六合喇沙海南雞飯

Open Now

Now Closed

午餐嗌咗豬頸肉肉燥飯好油，豬頸肉好肥膩，肉燥同個汁都冇味食到碗底都係油對唔住個價錢（56蚊）加十蚊一枝樽裝奶茶Ok嘅但係個奶茶太甜以呢個價錢喺慈雲山應該會有更多選擇環境好逼好嘈知望飲食業好艱難點出以上問題希望餐廳可以改善

睇招牌以為呢度係食馬來西亞菜既，因為又叻沙又沙南雞咁，點知原來有台灣菜食.今次㨂左「滷肉肉燥飯」（$50）同埋「櫻花蝦餅肉燥飯」（$52），兩款都包一罐罐裝汽水，如果要樽裝飲品/奶茶果d就要加$8。呢度就算堂食都係用紙碗盛飯既，覺得有少少唔環保～ 講返食物，唔知點解個櫻花蝦餅飯完全睇唔出有蝦餅，反而係似鹽酥雞.另外，餐廳個牆上都整左層板放滿外賣盒，感覺好似好唔整齊咁…同埋見外賣無咩人嗌，唯一一個客等都要等成二十分鐘先有得拎，覺得間餐廳都好似無咩效率咁.以慈雲山呢邊咁多間食肆來講，呢間就真係麻麻地了，唔大機會再encore

今日經慈雲山小店，店鋪宣傳無骨海南鷄，無骨海南鷄飯 HKD 55，鷄肉質十分嫩滑，份量也比較多，性價比極高，配上湯，十分開胃。特意加 HKD 8 試下手工奶茶，不會太甜，淡淡的茶香味。

同新蒲崗六合街冇關係，繼續係慈雲山毓華里一帶覓食。較新嘅一間混合馬拉嘢、台灣嘢小店。大概係叫做新嚟想「收買」吓街坊人心，碟頭都幾大，而且無論嗌麵定嗌飯，都有啲蔬菜類諸如紅蘿蔔、椰菜搭配。鹽酥雞滷肉轉撈麵，揭起鋪面嘅大堆鹽酥雞（下面半邊係肉燥半邊係椰菜，就係撈麵太索汁，亦都太易發大，變咗唔夠汁用要撈啲朋友嗰碗牛肉湯麵汁。蕃茄湯牛腩麵就用咗堅實嘅牛腩非腩碎，又係滿滿一碗，配菜除紅蘿蔔外外加金針菇。係真材實料令人滿足飽唔係夾硬用麵底綻飽人嗰種。最欣賞係佢自家整樽裝檸檬冬瓜露，低糖，跟餐8蚊支好過飲嚟飲去檸奶茶，炎夏就靠呢啲撐住除濕唔駛中暑。