勁回味

Open Now

Now Closed

晚上十點，勁回味的人龍比平時縮減左大半。相中可見舖面細小，招牌飽經風霜，甩到睇唔清店名了。因為只有2名職員關係，所以想食ge 朋友就要耐心等候。三文魚腩手卷 有四塊三文魚腩，魚肉都算肥美，食到最後一啖都仍然食到魚肉，好幸福，手卷size係細少少，但呢個價錢與質素相符。呢期興起海膽熱潮！加拿大海膽手卷，海膽creamy無苦味，食到最後一啖，仍食到海膽50蚊一試無妨。最後外賣左三文魚籽手卷，店舖好細心地附了一個湯匙魚籽 咬落咸咸地，無腥味！

因為出左名既關係，呢間野而家好多人排隊阿我地兩個人分別嗌左三文魚手卷同帶子手卷，雖然只係嗌左2份手卷，但係都要等一段時間，由於呢間野係冇堂食，所以只好去尖東公園坐低享用  呢度既手卷係即叫即造，見住師傅將帶子放上手卷，帶子又厚又鮮甜，紫菜都算幾脆不過有少少韌！一路食一路咬住扯開紫菜，但扯極都扯唔斷，所以只要好大啖咁咬，搞到兩啖就食曬三文魚手卷D三文魚就好肥美，完全唔似「爭X」個D只係用三文魚黎遮住舊飯就扮好大份！！口感好鮮甜，冇個種存放左好耐既雪藏味，平時唔會點wasabi既我，因為佢每個手卷入面都加左wasabi既關係，所以我都要食埋佢既wasabi，冇我想像中咁「確喉」，反而帶出到三文魚既鮮味，食落口感冇咁單調！！讚！！

一直一直都好想去食聞名已久既半板馬糞海膽手卷，這天跟屋企人經過尖東，毫不猶豫衝去店看看！聞名不如見面，在這尖東食街既店舖，呢間「勁回味」果然最多食客等候，遠看已見一條少少既人龍。到底係咪真係勁好食，同埋勁回味呢？店舖只佔一個少少舖位，雪櫃佔哂成個店面。裹面充滿神秘感，因為被滿滿既手卷相片包圍住。 有多種不同款式配搭既手卷，款款精緻吸引。身為海膽控，就梗係睇海膽手卷既款式，分兩種：大馬糞海膽，仲有隻「特價海膽手卷」，而價錢是大馬糞既一半，質素肯定有參差。不用猶豫，都點了兩客大馬糞海膽手卷，來慰勞自己同止下癮。大馬糞海膽手卷 $50/個。嘩，好正，飽滿既金黃海膽舖滿手卷上！一睇知新鮮.在日本被視為品質最高、最矜貴的海膽品種，馬糞海膽膏的瓣塊較細，但是紋理及顆粒分明清晰。海膽色澤金黃帶橘色，一入口隨即在嘴裡融化開，甘香濃郁，甜度高，瞬間轟出一股鮮甜，而after taste 持久不散。 配上粒粒軟硬適中既珍珠飯，天作之合！ 手卷不可忽視的紫菜亦非常脆口，讚！這裡的海膽很足料，的確是物有所值的美味，且令人回味，難怪咁受捧場客歡迎！ 海膽迷一定要試！Re姐推介指數：4/5

有食過都知，食哩間舖頭手卷要俾少少耐性姐姐係哩個counter 窿仔落單，然後俾張紙你等，特別在叫號係用銀碼數字。晚上十點幾都要等5~6張單等咗差唔多二十分鐘終於等到。馬糞海膽真的糞得嚟甜，帶子很鮮。海鮮份量都足，咬到一半都仲有少少海膽新鮮包紫菜脆，難怪假期唔開，一定多人到打交。

呢個鋪頭充滿大學回憶以前係polyu上堂，係學校行落嚟食，只係五至十分鐘既事而家出左嚟做野，真係冇乜幾可會過尖東😂呢間鋪頭細細但賣既手卷款式好多由$1X至$6X都有全部即叫即做第一次係由朋友介紹食軟殻蟹手卷當時係15蚊，大大隻蟹啖啖肉，仲有沙津醬食落口係爆汁！因為係新鮮炸起，真係要隔一陣先好放入口今次食都唔例外，不過價錢都去到$25可能因為多人食，份量係少左，但仍然好味另外嗌左虎蝦手卷同左口魚邊手卷虎蝦手卷，好似$20，有幾片虎蝦~3-4塊，啲蝦好彈牙，配少少wasabi豉油係幾過癮，唔食wasabi記得係order時候講定走wasabi啦好少地方食到左口魚產品我自己試過好幾間壽司舖最滿意都係呢間勁口味同元氣呢度既左口魚手卷$25，同樣有3-4片左口魚厚身得嚟，入口係有汁，個種魚既油膩感係唔會令人討厭所以中意食左口魚既朋友，嚟到要試下啦

激烈的海膽駕到🙇🏻🙇🏻🙇🏻傳說中的半板海膽手卷😍好足料❗️好豐滿❗️海膽控表示不！得！了！😫肥。鮮。甜。美🤑加拿大半板馬糞海膽手卷 ($50)🍙大拿拿半板肥美海膽橫躺係手卷上😳不斷誘惑朕呀～～～💃🏻一口咬下去👄每啖都充滿住海膽！大滿足！👻加拿大海膽肥美鮮甜😛口感好滑好creamy😚入口即溶完全無腥味👏🏻好新鮮好抵食呀！😍海膽足料到就黎滿瀉！🙊所以食果時要好小心😂食到落底都仲係啖啖海膽😏抵食指數爆燈啦！🤑吞左之後海膽鮮甜味仲係口腔內徘徊❗️Oiishi～天堂級的享受呀👼🏼海膽上面落左少少WASABI😈鮮甜中帶少少攻鼻感覺👃🏼好刺激好爽呀😂😂😂配埋脆脆紫菜同珍珠米🍚真心perfect match💯唔怪得隱世小店成日都要排長龍😏海膽控糕糕糕！🏃🏻🏃🏻🏃🏻

常常在網上看到勁回味的滿溢海膽手卷，已經叫人口水直流，有天在附近與朋友共進晚餐，本來打算晚餐過後才購買手卷，然而下午六時多經過，看到門面已經人山人海，生怕再晚一點定必更加多人，於是便提早排隊購買。勁回味有多款手卷選擇，不同配料更可以自由配搭雙拼，早已鎖定目標的我當然是為海膽手卷而來，不過單是海膽手卷都已經有數種款式，叫人眼花繚亂，例如海膽品種有一般海膽、加拿大海膽及馬糞海膽，以馬糞海膽的價錢最為昂貴，但亦只不過是$50，亦可以配搭成海膽三文魚、海膽帆立貝及海膽三文魚籽等。半板大馬糞海膽手卷 ($50) & 希靈魚手卷 ($15)我選擇了馬糞海膽手卷，而朋友則選擇了她喜歡的希靈魚手卷。其實大多手卷都不用二十元，非常便宜。手卷即叫即製，加上現場有不少顧客等候，不過都只是等了約十分鐘。其實手卷的確不大，不過真的十分超值，確是大滿足！見著師傅將完整半板海膽放上手卷，真正足料！海膽Creamy鮮甜；壽司飯微暖，帶點煙韌；而紫菜尚算脆口，不過同時亦頗韌，有點矛盾，結果要邊吃邊咬著手卷以撕開紫菜，但又擔心海膽會掉下來，所以便要大口大口地吃，不容慢慢細味😭

Not only is this place the best valued place for hand rolls in HK, but it's also really good quality. I ordered a salmon roe hand roll for only $25 and it was so plentiful and the salmon roe were big, firm and fresh. Although it was a really long queue and the wait time was long, you can walk around the many shops around the area and come back for this delicious hand roll!

我經過襯都係好多人排隊果日係尖沙咀等人，見咁得閒就去試下佢個聲稱有半板海膽既手卷普通果隻既海膽佢賣晒唯有試下佢隻馬糞海膽等左約10-15分鐘終於叫我個NO.食落去又幾甘甜，比起我之前放題食果D好.唔靚既海膽係有D怪味..呢個無...好鮮味下，不過可惜係價錢有少少貴雖然佢話係有半板既海膽同埋佢煸既醋飯可以再好D！

友人告知近期大熱「勁回味」，想試出名手卷，大排長龍。可能最出名是加拿大海膽，但晚上七點多已售罄，有點掃興!正因為沒有了鎮店之寶，沒見小小店外聞名的長龍。一場來到，那唯有點了另外兩款三文魚腩手卷($20)及海膽魷魚($18)。其實當看到價錢都心目中數，但在尖咀鬧市找到如此價格，抵食程度完全達標。先說手卷的size比起超市買的，偏小; 三文魚腩有三片…適中，賣相都尚算可以，但魚腩肉質不算新鮮…偏味淡; 而海膽魷魚色澤一般，不夠爽口。記緊點單時，店員會問是否要wasabi，不能選擇辣度，只能要或不要。我有點到，但個人口味略嫌不夠辣，唯一可取就是豉油自助任加。整體都是平平無奇，填飽肚子時是可以的。

每次經過紅勵火車站去尖東既路上，都會見到好多人排隊同等，今日終於有時間一試我地分別一人叫左一個手卷，第一係半板大馬糞海膽，第二係加拿大海膽半板大馬糞海膽好小好小好小好小既鮮甜味，唔香， 睇落好新鮮但食落唔係個種感覺，似平時普通連鎖店既普通海膽，唔似馬糞海膽加拿大海膽口感比較特出，可能因為較大件，但同樣無咩鮮味，食食下老公話開始有腥味tim.....對於我地兩個海膽愛好者呢間手卷極為失望，可能真係希望越大失望越大，為左兩個手卷等左35分鐘 我就覺得唔值，不過總算一試唔會俾條人龍再呃

久仰大名，尖東勁回味手卷，終於有機會一試。傍晚六點幾，諗住食少少野再食正餐... 由麻麻地肚餓排到非常肚餓><叫左個加拿大海膽三文魚腩手卷海膽新鮮 豐富三文魚豐腴，口感溶溶地咁但餡料分佈不平均幾淡就食哂面啲料，之後食白飯... 手卷店通病... 啲飯比較易散開 紫菜快淋如果唔洗排長龍會再食，排長龍就咪搞喇

成日經過都見到大排長龍，今日甘岩得閒又餓餓地，就排隊試下手卷，睇下間野甘多人食。原來呢間店有好多選擇，唔同配搭。我最後揀左三文魚加帶子卷。店員會問你加唔加wasabi同埋係咪依家就食。4/5 - 三文魚同帶子都好新鮮，咬落去仲彈牙，好正。可惜個飯暖暖地，有少少怪。不過，呢個價錢食到甘新鮮既手卷真係好難得。難怪甘多人排隊甘耐都排啦。由排隊落單到羅到個手卷要半個鐘。呢到d魚生真係好新鮮，下次可以買魚生就甘食。其實海膽都好抵食，不過我個人唔捨得食。

久聞「勁回味」嘅海膽手卷好吸引 又平又足料.... 曾經兩次摸門釘 一次係星期日 另一次係星期六4pm前... 今次weekday嚟 終於食到果然受歡迎 有十幾個人排隊畀錢/等拎 所有手卷都係即時包嘅 所以製作需時... 但真係等咗好耐 小妹與友人一共買咗四個 等咗15分鐘....呢度嘅海膽手卷分幾款 有最普通嘅$25... 小妹買咗$50嘅加拿大海膽（其實唔知會唔會高級啲 但相信一分錢一分貨） 果然好多料 啲海膽好大舊 食落甜甜哋 但無咗那陣獨有嘅腥味至於$25嘅三文魚甜蝦手卷 明顯遜色 啲蝦完全無爽 好霉 唔太新鮮整體嚟講 刺身唔夠凍 也不夠鮮味 但海膽以外嘅款式勝在夠平同大件 經過食下都幾開心嘅

又一次印證左香港人中意排隊 今次排隊食手卷  (切記!! 勁肚餓者請勿排!!! 餓到胃抽筋者後果自負)排隊落單不耐, 耐的是製作時間也證明了真的是即叫即做 童叟無欺我點了我至愛的海膽手卷(加拿大海膽) 海膽手卷味道:  肥美的海膽橫躺在壽司醋飯上不要害羞!!! 張開你的口大啖咬下去海膽的鮮甜味, 紫菜的脆, 壽司飯的微酸PERFECT MATCH吞了之後, 海膽的鮮甜味還在口腔內徘徊好可惜天堂般的享受只可維持3數啖 餘下的只有壽司飯+紫菜