利星火鍋海鮮小炒

Open Now

Now Closed

同外父外母去完D2 place行街順路就去深水埗食野老人家都係鐘意食中菜就揀左利星啦！呢間餐廳都開左一段時間朋友都有推薦果然無令我失望前菜叫左冰鎮豬手D肉又真係好爽wor 不過就比較細碟，當攝牙罅啦！都係前菜，豬耳普普通通，唔太特別主菜黎啦！椒鹽豆腐真係好大碟我地一家人男女老少共10人都夠令食而且外脆內軟，新鮮熱辣，正炒雜菜都係好有鑊氣，夠分量呢個糯米飯都係要推介個熱鍋一路都keep住糯米飯既溫度而且好大鍋，又足料好抵食外父外母都讚不絕口賣相都一流啦！我地除左呢幾碟，仲叫左小炒皇等全部小菜都抵食夾好味同屋企人去食就岩哂！溫馨提示，黎呢到食一定要bk位！

同大家介紹一個好好嘅地方， 你間鋪頭都幾隱蔽而且位置唔係好 顯眼， 係有個同事推介我先知道呢間食店喺邊， 我次次去都會食佢哋嘅炒飯 ,一碟炒飯可以分咗做晏晝以及晚餐去食， 佢啲炒飯都唔少嘢 , 分量好驚人 ,最啱大食嘅朋友去食， 我鍾意食佢哋最有鑊氣嘅炒飯， 好少茶樓會煮得咁好食， 如果佢煮得唔夠咸，你可以問佢拎xo醬加，好味道， 午餐時段仲有送一碗中湯， 佢哋啲材料都係明碼實價 ,冇花冇假， 唔加味精。我會得閒就去食呢間茶樓， 好多人喺呢一度都係唔係食點心 唔係叫小菜 而係食炒飯兩個人分享一碟都冇問題每碟都係40幾蚊

佢嘅早茶係歡係抵食，好食又吾貴，尤其係佢地嘅腸粉一定一定要食！你食過佢地嘅腸粉就覺得其他嘅地方都係差梗啲，無佢地咁好食！平時6個人左右都係食咗百幾蚊！服務態度又吾差，整體來講真係吾差！

昨晚跟家人去利星食晚飯，因為之前有聽朋友介紹，所以之前book咗嚟食晚飯，我們一行13人，當晚菜色豐富，有蟹、有蝦、有魚、有馳名豬肺湯、有瓜、有菜、有肉、有濃味、有清淡、老闆訂枱時已經推薦要食D乜、留D乜，所以昨晚一家人都很滿意，老闆熱情招待、又談笑風生，侍應都有禮貌熱誠，老闆亦温馨提示平日通常訂枱都唔會追交枱，只有五、六、日會緊張D，早段惠顧通常要交枱，請我們見諒，我們都覺得ok合理，埋單價錢亦很合理

聽朋友介紹第一次試下深水埗呢間小炒。好近地鐵站，一分鐘就到。兩個人叫咗兩個餸，三葱筒蠔同飛天芥蘭煲，份量夠，鑊氣都好足。環境呢區嚟講算好企理，服務唔錯，值得再嚟。

今晚和朋友嚟利星慶祝生日,呢度需然環境普通,但食物有創意和美味可口,伙記和老闆都很細心熱誠招呼,尤其老闆亦很談笑風生,今晚我們八個人食飯,埋單都係二仟零蚊,抵食,有鵝,冬瓜盅，蟹糯米飯,有個一品菜,有鎮江骨,椒鹽鱿魚,懷舊焗魚腸,芋頭卷連汽水啤酒加一,0K呀，有下次再帶家人朋友来。

啲野食又貴！又出錯單！！啲座位逼到死！食餐飯比人鬧幾衣！！真係比錢買難受！！唔好再去呢間野 ！真係好嬲🤬🤬🤬仲要比我聽到係後講粗口鬧我地！！真係未試過食餐飯會咁！！如果你地想貼錢買難受 呢間一定岩你！！🤬🤬🤬

It was our family gathering. My cousin introduced this restaurant to us. It was a bit disappointed. Most of the comments are good, but it was not as good as what were described. In fact, the food was not too bad, but the service was very poor. 

食物又吾係平易，又多油。伙記態度勁差。成班朋友聚會，伙記態度非常差。落單叫野食，又話吾得閒要等。問下有什麼好食，就叫你叫餐前小食先，吾得閒落單。一路食，一路催。食完飯，仲要俾人鬧，最後食飽都好掃興。問佢攞張單，佢話之前俾錢冇講，就唔會比。有冇搞錯？之前嚟過，啲嘢食都可以，但今日再嚟，發現水準強差人意。其實問題，都不只係嘢食，係態度，冇理由俾錢，都仲要受人氣。雖然在深水埗區食飯，無要求五星級服務，但都要有基本的水準。失望！失望！失望！失望！

N年前去過增輝後已經好耐無喺深水埗區食晚飯小菜。近期最旺場原來係呢間！樓上樓下兩層環境算乾淨企理，餐牌上有不少特式小菜。菜乾豬肺湯—近年飲到的多數是杏汁，甚少飲到這款最舊式的。飲落肉同菜味道比例平衡有老火湯感覺不過呢款同要預訂。胡椒蝦—胡椒味聞就頗濃，食就不太入味！乾隆生菜包—食味係ok,但再切細碎D口感會好得多。蜜汁鱔球-完全同時食嘅唔同，鱔肉本身唔彈唔脆！口感全靠外層炸漿。調味偏甜到似食緊西多士咁！燒鵝-一般般。窩貼小棠菜-超厚一層彈牙蝦膠。火餡蟶子-大大隻有筷子咁長都算肥大肉厚，鐵板上淋酒點火。僅僅熟有少少酒香味，正！唔怪得七點鐘已嗌咪沽清！呢間店樓上樓下都好旺場！仲見到有張坐十八個人大檯，平時想開飯訂定位留定想食嘅餸穩陣。

難得新年大家唔使返工，一於聚埋一齊聯誼下，所以我哋選一啲良心食肆 去幫襯支持一下佢哋， 因為呢間食店好多時節日都會派飯畀公公婆婆做善事，就去佢到尋食吓先但呢間店太多好嘢食，所以只選左某些來試，其他下次先再試過風生水起之撈起，呢個涼拌係芫茜雞絲燻蹄海蜇麻油撈埋一齊，芫茜淡淡清香、雞絲燻蹄啖啖肉、海蜇好爽，寓意新一年撈到風生水起招牌麗香卷，炸得好鬆脆既香芋卷招牌炭燒鵝皇，熱辣辣上檯，皮脆肉嫩蟹白黃金花，呢個餸超正，蛋白好滑，薄脆好脆而且可以當碟用來載蛋白和蛋黃，蛋黃好creamy，蛋白和蛋黃可以用來撈飯食三蔥炒龍蝦，蒽索左汁好好味，龍蝦彈牙爽囗清蒸老鼠斑，蒸得剛剛好，唔鞋好滑蒜香雞，蒜蓉好好味，雞肉嫩招牌鐵板火焰蟶子王，將蟶子燒一燒更加嘢味，而且有表演睇太極鴛鴦骨，冇記錯一半係甜酸骨一半係蒜香骨，兩種唔同味道，一種腍腍地甜甜酸酸，一種就脆得來好嘢味千層豆腐，刀工犀利，片片都薄而滑橫財就手，即係髮菜豬手，豬手係冇骨德國鹹豬手，鹹鹹地腍腍地利星炒飯，飯炒得粒粒都好乾身，而且入晒味，加左芫茜食落冇噤肥膩薑汁糕，食落好軟滑，薑汁味剛剛好真係冇選錯地方，下次可以再試過

約左兩個朋友食飯，但諗唔到食咩，上OPENRICE睇下中心點深水埗冇有咩好食，就睇到呢間好多好評。由於早兩天已經訂左枱，所以唔需要等就有枱。三個人叫左五個餸：- 龍蝦糯米飯 （$488) 好惹味- 炸大腸，夠脆口- 椒鹽九肚魚，炸得好好味，唔似出面一般的厚粉，粉薄脆口，椒鹽香-金銀蛋波菜，好足料-欖角骨（唔記得全名），冇咩特別overall係好味，仲冇好多野都想試，但人少試唔到，下次會再試。三人每人一食左唔駛四百蚊，抵食夾大件。讚！

聽朋友講呢間好食，於是一行5人聚舊就揀呢間試下，果然無介紹錯，堅好食！因為預先經open rice訂枱，所以有一客魚腸小食送，其實份量都幾大，唔算係小食。我就麻麻地魚腸，但朋友都好鐘意食。我地叫左三蔥炒龍蝦配糯米飯，雜錦大盤花菜，黃金棒棒蝦，羊腩煲。餐廳話啱啱返左啲新鮮海蝦，$88@，成隻手掌咁大，唔係成日有，我地即刻話要每人一隻試下，的確又大隻又新鮮，超好食！極力推介！大盆花菜份量十足，味道不錯。龍蝦配糯米飯，羊腩煲都好食，份量多，都好有水準。每人$300，又有海鮮，又有羊腩食，仲飲埋啤酒，價錢都合理。見餐牌都有好多其他野食，好吸引，下次要搵一大班人再食過。

表妹生日 一行5人到利星小炒地點好方便，真係出港鐵站行一分鐘倒就到唔記得左呢個咩名堂，係炸得好酥脆同香口0既銀魚仔，腰果，蝦乾。勁好食，停唔到口干扁茄粒花竹蝦新鮮大大隻0既花竹蝦，配上酸酸甜甜0既蕃茄，非常好0既配搭，好開胃蒜子上湯油墨菜清清地食個上湯菜，然後就係今日重點海龍皇窩巴 海龍皇窩巴，係海鮮味濃郁0既上湯，加上大大隻鮮味羔蟹，同埋海味。上枱時成個煲上，等佢煮滾後，店員會黎幫手加助料：魚翅，蝦乾，乾搖柱，等等放埋落去滾，跟手放埋窩巴落去焗一焗。滿晒羔0既蟹蓋海味助料窩巴呢個海龍皇窩巴好大鍋，又好味到不得了，濃郁0既海產味加上新鮮大蟹，鮮上加鮮。加上窩巴0既香味，一流。落窩巴去焗時，可以留起小小窩巴後下，咁食時就有脆口0既感覺避風塘脆皮釀鮑魚呢度的菜式有些幾新穎，睇得出有誠意做好食物送0既甜品，唔知叫咩名，外脆內軟，炸過但唔油膩，甜度適中，正勁滿足0既一餐，已經plan緊下次再黎

深水埗有不少港式小菜館, 各有特色. 這間就在地鐵站出口旁邊, 非常方便. 食物有水準, 小炒夠鑊氣, 碟頭亦夠大, 環境不算逼, 為聚餐的好地方, 惟價格比同類菜館略貴少許. 一行七人點了八個菜:冰梅欖角骨 - 欖角味道較梅味重, 份量十足.炸大腸 - 炸功不錯, 炸得乾身唔油. 大腸不太肥, 合我口味.椒鹽雞軟骨 - 炸得香脆不太油, 送酒一流.飛天芥蘭煲 - 上桌時把芥蘭和海蝦放入鐵鍋兜炒, 還配有蝦干, 非常惹味.三葱炒龍蝦配糯米飯 - 波士頓龍蝦唔算多肉, 但炒得入味. 糯米飯軟硬剛好, 吸收龍蝦精華幾好食.砵仔焗魚腸 - 用匯豐信用卡送嘅. 面頭的雞蛋焗得焦香, 鋪上油炸鬼加添口感, 雞蛋和魚腸很配, 加上少許陳皮味令魚腸不太腥.鐵板蝦仁麻婆豆腐 - 鐵板上桌時還冒著大煙, 很夠熱, 味道適中不太辣, 送飯一流.椒鹽九肚魚 - 炸得香脆不太油, 九肚魚嫩滑唔多骨.