利強記北角雞蛋仔 (Closed)

路過灣仔..於是都係忍唔住買買黎試下...都等左成10分鐘... 即整即食嘩...真係好脆呀... 外脆內"lum"...好好味

食完麻麻0地好食的車仔麵, 0黎買一底雞蛋仔 ($11) 當飯後甜品.因為個紙袋係透氣的, 要求了阿姐額外俾個膠袋我笠0係面「擋雨」, 阿姐亦細心提醒「隔一陣先入袋喎! 如果唔係會腍0架!」, 幾好招呼. 不過當然, 新鮮整起熱辣辣脆卜卜先最好食, 結果返到 office 前已食了一大半了 外層好脆, 內部就係半空心的, 煙煙韌韌, 口感好似 Panash 的「芝士麻糬」, 好食. 蛋香都有, 不過比起牛頭角的炭爐檔, 就差少少了. 如果可以食到一底雞蛋仔有牛頭角的蛋香及呢檔的外脆內軟, 就真係 perfect 了, 有無人有好介紹呀?$11 一底, 比好多地方貴少少, 但又比好多地方好食, 都唔係真係咁貴的 -- 你話 $11 一底水準雞蛋仔抵 d, 定係 $10 一包老麥薯條呀0拿?

外脆內軟!!!!! 真係好唔同..之前我以為自己食個間係呢間...原來唔係! 個陣仲諗住唔寫食評啦都唔係好特別.原來呢間先係真的好味雞蛋仔..真係好味架不過睇落覺得好dirty 佢d蛋漿成個櫃枱都係 11蚊太貴..... 唉只係蛋+糖啫....雖然都唔算細份... 都要11蚊 但係都忍唔住買...太好味太香

食完大利返屋企途中, 一定會買雞蛋仔, $11, 同上次一樣總係覺得北角既靠有蛋味, 不過, 今次既好脆, 內裡亦唔會空心!

四月廿二日(星期二)同老公食完再興後行經呢度,當然要食雞蛋仔啦!都幾多人等!排左一陣就有得食熱辣辣既雞蛋仔喇!佢地有成5部雞蛋仔機整所以都幾快有!同埋幾脆幾香呀!正!^^

剛剛跟同事吃完晚飯分手，還是覺得有點意猶未盡~記起在附近有北角雞蛋仔的分店，二話不說跟女友走過去了。當時大約是晚上八時多，但是小店前仍有數個客人在等候，我們等了大約十分鐘，一個熱哄哄的雞蛋仔便出現在眼前。吃這些脆口小食，味道最好的時候就是剛剛做起的那數分鐘內。這個雞蛋仔特別之處，是它的蛋香和椰汁香味比一般的重，外脆內軟正好可以用來形容手上的雞蛋仔。一般的雞蛋仔一是外層有點硬，不然就是偏甜或沒蛋白味。吃完後，我倆便心滿意足的回家去了~ ^^

早前在灣仔地鐵站A4出口旁等朋友時，因為肚餓就在旁邊一間小食店買了底雞蛋仔吃，朋友來到後見我在吃，問我為什麼不去對面那間買﹖那間出品是最好味的。說後叫她帶我行去看看，原來是”北角雞蛋仔”。今日剛好經過這裡，又剛好肚子餓，見得幾個人排就照去，突然被阿姐叫我過去，說那人龍是買另一些熟食~~:b新鮮出爐雞蛋仔，成為$11，大底過上次在對面那間小食店。拎到上手已聞到極濃的蛋香，外表啡啡地，粒粒飽滿，口水不自覺直流XD。吃入口又是另一回事：有點點燶味(輕微的)﹑超脆卜卜，連邊邊位也脆口非常，可惜中間是空的，沒有本身屬於雞蛋仔的外脆內軟的特色。吃了半底已經不想再吃(不知為何覺得味道會很悶)，平時是會忍不住口吃過清光…以後還是買其他小食店做的好了。

今時今日咁既服務態度？？？我是雞蛋仔／格仔餅之謎，之前食過北角那間，雖然質感OK，但店員態度很差，我order 時要走牛油，店員話唔好講住（我估佢\可能驚自己唔記得），「企埋一邊先啦」．語氣很差．吃到大打折扣．后來灣仔開了，正如前讀者話齋，「今次俾多次機會」，再試一下，店員態度一貫很差．佢\俾佐第二個客先都算啦．今次我想分開個格仔餅一半，佢\話「漏緊啦!」，跟住俾佐個污漕紙袋我就算．今次我很生氣，我話：「你咁即係叫我自己滅啦！」跟住另一店員才幫我分開，但已是糟質到污漕辣塌了．至於食物質素，其實只是一般，沒有蛋味，奶和醬太稀，水Wong wong的流到袋底了。如果是出名的話，真的有点名過符實．They advertise themselves about how famous they are overseas, but their service will ruin the reputation of HK! Compare to the next shop selling snack food (siu mai, fish ball, etc.) the attitude is a

此店已在不同地方開了分店, 昨天吃了粉麵, 覺得胃仲有少少空位, 於是問得老公准許(因為我吃不完一底)!二人分享一底雞蛋仔, $11! 原來已加了一蚊, 等了三十秒便有新鮮熱辣既雞蛋仔, 粒粒都好脆, 對雞蛋仔唯一要求是夠脆夠熱, 有沒有蛋味, 雞蛋仔內有沒有填得滿滿的對我來說反而不是最重要, 追求的只是童年的一點點記憶!

昨日去灣仔開完會，行經呢間雞蛋仔檔，知道係北角雞蛋仔的分店，有人排隊但又唔算多人，見肚餓，所以就買一底雞蛋仔食。佢o的雞蛋仔好就好在邊位好脆，而雞蛋仔粒粒夠鬆軟而又有咬口，唔似旺角街頭賣既淋淋既粉漿；不過我略嫌蛋味唔夠濃，而且雞蛋仔粒粒只係一半有粉漿，另一半係脆皮殼，中間係通空的，每一口咬落去時都會被脆皮"慘"口，食左半底後我既口都損晒。至於店務員，其態度係可接受既晦氣，可能我冇expect 佢地要好有禮貌啦。總括黎講，呢間的雞蛋仔都ok，但唔突出，在灣仔區可算係一個唔錯既街頭小食的選擇。

金科玉律第一千零一條：新整難食極都有個譜。金科玉律第一千零二條，是一塊有深坑的鐵模。格仔餅用上的蛋漿，並不是什麼secret recipe，但當蛋漿往深坑內一灑，電鐵板的熱力，令蛋漿滋滋作響；當最頂的蛋漿剛熟之時，最底的「格仔」便是剛脆脆之時。加上雲呢拿油的百里香，那有沒食指大動的緣由？

大大話話吃過北角的格仔餅, 沒有十次也有八次,外脆內軟的, 混醬的甜味, 令人回味無窮。來到灣仔這間, 是期望太高了?整塊餅林pat pat的, 沒有一個位置是脆的,也許火喉未夠吧, 當它是一般的格仔餅看待,尚不致失望, 說是北角出品的,就令人跌眼鏡~ 區區十蚊雞, ok 啦~

知就知道呢到有間賣雞蛋仔﹐但係無來幫襯過。所以琴晚就來試一試。排緊隊買雞蛋仔時﹐見到佢地賣魚蛋﹐牛雜個阿叔筆左一大殼白色結晶體既野落佢果大盆牛雜裡面﹐然後係到攪。我心相信應該係味精。都係小食為妙﹐因為真係好唔健康。雞蛋仔方面﹐同一第既雞蛋仔烘烤情度唔均勻﹐有一部份白灑灑﹐一部份中啡色。有幾粒D餡仲唔係好熟。以後唔會尊登來食。

常跟此店擦身而過，只是每當看見那長長的人龍，就經已叫人倒胃。這個下午，卻給我遇到那難得一見的冷清。愛花巧，單調的雞蛋仔，從不是我的那杯茶，反而愛吃那夾料多多，又甜，味道又豐富的夾餅。在陽光下來客外賣夾餅，呷口香檳，這樣的一個下午茶，好賞心。夾餅是即叫即做，是毫無疑問的新鮮。餅身較坊間的厚，質感十足，蛋香洋溢，略脆，但又富彈性。只是牛油、煉奶、花生醬跟砂糖也下得不足，未能把夾餅那繽紛多變的性格帶出，似是位掛素顏的Cosplay少女，格格不入，略有所失。愛吃甜，只因在生活中，缺乏了甜蜜因子，只有在甜食中，方能補充那難得一嚐的甜蜜養份。

7.17 (tue)　上次去北角正舖，失望。今次俾多次機會，經過灣仔就黎食下，點知仲差過上次。味道唔均勻，有ｄ冇味，有ｄ好"lone"，有ｄ有少少滑蛋中心，大部份都係空心。勁"lurk"水。同意佢service係差！