創意廚房 (希慎道) (Closed)

一如以往，都係經過又肚餓，就入去叫咗個超值套餐食其實一入到去期待已經唔會太多，但係佢個蕃茄湯公仔麵真係令我不得不寫一篇食評佢呢個蕃茄湯公仔麵，雖然望上去感覺就係蕃茄加水加公仔麵，三樣嘢好似完全分開毫無關係，但係當我飲咗一啖湯之後整個感覺完完全全顛覆咗。佢嘅蕃茄湯，真係做到蕃茄濃湯嘅感覺，雖然佢唔結仲係好稀，但係蕃茄嘅味道一啲都唔會少，完完全全可以試到蕃茄嘅鮮味，同時亦可以做到一個麵嘅湯底。配搭埋公仔麵食，我可以講俾大家聽唔需要餸都可以好好滋味咁樣食完呢一個麵。其次佢新鮮即炸嘅豬扒，好香，外皮好鬆脆，完全做到外脆內軟嘅感覺，配搭埋蕃茄湯底食酸酸甜甜，令人一啖有一啖感想食落去。比較失色嘅，可能就係較為普通嘅炒蛋同埋厚多士。呢兩樣可以做到合格以上，但未令人難忘。可能係因為蕃茄湯公仔麵真係太出色啦。呢一間餐廳，我絕對會為咗個蕃茄湯再去食。

返工喺附近食過幾間都係麻麻，第一次黎呢間。12：07入座唔使等位，叫左快餐A , 黑椒汁，少意，中湯，汪啊姐，$58什扒包括：雞扒，豬扒，豬頸肉，火腿，腸仔。2塊扒有d燶，只可選黑椒/茄汁；飯或意。味道正常。餐具兜只有叉同匙羹，要另外問佢拎刀。服務算唔錯，不過我同隔離枱杯熱飲都要我哋差唔多食完碟飯，再搵侍應叫佢先即刻整，但另一邊杯凍飲一落單即做，攪笑：）臨走問佢拎室溫水佢會俾杯熱水加冰等我可以即刻飲到。但本人覺得可惜既係什扒無牛，飯無得轉薯菜，同無芝士粉。。。不過喺銅鑼灣$58包湯，包餐飲而唔伏，cant say no more。

平時食開的焗飯都係預先焗定，一直都好想食到一間會入口熱辣辣的焗飯，當我食入口的時候我真的覺得誠意滿分。首先我是網上預訂焗飯的，它可以選擇兩款餸，例如有雞扒、豬扒、牛脷及海鮮等，有關選擇汁方面，可以選擇蕃茄汁加芝士忌廉汁，我本人食得唔多，又想試多兩款口味真係啱晒我，我最後選擇了雞扒拼牛脷，蕃茄汁加芝士忌廉汁，另外要求多加芝士，當我取餐回公司吃飯的時候，打開外表已經不錯，食落口芝士忌廉汁不太鹹剛剛好，蕃茄汁如果可以加點蘑菇就更好了，牛脷都有三片，雞扒一件，份量夠，最重要每一口都入口熱辣辣，炒飯底飯質也不錯，我覺得值得推介，因為多元化選擇，可能大家看似只不過是一個普通焗飯，但當你回想起，外面的集團餐廳很多時候已預先焗定，食到飯底是是不熱的，這個是我吃出來的分別，其實都係好大分別。

送完阿女上堂，經過一間餐廳入去食個下午茶，檯與檯擠迫，想坐入梳化，打側身都要貼住隔離張檯而入，一入門口，有個中年阿侍應，佢黑面掉餐牌已令人不悅，見到多士烘燶還送到給客人，叫左3次，佢唔覺有問題，叫佢掉左去唔洗再送上，佢就話你食住蛋先，態度完全差，這店可一不可再

冇意間發現一間餐廳位置有小小隱蔽⋯每日都有A-E餐精選但唔叫呢個，叫番普通menu 價錢都唔係話差好遠同餐廳提供既餐式都幾多叫左個係menu上的午市套餐：蛋包飯配意式茄醬（配吉列蝦拼魚柳）$58好驚喜地有生菜配送生菜係有用蒜炒過，好香口😉蛋包飯，個蛋都好滑，茄汁都好充足入面既飯係炒飯黎的配搭的吉列蝦好脆口～都唔錯～但個魚柳好失望呀😣係三小塊，再去炸，炸既粉醬有點太多啦⋯有點後悔，應該要叫吉列豬扒會比較配套餐有茶飲配送都有好多選擇，後面既台式飲品都可以只要係熱飲就可以送不過今次只是普通叫左杯熱紅茶啦不過不失⋯不過如果有茶包係入面會更佳😉總結，都會再過顧，只係下次會試下吉列豬扒應該會夾好多😆

#breakfastforlunch, #cheapeat, #causewaybayI didn't like it last time when the COVID19 just begin, I visited once but keep seeing the chef and waiter served without masks. I questioned about the cleanliness.. but I was running out of option today so I gave it another try... different server... and seemed like the boss was here.. i felt relieved

晚上在銅鑼灣食飯，想試一些新小店，經過這間餐廳創意廚房，價錢不算太貴，於是入去試一下。揀了set dinner ，個餐有餐湯，沙律，蒜蓉包，主菜和野飲，還有甜品，很豐富的樣子。以下是B 餐*煙三文魚fusion 香草青醬意粉*三文魚份量跟其他一樣沒有特別多少，味道正常，青醬看個人喜好，這個沒有我想像中的好，味道一般，還有煙肉洋蔥，仲有魚仔裝飾。餐飲揀了綠茶走冰，都是加$2，正常味ok，蒜蓉包脆，成個餐最好食餐湯，沙律，甜品不過不失整體服務正常，食物質素一般。

今日忙左成日，連晏都未食。4點幾了已經餓到肚都凹咗。見附近有間餐廳，啲嚼幾好食，環境又好似幾好咁，就同朋友去食飽飽！點左個芝士焗肉醬意/同最邪惡的炸雞比配一口西多！我個fd話肥死我 ！但係我不後悔真係好食還有一樣紅豆冰真的好好飲 紅豆不硬又淋飲完真係想飲多杯竟然只係加$3蚊 好多地方都係當特飲甘計起碼都十幾蚊杯 呢度只係$3 而我個朋友就點左忌廉汁煙三蚊魚意粉 她說忌廉汁好濃好好食！ 最後想講食物味道不錯👍 價錢又實惠 可以長期幫親！

今日路經銅鑼灣順便食野在門口見到餐牌幾吸引就入左去試.之後就點左個午餐食牛柳粒溫泉蛋石窩飯.意外地好食還有杯野飲 $58 性價比極高 .食物質素可以.有機會會再去食.

呢間野簡直不知所謂。食物又唔係好食，價錢又唔平，服務超級唔掂，坐低左又要人調位，叫左一個餐，賣曬又唔出聲，要人一直等，最後求其比個餐你質你食，激鬼氣走人，永世唔再幫襯！！

一早要到銅鑼灣便在這餐廳吃早餐。坐在窗邊的位置看著利園感覺不錯。點了很久沒有吃的回鍋肉加煙肉公仔麵和凍㗎啡。應該是很久沒吃回鍋肉的筍和瘦肉與公仔麵一起煮，公仔麵也煮得剛好，吃起來很美味。凍㗎啡味道就平平。

在銅鑼灣找到一間好味又有人情味而價錢大衆化的餐廳。其實我已來過已有5次以上，每次帶仔仔上課外堂等他放學時候到會來的，有時食早餐或午餐或晚飯都有，全部都味道很好及滿意，而且老闆都有時會問好唔好食或味道好唔好，在銅鑼灣難得的一間唔貴，好食又包肚，選擇又多的餐廳。還有他的奶茶，檸茶及鴛鴦都冲得好好飲(有時我要少冰嘅時候佢真係只是俾少少並唔係其他餐廳咁叫少冰都俾好多冰）。而且每次去佢哋都好友善咁叫客人隨便坐。還有他們的瑞士雞翼真的整得好入味，仲好食過太平館餐廳好多。很值得再去及介紹的餐廳！👍

呢排一直都搵緊一個固定既食堂 終於比我搵到了 就係創意了 呢間野十分抵食 $50左右可以食到好飽了 佢有好多種快餐同健康餐 適合減緊肥既ol同正常上班族 我就特別鍾意佢既蛋包飯 足料之外 仲有肉 之後一定會keep住黎食

有黎到創意廚房佢嘅健康餐真係好吸引你諗下依家出街食嘢幾難均衡可以有生果有菜有肉有飯仲有湯同野食仲要唔貴！今次我叫左香煎雞扒一如既往附上蘋果沙律菜仲有腰豆雞扒下邊仲有西蘭花蔬果嘅份量絕對足夠而且唔油係好健康嘅麻醬另上方便自由選擇醬汁多少雞扒嘅好厚實唔係話超級大塊但分量已經足夠配上蒜蓉汁亦好唔錯飯方面可以叫小飯多飯真係有為我而設嘅感覺而友人就叫咗快餐E係海南雞飯分量一樣好足亦都有蔬菜見友人食得津津有味我都偷食左油飯好香雞好滑三小碟嘅腌菜更係我自愛我真係好鐘意食酸野亦附上三種醬汁一啲都唔hea平民得來好講究食得咁開心買單個價錢一樣開心飲食可以做到咁平衡嘅一餐只係＄70洗一個人到底去邊度可以搵到平時一定係少菜多肉多澱粉質想有生果更加唔駛諗呢度係我銅鑼灣嘅飯堂

一年之計在於春，一日之計在於晨。麥當勞推出醒晨早餐都是這個概念。今天早上去到銅鑼灣走上一家意式西餐㕔，希望吃到一个跟茶餐廳不一様的早餐。一望餐牌，原來都是標準茶記配置，冇太多選擇下叫咗个雪菜肉丝猪扒公仔麵。猪扒夠大伴，抹開見到雪菜和肉丝少得可憐，可想而知個湯一定冇雪菜味！睇番件主角豬扒，厨房竟然冇完全切開一件件，又冇配刀，只能要你用口咬開。猪嘅肉質还可以，炸到金黄色，夠腍吾乾算系咁。最后杯即磨蒸漏咖啡，就係吾夠熱。我相信要做好一份以上早餐應該吾難，问题是有冇心！