利星火鍋海鮮小炒

Open Now

Now Closed

友人於深水埗政府合署工作，由於工事路經，所以便相約一聚共進午膳，擁主場之利的他當然要指點迷津作出用餐選擇，他毫不猶豫地選了這家中菜，我便立時搵位，不浪費時間。此店午市是飲茶吃點心之地，不過尤於打工仔lunch time一刻千金，故不能盅兩件慢慢詳談，於是我們便選了麻甩碟頭飯，眼見即叫即炒粉麵飯才四十多元，所以便選了星洲炒米，而友人則點了枝竹石斑飯。先上例湯，甚是足料，後上碟頭飯，完全是霸氣，份量大得驚人，吃了四小碗(一般酒樓碗)才吃掉了半碟。友人和我均是食得之人，最後也未能美人照鏡，兩碟都剩餘一點，味道不錯，可惜有點兒浪費。我們決定下次再光顧還是叫一碟再加點心方為上策。

媽子生日原本book左自助餐，但最後媽子都係選擇去食中餐，之前同佢嚟過食讚口不絕所以最後改去利星。 今日靚仔老闆是日推介了大大隻避風塘瀨尿蝦@138一隻，特價$10蚊一大碟的炒花甲，本地龍蝦蒸糯米飯，仲有餐牌上無的石煱豆苗。兩老食得非常開心非常滿意用心小店，要多多支持

友人介紹來呢到食飯 一於book返圍生日飯先今日有幾個菜真心好 希望小店都能生存 不用成日飯集團呢個焗魚腸 唔腥又香 表面仲係燒脆左 好正小炒王 有鑊氣 咸香 送酒一流燒鴨 厚肉多汁 皮脆 甘香 大集團係不會食到個勝子皇勁香勁正 彈牙無沙羔蟹糯米飯 蟹肉香甜 又勁多羔 好香好正啊 仲要糯米飯都好軟糯香甜 好出色！至愛乳鴿 炸得香脆入味老闆仲將送比我地食既桂花糕圍住個蛋糕 有心意 又同我地飲酒傾下計 員工亦都禮 在這年代已很少有這人情味 以後會多黎 希望能保持多啲小店比香港人選擇Ps其實杏汁白肺湯 係超級正 好濃好香杏汁而不會搶去白肺清香 不過未來得切影相已飲曬了

深水埗街坊相信冇人唔會唔識利星小廚！💕深水埗地鐵站A出口一出轉右行幾步就到超方便！👍🏼利星小廚親民同好有人情味應該全街坊都知！🥰而且之前仲做過好多善事，派飯比有需要人仕同長者！👴🏻👵🏻🥰呢度都長期大排長龍！💕因為食物質素方面真係唔錯！👍🏼🤤避風塘茄子！🍆芥茉牛柳粒！🐮鐵板燒聖子都係出名既招牌菜！👍🏼😋不過其實最想試佢隻雞！🐔🤤據聞好好食同好嫰滑！🤤🐔記得一定要留，因為每次黎到雞好快賣晒！😭🐔成日留枱又唔記得留隻雞！🐔😭下次再黎幫襯既時候一定要食到雞！💪🏻🔥🐔#利星火鍋海鮮小炒#深水埗福華街151號地下

同親友6大3小1嬰兒外出食飯，搵適合的餐廳真是唔容易。今次呢間感覺不錯。職員知道有bb車，當然已安排較鬆動的位置，又協助我們順利入座（有小朋友的家庭會明白的）。叫左8樣野，都是一般小炒，由於有小朋友，叫左黃金豆腐、金銀蛋時蔬、蒸蛋、生炒骨等，份量足，味道不俗。亮點是冬瓜盅，約$3xx，份量足夠12人，味道鮮甜，材料充足，不是味精味（唔會食完口渴），侍應仲在中途好細心咁幫我地舀冬瓜盅，話驚我地以為已經食曬，經過佢舀一舀，真是多左幾碗。夏天消暑佳品。埋單唔洗千二，價錢中等，服務好。

今日同一大班朋友去食飯食左都好多碟野都唔一一講喇,講重點隻雞都幾滑幾香雞味小炒王辣度OK,料都幾足夠同埋幾香口豬肺湯幾好飲清清地唔算多味精炸大腸就一般般喇樣鹽鮮魷都OK啦蒸豆腐個味茶就淡口左D,唔太好食

母親節飯: 一枱7個大人，兩個小童一齊食小菜。最滿意係個千層豆腐，平時兩個小朋友坐埋一齊未必樣樣岩食，但竟然好食到連小朋友都同我地大人爭食 xD 炒好爽口，同埋個菜好新鮮，芥蘭既色擇睇落係高質食材.. 加埋呢條魚既茄汁送炒飯真係一流既一餐!

母親節一定會食大餐，深水埗從來不缺好餐廳，這間真不錯！餐廳招牌菜「焗魚腸」真心正！坊間提供焗魚腸的餐廳已經少見，這間可算是做得出色的一間。外表金黃香脆，魚腸爽口。乾煸四季豆的朋友「乾煸椰菜花」同樣值得一讚，表面乾身不會滿是油光，更保持爽口，蝦乾惹味。受店員推介，點了「㰖角冰梅骨」，肉嫩不會太乾，配著酸甜交織的汁醬同吃，好味道。另一推介「芋卷」外表酥脆，芋蓉香氣十足，夾著爽彈蝦丸。「小炒王」果然是王者，食材足鑊氣夠。「椒鹽仙魷」炸得金黃香脆，酥香無比。「有錢佬炒飯」，滿滿的瑤柱，好富貴。連間單一碟「椒絲腐乳炒通菜」也鑊氣十足！最後貼心奉送一客「桂花錦䱳」，真心飽！

一早經 open rice 訂左位，已經是幫襯了好好好好多次，食物水準也能保持得很好，生炒骨上台後仍是脆的，魚腸焗蛋 ..... 正正，美道剛剛好，新鮮食材，食物有質素的，豬肺湯要提前預訂，忘記了啊⋯⋯真是好好彩，聽到隔離台落單，老闆問完廚房話還有餘下一個，立下大叫大闆馬上要了，哈哈哈，一來到賣相已經十分吸引，奶白色湯真是色香味俱全，熱辣辣的令人回味，而价錢價錢亦10分合理，真材實料，味道濃郁剛剛好另點了荔芋脆卷，外層脆卜卜，內裡綿密芋泥，滿足.... 最後點個什錦煙肉大盤菜（椰菜花）惹味香口，最後送上紅豆榚結尾，滿足的一餐。

平日我都有來利星食晚飯味道非常好，我家人更喜歡價錢又公道，通常我見到食評都係講晚飯我就想講下飲早茶，有一個朝頭早同朋友行過，原來呢度有早茶飲，我就同三個朋友入去試吓利星嘅早茶，試咗幾個點心叉燒腸粉心雪山叉燒包心牛肚心蘿蔔餅我就比較喜歡幾個味道非常好味，我覺得可以介紹俾朋友一試！

book左7點黎到安排有二樓既位置 檯好大張，座得好闊落叫左芥辣牛柳粒 $ 166 ,唔算好重芥辣味，但依然好味三蝦上湯浸時疏 $138 ,嘩好鬼大碟，仲好鮮甜黃金鮮魷 $ 108 , 炸粉薄好香鹹蛋正呀酥炸桶蠔 $ 188 , 蠔無味的不好吃冰梅欖角骨 , $92 , 酸酸甜甜甘，幾好味喎胡椒味菜大蜆煲 , $168 , 超大煲呀見到都流口水，蜆好多湯又鮮甜，索埋d粉絲好正呀，不過多D胡椒會更好薑蔥魚雲煲 $ 92 , OK 啦蒜香蔥油雞 , 268 , 雞好滑仲有勁多既蒜蓉 ，超香！好食呀紅燒乳鴿 , $ 68 , 都幾多肉喎，唔錯辣酒煮東風螺 , $ 92 , 又係好大煲袈螺細細粒，辣就唔算辣，落左好多香料同酒好重酒味呢度真係好味又大碟，食到LAM LAM 利帶蛋糕黎如果食滿人頭每人200蚊，就可以免切餅費 $100 八個人，埋單$1849 , 符合要求，可以唔使收了呢道又夠冷氣，座得好舒服，員工都幾好人

一班人食飯食乜好? 今次我同朋友就揀左依間係深水埗食小炒既飯堂 - 利星火鍋海鮮小炒，放工搭地鐵係深水埗站落車行兩步就到，真係超級方便。朋友話黎到依度一定要飲杏汁豬肺湯，不過依個湯要預先訂，如果想飲既話記得提前落單。豬肺湯呈奶白色，陣陣杏香撲鼻，口感滑溜。好足料，湯入面既湯料都可以食，連平時唔食豬肺既我都覺得唔錯，好軟腍好入味，推薦！因為人多，我地叫左個利星炒飯，今次依個糯米飯係連熱鍋一齊端上枱，可以一路keep住飯既溫度，一大班人食飯時叫都幾好！好大鍋，賣相一流，而且米飯粒粒分明好乾身，每一粒都沾上顏色而且好入味十分吸引！依個蒜香骨好有鑊氣好惹味，朋友都食到停唔到口，蒜香骨下面有炒過既菜葉，食落口感有少許脆口。比較特別既係依款wasabi沙拉骨，每舊沙拉骨都被wasabi醬包圍，如果唔食wasabi既話就盡量唔好點，可以試下其他小菜！總括，晚飯時間比較多人，建議食前先book位。

家人定了地點，我從沒試過，上openrice睇食評和推薦菜式，但沒有特別想吃的，更有一些服務奇怪的評價。儘管一試…一行七人，open rice預訂送了麻辣雙耳（沒麻辣）以下order三蔥龍蝦（✋又咸，又乾。3蔥就是…洋蔥，乾蔥，蔥，它們3蔥比龍蝦好吃）飛天芥蘭（一般，蝦醬味，在你面前把一碟熟芥蘭加大蝦倒進燒熱的鐵鍋裏面，白煙升起…翻炒二下）薑蔥炒蟹配糯米飯✋（挺油，又是三蔥）蛋焗魚腸👎（不是那個味，魚腸不香，沒下果皮，像皮蛋蒸老水蛋）撈起👎杏汁白肺湯👌👌蟹肉扒波菜（👌）咕嚕雞球（👎👎難食…從未吃過濕淋淋嘅咕嚕雞絲茶餐廳師傅做得比他們好)沒有一樣是覺得好吃。最有趣是一個無禮男服務員，言行像社企員工，趕客。環境乾淨ok價錢不貴味道…不是我的茶。像這類型的小炒飯店，個人觀點，利星………強差人意。

今次為男友媽咪慶祝生日，一早就book左呢間出名嘅明星飯堂，上次朋友帶我同男友黎食過，覺得好味又抵食，所以今次就一行6人帶埋兩老一齊黎試喇。當日我地準時6:30到達，呢度有限時嘅，入座時已經講明8:15要交枱。鋪頭門口貼住好多TXB藝員嘅相....明星飯堂個名就係咁得黎架喇。因為我地係經Openrice book 嘅，呢度做緊活動，經Openrice book枱會送一碟前菜「麻醬雙耳」雖然係送嘅但佢一d都唔少唔hea架，「雙耳」代表雲耳同豬耳，配上大量芫茜撈埋一齊，辣得好惹味我地6個人總共叫左7個菜+1個送嘅小食。跟住上菜就係炸大腸喇，佢清得好乾淨同炸得好通透，但略微覺得個皮未做到炸到卜卜脆嘅感覺，皮係有少少un 嘅之後就到避風塘秋葵，呢個係encore 菜式秋葵炸完之後避埋避風塘料去快炒，就連男友最怕滑潺潺嘅感覺嘅人都覺得好好味，超級香口配啤酒一流。但我又被人暫停左我唔比用避風糖粒粒撈飯食喇然後到飛天通菜，呢碟通菜嘅出場方式係有少少奇怪，佢係由侍應將碟菜同煲分別拎出黎，然後將碟菜「飛」入個煲度炒兩炒就完成（實情係將碟菜掉入煲度係你面前炒兩炒就搞掂）。我地都呆左幾秒，雖然佢嘅方式係奇怪

黎到深水埗必試的小炒， 碟碟好鑊氣👍🏼👍🏼👍🏼這間小炒吸引了好多明星們光顧，可說有明星食堂之稱😋冰梅欖角骨是我最喜歡的😍 鑊氣肉質調味都恰到好處，給我一碗白飯，我絕對可把整碟清光光。對比起欖角骨，燒鵝就遜色了。（食燒餓還是去燒味店吧）中蝦炒芥蘭， 鮮味鑊氣十足，可惜芥蘭不夠爽脆。鐵板鮮蝦麻婆豆腐也是我的大愛！ 豆腐非常嫩滑，麻婆醬麻得黎而不太辣👍🏼👍🏼。 又是配白飯絕佳的菜式😋最後還送上杞子桂花糕😍這間店不但東西好吃，服務也很好👍🏼光顧了兩次，都遇上可愛叔叔侍應招待，他髮型頗潮的😂