經過見到有間蛋包飯，是爸爸至愛，便order了沖繩咖喱芝士豬扒蛋包飯$54給他，外賣等大約10分鐘，眼見吉列豬扒包住了濃厚的芝士，愛吃芝士的朋友一定會好滿足，而咖喱是少少辣的，很不錯！😚

大家好！我係好鍾意去旅行既艾文！今次黎到太安樓，我地分別去左魚旦佬、太安樓牛雜、八一蛋包の料理、小老板 。經過八一蛋包の料理，聽到有人叫鰻魚炒飯，平時艾文都好鍾意食鰻魚飯，就叫左一個試下。等左約10分鐘就有得食，食落味道偏淡，鰻魚肉都有唔少，HK$48算係抵食，飯炒得相當香，鰻魚粒又唔會太乾身。而味道就正正常常，又唔算出色，但係都會想試下佢地既招牌豬頸肉蛋包飯。

外賣自取6折所以試下但真係好難食 咖哩蛋包飯沒有給咖喱吉烈豬扒的肉像麥樂雞的內餡勁強油溢味唯一可取是珍珠米 永不錄用！！！！！！！！！！以前點解咁多人排隊？不過而家無人食就明啦

親子野菌雞飯啲雞勁大雪味，完全係垃圾😡😡😡搞到啲飯都有雪味，超級難食，我真係未食過啲咁難食嘅雞。食咗一啖已經扔咗。超級伏！警世，千祈唔好食呢個飯，你一定會後悔！

我食左八一燒豬頸肉蛋包飯，價格係$51。雖然我睇過OpenRice上面有啲負評，而且睇相都覺得一般，但試過之後發現今次外賣竟然有驚喜啊！豬頸肉好味，肉質鮮嫩多汁，蛋包飯就算放咗喺個飯盒入面都保持到滑溜溜嘅口感，真係令人滿意！同埋成個擺盤都唔錯！以外賣來講算係非常好！特別要提一提八一醬皇，味道獨特，同整個飯非常襯，真係一絕！我覺得下次可以再試吓其他添！雖然有人對八一有負評，但對我嚟講，呢次嘅體驗真係好正啊！推薦大家一試！！！

去隔離金樺餅店 見到呢間試下啦 明太子醬玉子串 等成廿幾分鐘都未有 問佢係咪整緊 個女人咸咸淡淡咁話要等架 就不再搭理 態度係愛理不理 佢個玉子燒 唔係即整 係雪櫃拎出黎去扒爐焗 其間不斷出其他扒 （都係同一個爐焗）拎到出黎完全無明太子醬味 得啲沙律醬咁 並且無玉子燒味 係食過最差差差既所謂玉子燒其間有人打黎落單幾間飯 知道一份玉子燒$20 店可能唔志在啦 但都唔係咁趕客 真係貼錢買難受 附近其他店 就連娥姐燒賣 服務態度都仲好一定會幫你地宣傳下

第一次試左個豬頸肉蛋包飯50蚊豬頸肉都多飯都多，好食👍個汁好香濃第二次買午餐5 蛋包豬扒 一樣有驚喜👍仲有可樂飲 42蚊 掂🫰有時間兜開港島果頭都會去幫襯下，小店嚟講，交足晒功課

嗌兩個餸一口牛加雞軟骨可以等成40分鐘先有先前食過啲飯都叫正常，但啲小食真係炒晒車，一口牛冇味又鞋，餃子冇比餃子汁，雞軟骨凍既，個櫻花蝦雜菜搵均成個外賣盒得1隻櫻花蝦咁見今日經過呀姐大大聲話即叫即整，飯就已經買左對面林記，諗住比多次機會試下加餸叫個一口牛同雞軟骨諗住做宵夜，點知一等等左40分鐘出面食個餐都唔洗咁耐，初初等左成30分鐘，一直見佢整親都係其他客啲飯，連遲過我落單既客都拎晒餐，所以追問係咪漏左單，樓面呀姐先話差個一口牛，個廚師炒個一口牛1分鐘都唔洗，我都唔明點解要拖咁耐終於整好個牛就砌過擺左好耐既雞軟骨比我，先前食過啲牛好乾好鞋，見間鋪放左好多細細盒醬料都係啲餃子汁果啲咁，想要盒來點牛食冇咁dry，個樓面呀姐冇出聲個廚房即刻開聲話要加錢,即刻比我感覺呢間鋪頭度縮得咁緊要連果少少醬油我諗一茶匙都冇既份量居然要收錢，定有心趕客食過太安樓咁多間未試過加醬汁要錢，一口牛加軟骨63蚊平就好平，但質素真係唔係好掂但如果廚師唔想做小食不如鋪頭取消左小食去啦

太安樓內的一間小店，但用心製作，一試難忘。今日來外賣了一個雞扒蛋包飯$46。等了10分鐘有得攞，雞扒大大塊外層香脆，內裹仍保留肉汁，滑蛋內有紫菜碎，加分。成個飯都好好食，值得捧場。

元祖燒雞扒飯（$35)奉送汽水🥤加蛋包（+$8)賣相：🐧🐧🐧味道：🐧🐧🐧🐧蛋包飯用透明膠盒裝載，雞扒碎上排列在蛋包上，秘制醬皇分開另上。雞扒份量十足，差不多跟飯盒一樣面積。蛋包則剛剛勉強覆蓋整個飯面，飯量一般不算多。味道方面，雞扒夠鮮嫩，肉質不會過老，脂肪雞皮偏少，配合秘制的醬皇非常惹味可口。蛋包滑蛋尚算嫩滑，蛋味足料，可惜未有流心效果。白飯採用珍珠米，粒粒晶瑩可口，十分落本值得一讚。外賣等候時間：🐧🐧🐧🐧在平日中午1點左右下單，需要輪候五、六人。即點即煮，需時約10分鐘。服務：🐧🐧🐧🐧店員態度一般，效率頗高。小店設有多種支付方法，十分方便。🐧❤️結語：平靚正蛋包飯之選。

幫襯過好多次，今次失望到要打劣評！好失望！幫襯左至少幾十次(多到數唔到)今次經外賣APP訂嘅，豬頸肉份量比以往叫開嘅少至少一半！究竟發生咩事？？車手中途食左？應該唔會，因為睇得出係切齊口然後整熟嘅。平時叫開嘅，長度都至少一隻手指，點解今次會少成咁？？如果唔夠一份，可以打俾我話我知搭半份其他野，而唔係照出俾客！如果係餐廳本身嘅豬頸肉份量改左，得返如圖一樣咁少賣50蚊嘅，就我勸你不如執左佢唔好再做飲食業！

諗住食少少開胃飯，有得「燒」惹味啲牛肉，見之前同事話呢間燒雞排都幾好食咁，咪試下個牛打返開個袋，再開埋個蓋，下巴都跌左落嚟香味燒牛肉飯？定係洋葱金菇肥牛飯？名同實物好不符好伏！無下次