利強記北角雞蛋仔 (Closed)

4月11日, 喺灣仔等車返大陸, 所以食少少野先, 排咗一陣隊, 就買到好想食既格仔餅~::: 格仔餅 ::: $12雖然$12係有少少超過格仔餅本身嘅價值, 不過食一啖就已經感覺物有所值, 蛋味香濃~ 超級鬆脆但絕對唔會有少少燶喺面, 火喉時間控制非常好!! 件頭亦都算大, 同一底雞蛋仔有得比~ 裏面加嘅都係正常料, 不過真係個蛋漿已經冇得彈, 咁多人排隊係真係值~個舖已經有好多夾餅機器同好多員工, 都仲有多人排隊~ 下次再食埋雞蛋仔~ 黎到灣仔搵小食非佢莫熟~

經過尖咀嗰間風吹雞蛋仔...我都忍得到唔食點知一出灣仔地鐵站俾呢一間吸引住...由於近日好想食格仔餅但到到都冇好味的~見到佢立即整~而且雞蛋仔係要排隊的~好似有信心保證咁果然冇令我失望立即整的格仔餅~熱到拎都有少少困難但係佢個外皮脆同時又夠厚蛋味香唯一美中不足係煉奶稀左少少令到佢d奶向下流~個餅冇咁甜但真係好滿足~好味的格仔餅比雞蛋仔仲難搵到~我搵到啦~~~比普通的貴少少~都好值得~

同女友經過,D香味實在吸引呀!!咁同女友買左1個雞蛋仔同1份夾餅啦.等左陣.好新鮮熱辣.個雞蛋仔女女友覺得非常好味.外脆內軟.味道夠香.而我就覺得口感不太好.咬落去好似咩都冇咁.不過味道都唔差呀.!到到個格仔餅.平時唔係好食格仔餅GE我..佢令我愛上左食格仔餅,比平時D大同厚.咬落去好軟好香.加埋D醬.簡直1流!!!同我之前食GE好大分別!!諗返起都突然好想即刻買返個黎食!!!最衰同女友掛住食冇影相.下次1定影返幾張!

食底雞蛋仔都搞到一肚火...今日跟同事兩人去買雞蛋仔，一底12蚊。排到頭位, 同事問阿姐兩底雞蛋仔幾錢, "22蚊!", 我就將我份錢俾我同事, 阿姐見到此情景就懶醒咁話"你地兩個唔識o既, 夾錢買! 12蚊一底!" 我地咪話我同識架, 同事黎架, 阿姐仍然要收$12 一底, 結果我走開, 淨低同事一人買兩底, 阿姐都係堅持收$12 一底。 最終當然不歡而散啦! 難道要即場一條友啪曬兩底雞蛋仔, 才可以用此優惠?! 以後不再幫襯!

太令人失望！我上次都講左佢好偷工減料，但以為可能係無心之失，今次突登再買黎試下！俾多次機會佢！如果係OK既！我一定唔會再話佢！點知....好失望！今次冇上次咁薄，唔係好似紙咁，但依然冇料到不得了！佢有幾底雞蛋仔整好左放0係櫃入面，但佢唔俾我，反而俾佢剛整好既我！唔知係好心定有意！佢一抆0個底雞蛋仔落黎！成底雞蛋仔已經散晒入個袋度！攞明就少料都蛋仔同蛋仔中間連痴都痴唔住！我見到個袋入面既雞蛋仔冇一粒係孖既，我就好激氣！估唔到會變成咁！我以前，講緊係大半年前好鍾意0係呢度買，以前唔係咁差，起碼叫正常！唔會散到咁！駛唔駛咁慳呀？我唔會再幫襯！好離譜！

在小衹園嚐到失望滋味就搵番我既小食至愛 - 雞蛋仔, $12, 由 $10 到 $11到 $12 / 底, 為什麼不是共渡時間價?即時買了上 van 仔, 熱到夠, 脆到夠, 可惜已沒有最初的滿足感, 蛋漿不是粒粒也飽滿, 最多是一半, 有些是空空的! 如果大家也是雞蛋仔迷, 除了此店外, 還有其他出品能做到粒粒也飽滿嗎?

上一次打雞蛋仔食評的心情，到今天還記得清清楚楚。今天沒有了當天的烏雲在頭上，一切看上去又回復原狀，但充滿著暗湧。上一回牛頭角的雞蛋糕，個人對此有保留，說過要吃半實心半脆，就想到要到北角，灣仔的北角雞蛋仔也收貨吧。要吃這雞蛋仔，排隊就是例行公事。要貴過人又要人排隊，但排得心甘情願的，只因它好吃。眼見雞蛋仔的做法，與北角的總店是一樣的。熱烘烘的雞蛋仔烘好後慢慢地開出來，面的部份呈微啡色，就是店子的代表作了。未上手就知道會很熱，先試邊位，確實很脆。咬一口雞蛋仔，蛋香是幾好，不過不夠以前的香，一試就知道是我最喜歡的半脆半實心了，一半雞蛋糕狀也不失其脆口的感覺，令一半是薄薄的脆口。要兩個人吃得快一點，到最後一粒也是熱的。如果要比，北角總店是脆一點，不過有時會過了火位。這兒試的也做得廷好，是我好運嗎?味道 : 9分!

我成日經過都會買，每一次都覺得就算水準不一，但都一定比出面既雞蛋仔好食！但今次真係好激氣！今次係第一次佢有成幾底雞蛋仔攤左出黎，長買長有的一次！我一接過雞蛋仔，都覺得同之前唔同！超輕！唔係講笑！真係超輕！今日係09年01月16日既兩點半，心知不妙，即刻MEET一粒黎試下先！失望！超超失望！我好想回水，點會咁架！完全唔係我食開，有口感，一面脆脆但放落口仲有得趙，一面有軟綿綿既感覺！今次我一MEET, 碎晒！佢個面竟然神乎奇技地薄過張紙！底層當然有料極都有限！又唔暖！唔通真係冇人排隊就唔應該再買？調味還是OK的，只是質感比人地普通街邊賣梗十蚊底的仲差，點解要買佢？我每MEET一粒，就嬲一嬲！最憎食野食到輪輪盡盡，但佢真係薄到一MEET就碎，可以點？唯有怪自己倒霉！我盡量用IPHONE影低佢個面層俾大家睇，唔知大家睇唔睇到！佢係可以由頂部清淅咁望到窿窿, 透視到底部的呢！仲有影埋個橫切面俾大家睇！我好少影相咁認真！但真係太激氣！要影低晒佢黎REMIND自己冇人排隊唔再買！

上回提要: 同日先後到訪過 Cafe O 及 Subway, 正值回程時侯. 想起北角雞蛋仔就在地鐵站附近, 就抱著 '拎個尾彩" 的心態跑去一試.六時正, 人龍短短. 排了 2 分鐘就買到. 但就真係買完一肚火 友人走到阿姐前, 阿姐低頭自有自忙. 我們不趕時間, 本打算叫她即整一底. 阿姐五秒都沒開口, 甚至沒有看過我們一眼.突然間, 另一阿姐手中拿著一底雞蛋仔從後殺出, 臉帶不耐煩, 聲大夾惡叫道: "係咪要雞蛋仔呀!?"姑勿論店舖沒有心照顧客人特別需要. 就算我地反應真係遲都唔該比 d 禮貌, 再講, 阿姐又唔係用個口整雞蛋仔. 個口係用黎講野架! 等足五秒咁惡叫我地要底唔知邊到閃出黎既雞蛋仔...開口問聲都唔識, 佢啞左呀?本來諗住谷氣都算, 寫食評應該中肯, 不應讓怒火蓋過理智. 我們不和阿姐一般見識, 拿了就走.雞蛋仔僅剛暖. 蔑出黎同入口就好脆. 不過食真 d? 零蛋味, 一粒雞蛋仔一半係空氣, 十足十 air 鞋箭, 証明用料唔足. 得個脆字有鬼用咩, 我地又唔係當佢薯片咁食.一日三站的美食之旅, 多謝北角雞蛋仔劃上一個不和諧的休止符.味道得過且過, 加上惡劣服務 (

2009-01-10有人龍，可能同我一樣都是慕名而來天氣凍，吃點熱烘烘的可以暖暖個身排了兩個字多o的就買到，咁即係……幾熱啦，搣出來係脆，再食，oh dear…… 無蛋味，得個脆字，內裡亦空洞$12 一底，我覺得好像蝕o左錢

昨日出去灣仔唱K, 原先搭車途中, 係我先話想食雞蛋仔, 後來係老公話想食, 以前覺得利強記雞蛋仔好好食, 昨晚再幫襯, 覺得用料少咗, 質素差咗, 無咩蛋味, 好彩雞蛋仔仲係脆身, 但內裡大多空心, 無以前咁足料, 味道還可以, 但真係無以前咁好食喇, 退步咗!!!

行完附近電腦商場後, 看這裡人氣旺盛, 行近看原來正熱賣雞蛋仔. 這食店同時兼營牛什魚蛋等, 在這狹小的地方一旺一靜形成很大對比 牛什$10一小碗, 吃著其實份量也不少, 牛肚夠軟腍, 牛腸酥軟夠肥美, 炆得亦很入味, 整體水準不錯, 拿著在路邊聽著聖詩也很不錯

路經"利強記北角雞蛋仔",往往也有一條長龍在耐心等待,事實上又有多少人真的喜歡它的雞蛋仔,而不是因為它的聲名而排呢??<雞蛋仔>本人認為"北角雞蛋仔"之所以好吃,除了他們的技術外,主要是因為他即叫即弄,熱烘烘的雞蛋仔格外好吃~外層脆脆的,內裹是軟軟的不像一般小食店,烘完後便放在鐵架上放涼,令到雞蛋仔變冷之如,外層已經不脆~<格仔餅>一般的格仔餅弄得薄而軟身,有一些還會是"林"的~而"北角雞蛋仔"的是厚而脆身,但未至於似餅那樣脆~脆或軟身其實是因人異議,但它的格仔餅無可否認是特別的可能因名氣關係,加上密密的長龍,"利強記北角雞蛋仔"的服務生自自然然忙得氣也喘不來,可能是這個原因,質數好像每況愈下~近期吃的雞蛋仔外層是熱和脆,但一點蛋味也沒有而它的格仔餅還是厚和脆,只可惜它變得冷冷的,而且餡料不夠實在是大失所望~~~~~~

前陣子開會，開會前當然要醫肚因為一個會分分鍾開到2300...嘩心血來潮去食雞蛋仔呢間野我早陣子都食過…其實味道都可以既…但今次……好似比上次差。首先講下排隊…又係一條長龍。等左十分鍾我叫左一客雞蛋仔同埋格仔餅好熱，個格仔餅入左袋再埋個膠袋。當然第一件事就食左個雞蛋仔先冇之前咁脆…而且蛋味都唔多…灰灰地...唉。其實睇佢整果陣D 蛋漿白到似奶就知。某某果D 真係奶黃色架……(疑似總店果間)一入袋已經FEEL 到雞蛋仔唔脆…慘。反正都唔脆結果我食左一半到就去試下格仔餅..EEEE 有料到喎一開波有條半員型似脆條的東西好脆好香口喎點埋練奶加花生醬。好食喎……食完條格仔條後就真真正正試下個格仔餅凍左少少，但係都仲好脆口好味好多喎…雖然蛋味一般…始終格仔餅少D蛋味係正常加埋練奶同花生醬…的確唔錯。只可惜佢唔係用粗粒果隻花生醬。咁野會有多D 不唔既衝擊不過食食下我係想飲水，越食越口乾.....總括黎講…今次試過格仔餅後，去呢間野食我諗都會叫格仔餅。而雞蛋仔就反而要諗諗。價錢，我覺得個格仔餅就值，而個雞蛋仔就....唔多值囉

在灣仔，不知道為何會有北角雞蛋仔加觀塘牛雜大合拼。在北角雞蛋仔post 魚蛋也是怪怪的，不過我還是要打這個post。人人在排北角雞蛋仔，我也試過排，味道就好像北角的，見他們現在不用中國蛋了，不知道味道有沒有改變呢。今次要推介是比較少人留意的裕民坊的牛雜的旁邊 - 好味魚蛋。魚蛋不是平日咖哩浸至啡色的那種，宜今次只是清清的魚蛋，即是如果沒有汁是沒有味的那種。可能你會問，那有什麼特別? 其實精髓在汁上面，汁是濃濃，合了很多醬料的汁。汁的份量很多，夠你吃兩串魚蛋的。不過就不是辣，是女孩也會接受的辣味。我想，生根用上這汁可能會更好，下次一定要一試。