其奧

Open Now

Now Closed

其奧花生糖 元朗名物，疫情前幫襯過記得係好多人買 質素正常🤣依排開心果熱潮 推出開心果糖 但$80😱見其他區食品店有寄賣，好 就試試！唔使出去元朗喎～將軍澳地鐵站、荃灣千色店、上環永安等等 好多地方都買到．開心果脆糖 $80．香脆花生糖/黑芝麻花生脆糖 $23係多開心果粒但完全唔香，無開心果味，偏甜糖衣味，口感少硬 唔夠香脆，$80我覺得唔值😥花生糖價錢還好但唔香口，麻麻地，話花生糖專門店 少失望。莫非要親身到元朗店買先新鮮好食？🤔有網民覆我話「黑芝麻花生糖勁好食」「覺得非常香，開心果有炒過而且好脆」「呢個品牌好幾款都一般」「我覺得好食，好脆唔黐牙」其實真係每個人口味唔同架！

好多年都冇入元朗，之前喺開心果關注組見到其奧嘅開心果脆糖好受關注😂，咁啱係農曆新年前，即管就買返一堆糖同埋花生糖過新年😌🐻開心果脆糖🐻🍯🍯🍯🍯呢個要$80一盒，都幾貴下，不過又真係幾好食，開心果味好香，每一粒都用糖包住，好脆口，少少偏甜🐻白芝麻花生軟糖🐻🍯🍯🍯🍯煙煙韌韌幾好食，對我嚟講唔算太甜，口感唔錯🐻花生脆糖🐻🍯🍯🍯呢個我覺得比較普通，花生味幾香，過年都可以買來食吓，幾有氣氛🐻鳳凰卷🐻🍯🍯🍯🍯鳳凰卷係我之後再翻兜咗兩包，因為喺公司當零食啱晒🤣肉鬆都唔算少👍🏻配合紫菜好好食🐻原味蛋捲🐻🍯🍯🍯其實本身係想食咖啡味，不過斷貨，所以就試吓原味，蛋香都好香，不過其實都係一般蛋捲嘅味道，比較實淨🐻話梅🐻🍯🍯🍯🍯呢個係我鍾意嘅話梅，唔會太酸，又唔會太鹹，食完會話好口乾，喺公司當零食一流😍總評分：🍯🍯🍯🍯（4/5）

每次經過總會這裡都會買點零食回家吃，其中紅燒魚柳是我喜愛的一款零食，每次見到都忍不住要買，口感非常之豐富，而且嚼勁十足，吃完一條又一條，味道總是讓我流連忘返😋

每次經過元朗其奧花生糖專門店，也禁不住要買些花生糖作零食。硬和軟花生糖，我還是喜歡後者。～三寶花生軟糖新鮮製的花生糖又怎會不好吃呢？三寶絕對是為有選擇困難症的我找出要買的，既能吃到黑、白芝麻花生軟糖，又能吃到椰絲花生軟糖，非常理想。個人認為軟糖較脆糖好吃，絕對不會吃崩牙！😆這店的花生軟糖真材實料，花生份量超足，麥牙糖不多，所以吃起來不會過甜，而且亦有咬口。最重要的是糖面所用的芝麻或椰絲絕對不吝嗇，口感超滿足。

聽講大馬路既香蕉糕好出名是晚只剩下幾盒香蕉糕隔住盒已聞到好香會唔會係因為落香蕉精油比例較重（？）擺左兩日都咁香食落軟身既但味道真係好難食仲有齋雞粒可以試食但好硬，大家試食完都冇興趣買

行誠品時，見到一檔賣特式中式糖餅既小檔口，咁就行埋去睇下有咩野好食啦。。。見到米通，花生糖，芝麻糖呢d，無乜特別，平時周街都成日見，突然見到一盒綠綠地色既野，原來係開心果糖，我好鐘意食開心果，而開心果糖我係第一次見，所以忍唔住買左包試下。糖果既包裝有印到店家既資料，上網search 店家叫其奧，大本營在元朗，每日制造唔同糖果，有成二十多年歷史架啦😋。講返開心果脆糖，呢包開心果脆糖賣HKD80一盒，一盒半磅（227g)，價位唔平。 一開盒，就爆出一陣超香既開心果味。本身怕肥，諗住每次限自己食幾粒算，但真係超香同超酥脆，忍唔住即食左半盒，再用最大自制力將餘下半盒放入有鎖既柜到，先停到口😆。每粒脆糖係手指頭般既大細，好方便食用。食得出係用靚既開心果，粒粒開心果都十分飽滿，同充滿濃厚既果仁油香，而且包裹著開心果既脆糖唔會好厚重，容易咬開，咬落十分酥脆口，非常有口感，一食就停唔到o個隻。好鐘意呢款糖果，仲即刻搵住元朗既朋友去總店買多兩盒食😝

雖然市面上有好多地方/店舖可以買齋雞粒、齋燒鵝，但食過咁多間就真係覺得其奧最好食😋！好彩近幾年好多小店有得買，佢大時大節又話係唔同商場擺檔，等唔係住元朗嘅人都買到。我自己通常一買就兩款都買齊，佢係密實膠袋包住，所以一食完封返，可以keep返個脆度。我個人偏好「軟身」嘅齋雞粒多啲，總覺佢口感帶點煙靭，同時又有少少脆，可以兩者兼備，有齊兩種口感！同埋佢係會有少少🤏汁黏住手指，會忍唔住啜埋手指食！至於「脆身」嘅齋燒鵝，食落脆卜卜，口感比較硬，但又會好似食緊果仁同薯片咁，所以我都會買埋放屋企過新年，一次過食齊兩款！不過實在太吸引，通常放屋企唔夠3日就食曬～

元朗其奧，每逢入到來，嘉嘉都話要買花生糖，筆者唔想吃太多甜，買花生糖時已忍手唔買，但見到這位仁兄，將一些合桃、腰果、再加埋麥芽糖，熟練地左搓右搓，見到真係相當吸引⋯⋯腰果合桃糖~$60半磅一盒，買兩盒$110,嘉嘉話要買兩盒先抵。話唔買，忍唔住又買，就是喜歡煙煙韌韌鹹鹹甜甜，一會兒就吃了半盒。

元朗其奧花生糖🍬相信好多人都聽過🤣主要賣花生糖 花生🥜 糕餅等出名又香又脆又新鮮☺️今次我就買左黑芝麻花生糖 同埋椰絲花生糖🤫黑芝麻花生糖🍬打開個盒 隱約都聞到黑芝麻嘅香味😛咬落口 花生糖好軟好易咬開🤩吾會係個啲硬繃繃嘅花生糖😂而且麥芽同花生嘅比例岩岩好吾會太多麥芽搞到黏牙🥰所以就算係老人家都可以咬到食到👵🧓椰絲花生糖🍬同樣整得好好👍🏽椰絲同花生係完美嘅配搭😛仲要加上易咬開 吾黏牙真係可以稱得上完美嘅花生糖🤩食完一粒好似上左癮咁 食吾停口🫣去開元朗真係可以買返一兩盒試下🤣

難得入元朗，一定要買啲手信，朋友介紹其奧花生糖好出名，於是向目標出發！二話不說，原味花生糖，白芝麻花生糖，黑芝麻花生糖各要一包，果然名不虛傳，十分鬆脆，花生香口，個人覺得甜咗少少，不過真係好好食，有機會會再買原來佢哋都有賣齋雞粒，係我嘅至愛，立即買半磅試吓！有啲失望，非常唔得！齋雞粒太淋，太油，而且味道怪怪的，仲有少少油益味！原本想夾硬食咗佢唔好嘥，最後都係食唔到，丟咗！浪費！都係冠華齋雞粒最好味！

見到網上面有人介紹呢間元朗嘅花生糖，佢哋100%香港製造，做咗二十年各式各樣糖果，佢哋標榜用料天然，低糖少甜，難得嚟到元朗一定要買嚟試吓！🥜椰絲花生糖 $55 兩盒 $32一盒(9/10)一盒大概都有成20粒，椰絲花生糖聽落好似好甜咁，但食落一啲都唔會好甜，甜度係啱啱好㗎！花生好香脆，好濃花生味，麥芽糖唔會太痴牙，椰絲令到口感更加豐富，好香椰果，一啖一粒啱啱好，真係唔小心食咗好多粒，真心好食😆😆🍴南瓜子軟糖 $40 一盒 $70 兩盒 (8/10)一盒都係有大概 20粒，南瓜子應該係比較貴啲所以一盒都會貴少少，南瓜子好香，加埋芝麻，花生同麥芽糖，味道比較清香少少，食到南瓜子嘅味道！一啲都唔會太甜，鍾意食清淡啲嘅應該都會好鍾意呢一個~🍴齋雞粒 軟 $50 一磅 (8.5/10)係用麵筋來做，味道係比較香辣，口感鬆脆又帶點煙韌，香甜又帶有輕淡的辛香，食多少少會覺得有啲油膩，屋企人好鍾意食，下次入元朗都會再買！推薦指數: 9/10真心店舖好有誠意去做各式各樣嘅傳統小食，呢間真係好好食，好食過馬路對面嗰間(已經買過一次)，下次入元朗都會再買返呢間做手信，推介俾大家！📍 其奧 (元朗)元朗大馬路

以前想食花生糖，多數會幫襯鉅記；而家想食嘅話，就梗係幫襯同聲同氣嘅其奧。由於實在太好味，影相嘅時候已經食到剩番半盒😂。一盒入面有齊黑芝麻，白芝麻同椰絲三種口味嘅花生軟糖，全部都係滿粒花生，又香又有咬口又唔太甜，勁好食。我最鍾意黑芝麻，感覺最香口，椰絲我就麻麻，因為本身唔鍾意食，冇計。呢個花生糖絕對係一開始食就會唔停得口🤤。

係正元朗出名小食多既又新街,最出名既當然係遠近馳名既花生糖,係附近行過已經聞到令人垂涎三尺既甜味同炒花生既香味,運氣好既話仲會見到師傅係門口即制花生糖,非常有趣

我係花生醬，花生糖，花生嘅super fans收到友人送的一盒三色花生軟糖，一包硬的花生糖。入面有花生椰絲好食花生白芝麻好好食花生黑芝麻好好食佢地係軟糖，不太甜，不痴牙，花生香脆新鮮，芝麻都香。椰絲味太搶，冇另外兩隻咁出色。花生硬糖，太甜，太硬，不推介。市面比佢出色的太多。總結：軟糖食到停唔到口，可以一日食曬一盒

早排電視有介紹，加上又係黃店之一，所以去錦上路 都特登行過嚟元朗試下其奧！原來平時喺附近巴士站落車，都見唔到 可能未開啦。傍晚去到已經有好多一盒二盒放咗喺度俾人揀，真係花多眼亂，叫賣姐姐都有邀請試食，令你知道有咩心水。就係因為試食，買咗好多款，有黑白芝麻椰絲花生糖 南瓜子花生糖 齋雞粒 紅色花生糖 鴨頸糖 香蕉糕，叫賣姐姐話全部都係低糖產品，食都冇咁大罪惡感啊家人比較喜歡紅色花生糖 鴨頸糖，應該因為係潮州嘢所以有點懷念，我自己比較鍾意黑白芝麻花生糖 南瓜子脆糖 和齋雞粒，香口又唔會太甜總括來講，會返嚟再買！