勵揚冰室 (Closed)

叫左個芙蓉蛋飯，難食！蛋太老！飯太乾！豉油太鹹！杯凍飲叫左少甜，佢仲甜過出邊啲野飲！搬左舖之後，環境係好左，但最可惜係本身最差個樣服務，而家服務比以前更差！一個飯一杯凍飲等左20分鐘！問佢係咪漏單又唔應！問多次仲鬧返我做乜係咁催佢！之前聽講話伏都唔信，因為未搬之前食開。而家野食差左，價錢貴左，服務本身都唔好，而家雪上加霜！再頭係惡劣啊嘅態度！奉勸各位千祈唔好再幫襯呢間垃圾舖頭！味道差！服務差！態度差！價錢貴！

初時以為是新開的，原來以在天水圍很久了的勵揚冰室，以前是只做外賣的，現在開了堂食，而且餐廳也頗大也頗舒適，食物方面：我就過他們的海南雞飯、乾抄牛河，小菜三色蒸水蛋，啫啫通菜煲等，首先海南雞飯就麻麻了，雞肉有雪味同鞋口，而且冇彈牙，配汁亦淡，感覺好似食白烚雞點豉油咁，乾抄牛河就過得去，幾香有獲氣，但牛肉很少，小菜方面水蛋同啫啫通菜㷛好好食，一家大小吃晚，真的要推介小菜好過碟頭飯，總括來說過得去啦。原來啫啫通菜㷛是沒雞的，我以為是啫啫雞小量然後加通菜，原來只得通菜同蝦干，冬姑粒，感魚粒等，如果沒肉的話，價格有點貴，不過很惹味，很好鎹飯，總括會再去但選舉晚市小菜多一些，假期外出吃晚飯的一個選擇，但不是必去

由之前俊宏軒舊舖到現在的天一，一味較為低調及普通不顯眼的一碟椒鹽豬扒飯，可謂此舖的出色之作（基於個人囗味，也只是本人一廂情願的認為），豬扒份量足的同時也保持一定水準。值得推介一番。

今天母親節跟媽媽外出用餐, 酒樓太多人了, 想訂位都不能訂, 而且又特別貴, 所以我們家5人就來了勵揚這家冰室。勵揚之前在俊宏軒的街外, 是一家大排檔的感覺, 現在搬到商場裏面, 炒的選擇少了, 而且沒有那麼多選擇。我們點了一個魚香茄子煲$70,粟米班腩$68, 豆豉鯪魚油麥菜$65;熱呼呼的魚香茄子煲, 份量多,  而且鹹味適中, 但鹹魚味不足夠, 而且煲太油膩;而粟米班腩, 粒粒甜粟, 粟米味香濃, 稀稠的粟米羹, 配以大大件的班腩, 班腩外脆內軟, 粉薄魚肉豐富, 用來伴飯十分惹味;而豆豉鯪魚油麥菜, 豆豉鯪魚很多人都喜歡吃, 但這裏用的豆豉鯪魚太少, 使油麥菜不夠香, 而且油麥菜太油了, 覺得用水烚會更好吃。雖然菜的味道一般, 但母親節最重要是一齊開開心心吃頓飯, 味道是其次。

這次又來到 天水圍 最近開了間新商場 天一這間餐廳 最出名的是 乾炒牛河 所以就點了牛肉的份量 的確是挺多又很大塊 牛又也有拉油 所以很嫩河粉方面 也很有鑊氣 挺不錯份量也充滿2個人吃 很大份呢另外 點了 瑞士雞翼醃得很入味，也很嫩滑，但略為咸了點 但以四十多元來說 也挺划算的此外點了杯 好立克 很濃呢 應該下了3匙左右既份量 

之前睇食評，對這食店的評價麻麻地，但今日食過，有驚喜喎！點了兩個晚餐，配有羅宋湯及飲品。點了雞扒鰻魚飯，及焗豬扒飯。雞扒鰻魚飯，大碟到呢。。。雞扒同鰻魚都好大塊，配汁是自己選的，可揀黑椒，洋葱，蒜蓉或白汁。雞扒肉質都幾嫩，唔"鞋"口，鰻魚都可以，比預期的好味呀！焗豬扒飯的配汁可自選，亦可揀焗意粉。焗飯面層的芝士焗到燶燶哋，一"筆"落去，茄汁炒蛋飯連熔了的芝士送入口，唔。。好味到呢。。。豬扒是切了件的，唔使自己切總括$5x一個茶餐廳晚餐，唔錯呀！

呢間野係天水圍做左好耐，專做外賣，依家轉新店有埋堂食。以前好少叫外賣，今日因爲落雨唔想出街，所以叫左個干炒雞絲粉烏冬。我等左足足一個鐘........ 如果人手唔夠/多人叫，送唔切應該落單個陣同我講話要等耐少少，要等大約幾多分鐘..... 加上佢做左甘多年，做慣外賣生意冇理由送外賣要一個鐘，搞到個烏冬送到黎，一啲都唔熱，只係暖，冇哂獲氣，一打開個賣相已經唔吸引，估到中伏.... 食落啲雞絲又冇味... 烏冬份量又少... 炒野冇獲氣，是好失敗的事！ 啲韭黃，芽菜又梅，呢碟野都唔知攤左幾耐先送黎....已經唔係平.... 評分：5/10

今日食既係午餐 食左午餐精選A餐- 鴛鴦扒飯未黎前以為係好hea既碟頭飯一到左 原來係鐵板上！好多人都覺得鐵板係個綽頭其實對食物黎講好有用 會好味好多 首先，講下個雞扒 ，冇炸既果種臭油味同雪藏味。其次，個豬扒都好唔錯 唔硬 同有名既大排當有得揮！個份量大到 我2個人食都有剩！不得不提既係果杯奶茶！奶茶有茶香同奶味 ，兩者發揮得好好 ，但甜左少少 （人人接受甜度唔同 本人覺得稍甜）。個價錢係$45 有湯 野飲同飯！係天水圍黎講係稍貴但元朗區黎講就正常啦！

叫左個炒烏冬，左20分鐘都未有，吹單時老闆娘悪型相，重火過個客，話多單無辦法，已經吹左，控制唔到，本來佢好聲好氣講都無所謂，但講到等係應該咁，身為老闆服務態度都咁差，怪不得其他服務員都悪形悪相咁，又唔係得你一間餐廳，要受得氣先好光顧這間餐廳

先前見門口成日有人等位，以為可以一試，但是結果又是中伏了。晚餐叫了泰式海南雞飯配凍檸賓，及沙丹豬扒飯配紅豆冰。海南雞有雪味、羅宋湯有苦味、雞油飯可以、凍檸賓啱味。沙丹豬扒飯配洋蔥汁：最重要的豬扒冇味紅豆冰：D紅豆太硬啦

失眠的一個晨早流流 睇"開飯" 看到最早開門的餐廳就是它了因為最早所以沒有門口入商場需由停車場升降機進入餐廳呢加埋今次食過兩次了第一次的晚餐碗筷既潔淨度是有點可怕第二次的早餐衛生還可以見得人食物味道確實普普通通平平常常茶餐廳貨仔現在什麼都貴 來貨貴 自然一個早餐比從前貴但環境是很舒服的 服務亦是普普通通優點是這邊唯一的茶餐廳優點是6:30am最早開門的食市缺點是食具的衛生有代改善嗯～～～今早的豐富早餐～

今晚我們去咗天水圍天一商城嘅「勵陽冰室」食晚飯！我們叫咗瑞士鷄翼撈公仔麵嘅瑞士汁係另上，可以隨人客自己嘅喜好嚟落瑞士汁份量，唔會過鹹，鷄翼嘅肉質好嫩滑，而且都幾入味！白汁焗海鮮意粉嘅意粉好腍身，材料嘅份量都幾多，但味道就比較淡！海南鷄飯嘅鷄肉肉質好嫩滑，鷄油飯都有啲味，但質感就相當「粗嚡」！星洲炒米炒得都幾乾身同幾夠鑊氣，但味道亦都係好淡！公司三文治用嘅煎蛋同午餐肉用比較多油嚟煎，所以感覺非常油膩！跟餐嘅忌廉湯就極之稠身，好似食緊糊仔咁！