八仙餅家

Open Now

Now Closed

** 此食肆的第十七個笑**8-3-2008(Sat)晏晝同媽o係榮發食完tea後,就行過o黎八仙睇有冇以磅計獨立包裝o既花生糖,因為上次我同事食完出o黎想買時冇,見橫豎都出o左o黎,不如幫佢睇睇啦.約5:15pm o黎到,又人山人海,職員食o緊飯,真係咁早食飯?而且有好多o野賣,見到有o個隻花生糖,即call同事要唔要先,佢話要一磅,OK幫佢買一磅.而我又臭到好香o既味道(唔係佢o地食隻飯o既味道)應該係出爐冇耐o既光酥餅,我未食過餅家自製o既光酥餅,於是我又買喇.呢個$2.00.畀錢時我見到仍有油角,不過都係唔買喇.(唔知係咪哥哥識o個位話事人)找埋錢畀我,媽就指住一包花生問咩o黎,我答魚皮花生,佢話想試,於是我又買.$4.00一包.我o地行去搭車返屋企lu,多手摸吓件光酥餅,仍微暖,好想食.但o岩o岩食o左下午茶,實在係食唔落啦,唯有等第日食啦.9-3-2008(Sun)晏晝,先食光酥餅,,面同底白色o既粉未好厚,件光酥餅,硬o左lu,食落,真係冇o係超市買o個啲朋友話o既’壓’味,呢個淡淡的,但唔太黐牙,OK.我o地叫開o既魚皮花生,包裝上寫南乳肉,媽媽終於拆開o黎食喇,我….

以前"阿麻"仍在的時候，我經常會在長沙灣、深水埗一帶出沒，而八仙亦是我最喜歡的店鋪之一。不過，自"阿麻"離開後，我也甚小來這裡買餅。是日聽到爸爸話要去深水埗辦年貨，即刻搭單叫佢買兩盒合桃酥。總覺得呢度既合桃酥是最好食，今次亦冇失手。微甜，鬆化至極，同埋size又唔太大，一個人閒閒地食十件八件。價錢已由$20升至$24，真係樣樣都起晒價。

** 此食肆的第八個OK **尋日(17-1-2008 Thur)同事問我啲花生糖o係邊o度買,好好食好鬆脆,於是我就教佢點o黎.而我今朝終於都開埋包庄冇芝麻o既花生糖o黎試喇.呢隻無論係口感同甜度都o係有芝麻同獨立包裝o個隻之間.不過我始終鍾意食獨立包裝o個隻.另,上次太倉卒,唔記得寫返價錢.獨立包裝花生糖: $22.00 / 磅笑口棗: $12.00 / 包

** 此食肆的第十六個笑**12-1-2008 Sat晏晝出去旺角朋友舖頭買o野,橫豎想o黎呢o度買上年九月女友人V讚o既花生糖孝敬爸媽同同事,於是都搭車過o黎啦.一o黎到,唔知咩o岩o岩出爐,臭到好香蛋味,呢o度舖仔細細,但真係有好多o野賣,先搵到花生糖,有三隻o既,一隻有白芝麻,一隻有黑芝麻,一隻咩都冇,但全部同樣係$7.00一包,除o左黑芝麻o個隻外,我就掃其他兩樣共六包;之後見到有笑口棗,心諗臨近新年,買o黎試吓睇吓好唔好食,好食o既就遲啲再o黎買,於是攞o左一包.行去中間遞畀亞姐計數時,卻被我見到原來有以磅計且獨立包裝o既花生糖,咦?咁呢啲更加o岩我請人食啦,因為比較衛生方便嘛,不過眼見呢隻麥芽糖好似冇包裝o個隻咁多,算啦,轉呔啦,亞姐正幫我將戰利品入袋,我都唔好意思咁叫佢唔好入住,我重新諗諗先,於是我只要兩包有白芝麻o既花生糖,一包有芝麻,(原來包裝o既係半磅一包),兩磅獨立包裝o既花生糖,一包笑口棗,亞姐幫我鎊時,我又周圍望,望向右邊,咦?糯米燒餅呀!$2.00一個,上次(上年九月)亞姐話唔出o既?今日被我見到喇,佢重出江湖呀.於是我又即問有咩餡?另一個亞姐答豆沙,好啊,

話說上次我話奇趣既合桃酥唔係我0個杯茶，以我既心水就係八仙啦。今次買左佢地既mini 版黎試，一樣甘掂呀。我最鍾意佢地做得好鬆脆，唔硬，甘先叫做”酥”架嘛。見到D雞蛋餅出0左爐包裝緊，買埋黎試，真係好耐冇食lu~。錢都未比拿拿聲食粒先，哇~好好食呀，少少暖，好香蛋味，好脆….好滿足呀

途經八仙餅家，見一眾街坊正在踴躍購買月餅，原來餅家減價促銷，奴隸獸當然唔會執輸啦！（主人拉都拉佢唔住）飛撲買了一個雙黃蓮蓉月（HK$22）。餅皮OK、蓮蓉OK、蛋黃OK，總體來說：老餅家做出如此月餅是合理的，用此價錢來購買是不錯的選擇。

尋日(22-9-2007 Sat)可以試上次買o左o既雙黃白蓮蓉月餅喇.拎出o黎,亞姐真係冇呃我,個月餅保存到o衣o家都冇事.打開個包裝,好香月餅味,切開,皮薄,不過蛋黃唔係咁靚,唔知係咪我雪得太耐呢.食落,蓮蓉唔太甜亦唔黐牙,蛋黃冇油.冇想像中咁好食.呢個應該係我今年最後一個月餅食評喇.補充:上次朋友們買o野食o既評語,佢o地都話好食,花生酥夠香脆;牛耳同崩砂,味道係一樣o既,只係一個硬啲大舊啲,一個細細塊脆卜卜,不過都好食咁話喎.

食完蘇記、烘發, 見到佢開咗, 即刻同男友試下呢間一睇就知係老字號的店. 5蚊4個杏仁餅, 太甜了, 沒有杏仁味, 不好吃! 近中秋, 有豬仔餅, 我第一次食, 原來係傳統月餅的餅皮味道, 試下個幾得意! 兩個半一個. 7蚊一個大蛋榚, 味道OK! 都有蛋香, 好過中環蓮香樓.下次試吓第二D先

尋日(8-9-2007 Sat)6:15pm同女性朋友V & C1 o係西九龍中心做完義工,約o左朋友們7:30pm出佐敦食生日飯局,見有好多時間,於是帶佢o地o黎買豆沙燒餅順便買定月餅,o黎到喇,搵極都搵唔到豆沙燒餅o既?問一問,話唔做囉喎,唔係o掛?點解啊?一心諗住試呢間o既豆沙燒餅,竟然冇.於是自己買一包$11.00有10件o既芝麻餅同兩個雙黃白蓮蓉月餅,一個$25.00,有盒裝四個,要$100.00.兩位朋友就瘋狂購物,買o左牛耳,蝴蝶餅,花生酥糖,重有….我都唔記得喇.今早試芝麻餅先,當然好香芝麻味,一口咬落去,好硬.不過睇到裡面係一層層,而且係金黃色.味道同咬口比我爸o係荃灣一間餅舖買o既好啲,雖然佢都係實,但已經係冇咁實,而味道係清啲.由於月餅係要o黎拜神,我問o左亞姐可以擺到幾時,佢答我月底.希望冇呃我啦.亦因為咁,o衣o家唔可以試呢隻月餅住.

路過見佢咁多中式餅眼花暸亂要左豆沙燒餅($5/3件)同合桃酥($5/6件)豆沙燒餅size有差唔多女仔手掌掌心咁大但就比起奇趣薄身得多翻叮後暖暖地食好軟熟又煙韌豆沙餡就偏甜少少但都可以合桃酥size亦不小夠鬆化唔會覺得好油都可以

24/5(四) 1:30pm回味著中央之際,無意間路過八仙,購下花生糖$6,南乳花生$3及魚皮花生$3各一包;以其份量衡量,價錢的確相當大眾化,至於其質素則平平無奇.花生糖甜度過甚,花生的本質全給埋沒!南乳花生的南乳香未見濃重;而魚皮花生入口頗脆口,質地略嫌不夠鬆化.

以前經過沒有留意，最近有雜誌介紹，才決定試試這間老餅家。細的冬蓉老婆餅$10六個，應已出爐一段時間，沒有熱櫃烘着，已經涼了，不過食落仍算軟熟，並不硬實。它的餡是比較薄不太多，味道是適可不太甜，而且有芝麻香味，食多一兩個也不覺「漏」。餅皮則並非那種鬆化無比、一咬即散滿一地的，不會食得狼狽。雞蛋糕($5)也頗鬆軟，食落不黐口，表面則焗得小小脆皮。雖然蛋香不算很濃，不過豆沙餡好味，亦同樣令人滿意。

1.芝麻餅$10十塊~ 好脆好多芝麻2.杏仁餅$10十塊~ 唔算太香,但勝在唔會好甜3.合桃酥$10十二塊~ 好鬆脆4.光酥餅(小)$5三個

去開深水經過呢間餅店,見到佢門口堆滿晒人,裝修又舊舊地咁就望多幾眼。有好多唔既中式餅,例如:杏仁餅,老婆餅,雞仔餅,皮蛋酥,面樵大餅,合桃酥...可能臨近新年啦,見到有年糕賣好多餅都好想試,可惜眼闊肚窄,最後買左1件雞仔餅($1.5),細老婆餅($1.5),豆沙燒餅($2)。雞仔餅幾好食,入面有杏仁,花生碎,白芝麻,好香口,唔油膩；老婆餅個皮幾脆,唔似有d餅店咁咁淋,但係d餡略嫌甜得滯,食完覺得好漏；豆沙燒餅不過不失,幾大件,個面地,煙煙韌韌咁。好抵,值得一試。

八仙餅家...只係一間咁岩我經過既餅家,竟然已經成為我去SSP既目標之一. 琳琳種種既唐餅, 選擇真係會令人眼花撩亂.個人最愛迷你合桃酥, 十分之鬆化, 真係大力少少都會碎. 另外每次我都好想試蓮蓉雞蛋糕, 六蚊一個, 可惜太大個唔敢買. 仲有一樣我同D.都同樣鍾意既糯米慈, 佢其實係同旺角既奇趣既豆沙餅同一種類. 不過八仙有花生餡, 雖然放凍左, 但花生餡仲一樣咁香滑, 但一D都唔膩. 每次我同D.去一定會買六個. D.每次都一定會買香蕉糕. 我未食過, 所以唔評論.服務一般, 但有次六點正時去,個太子仔食緊飯都停低碗筷趕住出黎SERVE我, 又唔係咁差丫. 呢D街坊家族生意, 真係買少見少.