刕舙馫麵館 (Closed)

上個月都食過一次，一直念念不忘想再嚟食除了食物水準不俗之外，我仲好欣賞呢間小店的店員，每次嚟道佢地都好好禮貌而且充滿笑容~真心香港地做飲食業要有笑容唔係一件易事....是日清明節紅日，11點半嚟到已經有幾枱一家大細食緊，可見有唔少住係附近的街坊都會幫襯佢地我鍾意食辣同有嚼頭嘅嘢，所以就叫咗麻辣口水雞刀削麵麵店嘅裝潢簡潔，幾企理突然見到menu有道小食個名好得意~叫做芥辣猫耳仔就叫咗嚟試下，原本係芥辣木耳呢道醒胃小食木耳夠哂凍食落口感夠哂爽刀削麵上枱時熱辣辣，入口煙韌，軟硬度剛好，口感豐富。湯底清甜不膩🥰至於口水雞，以一人份量計算多，雖然唔係雞脾肉，但都幾滑。個汁少少麻、少少辣，唔食得辣嘅朋友都可以試下👍🏻🤤飲埋豆漿大滿足

今日近近地同屋企人去左紅磡食晚餐，呢間麵館個名好有趣，查完先知讀做＂黎華馨＂其實都冇乜點食過刀削麵，就試下啦！入面都夠光猛，仲有牆壁畫，望落舒服餐牌上大部份都係麻辣口味既野食，應該係四川風味吧得閒食下辣野都幾過癮！我地３個人叫左麻辣白菜豬肉水餃刀削麵、麻辣口水雞刀削麵、麻辣鴨腎刀削麵加涼拌青瓜同麻辣豆腐兩款小食。推介呢個麻辣豆腐，好夠味。青瓜就冇想像中咁辣，不過呢個有自制麻辣醬加就夠哂！水餃麵都係$38，係抵食既！鴨腎好多啊，本身以為得幾片，好爽口一碗份量都幾多，ｄ餸仲好足材阿，絕對唔係偷工減料麵質偏硬身，不過如果想軟ｄ都可以同店員講～個湯飲落都好清，鐘意食麻辣ｄ都可以再加自制麻辣醬，都冇點影響個湯既味道，仲多左麻辣香～建議三個人叫２款麵加小食Share食都夠XD

收左工同朋友喺紅磡附近食飯，見到呢間開左無耐既刀削麵決定一試。價錢大眾化，小食都比一般既餐廳平叫左兩個小食 涼拌青瓜$9同麻辣豆腐$18豆腐有驚喜👍🏻最期待係呢個口水雞刀削麵$52😻 佢上面啲醬同豆腐一樣都係好濃味! 口水雞又滑又入味，個刀削麵可以叫唔辣 我就叫左小辣，但係個人覺得唔夠辣加左佢地秘製辣椒醬👍🏻 最後麵份量太多食唔哂😭同行朋友叫左鴨腎刀削麵$46，份量好多味道不錯如果2個細食既人可以叫一個刀削麵再叫多啲小食

成日放工經過哩間麵舖都會會心微笑😂一直懶得查，同朋友講起都只會嗌佢做刀舌香今晚臨食之前專登查下佢個真正讀音😂😇原來係「麗、興、華」！我未入舖已經見有個伯伯喺門口望餐牌我準備入舖時佢就問我「好唔好食架？哩間新舖！」我話我都係朋友介紹第一次嚟😂唔知呀～如果我係下次再幫襯時遇到哩位伯伯，一定會答佢「好食呀！一定要試」我大概七點到，嗌咗個金沙骨刀削麵，配大腸。金沙骨有三個必試指數😂😂廚師真係無介紹錯，好入味又脆口👍🏻大腸更加係無得輸😍對於我哩啲鍾情肥腸嘅人嚟講我比五粒星🌟🌟🌟🌟🌟我真係無誇張！隔離台有個阿叔嗌咗一碟辣豬腸，份量多過我加配餸，但佢食完竟然再嗌多一份外賣拎走，可想而知🤷🏻‍♀🤷🏻‍♀萬勿錯過😍

刀削麵是中國傳統飲食文化歷史悠久！之前約定了每月跟老友記到見面，所以今日到紅磡的《刕舙馫麵館 》回味一下！ 地點靠近黃埔站b 出口，再步行8分鐘。 地方乾淨企理，也坐得舒適！ 適合跟朋友、老友記聚聚。 職員落單、上菜敏捷，即使急趕食飯時間也沒問題！價錢大眾化 HKD 30+ 至 40+ 還有種類繁多小食如麻辣 — 東坡肉、牛肋條、金沙骨 較為少有！ 牛筋腩 刀削麵 HKD 47 牛筋腩火喉處理得宜，夠棯身。　腩位最怕會黏牙縫而這個沒有！ 刀削麵硬度偏多一點，有質感～ 檸檬茶 HKD 8

當日同我心愛的男朋友打完排球之後，心癢癢！好想同佢食仲好野，於是又搵左d經濟又實惠的野。雖然係北方菜，這個水餃刀削麵用料不簡單！這款水餃皮薄餡靚，男朋友食到嘴郁郁！個刀削麵係現磨，口感十分彈牙！當日覺得，場地跟地鐵站不遠都係走咗15分鐘。裏邊環境尚算清幽，而且唔太嘈。最主要佢哋好多小食都係非常好食而且野味。例如凍檸茶值得一讚。麻辣雲耳更加係辣到頂心頂肺。豬耳仔更加tight好好食。嫲嫲最開心今日。

紅磡新開咗間 刀削麵 個名好特別 門面又好光猛 店舖乾淨企理 餐牌主要都係食刀削面為主 食麻辣 不過亦都可以揀唔辣 仲有少量嘅小食選擇麻辣豬耳 拼豆腐 $28豬耳少少麻辣 幾惹味牛筋腩刀削麵$47 牛筋腩炆得好入味 都夠哂淋 筋腩比例各半 份量都唔少丫刀削麵 煙煙靭靭 但煙靭得來好滑溜望入廚房 原來佢既刀削麵有部機係度即削。唔怪得條條粗幼度都一樣啦 同埋呢度上面都係由麵團即刻整出嚟 所以麵條保持濕度靭度 。金沙腩排刀削麵$46金沙腩排 啖啖肉 味道亦 醃得好夠。叫咗兩杯黑豆漿 跟餐 +$7獨立包裝夠衛生 唔會太甜 👌👌 整體嚟講 出面唔係好多地方有專屬刀削麵嘅 整體食物質素唔錯 地方乾淨 服務都大致良好 價錢亦都算合理 。

黃埔一向是美食區，是日來到黃埔旁的家維邨覓食～ 食個brunch ,, 見到間麵館名字幾有趣， 刀舌香⋯ 入到去無耐， 聽到隔離枱問個姐姐其實點讀～ 哦⋯⋯原來係讀「麗華興」Anyway~ 點左個麻辣口水雞刀削麵， 最初食刀削麵喺大陸， 北方的麵食都做得很不錯，麵質有嚼口，可以用” Al dente” 黎形容，而且麵有小麥香味～因此刀削麵係粉麵類之中排位是頗高的 睇完餐牌，價錢大約在40-60$ ，相宜可接受的價格～ 可選麻、小辣辣或不辣上菜挺快的， 清湯+ 幾條菜， 麵質口感較似以前吃到的， 麻辣雞層次豐富，雞肉味香， 湯底清甜，下次再來試試其他的

話說今日收工早走要去紅磡工廠區度攞淘寶集運 ,拎完嘢之後見到好奇怪嘅麵店名,好奇之下 驅使我去門口睇下,入到去見到裝修光猛,而且係食刀削麵嘅,於是就吸引咗我入去食晚餐。入到去見到餐牌價錢面唔算好貴,而且見幾大碗於是就同朋友決定係喺呢間舖頭度食。間餐廳到底叫咩名呢?刀舌香??紅底白字嘅餐牌 同個招牌一樣互相呼應朋友想食口水雞不過唔想食太辣 ,於是佢就試下問店員有冇得走辣,答案係竟然有喎! 味道好似酸酸甜甜咁 如果係我就一定要揀麻辣起碼都香口啲。 麻辣口水雞刀削麵 -$45口水雞件數都算多,好抵食呢度嘅刀削麵,其實係有一部機削出來的,我哋喺出面會見到果部機。 如有客人落單,廚師就會即叫即整,即叫即做務求令每個刀削麵都係煙韌軟綿有口感麻辣牛筋腩麵 -$47牛筋同牛腩都有成7-8舊,牛筋有咬口,牛腩又香又淋。同其他啲面店一樣,如果你覺得啲麻辣係唔夠嘅話,枱上面有一樽麻辣醬畀你去添加 夠曬體貼

這家店的名字好特別，小妹讀得書少真的不知道這家店名怎樣讀。每次經過都會被它的名字吸引，都很好奇它是吃什麼菜的。今晚自己一個人吃，剛好經過就進去了。它的菜單不複雜，主要是吃刀削麵，還有麻辣，最合我無辣不歡的口味。我叫了一個「麻辣安格斯牛肋條刀削麵」它的菜跟麵是分開上的，這樣很好，可以分別吃各自味道又可以放進湯撈埋一齊食，這個刀削麵真的好吃我中意夠彈牙。牛肋條的麻辣好香，又不會很辣，但對我來說就比較韌了一點點。它的小吃都很不錯，麻辣皮蛋很香。下次會再來，我喜歡這家的麵，看得出老闆的專注，用心。

今日等埋朋友收工一齊去做gym, 係附近搵野食下先。見到呢間"刀刀刀 舌舌舌 香香香" 麵館個名咁得意，又有麻辣野食，就揀呢間！睇睇餐牌，店內除左麵食外，仲有好多小食供選擇。Yeah~點左個一個人的晚餐-麻辣炸雞翼刀削麵。一向對刀削麵無咩特別興趣，不過黎到呢度無得轉麵條，就試下個刀削麵！呀，點知呢個刀削麵真係有驚喜喎，麵質夠滑之餘，仲好有質感，少少彈牙，幾好食喎～炸雞翼夠香夠脆，最正係旁邊既麻辣加蒜蓉，超正！！麻辣味岩岩好，點雞翼同撈埋個麵食都得，讚！！見到d小食都係忍唔住，點左個麻辣青瓜，酸酸辣辣好好味。食埋個青瓜真係夠哂飽～正呀今次自己一個食唔得多野，仲有好多款小食想試 (例如鴨血拼鵪鶉蛋，麻辣金沙骨等等). 下次要帶埋朋友黎食，試埋其他野先！

今日同朋友土瓜灣一日遊(其實唔係因為朋友住呢度都唔會來😜)朋友介紹我食呢間"刕舙馫麵館"，呢間我到而家都唔識讀嘅鋪名，原來係咁驚喜! 我自己叫了麻辣金沙骨刀削麵，金沙骨係另上嘅，一來到香噴噴，炸得剛剛好有肉汁，完全唔會乾，仲有我至鍾意呢生蒜溶！朋友點了招牌嘅麻辣牛筋腩刀削麵，佢唔食辣叫了走辣，我試了牛筋，炆得好林好入味，另外，刀削麵好有口感，其實方間都唔係咁多地方有刀削麵食，所以好有新鮮感!最後還叫了兩個小食: 麻辣豬耳及皮蛋豆腐我要推介皮蛋豆腐!! 豆腐係好有誠意之作! 驚喜! 好大件又好味!

上次對依到既刀削麵同自家秘制麻辣醬食過番尋味，不過上次太晏黎就收舖咁滯，有好幾款小食都賣曬食唔到！！！今次合巧去紅勘睇傢具，睇完坐的士係家維邨到落行兩步過去，一落車即刻望下隻錶！“5點幾”，心諗“嗱！今次一定未賣曬啦掛！！”最好我都叫到想食既野，食到上次食唔到既野！！人有時就係咁執著~想做一樣野一定要做到！想食一樣野一定要食到！ 涼拌青瓜$9，平到笑，雖然9蚊咋，但份量都唔小！青瓜新鮮爽脆入味！ 麻辣皮蛋$18豆腐$18，有得雙拼$22，但好鐘意食就各一碟份量多d！皮蛋靚爆花，煎炸過既豆腐口感外面硬硬地裏面嫩滑，有口感，麻辣調味入到豆腐裏面，好夠味！真係必食之選！！！ 麻辣鴨血拼鵪鶉蛋$30，鴨血僻到個種血腥羶味！依個又係必食！金沙骨刀削麵：我見到金沙骨係餐牌有“3點•••”係店內推介之一，果然無失望！炸既火候拿捏得很好，好野味，咬落有肉汁肉嫩！ 刀削麵，麵質煙韌比一般麵條更有咬口更好質感！湯底伴埋蒜蓉同麻辣醬，成個湯好香味道濃郁！！！ 炸雞亦色澤金黃自制麻辣醬，真係想問有無得買！！超市根本搵唔到依d麻辣味！！影左個餐牌，真係樣樣都抵食！依到既野食雖然樣樣麻辣咁滯，但所有食物都可以轉唔

因為難得有時間～決定帶媽媽去食最鍾意嘅刀削麵！呢間小店非常方便～只要喺家維邨行過少少已經即時到達！最犀利就係招牌上面三個字拆開我就識讀～合埋一齊真係冇個識！🤣🤣大家有興趣真係可以問吓店員😊我相信佢哋都好樂意解答😂好多人都會問～我同媽媽分別點左～麻辣牛筋腩刀削麵～麻辣金沙骨削麵^_^由於有啲肚餓加少少為食所以叫埋牛展首先麻辣牛筋腩刀削麵～好細心用分開上嘅方法！令到我可以一開始先試一試呢間鋪頭嘅湯底先～湯底清甜鮮味～一絲絲麻辣的味道慢慢在牛腩中滲出來～牛腩非常入味入口即溶而且鬆化！金沙骨刀削麵～只可以用好抵食來形容！足足有4-5舊～而且條條都好大條㗎⋯⋯口感鬆化香口，不會太韌～表面金金黃黃香香脆脆！刀削麵爽滑彈牙～麵條絕對值得一試麻辣牛展～配上秘製的麻辣汁！新鮮的牛展爽脆爽脆～口感真的很清爽😘😘諗返起都流口水～總括嚟講呢間小店直情大件夾抵食～最緊要係好食絕對值得一去再去

好耐無食刀削麵，在openrice搵到呢間 刕舙馫，個名咁有趣，就一於試下。Menu 好多麵款選擇，而且價錢也好經濟。店內的壁畫幾靚又幾吸引。麻辣牛筋腩刀削麵 $47牛腩好腍好入味，中間帶點嚼勁，而牛筋滑身好味。麻辣金沙骨刀削麵 $46辣度另上在配料，不是加在麵中。金沙骨炸的乾身脆口，肉質好juicy~正刀削麵煙韌彈牙再加生蒜及辣醬，不錯。涼拌青瓜 $9$9一碟好抵，酸中帶少少辣。凍豆漿加 $7是鮮豆漿，味道不錯