Video
Address
(Delivery Only)
Telephone
24419093
62293237
Opening Hours
Today
06:30 - 00:30
Mon - Sun
06:30 - 00:30
Above information is for reference only. Please check details with the restaurant.
與家人參加新年初十五圍村盆菜， 大約都有 三四十圉。 今年盆菜好味， 雖然唔係咩貴價食品，但係 食物入味 ，感覺唔到太多味精 ，五花腩夠淋 ，有雞 ，油鴨， 大蝦非常新鮮 ，蘿蔔豬皮入味。 家人都非常滿意， 頌讚村長今年揀得好。 食完即刻check下呢間舖頭喺邊度, 打算下次過年過節再encore.
continue reading
早兩日食那個盆菜，飽豪發財盆大盆(12人份)，蝦、鮑魚同金蠔大大隻，入味幾好食，材料都有味唔係白恰，豬肉d肥膏煮到綿花咁，但怕肥唔食得多。除左蝦少少霉外，底料好似蘿蔔、腐竹、豬皮都好入味，芋頭粉粉地特別讚，整體都滿意。whatapp落單，貨到付款好方便，送貨唔送上樓，要樓下收貨。好耐以前食過一次覺得好好食，之後試唔同店舖既盤菜，有d真係麻麻，今年諗起八味香，隔幾年今次再食，覺得味道有保持水準，家人都覺得好食，好開心。
continue reading
農曆年廿九團年，疫情之下當然就只好喺屋企團年喇，屋企團年新春盆菜真係不二之選，往年食開井頭村盆菜，今年團年就試下呢個百味香帝王新春盆菜，聽講佢喺tvb攞個獎，呢盆菜佢就分開盆菜，娃娃菜再加一樽醬汁，分量都幾重下，好彩樓下有停車場可以直接放上車，返到去加熱拆開，發覺排列得十分整齊精美，啲蝦超大隻，食落重超爽甜，鮑魚都唔錯只係味道淡咗少少，金蠔嘅味都係比較淡，而啲豬皮就真係唔係好得啦，根本都未諗，五花腩就比較肥，蘿蔔啲味都唔係太甜，芋頭都算粉嘅，魷魚都幾爽脆，但新春盆無雞同鴨，支竹索滿醬汁味道都唔錯，冬菇都算厚同大隻味道不錯，但整體的醬汁都偏鹹，好彩有包娃娃菜可以平衡一下啲鹹味。整體來說只係一般，冇乜特別。如果同我哋開嘅盤菜嚟講性價比都唔算太高。只可說中規中矩。
continue reading
一月一號新一年同朋友們食咗盤菜慶祝，呢間朋友們食過話ok。我地7個人叫咗個8人份量，價獎係$1368，但都唔係好夠食，呢個係份量偏少。蠔：好食又大粒，呢個係最好食嘅蘿蔔，菜：份量比較少，都唔算好入味鮑魚、蝦、冬菇：幾好，正常，都幾入味燒肉：麻麻地魚蛋：出手有啲低，俾咗咁嘅價錢冇諗過食魚蛋另外，佢有送一包菜，但都好少，唔夠8人份量總括嚟講，呢間我就唔會再叫啦，因為好普通。我食過啲係好食好多又抵食啲嘅，所以會揀其他。
continue reading
You may be interested in