凝香園

Open Now

Now Closed

好耐無食香港既街頭小食。今日想食傳統雞蛋仔，經過見到呢一間凝香園雞蛋仔居然只賣13大元，不如就試試啦。雞蛋仔有兩種口味，分別係原味同朱古力，仲可以揀鴛鴦。第一次試，就決定兩隻味都試試，就叫左鴛鴦。等店主即刻整，大概4分鐘，雞蛋仔就整好。即刻就開餐，原味的確外脆内軟，不過内餡略嫌不夠多，味道亦較淡。朱古力味濃得多，内餡亦較多，但外皮完全唔脆。$13係銅鑼灣黎講都算平，好彩原味個皮係脆，如果唔係就唔及格。

今晚天氣都幾凍，肚子有點餓，好想揾熱辣辣的小食。於是行咗去"凝香園"小食。去到後又出現咗選擇困難症了，都唔知想選那種小食，本想找牛雜來食，但到最後，都係敵不過麻油香味，竟然都係揀咗生菜魚肉。今晚加了大辣，辣椒油碰上麻油香噴噴，生菜夠爽配上魚肉，真令人上癮；怪不得這裏經常排長龍了

嚟開銅鑼灣又有些口痕痕，行吓行吓又到咗總統戲院，斜對面見到凝香園小食。心想太耐冇食過生菜魚肉，於是便叫了一個來食，很香的麻油味，微辣胡椒粉，加上輕微的辣椒菜脯，配合魚肉滑生菜，美麗回憶返晒嚟啦！今晚又貪心些又要多個辣魚蛋，雖然不是陳皮魚蛋，口感比不上，但大小也不相伯仲，勝在醬汁也很不錯，超級底食。所以光顧佢咁多年，也要找回當年的回憶，可惜現在已沒有賣了的豬皮丶蘿蔔丶豬紅及韮菜，整體也十分好味。下次再試

最近呢間鋪頭做特價，我就食咗最抵食嘅10元一碗魚蛋加燒賣。啲魚蛋同燒賣佢會畀啲沙爹醬落去嘅，佢嗰啲沙爹醬汁都幾香濃嘅，加落去嗰啲魚蛋同燒賣度食好味道。都幾抵食啊，十元有一碗。

相對魚蛋，我更鍾意食燒賣，唔係酒樓啲豬肉蝦燒賣，而係街邊檔嘅魚肉燒賣雖則我都知街邊小食冇乜營養又唔健康，但作為香港人，對里啲小食係有奇異嘅情義結~里度燒賣同魚蛋做緊買一送一，$10有十粒，反通漲價~應該係沿用以前同隔離舖打對台時嘅價格，而家隔離舖俾佢鬥死左，唔知會唔會好快加番價呢😭講番燒賣，蒸得剛剛好，以前食過有檔成日都蒸過籠，成粒燒賣脹大左不達止，口感仲好淋好怪~所以唔好諗住蒸燒賣唔使技巧😌另外里度嘅豉油都係有調味架，咸甜適中

呢間鋪頭同同街另一間爭餐死都晤係第一日既事 經常性燒賣魚旦賣一送一 益我地呢啲消費者😆😆😆😆😆😆今日又經過呢頭 梗係晤放過又黎試下啦點知競爭對手消失左 依家變左獨市生意喎雖然都仲係賣一送一 但都不暗感嘆時代變遷呀😣😣😣😣😣賣一送一 可以揀淨魚蛋淨燒賣或者雙拼 都係賣十蚊 係銅鑼灣算好抵食😃😃😃有個小插曲 因為無叫到辣 甘呀姨俾我之後我都好禮貌問番可晤可俾啲辣汁我 點知俾呀姨無限鄙視 各位黎記得要事先講埋燒賣晤期望佢好好味 掃街既本意都係醫肚要一讚係燒賣size晤細 辣汁都好惹味好辣 食晤到甘辣既朋友要小心😀

收工去左公司後街掃街🤣🤣 想食少少野但又唔想食太多野影響食晚餐～ 返工咁耐都冇乜點行呢幾檔小食～ 行過見到好多人幫襯，店員手腳慢少少，就已經要排隊了～ 本身想食燒賣，但見呢間有台灣熱狗腸好吸引，仲要係$5，真心好平！諗都冇諗就買左食了！佢既台灣熱狗腸唔似正宗台灣食嘅腸仔嘅味道，似熱狗腸多少少，包住熱狗包會更好食🤣🤣 佢好似有分黑椒味同原味～ 但我就揀左原味！還算一般般😊但真係抵！不過條街競爭都好大，所以好多野都好似好平，魚蛋燒賣$8有10粒，銅鑼灣來講真係太誇張！

在我眼中的香港島「灣仔區」裡面，銅鑼灣的食店以「軒尼詩道」為分水嶺，「軒尼詩道」以北的地方包括「崇光百貨」、「Fashion Walk」還有「謝斐道」一帶的食店。今次我要講的「銅鑼灣」食店又是位於「謝斐道」一帶的食店，而且食店賣的食品屬於很便宜，很草根，集很多亞洲地方風格飲食文化的平民小食，店名就叫做「凝香園」。「凝香園」餐牌裡面最吸引到我注意的，莫過於「凝香園」的鮮榨果汁。因為「凝香園」的鮮榨果汁廣告餐牌裡面，有一個皮膚白皙的妙齡女仕，雖然這位女仕只有「大頭照」，連半身相也看不到。所以我猜不到「凝香園」從什麼途徑，從哪裡找到一張這樣的美女照片，來作為「凝香園」鮮榨果汁廣告餐牌的背景女主角。結果我選擇了一杯，新鮮鮮榨的大杯裝蘋果汁，另外再在大杯裝「鮮榨蘋果汁」裡面加入「益力多」飲品，這樣版本的大杯裝「凝香園」鮮榨蘋果汁加「益力多」，最後的價錢盛惠港幣二十六元正。雖然我一直站在「凝香園」的店外，勉強還可以看到和拍攝到「凝香園」廚房，但是店員製作「鮮榨蘋果汁加益力多」的過程我就看得不太清楚，另外我看到「凝香園」店外，還放置了兩把雨傘。另一方面，我看見原來「凝香園」，也有售賣台灣的豬肉香腸。

老實講我真係唔明可以 寫到咁多字去形容買一送一嘅魚蛋但係勁超級難食囉 呢間嘢喺周圍不斷有開分店我唔明自己點解唔認得佢除咗醬汁好食個魚蛋真係難食到痺買一送一呢個噱頭真係極唔掂普通魚蛋係十蚊一串佢問我要五蚊定十蚊咁正常梗係要十蚊算數點知佢畀咗我差唔多成廿粒魚蛋真係一邊食一邊想講粗口因為佢個醬汁好食我都夾硬啃咗成碗用麵粉砌出嚟嘅就算用醬汁都唔可以溝淡佢嘅 粉狀物體 早知食啲貴價嘅 龍蝦丸個心都冇咁嬲阿姐粗粗魯魯我都唔會再返嚟食

街邊小食店，最仲意開吉串魚蛋/燒賣/煎釀三寶解肚仔餓。是日得知原來兩鋪大戰鬥爭買一送一魚蛋/燒賣！呢度$5攪掂，隔里鋪就$6~~凝香園稱用陳記燒賣產品，口感一般，但配辣汁好正；魚蛋較差全粉，便宜小食~~其實兩鋪差不多味道，員工姨姨服務尚可，耐心揀煎釀三寶，最終視乎自己選擇喜好。

呢舖真係好睇過溏心風暴，全城熱話既兩間魚蛋燒賣減價戰，你減價我就要減多你一蚊，去到呢一間搬左舖既檔口黎個直撃報導，睇下究竟邊一間好食又抵食啲。黎到$6買一送一既凝香園，見唔到有長龍，姐姐都黑口黑面不過態度正常，食落無咁實身同粉狀，雖則都同好食有段距離，辣醬反而見到辣椒碎辣度都夠有啲驚喜。雖然呢度貴一蚊，可能無咁多人店員無發哂脾氣，而燒賣食落都比較熟同軟身，加上辣醬質素唔差。店名：凝香園地址：銅鑼灣謝斐道516號地下

今日要去銅鑼灣返工所以我早左出門口，見仲未夠鐘就行陣街先返公司。覺得熱所以去左買杯凍飲，買得野飲就緊係順便買埋野食啦XD魚蛋燒賣呢d街頭小食唔止香港人，就連遊客都鐘意食！早幾年嘅銅鑼灣身為遊客區，小食嘅價錢高到嚇死人！廿蚊一碗魚蛋燒賣，d遊客都照食（暈）所以當我之前第一次見到凝香園減價去到$6一串仲要買一送一真係o晒嘴！$6十粒魚蛋燒賣唔好話遊客區，連住宅區都未必有啦！今日我未食早餐所以買左$12，即係十粒魚蛋十粒燒賣！！辣汁夠香夠辣，正！糧尾恩物，銅鑼灣返工嘅朋友可以mark低呢間小食XD

呢間野係銅鑼灣都幾耐下，好多款野食，有平有貴，但為左競爭，做到6蚊串魚蛋燒賣，其實佢都幾多元化同幾好食。野食方面算合理價，呢度始終係銅鑼灣，呢個價真係算ok.幾多野揀咁啦，6蚊串仲要買一送一，冇呃人，真係6蚊就6蚊，唔會話正價先係買一送一，特價就唔係。點解我咁講呢，因為佢地旁邊果間話買一送一原來係8蚊先一送一，5蚊就冇得送，呃人既，都係呢間老實好多。個辣汁十分野味，燒賣索哂d汁，同旁邊果間比，呢度野燒賣較彈牙，唔會死死實實，而且好掛汁，入味非常。總結：雖然呢間比旁邊間貴一蚊，但老實好多，野食都好食d。走碼我比完錢條氣順。

呢間小食唔係第一次幫襯。上次食過佢既煎釀三寶。今次就食佢既格仔餅。呢度係小有既先買飛再叫野食/等野食既小店。第一次黎真係唔慣。當我叫格仔餅既時候，真係有d 擔心佢會俾燒好左既我！因為格仔餅同雞蛋仔，佢地都有兩塊燒好左喇。窩心既係，七點鐘放工時間，佢地無將貨就價，真係要等成七八分鐘等佢燒。格仔餅塗左花生醬、牛油、小小連奶！食到尾個紙袋有油，證明格仔餅夠熱。可惜既係，家陣真係好難揾到落砂糖既格仔餅喇。落砂糖既感覺真係差好遠𠺢！